Por paga më e lartë, një jetë më e mirë për fëmijët dhe shërbimet më të mira shëndetësore janë tre arsyet kryesore që po shtyjnë shqiptarët të emigrojnë jashtë vendit, sipas një anketës të fundit të Këshillit të Bashkëpunimit Rajonal që mati ndjesinë në lidhje me sigurinë në 6 vendet e Ballkanit perëndimor.

Anketa zbuloi një kategori të re emigrantësh në moshat e vjetra. Gjithnjë e më shumë po ikin nga vendi persona që po bashkohen me familjet e tyre dhe një kategori tjetër që ikën të përfitojë pension më të lartë në vendet pritëse.

Përveç azilkërkueseve, tani gjithnjë e më shumë largimet po bëhen në mënyrë të rregullta, të tilla si kontratat e punës dhe bashkimet familjare. Gati 20 për qind e personave që kishin që kishin pohuar së do të largoheshin nga vendi, kishin gjetur kontratë pune.

Lehtësimi i kritereve të punësimit sidomos në Gjermani, po tërheqin shumë të rinj shqiptarë që tashmë në vend që të kërkojnë azil aplikojnë dhe marrin viza puna. Kriteret për gjuhën janë lehtësuar në disa profesione me aftësi të ulëta si në ndërtim dhe pastrim tani ikin lehtësisht.

Familjet shqiptarë që kanë emigruar më parë dhe tani janë bërë rezidentë në vendet pritëse, po bëhen magnet për tërheqjen e familjarëve të tjerë në Shqipëri. Ikjet për bashkim familjar janë një kategori i madhe. Nga personat që kanë pohuar se po planifikojnë të ikin nga Shqipëria 31 % zgjodhën si arsye bashkimin familjar.

Por gjithashtu, një kategori pensionistesh janë duke u bashkuar më familjet jashtë vendit me qëllim për të përfituar pension më të lartë. Fëmijët po tërheqin prindërit, pasi pagesat e mbrojtjes sociale për moshat e vjetra janë shumë më të larta se pensionet në Shqipëri.

Gjithnjë e më shumë ka një kategori personash që takojnë shtresës së mesme që po ikin për shërbime më të mira arsimore dhe shëndetësore në vendet të tjera.

Një arsye tjetër që po vjen në rritje nga viti në vit është ndotja. Ndërtimet e shumta kudo në zonat e banuara dhe sidomos në Tiranë, e kanë dëmtuar cilësinë e jetesës.

Gati 13 % për qind e personave që planifikojnë të largohen rendisin si arsye cilësinë më të mirë të ajrit dhe klimës në vendet pritëse.

Gjithashtu, arsyeja për të studiuar jashtë vendit vlen për 19 për qind të personave që kanë planifikuar të ikin.

Shqipëria rrezikon të zbrazet më tej nga popullsia vendase, në krahasim me vendet e tjera të rajonit.

Anketa gjeti se rreth 28% e shqiptarëve kanë zhvilluar plane largimi. 11% kanë një plan, por jo ende të qartë, 11% kanë zhvilluar tashmë një plan emigrimi, teksa 6% kanë afate të qarta largimi, ndërsa 66% nuk duan të largohen.

Nga ata që duan të largohen 67%, po shfrytëzojnë rrjetet me afërmit dhe miqtë jashtë vendit./ Monitor

The post Shqipëria e pajetueshme, pensionet e ulëta dhe ajri i ndotur appeared first on Albeu.com.

Britanikja ‘The Guardian’ shkruan se gjysma e totalit të lindjeve të vdekura në të gjithë botën shkaktohen nga ekspozimi ndaj mikropjesëzave plastike apo metalike me mase 2.5 mikron ose me shume, që kryesisht prodhohen nga karburantet fosile.

Studimi përfshinte 137 shtete në Azi, Afrikë e Amerikën Latine, ku ndodh dhe numri më i madh i lindjeve të vdekura, thotë studimi, i cili bazohet në të dhënat e më shumë se 45,000 lindjeve të vdekura dhe të suksesshme.

Lindjet e vdekura përshkruhen në raportin e vitit 2020 të publikuar nga Unicef. Studimi epidemiologjik nuk ekzaminonte se cilat përmasa të pjesëzave ndotëse shkaktojnë lindjet e vdekura, por vjen pas zbulimeve të muajit të shkuar se mikro-pjesëza plastike e metalike janë gjetur në trurin dhe mushkëritë e fetuseve të lindura të vdekura.

The post Shifra katastrofike, ajri i ndotur po vret fëmijët appeared first on Albeu.com.

Ajri i ndotur është i dëmshëm për të gjithë, po në veçanti për gratë shtatzëna ka efekte negative për arsye se ato do të krijojnë një jetë të re, thotë mjekja Aida Kumnova.

Ajri i ndotur mund të sjellë dëme në placentë e cila bënë bartjen e gjakut prej nënës deri te fryti, dhe ato dëmtime do të lënë pasoja edhe në zhvillimin e frytit.

Gratë shtatzëna të cilat ekspozohen në tym apo në ambiente me kemikalie si dhe në ambiente me asbest, janë shumë të dëmshme për zhvillimin e një shtatzënie të shëndetshme. Mjekja-gjinekologe, thotë se gratë shtatzëna duhet të jenë të mbrojtura dhe ta zgjedhin ambientin e tyre ku jetojnë, dhe në atë mënyrë ta kenë një shtatzëni të suksesshme. Ndotja e ambientit ka efekte negative tek një shtatzëni në një ambient të ndotur siç është pesha e ulët trupore për beben, thotë Kumnova.

Është vërtetuar edhe në mënyrë shkencore që edhe gratë të cilat tymosin duhan, lindin foshnje me peshë më të vogël trupore dhe me një vitalitet më të ulët pas lindjes së tyre, për shkak të pirjes së duhanit. Dr. Kumnova, tha se e njëjta gjë ndodh edhe nëse jetojnë në një ambient ku ndotja e ajrit është me vlera më të larta se sa normat të cilat janë të tolerueshme.

Problemi tjetër sipas gjinekologes janë edhe vdekjet inauterine të frytit nga efektet mjedisore dhe është vërtetuar se nënat të cilat jetojnë në ambiente që kanë intoksikim më të madh të ajrit ato mund të kenë vdekje inauterine të frytit dhe gjithashtu mund të kenë lindje të parakohshme.

Gratë të cilat jetojnë në ambient me ajër të pastër lindjet i çojnë deri në terminin e fundit, ndërsa mundësia e lindjes së parakohshme është shumë më e madhe te gratë që jetojnë në ambiente të ndotura, thotë mjekja. Lindja e parakohshme ka shumë pasoja të cilat mund te fryti, siç janë: papjekuria e mushkërive, fëmijët të cilët nuk lindin në kohë do të lindin me papjekuri dhe se detyrimisht ata vendosen në inkubator me respirator dhe u japim medikamente në sasi më të madhe në mënyrë që t’i mbrojmë. Sipas gjinekologes, fëmijët që vendosën në inkubator e kanë koston shumë të lartë si dhe nevojitet kujdes intensiv dhe për këtë arsye do të ketë pasoja te fryti.

Gjinekologia Kumnova rekomandon që në ambiente të ndotura të përdoret një mbulesë në fytyrë siç janë maskat në mënyrë që të reduktohet numri i ndotësve të ajrit i cili hyn në organizmin e shtatzënës. Ajo thotë se mund të përdoren pajisje për filtrimin e ajrit në ambientin shtëpiak në të cilin është duke jetuar shtatzëna.

The post Lindje të parakohshme dhe foshnje me peshë të vogël, mjekja zbulon faktorin që i shkakton appeared first on Albeu.com.