Takimi që Orsiola pati me Donaton, solli shumë tensione në studio. Irisi nuk arriti ta përmbajë veten dhe nisi të ulërijë. Në momentin që situata degradoi, u përfshi edhe Lea, e cila e goditi me shuplakë ish-shoqen e saj të ngushtë.

Emisioni është ndërprerë për pak minuta, ndërsa reagimet në rrjetet sociale por jo vetëm kanë qenë të shumta. Një prej figurave të njohura që ka reaguar në lidhje me këtë ngjarje është edhe pastori Akil Pano.

Sipas tij, emisioni Përputhen duhet të mbyllet, pasi është një degradim i shoqërisë shqiptare. Pano shprehet se ky emision nuk jep më mesazhe për familjen, por po pasqyron modele të papërshtatshme.

Postimi i plote:

Skandal!!! Degradim total dhe keq prezantim i vajzes, gruas, motres, dhe çdo modeli sielljeje.
Dhune verbale e fizike ne program. Ne kete program pèrpara disa vitesh kam qenë opinionist në prime time dhe brenda programit jam përpjekur të flas qartë për këto modele tè shëmtuara sjelljeje. Ky Program televiziv po pasqyron modele të papërshtatshme, ku ‘fama’ e premtuar është shndërruar në qëllim dhe antivlerat prezantojnë njeriun sic nieriu nuk duhet te jete. Për kète mendoj se ky emision duhet të nderpritet.

 

View this post on Instagram

 

A post shared by Rev Akil Pano (@akil_pano)

The post “Skandal!”, shuplaka e bujshme në “Përputhen”, pastori Akil Pano: Emision të ndërpritet appeared first on Albeu.com.

Në një lidhje me “Skype”, këngëtari Aliaj tha se në këtë rast nuk bëhet fjalë për tradhti, pasi nuk kishte një lidhje shpirtërore mes çiftit, i cili jetonte më shumë i ndarë.

Duke e cilësuar qesharake, Aliaj u shpreh se “Nderi është kur ndodh mes njerëzve, që i kanë dhënë njëri-tjetrit një status”, ndërsa kjo ka revoltuar pastorin, i cili nga ana e tij, theksoi se Aliaj po gjykon me lupën e tij problemin e një familjeje, ndërsa shtoi se nuk mund të quhet qesharak nderi.

Debatet:
Robert Aliaj: Nuk bëhet fjalë për ndere në atë familje, që as nuk bashkëjetojnë bashkë, vetëm shihen njëherë në muaj. Është një familje, që dikush jeton në Gjermani, burri i vet, dhe ajo vetë në Shqipëri. Vajza është e keqpërdorur. Nuk besoj fare te tradhtia, sepse nuk ka pasur një lidhje shpirtërore. Nuk e quaj tradhti një akt të bërë nga dikush që nuk ka një lidhje shpirtërore. Gjithkush nga ne është i lirë, për sa kohë nuk e ka një lidhje të tillë. Nderi është kur ndodh mes njerëzve, që i kanë dhënë njëri-tjetrit një status.
Unë do t’i referohesha mungesës së identitetit, ku nuk ka një kod moral homogjen të kuptuar në mënyrë të barabartë nga të gjithë. Ajo që më bëri përshtypje ishte fakti që vajza ishte më e kërcënuar nga i ati, se nga të tjerët. Është një shoqëri primitive pa asnjë skrupullit.
Pastori: Nuk jam dakord fare, ti po e gjykon me lupën tënde problemin e një familje.

Aliaj: Edhe po e shikoni nga lupa juaj.

Pastori: Patjetër, por kij parasysh që kjo vajzë është martuar në këtë familje, që tërhiqet nga ky kod moral.

Aliaj: Meqë më ndërpretë, ajo është një vajzë e dhuruar, nuk e di për çfarë arsyeje. Ajo nuk ka shkuar me dinjitetin siç i takonte si vajzë. E para, nuk ishte e përfshirë në një marrëdhënie dashurie, dhe e dyta nuk është pyetur fare.

Pastori: A e ke dëgjuar palën tjetër?

Aliaj: Pala tjetër do që ta vrasë.

Pastori: Nga kjo retorikë i bie të justifikojmë tradhtinë e atyre që i kanë partnerët jashtë.

Aliaj: Ku qëndron tradhtia këtu? Është si raporti që kam unë me Edin. Është qesharake të flasim për tradhti.

Pastori: Mund të jetë qesharake, por jo për mua. Janë disa elementë që nuk mund t’i heqësh.

Aliaj: A mund të flas unë? Më lini të mbaroj.

Pastori: E ka dëgjuar njeri djalin, të fejuarin?

Aliaj: Ai njeri nuk është fare, nuk ekziston.

Pastori: Janë me dhjetëra të tjerë që kanë lënë familjen këtu, dhe ju e quani qesharake. Janë burra që i besojnë moralin grave të tyre.

Aliaj: Ne i shohim vajzat si mall akoma. Ato nuk kanë të drejtë të shohin as majtas, as djathtas.

Pastori: Jam dakord, por jo që thoni se nderi është qesharake. Janë me dhjetëra çifte, që jetojnë kështu. Burrat punojnë jashtë, gratë mbajnë familjen. Po dekonstruktohen disa elementë që mbajnë në këmbë familjen, nderin. Mbase ishte një lapsus nga ana e Bertit.

Aliaj: Jo mo nuk është lapsus. Më lini ta mbaroj me një fjali dhe nuk flas më fare. Është ndërtuar një model çifti, që ekziston tani. Pastori mund të thotë çfarë të dojë. Nuk mbahet një familje duke qëndruar vazhdimisht jashtë dhe një grua që ju shërben prindërve si shërbëtore. Unë kam familje vetë, kam dhe dy fëmijë, që po i rris. Edhe kur vij në Shqipëri, vij e iki. Jam vetë që udhëtoj dhe i di problemet e udhëtimeve, por ama gruaja ime nuk është shërbëtore e një familjeje, siç ishte gruaja e atij. Ndaj për mua këtu nuk ka tradhti./bw

The post “S’ka tradhti!” Videoja e Librazhdit përplas Robert Aliajn me pastorin, Pano: Po e sheh nga lupa jote appeared first on Albeu.com.

Nga ana tjetër, Bashkia Tiranë ka hedhur poshtë zërat. Blerina Spahiu, psikologe në Drejtorinë e Çerdheve dhe Kopshteve tha se të vetmet formularë që qarkullojnë nga institucioni janë ata që kanë të bëjnë me aplikimet për regjistrimin e fëmijëve.

“Pamë në rrjete sociale këtë formular, por nga ana e Drejtorisë së Çerdheve dhe Kopshteve, të vetmit formularë që qarkullojnë janë ata të aplikimit që bëhen për regjistrimin e fëmijëve. Nuk është një formular zyrtar i dalë nga drejtoria e Çerdheve dhe Kopshteve. Formularët e vetëm që shpërndahen nga ana e drejtuesve dhe institucioni jonë kanë logon. Nuk ka vulën tonë. Mesa kuptoj dhe nga fotoja është një tip pyetësori për të të realizuar një doktoraturë, mbrojtje teze. Ju them me përgjegjësi të plotë që të vetmet formularë janë ata që kanë logon, dhe janë ata që bëhen për t’u plotësuar nga prindërit për regjistrimet.”, tha ajo./albeu.com

The post “Prindi 1” dhe “prindi 2”, Bashkia sqaron formularin e kopshteve që u bë viral në rrjet appeared first on Albeu.com.