Pas dy barazimeve radhazi në Premier League ruse, Akhmat Grozny iu rikthye suksesit duke mposhtur 3-2 Dynamo Makhachkala në javën e 8-të të kampionatit. Të gjitha golat e takimit u shënuan në pjesën e dytë, ndërsa për skuadrën vendase luajti edhe mbrojtësi i Kombëtares, Klisman Cake.

Vendimi që tërhoqi më shumë vëmendje ishte ai për të lënë në stol sulmuesin Erald Maksuti. Ish-futbollisti i Flamurtarit nuk u aktivizua në asnjë moment të ndeshjes, ndërsa trajneri rus Stanislav Cherchesov nuk ka bërë të ditur arsyen e këtij zgjedhjeje.

Në dy paraqitjet e fundit me Akhmat, 22-vjeçari ka luajtur vetëm 9 minuta, duke humbur vendin në formacionin titullar, ndryshe nga starti i sezonit.

Gjatë merkatos së verës, klubi rus pagoi 700 mijë euro për ta transferuar Maksutin nga Flamurtari. Deri tani, ai ka realizuar 1 gol në 8 ndeshje në të gjitha kompeticionet. Erald Makuti është pjesë e Shqipërisë U21.

The post Akhmat Grozny triumfon 3-2 ndaj Dinamos, Cherchesov merr vendim të papritur për sulmuesin e Kombëtares appeared first on Albeu.com.

Pasditen e sotme u luajt ndeshja e 6-të e javës së parë të kampionatit rus, ku Lokomotiva e Moskës u përball me Akhmat Grozny. Pjesë e kësaj sfide ishin edhe dy futbollistët shqiptarë, mbrojtësi Klisman Cake dhe sulmuesi Erald Maksuti.

Maksuti, i aktivizuar nga stoli gjatë pjesës së dytë, u shndërrua në protagonist në minutën e 83-të, kur realizoi një eurogol.

Pas një aksioni të zhvilluar brenda zonës së skuadrës vendase, ish-lojtari i Flamurtarit goditi menjëherë dhe fuqishëm, duke mos i dhënë asnjë mundësi portierit. Goli i tij i siguroi Akhmat Grozny një pikë, me takimin që u mbyll në barazim 1-1.

Pas këtij rezultati, dy ekipet pozicionohen përkatësisht në vendin e 5-të dhe të 6-të.

Goli i Erald Maksutit

The post VIDEO/ I transferuar nga Flamurtari për një shifër rekord, ish-futbollisti i Superiores debuton në Rusi me një eurogol appeared first on Albeu.com.