Ngjarja e rëndë e ndodhur pak ditë më parë i mori jetën shtetasit Ajdin Mustafi, i cili kishte paguar një shumë të majmë për të qëndruar në hotelin “Rogner”, pa pritur se kjo do i sillte vdekjen.

28-vjeçari është mbështetur në kangjellat e hotelit, të cilat të amortizuara, janë shkëputur duke marrë me vete edhe të riun i cili përfundoi mbi një makinë të përkuar poshtë hotelit.

NJOFTIMI I I PLOTË I POLICISË:

Në vijim të dokumentimit të plotë të ngjarjes së ndodhur në bulevardin “Dëshmorët e Kombit” ku aksidentalisht ra nga lartësia e hotelit ku qëndronte dhe për pasojë ndërroi jetë shtetasi A.M, 28 vjeç, specialistët për Hetimin e Krimit në Komisariatin e Policisë Nr. 1, referuan materialet për shtetasin R. H,, 38 vjeç, me detyrë përgjegjës i mirëmbajtjes dhe shtetasin R. S., 49 vjeç, me detyrë administrator i hotelit, për veprën penale “Shkelja e rregullave të mbrojtjes në punë”. /albeu.com/

The post U shkëputën kangjellat e ra nga kati i 5-të, policia gjen dy fajtorët e vdekjes së 28-vjeçarit në hotelin luksoz mes Tiranës appeared first on Albeu.com.

Viktima është shtetasi Ajdin Mustafi, shtetas me nënshtetësi zviceriane, i cili kishte paguar një shumë të majme për të qëndruar në këtë hotel luksoz mes kryeqytetit shqiptar.

Viktima kishte rezervuar në këtë hotel për 5 ditë dhe sipas policisë ka humbur jetën për shkak të neglizhencës dhe papërgjegjshmërisë së administratorëve të hotelit.

28-vjeçari ra nga kati i pestë i hotelit “Rogner” rreth orës 14:00, pasi ishte mbështetur në kangjellat e dhomës së tij ku ato për shkak të amortizimit janë shkëputur nga muri duke shkaktuar rënien nga lartësia të të riut i cili më pas u përplas mbi një automjet të parkuar poshtë hotelit.

Ai pësoi dëmtime serioze dhe pasi mbërriti në Spitalin e Traumës ndërroi jetë. I riu ndodhej i vetëm në dhomë kur ka ndodhur ngjarja, ndërsa mendohet se nuk ka pasur hyrje nga persona të tjerë.

Policia e Tiranës ka nisur hetimet për ngjarjen e rëndë dhe pritet të merren masa ndaj hotelit, ndërsa është për tu theksuar se ende nuk ia ka referuar materialet prokurorisë.

Trupi i 28 vjeçarit ndodhet në morgun e Tiranës dhe pritet mbërritja e familjarëve të tij, ndërsa autoritetet po plotësojnë dokumentacionin për kthimin në vendin e tij. /albeu.com/

The post Ra nga kati i pestë mbi makinën në trotuar, si ndodhi tragjedia në hotelin luksoz mes Tiranës appeared first on Albeu.com.