Sipas njoftimit zyrtar, AKU ka marrë kampionet në nëntë mostra të lëndëve të para dhe produkteve të gatshme ushqimore.

Nga analizat e kryera në laboratorin e referencës ISUV, rezultoi se tetë prej mostrave ishin brenda normave të lejuara, ndërsa një mostër makarone, produkt i gatshëm i marrë në kuzhinën e Akademisë së Sigurisë, rezultoi jokonforme për shkak të ngarkesës mbi normë me bakteret Escherichia coli dhe Staphylococcus koagulaze pozitive.

Për këtë arsye, AKU vendosi ndërprerjen e aktivitetit për subjektin “SORI-AL”, me administratore Alma Tafani.

Gjithashtu, ndaj subjektit u vendos masë administrative me gjobë në vlerën 1.5 milionë lekë për tregtim ushqimi të pasigurt dhe shkelje të kushteve higjieno-sanitare.

Njoftimi i AKU

Autoriteti Kombëtar i Ushqimit në vijim të informimit publik dhe transparencës bën me dije, se referuar çështjes për dyshim helmimi të disa kursantëve pranë Akademisë së Sigurisë, Sauk, nga AKU janë kampionuar nëntë mostra (lëndë të para dhe produkte të gatshme).

Nga laboratori i Referencës ISUV informohemi se tetë mostra të kampionuara kanë dalë brenda normave dhe një kampion makarona produkt i gatshëm ka rezultuar jokonform për ngarkesë mbi norme Escherichia.Coli dhe B staphylococcus koagulaze pozitive, mostër kjo e kampionuar në kuzhinën brenda ambienteve të Akademisë së Sigurisë, Sauk.

Për këto gjetje AKU mori masën e ndërprerjes së aktivitetit, deri në plotësimin e kërkesave ligjore nga OBU për pastrimin dhe dezinfektimin e ambienteve dhe pajisjeve të punës.

Në vijim të ndjekjes së gjurmueshmërisë, në adresën Garnizoni “Skënderbej” pranë Forcave të Armatosura, ku është kryer prodhimi i këtyre produkteve, referuar konstatimeve të institucioneve shëndetësore, mbi raportin përfundimtar të hetimit epidemiologjik për rezultatet jokonforme për tregues të higjenës, evidentuar në kampionët në ruajtje si dhe në disa prej pajisjeve të punës,

AKU mori masa për ndërprerjen e aktivitetit të subjektit SORI-AL edhe në adresën Garnizoni “Skënderbej” pranë Forcave të Armatosura.

Gjithashtu u vendos masë administrative me gjobë në vlerën 1,500,000 lekëve për ushqim të pasigurt dhe kushte higjieno-sanitare.

Subjektit iu la detyrë marrja e masave për kryerjen e procedurës së asgjësimit referuar produktit të bllokuar rezultuar jo konform.

The post Helmimi i studentëve të Akademisë së Sigurisë/ Makaronat me baktere mbi normë, AKU bllokon aktivitetin e kompanisë “SORI-AL” appeared first on Albeu.com.

Hita u shpreh se për këtë rast janë arrestuar dy persona, ndërsa në kërkim është shpallur administratorja e kompanisë Sori-Al, Alma Tafani.

Po ashtu, drejtori Hita deklaroi se është bllokuar ushqimi, por aktiviteti I subjektit vazhdon dhe se institucioni edhe sot do të furnizohet me ushqim.

“U arrestuan dy prej personave përgjegjës të kompanisë, është shpallur edhe në kërkim administratorja e firmes. Në bashkëpunim me AKU është bllokuar ushqimi, vazhdon gjurmushmëria e të gjitha produkteve, por aktiviteti I subjetit nuk është ndërprere. Vazhdojnë hetimet për të kryer ekzaminimet për të zbardhur të vërtetën”, tha Hita.

I pyetur nëse do të vazhdojë kontrata me këtë kompani, drejtori i Policisë tha:

“Edhe sot kemi vazhduar me të njëjtën kompani. Është bllokuar sasia e ushqimit që është përdorur. Kompania vazhdon edhe sot me ushqimin. I ngelet hetimit si do vazhdohet me kontratat me këtë kompani”.

The post Helmimi i 56 studentëve të Akademisë së Sigurisë, Skënder Hita: Është bllokuar ushqimi, por aktiviteti i subjektit vazhdon! A do të ndërpritet kontrata me Sori-Al? Ja si përgjigjet Drejtori i Policisë appeared first on Albeu.com.

Menuja e drekës

SALLATE PERIME TE ZIERA

GJELLE PATATE/ TAVE ME PRESH

MAKARONA /PILAF

MISH

BISKOTE

BANANE

BUKE

Pas konsumimit të ushqimit, dhjetëra studentë shfaqën simptoma si të vjella dhe dhimbje të forta barku, duke kërkuar ndihmë mjekësore në QSUT.

Ndërkohë, autoritetet vijojnë hetimet për të përcaktuar shkakun e helmimit, ndërsa janë marrë mostra ushqimore për analiza laboratorike.

Për rastin janë arrestuar dy persona të kompanisë së kateringut, kuzhinieri dhe teknologia dhe një tjetër është shpallur në kërkim, konkretisht administratorja e komoanisë Alma Tafani.

The post Dyshohet se u helmuan nga ushqimi i kompanisë “Sori-Al”, ja menuja që konsumuan studentët e Akademisë së Sigurisë appeared first on Albeu.com.

Autoriteti deklaron se, sipas kontrollit të ushtruar të ambientet e kuzhinës brenda ambienteve të Akademisë, u konstatua se subjekti ushtron aktivitetin në kushte higjieno-sanitare të përshtatshme.

“Autoriteti Kombëtar i Ushqimit në funksion të informimit publik dhe transparencës bën me dije se, nëpërmjet një komunikimi ndërinstitucional me Akademinë e Sigurisë në Sauk ka marrë informacion për dyshim helmimi të disa kursantëve pranë kësaj akademie.

Menjëherë nga AKU janë kryer verifikimet përkatëse në subjektin SORI-AL, subjekt i cili ushtron veprimtarinë e catering-ut pranë këtij institucioni, ushqim që vjen i gatshëm prodhuar në ambientet e garnizonit “Skërnderbej” pranë Akademisë së Forcave të Armatosura Tiranë.

Sipas kontrollit të ushtruar të ambientet e kuzhinës së vendosur brenda ambienteve të Akademisë së Sigurisë, u konstatua se subjekti ushtron aktivitetin në kushte higjieno-sanitare të përshtatshme.

Nga verifikimi në moment kontrolli rezulton që në këtë ambient nuk kryhet proces gatimi, produktet vinin të gatshme catering nga subjekti SORI-AL, prodhuar në ambientet e kuzhinës së “Garnizoni Skënderbej”, Tiranë.

Më konkretisht në moment kontrolli u konstatua pilaf, makarona, fasule, sallam dhe kos i hapur gati për shërbim, nga të cilat u bllokuan 85.9. kg produkt dhe u mor mostër për analizim mikrobiologjik, që u dërguan pranë laboratorit të ISUV.

Për mungesë të një sistemi funksional dhe të plotë gjurmimi ndaj subjektit u vendos masë administrative me gjobë në vlerën e 100 mijë lekëve.

Në vijim të ndjekjes së gjurmueshmërisë u krye kontroll edhe në ambientet e subjektit SORI-Al me adresë “Garnizoni Skënderbej” pranë Akademisë së Forcave të Armatosura, ku u konstatua se OBU nuk u gjet në proces pune pasi prodhimi kryhet në orare të caktuara.

Në subjekt nuk u konstatua produkt i gatshëm për konsum, pasi produktet e prodhuara shpërndahen menjëherë tek pikat kontraktuese.

Për qëllim të inspektimit në subjekt janë marrë mostra për produktet e konstatuara dhe më konkretisht djathë i bardhë lope, kos lope, vezë, sallam për analizim të ngarkesave mikrobiologjike të cilat u dërguan pranë laboratorit të ISUV.

U bllokua sasia gjendje prej 67.3 kg produkte,1350 kokrra vezë, dhe ndaj subjektit u vendos masa administrative me gjobë për mungesë të sistemit të plotë të gjurmueshmërisë në vlerën e 100 mijë lekëve.

Autoriteti Kombëtar i Ushqimit do të vijojë me ndjekjen hap pas hapi të gjithë procesit dhe marrjen e masave në vijim me qëllim garantimin e sigurisë ushqimore”,njofton AKU.

The post Helmimi i studentëve të Akademisë së Sigurisë/ Reagon AKU: Po bëhen verifikime appeared first on Albeu.com.

Nga verifikimet e para, dyshohet se shkak i helmimit të 56 studentëve, është konsumimi i ushqimit të shpërndarë në ambientet e akademisë.

Për rastin në pranga u vunë dy persona, konkretisht kuzhinieri Kujtim Ballgjini dhe teknologia e kompanisë, Kristjana Plaka.

Autoritetet kanë marrë mostra për analiza laboratorike me qëllim përcaktimin e produktit që mund të ketë shkaktuar helmimin.

Njoftimi i policisë:

Dje, janë dërguar për ndihmë mjekësore në Repartin Infektiv të QSUT-së, 56 studentë të Akademisë së Sigurisë, të cilët dyshohet se janë helmuar pas konsumimit të ushqimit në ambientet e Akademisë së Sigurisë.

Të gjithë studentët morën ndihmën e nevojshme mjekësore dhe kanë dalë nga spitali, në gjendje të mirë shëndetësore.

Specialistët për Hetimin e Krimeve të Komisariatit të Policisë Nr. 1, në vijim të veprimeve hetimore të kryera në drejtimin e Prokurorisë së Tiranës, për këtë rast:

-arrestuan në flagrancë shtetasit K. B., 52 vjeç dhe K. P., 23 vjeçe, me detyra respektive kuzhinier dhe teknologe ushqimi në kompaninë e kontraktuar për të ofruar ushqim në Akademinë e Sigurisë;

-referuan materialet në Prokurori ku nisi procedimi në gjendje të lirë për shtetasen R. Ç., 35 vjeçe, me detyrë teknologe ushqimi në këtë kompani;

-shpallën në kërkim administratoren e kompanisë, shtetasen A. T., 52 vjeçe.

Punohet për kapjen e shtetases A. T., individualizimin dhe dokumentimin e përgjegjësisë penale të shtetasve të përfshirë në këtë rast.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.

The post Helmimi i 56 studentëve të Akademisë së Sigurisë/ Ushqimi i kontaminuar ofrohej nga kompania Sori-al, në kërkim administratorja Alma Tafani appeared first on Albeu.com.

Sipas burimeve, në pranga kanë rënë teknologu dhe kuzhinieri i kompanisë së kateringut që furnizonte studentët me ushqim në tre vakte gjatë ditës.

Ndërkohë, administratorja e kompanisë është shpallur në kërkim nga policia.

Studentët e prekur nga helmimi kanë shfaqur simptoma të rënda, si të vjella dhe dhimbje të forta barku. Pas paraqitjes në spital, ata kanë marrë trajtim mjekësor, serume dhe më pas janë larguar.

Hetimet vijojnë për të përcaktuar përgjegjësitë e plota dhe për të zbuluar shkakun konkret të helmimit masiv që preku dhjetëra studentë të Akademisë së Sigurisë.

The post Skandali me helmimin e studentëve të Akademisë së Sigurisë/ Arrestohet kuzhinieri dhe teknologu i kompanisë që siguronte ushqimin, në kërkim administratorja appeared first on Albeu.com.

Mësohet se menjëherë pasi kanë ngrënë drekën, studentët janë ndjerë keq, ndërsa disa prej tyre kanë shfaqur komplikacione shëndetësore dhe janë transportuar në spital për ndihmë mjekësore.

Dyshohet se shkak i helmimit është ushqimi i konsumuar gjatë vaktit të drekës. Akademia e Sigurisë e siguron shërbimin ushqimor përmes një kompanie private kateringu, e cila ofron tre vaktet ditore për studentët.

Ndërkohë, institucionet përkatëse kanë nisur hetimet për të zbardhur rrethanat e ngjarjes.

The post Helmohen nga ushqimi rreth 40 studentë të Akademisë së Sigurisë, disa prej tyre përfundojnë në spital appeared first on Albeu.com.