Njëri prej tyre, biznesmeni i ndërtimit, i njohur edhe për ngritjen e kompleksit rezidencial “Kodra e Diellit” në Tiranë, është marrë i pandehur në kuadër të hetimeve që zhvilloi Prokuroria e Posaçme për veprat penale të “korrupsionit” e “pastrimit të parave”.

Ndërsa Gentian Sula tjetër, Drejtor Ekzekutiv dhe aksioner i shoqërisë së sigurimeve “Intersig-Viela Insurance Group” dhe i disa shoqërive të tjera, megjithëse thuajse në të njëjtat situata me adashin e tij të ndërtimit, është “mirëkuptuar” nga Prokuroria e Posaçme dhe duket se nuk do të jetë në listën e të pandehurve në çështjen “Veliaj-Xoxa”.

Të dhënat e siguruara nga Prokuroria e Posaçme tregojnë se Gent Sula i “Intersig” i ka dhënë Ajola Xoxas, bashkëshortes së kryebashkiakut të arrestuar të Tiranës, Ajola Xoxa, një vilë pa qira dhe pa kontratë në qendër të zonës më të shtrenjtë të ish-Bllokut, në kryeqytet, për ushtrimin e aktivitetit të organizatës kulturore e artistike, “Nan Gallery”. Ky raport “pa qira” ndërmjet Gent Sulës dhe Ajola Xoxas është konsideruar “fiktiv” nga Prokuroria e Posaçme.

Në foto: Biznesmeni Gentian Sula, pronar i “Noa Holding” dhe CEO e aksioner i “Intersig”

Gjithashtu, Prokuroria e Posaçme zbuloi një tjetër marrëdhënie fiktive financiare mes këtyre dy personazheve, ku Gentian Sula i “Intersig” tentoi të mbulonte një shumë prej 110 mijë euro, të cilat iu gjetën Ajola Xoxas në gjendje cash në kasafortën e zyrës së saj ligjore, “Partner’s Law”.

Gentian Sula, fillimisht deklaroi para prokurorëve të posaçëm se, shuma që u gjet në zyrën e Ajolës ishte një kapar që ai kishte lënë për blerjen e një apartamenti në pronësi të familjes Xoxa. Por, disa muaj më vonë, Sula i “Intersig” u detyrua të pranojë në Prokurorinë e Posaçme se, as nuk kishte ndërmend ta blinte atë apartament, as edhe nuk i kishte dhënë shuma monetare bashkëshortes së Erion Veliajt.

Sipërmarrësi i Sigurimeve, Sula, kërkoi “mirëkuptimin” e prokurorëve të SPAK-ut për deklarimet e tij të mëparshme të rreme, pasi, siç deklaroi vetë, “isha i turbullt në atë kohë dhe nuk e kuptova mirë situatën”.

Të dhënat e renditura në dosjen hetimore, krijojnë një panoramë, në të cilën Gent Sula i “Intersig-ut” ka qenë në dispozicion të kërkesave të Ajola Xoxas, nën argumentin se ata “e njihnin njëri-tjetrin dhe kishin shoqëri që niste, të paktën, prej vitit 2010”.

Tenderi 530 mijë euro pa garë

Megjithatë, informacionet zyrtare tregojnë se Gentian Sula ka pasur edhe raporte të tjera financiare me Bashkinë e Tiranës, të drejtuar nga Erion Veliaj.

“Boldnews.al” ka siguruar një njoftim të publikuar në Agjencinë e Prokurimit Publik, ku një prej kompanive në pronësi të Gentian Sulës së ‘Intersig-ut” ka fituar në vitin 2022, një tender me vlerë 530 mijë euro në Bashkinë e Tiranës. Dokumentat tregojnë se ky tender ka qenë pa garë, pasi në procedurë ka marrë pjesë vetëm një konkurent, i cili ishte një bashkim operatorësh, pjesë e të cilëve ishte edhe një prej shoqërive të Gentian Sulës, “Noa Control”, pjesë e “Noa Holding”.

Shoqëria “Noa Holding” është një shoqëri e krijuar në vitin 2023, me pronar 100 përqind të aksioneve Gentian Sulën. Kjo shoqëri, me krijimin e saj, përthithi disa kompani të tjera të mëparshme, të kontrolluara po nga Sula dhe familja e tij. Mes kompanive të përthithura ishte edhe “Noa Control” e cila ishte në treg prej vitit 2015.

Në Tetor të vitit 2022, pra pak kohë para se Gentian Sula t’i jepte në huapërdorje dhe pa pagesë vilën në zonën e ish-Bllokut, Ajola Xoxas, për aktivitetin e “Nan Gallery”, Bashkia e Tiranës, nën drejtimin e Erion Veliajt, shpalli tenderin me objekt: “Rioptimizimi dhe Standartizimi i Proceseve të punës të strukturës së institucionit të Bashkisë Tiranë”.

Në foto: Tenderi i Bashkisë së Tiranës, fituar nga “Noa Control”

Tenderi kishte fond limit 62.500.000 lekë të reja ose rreth 530 mijë euro, sipas kursit të kohës. Bashkia e Tiranës njoftoi se priste oferta për këtë procedurë deri në fund të nëntorit 2022.

Në përfundim të afatit, rezultoi se në garë kishte marrë pjesë vetëm një operator ekonomik: bashkimi i shoqërive “Noa Control” i Gentian Sulës, i njohur edhe si CEO i “Intersig” dhe një kompani kroate.

Garuesi i vetëm në këtë tender paraqiti ofertën ekonomike me vlerë 60.500.000 lekë të reja ose vetëm 2 milionë lekë (15 mijë euro më pak se fondi limit, sipas kursi të këmbimit të kohës).

Pasi shqyrtoi këtë ofertë, Bashkia e Tiranës, e drejtuar nga Erion Veliaj, shpalli fitues konkurentin e vetëm në garë, pjesë e së cilës ishte “Noa Control”./ Boldnews.al

The post Sponsorizoi Ajolën me vilë pa qira, Gentian Sula i “Intersig” fitoi 530 mijë euro pa garë nga Veliaj appeared first on Albeu.com.

Bëhet fjalë për deputetin socialist Etjen Xhafajn, për të cili Veliaj pyet bashkëshorten e tij Ajola Xoxën, për situatën e krijuar mes tij dhe Kryeministrit Edi Rama nga deklaratat e bëra mbrëmjen e 1 marsit.

Një ditë më pas, më 2 mars, “në orën 19:52 Erion Veliaj bisedon me Ajolën dhe e pyet se çfarë ka ndodhur ndërmjet Ramës dhe Etjenit, pasi ka dalë te lajmet dhe ka shkruar një status te chati i deputetëve ku thuhet se “Erjoni nuk mbrohet sikur je në kafe”, dhe i kërkon të investigojë pasi do ta telefonojë sërish, Erioni tregon se duhet ta dijë Arbëri dhe Fuga.

Në orën 20:16, Erion Veliaj bisedon me Ajolën, ku kjo e fundit i tregon se Etjeni ka dalë në një emision, diçka e tillë, dhe ka bërë një mbrojtje siç e ka menduar ai, që Erjoni është i pafajshëm, duke mbajtur një qëndrim personal pro tij.

Gjatë komunikimit ndërmjet tyre, Erioni i tregon se Arbëri i ka sugjeruar që të mos shkojë në seancën e të martës djhe i kërkon që të bisedojë me njerëzit pranë saj, pasi Erioni i thotë se i intereson që të vazhdojë debatin me ata të dy, sepse me Banin dhe me Olsin janë bërë hasha.

I kërkon që të bisedojë me Maznikun, ose me Fugën që këta të pyesin Redaktorin dhe t’i japin një fedback nëse duhet ta bëjë betejën, duke qenë se seanca regjistrohet, regjistrim i cili u duhet edhe për gjërat më tej.

Erioni i tregon se “ata” janë përgatitur për një seancë gjyqësore 30 minuta nëse do të jetë vetëm Ermiri si avokat, dhe nëse Erioni (ai) do të jetë në seancë do t’i mbajë 3 orë me një fjalim pa fund për të gjitha gjërat.

I kërkon Ajolës që t’i printojë statuset që ka publikuar në rrjetet e tij me qëllim që të flasë për këto gjëra në seancë gjyqësore. I thotë se nëse nuk i ka printuar, e bën Albani në çast.

Vijon dhe i kërkon që të pyesë Redaktorin se si duhet të veprojë për të martën. Më pas në komunikim ndërhyn Arbër Veliaj, të cilit i thotë se duhet pyetur Redaktori nëse duhet të shkojë në seancë të martën dhe duhet të marrë përgjigje për këtë”, thuhet jnë materialet e përgjigmit të Erion Veliajt në paraburgimin e Durrësit, materiale këto të publikuara në CNA.al.

ZBARDHJA E FAQES 76

Zbardhja e plotë e përgjimeve të publikuara nga CNA.al – Faqja 76

Në një nga momentet më delikate të qëndrimit të tij në paraburgim, Erion Veliaj përpiqet të analizojë çdo lëvizje – deri edhe nëse duhet të shfaqet apo jo në seancën gjyqësore. Frika për perceptimin publik, koordinimi me “Redaktorin”, përgatitja e një fushate simbolike me përfaqësues të feve dhe figurave mediatike – të gjitha dëshmojnë një strategji të menduar në detaje për të ndikuar opinionin publik në prag të vendimit të Apelit.

Bisedë me Arbër Veliaj:

Erion: “A të duket mirë të shkoj në seancë të martën? Apo do duket si shfaqje”?

Arbër: “Jo, mos shko. Këshillohu edhe me Redaktorin. Mund të interpretohet keq”.

Erion: “Do e mendoj me të tjerët. Nuk dua të dukem që po kërkoj vëmendje”.

The post Përgjimet e burgut/ Del një tjetër personazh në biseda: Erjoni s’mbrohet sikur je në kafe, Veliaj pyet Ajolën ç’po ndodh mes tij dhe KM? Xoxa: Ka tension, por… appeared first on Albeu.com.

Sot CNA do të sjellë një tjetër fakt, i cili vërteton që vila në Qerret, i përket çiftit Veliaj-Xoxa, sipas të dhënave të gjykatës.

Kjo tregohet përmes disa komunikimeve të zbardhura nga SPAK-u, mes Ajola Xoxës dhe Driant Zenelit.

Ky konkluzion arrihet nisur edhe nga komunikimet e shtetasit Driant Zeneli me Ajola Xoxën, nga ku evidentohet qartë frekuenca e shpeshtë e kësaj të fundit, por edhe bashkëshortit të saj në këtë pronë.

Konkretisht, më datë 01.08.2021, ora 7:52 p.m., shtetasi Driant Zeneli i shkruan Ajola Xoxës:

Driant Zeneli-A të ka marrë malli për Qerretin? -Ne erdhem sot.

Ajola Xoxa i përgjigjet: Ajo aty në fund është shtëpia jonë.

Ndërkohë dy bashkëbiseduesit kanë shkëmbyer një foto nga ku rezulton se Ajola Xoxa i referohet banesës së saj duke thënë “ajo aty në fund është shtëpia jonë”.

Sipas SPAK-ut, nga fotoja, në pjesën ballore të saj në fund, duket qartë që bëhet fjalë për vilën objekt hetimi e cila ndodhet në Qeret dhe që Erion Veliaj pretendon se nuk është e tyre, por e vjehrrit të tij.

Më tej, rezulton një fakt me mjaft interes për hetimin dhe për provueshmërinë e pronësisë faktike të vilës nga bashkëshortët Veliaj-Xoxa.

Konkretisht, më datë 22.06.2024, ora 12:51 p.m., Driant Zeneli i shkruan Ajola Xoxës: -Të hënën herët në mëngjes nisemi.

Ajola Xoxa përgjigjet: E lëmë kur të vish më mirë takohemi. Se më duhet të mbyll disa punë tani dhe ndërkohë Eri ka shkuar në Qerret dhe s’ka marre celesin.

Pra, nga përmbajtja e këtij komunikimi çelësat e vilës 4 disponohen nga çifti Veliaj – Xoxa.

Deklarimet e shtetases Ajola Xoxa në lidhje me vilën e ndodhur në Qeret, Kavajë, sipas organit procedues bien në kundërshtim të plotë me rrethanat e faktit, si edhe deklarimet e shtetasve të tjerë, të cilët kanë dijeni për këtë vilë.

Ajola Xoxa, bën deklarime të pambështetura në provat e tjera kur shprehet se me shpenzimet e mirëmbajtjes së vilës merret vetëm nëna e saj, kur në fakt, nga kontrolli i ushtruar më vendim të Gjykatës së Posaçme, janë gjetur dhe sekuestruar në cilësinë e provës materiale, blloqe me shënime që dyshohet të jenë të shtetases Ajola Xoxa, në lidhje me elementë të veçantë të vilës.

Gjithashtu, në këtë banesë janë gjetur shënime që dyshohet të jenë të shtetases Valbona Xoxa, e cila shkruan se sipas porosisë së Ajolës ka bërë një sërë pagesash që lidhen me mirëmbajtjen e viles.

Po ashtu, në vilë janë gjetur tabela pagesash si p.sh. ato që lidhen me mirëmbajtjen e pishinës, në krye të të cilave është vendosur emri “Ajola”.

Pa përmendur këtu dhomën që pranohet nga vetë deklaruesja që është e djalit të saj, si edhe garderobën e këtij të fundit së bashku me lojërat.

Në vilë, gjithashtu, janë gjetur veshje të cilat duket se më shumë se me shtetasen Valbona Xoxa, kanë lidhje me vajzën e kësaj të fundit. Këtu duhet theksuar edhe sa ka rezultuar nga deklarimet e administratorit të kompleksit, i cili ka shpjeguar se ka parë vazhdimisht të frekuentojë vilën, shtetasen Ajola Xoxa.

Nga ana tjetër, këto deklarime duken të pabesueshme kur konstatohet se edhe në këtë rast ashtu si edhe në rastet e tjera, kontrata e shkëmbimit e pretenduar nga Ajola Xoxa, mes prindërve të saj dhe AGIKONS sh.p.k., e vitit 2017, është jo e përpiluar para noterit, edhe pse ka pasur objekt shkëmbimin e pasurive.

Po ashtu, në vendimin e zbardhur nga gjykata theksohet këtu se një kontratë shkëmbimi pasurish të paluajtshme krijon efekte të njëjta me një kontratë shitblerjeje apo dhurimi, për sa i përket kalimit të pronësisë, pra, si e tillë ajo regjistrohet në ASHK, por vetëm nëse përpilohet dhe nënshkruhet para një noteri. Këto deklarime të kësaj shtetaseje bien në kundërshtim edhe me sa është deklaruar nga shtetasi Olsi Efthimi.

Ky i fundit referon fakte të vërteta kur pranon se për herë të parë në vilën e ndodhur në Qeret (kompleksi “Marca Resort”) ka shkuar në vitin 2020 dhe se personi që i ka kërkuar të shkojë atje është shtetasja Ajola.

Komunikimet e zbardhura nga SPAK-u, tregojnë qartazi se vila i përket çifti Veliaj-Xoxa dhe jo siç pretendon kryebashkiaku i arrestuar për korrupsion dhe pastrim parash, Erion Veliaj./Oranews

The post Zbardhen detaje të tjera/ Dalin mesazhet e Ajolës për vilën në Qerret: Erioni ka harruar çelësat… appeared first on Albeu.com.

Vetëm gjatë një kontrolli të dytë të një apartamenti që konsiderohej si sekret, SPAK sekuestroi dhjetëra dokumenta, prova të ndryshme dhe një shumë të konsiderueshme euro, pa përcaktuar shifrën e saktë si dhe janë hapur dy kasaforta.

Ky apartament është gjetur falë ekspertimit të telefonit të sekuestruar zonjës Ajola Xoxe, ku nga komunikimet e zhvilluara në disa aplikacione është mësuar për disa apartamente sekrete që Xoxe dhe Veliaj kanë në Tiranë.

I pari dhe më i lehti për tu gjetur nga SPAK, ishte pikërisht apartamenti që ndodhej mbi zyrën e kompanisë “Harabel” të Ajola Xoxes.

Ndërsa shtëpitë e tjera që ndodhen në Tiranë dhe ku mendohet se ekzistojnë prova, ende nuk janë lokalizuar nga hetuesit,megjithëse ata kanë nisur tashmë një skanim të informacionit për gjetjen e këtyre banesave.

Në datën 14 Janar 2025, ka dalë vendimi dhe rreth një orë nga dalja, oficerët e BKH, kanë vajtur te apartamenti.

Hetimi ndaj Erjon Veliaj, vëllait të tij Arbërit dhe bashkëshortes Ajola Xoxe, ka nisur nga SPAK në muajin Mars 2024, ku pas një letre të një personi anonim Anesti Angoni, është çuar informacion i hollësishëm për lëvizjet bankare dhe pasuritë e Veliaj, bashkëshortes dhe vëllait të tij.

The post BKH nis gjuetinë e ”Harabelave”/ Zgjerohet hetimi për banesa të tjera të padeklaruara nga çifti Veliaj-Xoxa appeared first on Albeu.com.

Kërkesën do ta gjykojë gjyqtarja e Posacme Atalanta Zeqiraj, kjo e fundit firmosi kërkesën e prokurorisë për kontrolle të banesa dhe disa biznese me pronësi dhe administrim të familjarëve të kryebashkiakut.
Kujtojmë se ndaj kryetarit të bashkisë Tiranë, Erion Veliaj dhe familjarëve të tij ka nisur një hetim pasuror nga ana e SPAK.

Pak ditë më parë, agjentë të BKH ushtruan kontroll në shtëpinë e Veliajt ku sekuestruan edhe telefonin e gruas së kryebashkiakut, Ajola Xoxa.

Agjentët e BKH-së pritën rreth një orë pasi Ajola Xoxa, gruaja e kryebashkiakut Veliaj refuzoi ti hapte derën.

Kontrolle u zhvilluan edhe në biznesin ”Harabeli” të Ajola Xoxës ku sipas denoncimeve të kryetarit të PD-së, Sali Berisha janë gjetur mbi 200 mijë euro cash.

Agjentët e BKH kanë ushtruar kontroll edhe në shtëpinë e vëllait të Veliajt.

The post Pasi i ”mbyllën derën në fytyrë” agjentëve të BKH-së, vëllai dhe gruaja e Veliajt kërkojnë në GJKKO kthimin e sendeve të sekuestruara appeared first on Albeu.com.