Akili u largua nga gara më 7 prill, pas një televotimi të fortë përballë Indrit, Gresës dhe Fairfax. Situata u tensionua që në momentin kur Indri u shpall i shpëtuari i parë nga publiku, çka e shtyu aktorin të reagojë menjëherë duke deklaruar se e kishte marrë mesazhin dhe se ishte gati të largohej pa e zgjatur më tej qëndrimin e tij në fermë.

Megjithëse pati përpjekje nga moderatorja për ta bindur të qëndronte dhe të respektonte rrjedhën e lojës, Akili vendosi të vijonte sfidën deri në fund. Në një moment vendimtar, ai madje sakrifikoi në një lojë për të favorizuar Gresën, por në përfundim ishte vota e publikut ajo që vendosi largimin e tij përfundimtar.

Por drama nuk ka përfunduar me daljen nga ferma. Vetëm pak orë para nisjes së Prime-it të radhës, aktori ka reaguar në rrjetet sociale, duke rikthyer vëmendjen mbi eliminimin e tij. Në një postim të shkurtër, por të ngarkuar me mesazh, ai shkruan: “Meqë krejt populli e ka kuptu padrejtësinë, s’po flas hiç”.

Me këtë deklaratë, Akil Varfi lë të kuptohet se ndihet i penalizuar dhe i trajtuar padrejtësisht gjatë eksperiencës së tij në “Ferma VIP 3”.

The post Akili reagon pas eliminimit nga “Ferma VIP 3”: Populli e ka kuptuar padrejtësinë appeared first on Albeu.com.

Shkak për këtë valë teorish, është bërë mungesa totale e aktivitetit të tij në rrjetet sociale.

Përvec atij reagimi të shkurtër dhe të menjëhershëm që dha në ambientet e jashtme ku sapo la fermën, janë bërë tashmë thuajse 24 orë që nuk ka asnjë shenjë publike nga ish-konkurrenti.

Kjo heshtje absolute është një lëvizje mjaft e pazakontë, duke marrë parasysh se banorët që lënë formatet e izolimit zakonisht rikthehen menjëherë në kontakt virtual me ndjekësit dhe mbështetësit e tyre.

Kjo “zhdukje” ka ngritur pikëpyetje të mëdha tek fansat, të cilët po dyshojnë se ai mund të jetë ende i izoluar në ndonjë ambient tjetër, në pritje të një rikthimi të mundshëm.

Tashmë sytë e të gjithëve janë përqendruar te prime-i i radhës, ku mbetet për t’u parë nëse e gjithë kjo situatë është thjesht një shkëputje e Akilit për qetësi personale, apo nëse produksioni ka rezervuar një surprizë të madhe që fshihet pas këtij largimi kaq të dyshimtë.

The post Rrjeti po zien/ Akili nuk është larguar “ende” nga Ferma VIP 3? Çfarë po fsheh produksioni appeared first on Albeu.com.

Menjëherë pasi doli nga ambientet e fermës, ish-konkurrenti ndau një reflektim të shkurtër për eksperiencën e tij.

“Eksperienca ishte deri diku e bukur, e lodhshme, stresuese, izolimi bëri gjënë e vet… Por që do ta mbaj mend si diçka shumë të bukur”, u shpreh ai.

Tutje theksoi: “Ndoshta më penalizoi euforia. Ky nuk është Akili në jetën reale”.

Edhe pse rrugëtimi i tij përfundoi më shpejt nga sa pritej, nga reagimi kuptohet se e ka përjetuar këtë eksperiencë si një aventurë të veçantë, duke kërkuar njëkohësisht mirëkuptim nga publiku për veprimet që, sipas tij, kanë qenë të ndikuara nga emocionet dhe presioni i izolimit.

I njëjti ka qenë tejet aktiv këtë kohë, ndonëse konsiderohej konkurrent i fortë.

Sidoqoftë, në Ferma VIP ka dinamika të shumta, sfida e lojëra, me të cilat përballen fermerët.

The post “E lodhshme, stresuese”, Akil Varfi reagon pas eliminimit nga Ferma VIP appeared first on Albeu.com.

Një prej fermerëve më aktivë, Akili, i angazhuar si në punët e përditshme ashtu edhe në diskutime, ka zbuluar se ka nisur të krijojë ndjenja për Gresën. Në një bisedë me Olën, ai ka rrëfyer emocionet e tij, duke pranuar se është i tërhequr prej saj, por njëkohësisht ndihet i pasigurt për shkak të situatës së saj jashtë fermës.

“Kur jam zgjuar sot, pasha Zotin, njeriu i parë që kam dashur të shoh ka qenë ajo. Është shumë e mirë. Frika ime më e madhe është se nëse e bëj të dukshme këtë ndjenjë, mund të prishet raporti ynë, sidomos sepse ajo është e lidhur”, shprehet ai.

Ai nuk është kursyer as në vlerësimet për Gresën, duke shtuar: “Kur dolëm jashtë duke pirë cigare, e kam parë dhe u fika. Kur doli sonte te skeçi, kisha mbetur duke e parë. Isha ngrirë… sa e mirë. Karakteri e ka zbukuruar”.

Më tej, Akili thekson se kur bie në dashuri, ai nuk vendos kufij, duke shtuar se kjo situatë për të është edhe më e papritur, pasi nuk e kishte menduar veten në një lidhje me një vajzë nga Kosova.

Gjithashtu, ai ka folur edhe për raportin që ka lënë jashtë fermës, duke treguar se para hyrjes ishte në një lidhje, e cila përfundoi për shkak të vendimit të tij për t’u bërë pjesë e spektaklit.

“Para se të hyja, isha në një lidhje dhe ajo më vuri kusht: nëse hyn në ‘Ferma’, nuk do të kemi më lidhje bashkë. Unë zgjodha veten time dhe vendosa të jem i lirë këtu brenda”, ka rrëfyer ai.

The post Nisin pëlqimet e para në Ferma VIP/ Akili shpreh hapur ndjenjat: Ajo është e para që dua të shoh kur zgjohem, sa e mirë appeared first on Albeu.com.

E pyetur nga moderatorja Arbana Osmani mbi përplasjet e para, Blerina i cilësoi ato si të panevojshme dhe të nxitura nga dëshira për vëmendje.

Situata u tensionua edhe më shumë kur ajo përmendi drejtpërdrejt Akilin, duke e akuzuar se kërkon të dalë në pah përmes sjelljeve negative. Nga ana tjetër, Akili reagoi duke mohuar çdo qëllim për protagonizëm dhe duke theksuar se gjithçka ka qenë spontane.

Debati degradoi në tone personale, ku të dy shkëmbyen akuza për “nivelin”, duke e bërë atmosferën në studio edhe më të nxehtë. Moderatorja u përpoq të ndërhynte për të qetësuar situatën, duke kujtuar se gara sapo ka nisur dhe rruga është ende e gjatë.

Pjesë nga dialogu:

Arbana: Si kanë qenë këto përplasjet e para?

Blerina: Përplasje të lindura për asgjë, nga protagonizmi i atyre që janë të etur për vëmendje.

Arbana: Kush është i etur për vëmendje?

Blerina: Akili kërkon të dalë në pah me anë të gjërave negative. Ne jemi të gjithë njerëz shumë të dalë në ekran, që kemi shumë gjëra për të humbur jashtë. Ne po transmetojmë art dhe pozitivitet; një njeri që do ta thyejë këtë më duket shumë banal.

Akili: Unë kam bërë pyetje, kam luajtur, kam qeshur; ajo nuk ndodhi as për hatrin tim. As nuk e kisha në qëllimet e mia. Rastisi që ndërhyra diku ku nuk kishte pse të ndërhyhej.

Blerina: Nuk jemi në të njëjtin nivel, zemër, nuk kemi të njëjtin brumë.

Akili: Mos na trego nivelin, zemra ime. Kujt i tregon nivelin? Kush je ti? Kur u bëre ti të tregosh nivelin?

Blerina: Mënyra e komunikimit ndaj një vajze është një ulje.

Arbana: Cila është zanafilla?

Blerina: Unë nuk e njihja.

Arbana: Fol për nivelin, fillo, po dëgjoj nivelin.

Blerina: Nuk e kam njohur kurrë përpara, kemi dy nivele të ndryshme.

Akili: Ti nuk je mirë, çfarë niveli ke ti?

The post “Kur u bëre ti të tregosh nivelin?” Përplasje e ashpër në Ferma VIP 3, Blerina “shpërthen” ndaj Akilit appeared first on Albeu.com.

Ai u shpreh se ka qenë një shtysë e tij që familja të emigronte drejt Gjermanisë, por atje janë përballur me një realitet të hidhur.

Akili tregoi se atje ka qenë i detyruar të vidhte bukë, për të mbijetuar në kampet e emigracionit. Ndër të tjera tregoi se rikthimi në Gjermani, bëri që të përfundonte pas hekurave, në një izolim të vështirë.

“Mua më patën futur për piano dhe duke u rritur po shtohej nevoja, në ato kushte që ishim po vështirësohej. Nuk po e ndihmoja familjen aq sa duhej dhe nuk doja të ktheheshim në atë gjendje të vështirësive ekonomike. Mora para borxh dhe në moshën 16-vjeçare ika për tre ditë. Në tre ditë bëmë edhe pasaportat e familjarëve dhe ikëm. Përfunduam në një kamp në Gjermani, kushtet ishin të tmerrshme, vidhja edhe bukë në kamp.

Ishte shumë e vështirë. Atje kishim një racion të mirë në ditë, por ishte një. Unë kam pas një çantë krahu dhe atje kishte sportele ku merrej buka, shkoja tek njëri merrja bukën dhe shkoja tek tjetri për të marrë sa më shumë bukë. Sa e shihja që largoheshin shkoja merrja bukën e fusja në çantë. Thoja ku dreqin e solla familjen. Nuk flija, kisha frikë. Ndjehesha shumë fajtor, kisha motrat mamin dhe babin aty.

Ata më kanë besuar dhe besojnë ende sot. Kjo zgjati për një muaj dhe më pas jeta jonë ndryshoi. U largova sërish drejt Gjermanisë, vetëm në moshën 21-vjeçare. ndenja tre muaj pas hekurave. Më kapi policia sepse nuk isha kthyer brenda tre kuajsh në Shqipëri, më kanë mbajtur po aq muaj brenda.

Vështirësia kanë qenë vetëm katër ditët e para sepse më izoluan brenda një dhome të errët me një dritare shumë të vogël. Për katër ditë babi im nuk e ka ditur nëse jam gjallë apo jo. Babai po më kërkonte, atje më rrinte truri. Më pas gjej një adresë, i kërkoj, dhe i shkruaj në Facebook, babit”, tha Akili.

The post Përfundoi në burg në Gjemani, Akili i Portokallisë rrëfen vështirësitë: V*dhja bukë në kamp appeared first on Albeu.com.