Gjatë mbrëmjes së sotme, Redoni arriti të komunikonte nga studio me Eglin, një nga banoret më të afërta me të.

Redoni e siguroi Eglin se ishte shëndoshë e mirë dhe tha se fitorja e tij në këtë eksperiencë ishte kuptimi i vlerave të saj. Ai e uroi që të fitojë “Big Brother”, duke theksuar se vlerat e saj nuk kishin nevojë për strategji apo lidhje për t’u treguar.

Egli shprehu se në fillim e kishte pritur keq largimin, por tani e kuptonte se ishte për të mirën e tij. Ajo tha se mezi priste ta takonte jashtë dhe përmbylli me një shprehje dashurie: “Të dua shumë.”

Redoni iu përgjigj duke shtuar: “Sytë nuk gënjejnë dhe mezi pres t’i shoh të tutë,” duke theksuar lidhjen e tyre të fortë, që do të vazhdojë edhe pas spektaklit.

Pjesë nga biseda:

Redoni: Unë nuk jam aty. Vendosa të largohem, por jam shëndoshë e mirë. Mos u brengos. Dua të them që fitorja ime në këtë Big Brother është që kam kuptuar se një vajzë si ti mund të ekzistojë. Dua të shtoj dhe një fjali të fundit. Uroj me mish e shpirt që ti ta fitosh këtë Big Brother, sepse vlerat e tua nuk kanë nevojë për një lidhje ose strategji për t’u treguar.

Egli: Në fillim e prita pak keq, por nëse ishte për të mirën e tij, jam shumë dakord. Ka qenë i vetmi njeri që më ka dhënë një gjendje qetësie dhe mezi pres të të takoj jashtë. Të dua shumë.

Redoni: Sytë nuk gënjejnë dhe mezi pres t’i shoh të tutë.

Egli: Të dua.

The post Deklarata dashurie mes Eglit dhe Redonit: Mezi pres të shoh sytë e tu appeared first on Albeu.com.

Ai u gjet i vdekur të enjten në mëngjes në Itali, sipas mediave italiane.

Mësohet se në orët e fundit të jetës së tij, avokati kishte shkruar dy letra.

Njërën e kishte lënë në studion ku punonte, dhe të dytën hetuesit e gjetën në xhepin e xhaketës që ai mbante veshur.

Sipas mediave italiane, në rreshtat e fundit të letrave avokati shqiptar i kërkonte falje familjes.

Avokati shqiptar la pas gruan e tij dhe dy fëmijët e tij 9 dhe 18 vjeç.

Gjithashtu bëhet me dije se shqiptari është gjetur me fyt të prerë me thikë në një zonë të Reggio Emilia. Ka qenë një kalimtar që e ka konstatuar në rrugë të vdekur dhe më pas ka lajmëruar Policinë.

Hetuesit gjetën në vendngjarje thikën në dorën e viktimës./albeu.com/

The post Kujt i kërkonte falje? Avokati shqiptar u gjet i prerë në qafë dhe me thikën në dorë, dy letrat e fundit (FOTO LAJM) appeared first on Albeu.com.

Trupin e pajetë të 49-vjeçarit, i cili kishte prerje në fyt, e vunë re fillimisht disa kalimtarë të rastit.

Sipas ekspertizës së policisë dyshohet se është vetëvrasje, pasi u gjet një thikë në dorën e viktimës, por nuk përjashtohet dhe fakti që të jetë vrasje, dhe autorët ta kenë lënë në dorën e viktimës thikën.

Në mediat italiane shkruhet se avokati vuante prej kohësh nga depresioni.

Aineo Redo ishte një avokat i specializuar në ligjin e imigracionit. Ai mbërriti në Itali në vitin 1996 dhe u diplomua në Universitetin e Parmës. Ai ishte i martuar dhe kishte dy fëmijë.

The post Gjendet i pajetë avokati shqiptar në Itali, kishte fytin e prerë appeared first on Albeu.com.