The panel discussed geopolitical and security developments in the region, EU enlargement, the Berlin Process, as well as the influence of external actors.

According to the statement, Ahmeti assessed that security challenges in the region are presenting themselves in two directions: through the interference of external actors and through problems stemming from within the region itself. In this context, he mentioned geopolitical ambiguity, which is enabling the expansion of Russian and Chinese influence in the Balkans and, through it, in Europe as well.

The deputy foreign minister stressed that, “internally, stability is threatened by revisionist approaches, challenges to sovereignty, and the lack of accountability for acts of violence and aggression.”

“He also stressed that minority rights in the region must be protected according to the same European standards, without being used for political purposes,” the statement by the Ministry of Foreign Affairs and Diaspora said.

Finally, regarding the enlargement process, Ahmeti said that EU integration constitutes a strategic instrument for peace and security, supporting the gradual integration of the region into EU policies and mechanisms, linked to reforms and alignment with the foreign and security policy of the European Union.

Earlier in the day, Ahmeti held a meeting with the Director-General for Europe at Germany’s Federal Foreign Office, Christoph Israng, as well as with Bundestag members Peter Beyer and Boris Mijatovic, members of the Foreign Affairs Committee.

According to the Ministry of Foreign Affairs and Diaspora’s media statement, the meeting with Israng focused on bilateral relations, current political developments, and advancing cooperation between Kosovo and Germany, with particular emphasis on organizing the first political consultations between the two countries.

In separate meetings with MPs Beyer and Mijatovic, Deputy Minister Ahmeti expressed gratitude for Germany’s continued support for Kosovo and underlined the country’s commitment to further deepening bilateral cooperation.

As stated in the Ministry of Foreign Affairs and Diaspora’s announcement, the interlocutors exchanged views on EU enlargement, political and security developments in the region and in Europe, as well as the importance of supporting the Euro-Atlantic agenda and Kosovo’s membership in international organizations.

The post Ahmeti from Berlin: Geopolitical uncertainty is facilitating the spread of Russian and Chinese influence in the Balkans appeared first on Albeu.com.

Në këtë panel u diskutua për zhvillimet gjeopolitike dhe të sigurisë në rajon, zgjerimin e BE-së, Procesin e Berlinit, si dhe ndikimin e aktorëve të jashtëm.

Sipas njoftimit, Ahmeti vlerësoi se sfidat e sigurisë në rajon paraqiten në dy drejtime: nga ndërhyrjet e aktorëve të jashtëm dhe nga problemet që burojnë brenda vetë rajonit. Në këtë kuadër, ai përmendi ambiguitetin gjeopolitik, që po mundëson shtrirjen e ndikimit rus dhe kinez në Ballkan dhe, nëpërmjet tij, edhe në Evropë.

Zv/ministri i Jashtëm theksoi se, “në planin e brendshëm, stabiliteti rrezikohet nga qasjet revizioniste, kontestimi i sovranitetit dhe mungesa e llogaridhënies për aktet e dhunës dhe të agresionit”.

“Ai theksoi gjithashtu se të drejtat e pakicave në rajon duhet të mbrohen sipas standardeve të njëjta evropiane, pa u përdorur për qëllime politike”, thuhet në njoftimin e MPJD-së.

Në fund, lidhur me procesin e zgjerimit, Ahmeti u shpreh se integrimi në BE përbën një instrument strategjik për paqen dhe sigurinë, duke mbështetur integrimin gradual të rajonit në politikat dhe mekanizmat e BE-së, të ndërlidhur me reformat dhe përafrimin me politikën e jashtme dhe të sigurisë së Bashkimit Evropian.

Më herët gjatë ditës, Ahmeti zhvilloi takim me Drejtorin e Përgjithshëm për Evropën në Ministrinë Federale të Punëve të Jashtme të Gjermanisë, Christoph Israng, si dhe me deputetët e Bundestagut, Peter Beyer dhe Boris Mijatovic, anëtarë të Komisionit për Punë të Jashtme.

Sipas njoftimit për media të MPJD-së, në takimin me Israng u bisedua për marrëdhëniet dypalëshe, zhvillimet aktuale politike dhe avancimin e bashkëpunimit mes Kosovës dhe Gjermanisë, me theks të veçantë te organizimi i konsultimeve të para politike ndërmjet dy vendeve.

Në takime të ndara me deputetët Beyer dhe Mijatovic, zëvendësministri Ahmeti shprehu mirënjohje për mbështetjen e vazhdueshme të Gjermanisë ndaj Kosovës dhe nënvizoi përkushtimin e vendit për thellimin e mëtejmë të bashkëpunimit dypalësh.

Siç bëhet e ditur në njoftimin e MPJD-së, bashkëbiseduesit shkëmbyen pikëpamje për zgjerimin e BE-së, zhvillimet politike dhe të sigurisë në rajon dhe në Evropë, si dhe për rëndësinë e mbështetjes ndaj agjendës euroatlantike dhe anëtarësimit të Kosovës në organizata ndërkombëtare.

The post Ahmeti nga Berlini: Paqartësia gjeopolitike po lehtëson depërtimin e ndikimit rus dhe kinez në Ballkan appeared first on Albeu.com.

Nga VLEN theksojnë këtë e quajtën përpjekje të ulët për përvetësimin e të gjitha arritjet e shqiptarëve, pasi që siç thonë nga koalicioni, janë meritë e të gjithëve.

Kumtesa e plotë e koalicionit VLEN.

“Deklarata e liderit të nongratave, Ali Ahmetit, sipas së cilës Maqedonia u gjet “pa asgjë” dhe u la me një kryeministër shqiptar, është një përpjekje e ulët për të përvetësuar të gjitha arritjet e shqiptarëve dhe për të mohuar kontributin e figurave kyçe që ndërtuan rrugën e emancipimit politik dhe kombëtar. Një pretendim i tillë është jo vetëm shpërfillje e historisë, por edhe fyerje për të gjithë ata që sakrifikuan për të drejtat e shqiptarëve shumë kohë para vitit 2001.

T’ia tregojë ndokush Alisë që Maqedoninë e gjetën me plot shqiptarë, por e lanë me gjysmën e tyre në diasporë. Më keq akoma, diasporës ia mveshën etiketën e qytetarëve jorezidentë. Maqedoninë e gjeti me shqiptarë të lirë dhe e la me shumë shqiptarë në burgje si pasojë e rasteve të montuara nga pazaret e tij me Gruevskin. E kryeministri teknik, ai që Ahmeti e shet si “trashëgimi”, do të mbahet mend vetëm për qortimin e shqiptarëve në Tetovë me skena të çorroditura që i ngjanin një shpellari me kollare.

Para se të flasim për figurat është mirë të kujtojmë veprat e tyre. Për çfarë duhet ta mbajnë në mend shqiptarët kryeministrin teknik? Çfarë u ndihmoi shqiptarëve kjo pozitë? Asgjë më shumë, pos që i poshtëroi. Pra, pa pozita, të diskriminuar dhe të lënë pas dore, e njëjta situatë edhe me pozitat me të larta.

BDI përpos që ka shëruar egot e sëmura të anëtarëve të saj, dhe ka mbushur xhepat zyrtarëve të saj, asgjë tjetër as më shumë as pak nuk ka bërë. Pra, njerëz të etur për pushtet dhe të varfër në palcë që me çdo kusht synim kishin pasurimin e tyre në kurriz të popullit të pafajshëm që për dy dekada në i kishin hipur mbi kokë kjo kastër idiotike politike e quajtur parti.

I kujtojmë, Ali Ahmetit, që Maqedoninë nuk e la me më shumë, por me shumë më pak. Shqiptarët në burgje, gjuhën me përqindje, ekonominë buzë greminës, arsimin pa cilësi, shëndetësinë për kurim, kulturën për karikaturë mjerimi, e mbi të gjitha, shumë shtëpi shqiptare të boshatisura nga politikat tua. Dhe në fund, ia kujtojmë një gjë: ai nuk e la Maqedoninë, argati tij po – Artani. Ai është akoma këtu, aty ku e ka vendin, në opozitë. Mos ia bëni qejfin vetes duke menduar se e latë pushtetin me dëshirë. Jo, ju dëboi populli! Edhe pak muaj ju kanë ngelur për t’iu shporrur me rrënjë edhe nga pushteti lokal.

VLEN përkujdeset për shqiptarët, VLEN shpresa për avancimin dhe ruajtjen e arritjeve kolektive të shqiptarëve/ VLEN vlerëson mundin, kontributin dhe sakrificën e secilit që ka dhënë deri më sot”.

The post VLEN i reagon Ali Ahmetit: Të arriturat e shqiptarëve janë meritë e të gjithëve appeared first on Albeu.com.

Përmes një postimi në rrjete sociale, Ahmeti shkruan se dënon veprimin skandaloz ndaj presidentes Osmani, teksa shton se vazalët shkelin mbi popullin e vet me këto veprime që janë për turp.

“E dashur Presidente, më vjen shumë keq për incidentin dhe skandalin e papranueshëm diplomatik në aeroportin e Shkupit dhe e dënoj në formën më të ashpër të mundshme. Unë skuqem nga turpi i tyre dhe lus të gjithë vëllezërit dhe motrat në Kosovë, por edhe qytetarët tanë, që t’i falin për arsye se nuk dijnë se ç’bëjnë.

Kur nuk kanë turp të shkelin mbi popullin e vet, mbi vullnetin demokratik të qytetarëve në zgjedhje e të vihen në shërbim vasal e servil të tjetër kujt duke na sjell Putinin e Vuçiçin në Qeveri, atëherë si pyet askush për asgjë dhe na turpërojnë çdo ditë, nga disa herë me rradhë”, tha ai./Klan Macedonia

The post Incidenti me presidenten Osmani, reagon ashpër Ahmeti: Veprim skandaloz nga ata që s’kanë turp të shkelin mbi popullin e vet appeared first on Albeu.com.

Duke ju referuar një marrëveshje bashkëqeverisje në horizont mes VMRO-së dhe VLEN-it, Ahmeti tha se kjo e Frontit nuk është betejë për pushtet por për t’u siguruar që vendi do të ecë përpara. Kreu i BDI-së nuk zbardhi hapat e ardhshme të koalicionit, por tha se do të krijojnë një agjendë veprimi. Në Kuvend, ai tha se nuk bëhet fjalë për bojkot.

“Sigurisht që këtu është lënduar thellë Marrëveshja e Ohrit, sepse Marrëveshja e Ohrit duhet të lexohet në frymë dhe në germë. Ne nuk lejojmë që në frymë dhe në germë kjo marrëveshje as të cënohet, as të lëndohet dhe tërësisht jemi të mobilizuar dhe të organizuar në mbrojtje të legjitimitetit. Jo rastësisht shtrohet pyetje këtu sepse neve na pyesin njerëzit përse ne të votojmë kur dikush vendos mbi vullnetin tonë. Nuk bëhet fjalë për bojkot. Ne do të shfrytëzojmë të gjithë mekanizmat demokratik në mbrojtje të legjitimitetit. Ne jemi në mbrojtje të legjitimitetit dhe fare nuk tërhiqemi dhe qerpiku s’na dridhet sepse jemi në të drejtën tonë, në hakun tonë”, tha Ali Ahmeti, kryetar i BDI-së.

Fushatën e VMRO-DPMNE-së e konsideroi naciste dhe naziste, kundër Amerikës dhe kundër NATO-s. Ahmeti tha se mandatari për formimin e qeverisë mban përgjegjësinë për atë që do të ndodhë në shtet.

“Përgjegjësinë për organizimin shtetëror e mban mandatari. Fronti nuk është mandatar dhe përgjegjësinë për stabilitet, për marrëdhënie të mira ndëretnike, për procese të rëndësishme që ne ndodhemi, si në raport me fqinjët, ashtu edhe në raport me Brukselin, përgjegjësia bie mbi mandatarin”, tha Ali Ahmeti, kryetar i BDI-së.

Më herët, Fronti nuk ka përjashtuar as mundësinë e organizimit të protestave por në ditën e seancës konstituive një ditë më parë, nuk pati protesta para ligjvënësit.

The post Ahmeti thirrje qytetarëve: Të ruajmë votën, legjitimitetin dhe Marrëveshjen e Ohrit appeared first on Albeu.com.

“Që Ballkani të jetë i qetë e në paqe të qëndrueshme janë të interesuar të gjithë partnerët tanë strategjikë, të cilët edhe na kanë ndihmuar që Ballkani të hyjë në rrjedhja të përhershme dhe historike për të instaluar paqe e ardhmëri. Që të mos kemi një Ballkan të qetë, por të trazuar e në flakë është vetëm Kremlini”, ka theksuar Ahmeti në RTK.

Ai ka thënë se Maqedonia e Veriut si anëtare e NATO-s dëshiron të bëhet pjesë e BE-së dhe dëshiron të ketë një Ballkan të pastër.

“E për të ardhur deri te Ballkani i pastër na duhet pajtimi. A e dini se si ka filluar procesi i pajtimit ndërmjet Francës, Gjermanisë dhe Italisë. Iniciativa u mor nga korporatat e qymyrgurit dhe çelikut, këtu filloi por në substancë nuk ishin që të bashkoheshin korporatat, por në substancë ishte pajtimi. Pa pajtim, çdo marrëveshje tjetër që do të bëhet është jo e qëndrueshme, e destinuar për dështim. Shqiptarët dhe serbët duhet të pajtohen, ose të vendosin a do të luftojnë”, ka shtuar Ahmeti.

Ai ka thënë se shqiptarët duhet të jenë të zgjuar në këtë periudhë dhe t’i besojnë faktorit ndërkombëtar.

“Ne duhet të jemi aq të zgjuar që t’i japim hapësirë pleqnarit në rastin tonë pleqnarët janë Uashingtoni, Brukseli dhe NATO, sepse SHBA dhe NATO pa vendim të Këshillit të Sigurimit janë rreshtuar në anën tonë dhe e kanë bombarduar Serbinë. Unë asnjëherë nuk jam zhgënjyer për 23 vjet nga fjala e dhënë e Uashingtonit, Brukselit dhe NATO-s dhe ju besoj. A ka dallim nuancash besimi ndërmjet Brukselit dhe Uashingtonit? Sigurisht që ka sepse në Bruksel vendosin 27 vende, e në Uashington vendos Uashingtoni”, ka theksuar Ahmeti.

The post Ahmeti: Na duhet pajtimi Kosovë-Serbi për një Ballkan të qetë e në paqe appeared first on Albeu.com.

Shkak i kësaj distance ka qenë hasmëria. Familja nga Kukësi jetonte në shtete të ndryshme të Evropës për shkak të kësaj plage ende të hapur të shoqërisë sonë.

Në një lidhje për “Abc e Mëngjesit”, Jusufi ka treguar emocionet e forta nga momenti kur ka përqafuar të atin.

Ai ka thënë se babit iu deshën 5 ditë të merrte veten dhe për këtë anuloi biletën e avionit, duke e shtyrë dhe për dy ditë të tjera.

“Babi e mori çik veten pas një 2-3 ditësh. Kishim bërë plan të rrinim dy ditë, kemi qëndruar 5, anulova biletat e kthimit se e pash që nuk ishte akoma në gjendje.

Babi në 2008 kishte ik për të punuar në Greqi si shumica e shqiptarëve dhe kishte për t’u kthyer në 2021-2012. Por pastaj na ndodhi një fatkeqësi familjare, si hasmëria. Edhe u shpërngulëm nga Tirana për në Europë, kurse babi nga Greqia kur u kthye erdhi direkt ktej dhe ne nuk kishim se si ta takonim, pasi ishte mungesa e dokumentave.

Unë për vete kam 12 vite në Paris dhe akoma nuk kam ardhur në Shqipëri që 12 vite, ndërsa babi 3 vjet më para. Ne kemi pasur kontakte nëpërmjet rrjeteve sociale ditë për ditë, por fizike jo.

Disa familjarë të tjerë kanë ardhur nga Shqipëria në Belgjikë, por me xhaxhin dhe hallën nuk kemi pasur mundësi.

Unë isha një javë më përpara në Belgjikë për ditëlindje, por e festuam ditëlindjen një javë me vonesë. Edhe pastaj më erdhi ideja mua se babi ka frikë të lëvizë, pasi akoma nuk është me dokumenta, unë po. E dinte vetëm një gocë e hallës, ajo që ka bërë videon, ka qene komplet surprizë”, rrëfeu Jusufi./Albeu.com/

The post 15 vite pa u takuar, djali surprizon babanë: Ikëm në Paris për shkak të hasmërisë appeared first on Albeu.com.

Kjo parti që drejtohet nga kryetari i Tetovës, Bilall Kasami ka fituar ndaj Bashkimit Demokratik për Integrim të Ali Ahmetit, parti kjo që është pjesë e qeverisë së kryeministrit social demokrat, Dimitar Kovaçevski.

Zgjedhjet e jashtëzakonshme në këtë komunë, me popullatë dominuese shqiptare që ndodhet në pjesën perëndimore të vendit janë mbajtur për shkak të problemeve në funksionimin e saj për shkak të paqëndrueshmërisë politike dhe pamundësisë për të miratuar raportin përfundimtar vjetor të buxhetit, që sipas ligjit për vetëqeverisje lokale është i obligueshëm, në të kundërtën shpërndahet kuvendi komunal.

Këshilli komunal në Tetovë ka 31 këshilltarë dhe sipas rezultateve preliminare të Komisionit Shtetëror të Zgjedhjeve, lëvizja Besa fituar mbi 30 për qind të votave nga rreth 27 mijë qytetarë që kanë dalë në votime. Bashkimi Demokratik për Integrim ka fituar 25 për qind të votave. Në vend të tretë është radhitur VMRO DPMNE-ja, pastaj LSDM-ja, Partia Demokratike Shqiptare, Alternativa dhe Aleanca për Shqiptarë.

“Tetovarët pa dallim të përkatësinë etnike, poetike apo fetare të dielën votuan për vazhdimin e ndryshimit në Tetovë, për zhvillimin e qytetit, ku rinia do të ketë të ardhme dhe perspektivë”, ka deklaruar Bilall Kasami, kryetar i Lëvizjes BESA.

Kryetari i BDI-së, Ali Ahmeti ka pranuar disfatën e partisë së tij në këto zgjedhje, duke theksuar se për të më me rëndësi se fitorja është demokratizimi dhe sundimi i ligjit në Maqedoninë e Veriut.

“Për ne me rëndësi janë proceset, më me rëndësi është që të vazhdojmë të investojnë në standardet demokratike, në sundimin e ligjit dhe shtetit juridik”, ka deklaruar Ahmeti.

VMRO DPMNE-ja ka shpallur fitoren ndaj LSDM-së në Tetovë me rezultatin 3 me 1 dhe ka kërkuar zgjedhje të parakohshme parlamentare meqë sipas deputetit të kësaj partie Vllatko Gjorçev “në Tetovë është deligjitimuar pushteti LSDM-BDI”.

Përveç në Tetovë, të dielën zgjedhje janë mbajtur edhe në dy komuna të vogla, Zhupë dhe Mavrovë-Rostushë ku nuk ka pasur kryetar të komunave për shkak të mos arritjes së pragun për daljen ë votime në zgjedhjet e vitit 2021. Këto dy komuna janë fituar nga Lidhja Social Demokrate.

Zgjedhjet e së dielës, në veçanti ato në Tetovë si një nga komunat më të mëdha të Maqedonisë së Veriut shihen si test për partitë në pushtet dhe pas fitores së lëvizjes BESA tek elektorati shqiptar dhe VMRO DPMNE-së tek ai maqedonas, pritet të rritet kërkesa e opozitës për zgjedhje të parakohshme parlamentare./REL/

The post Partia BESA fiton zgjedhjet në Tetovë, BDI-ja e Ali Ahmetit pranon humbjen appeared first on Albeu.com.

Pas takimit liderët nuk dhanë deklaratë, por Qeveria lëshoi kumtesë. Nga Qeveria informojnë se takimi i sotëm ishte në kuadër të konsultimeve për prioritetet qeveritare, për marrjen e përgjegjësive dhe për mirëmbajtjen dhe avancimin e shumicës qeveritare dhe parlamentare, njoftojnë nga Qeveria.

“Në takim është konstatuar se është plotësuar qëllimi që të sigurohet qeveri dhe shumicë parlamentare stabile të cilat veprojnë në interes të qytetarëve dhe shtetit”, informojnë nga Qeveria.

Në kumtesë shtohet se Zaev, Ahmeti dhe Kovaçevski janë pajtuar se qeveria e re do të jetë tërësisht e fokusuar në lëvizje të shpejtë të shtetit në rrugën euroatlantike dhe se qëllimi i suksesit të parë të qeverisë të jetë gjetja e zgjidhjes së sfidave në lidhje me Bullgarinë dhe fillimin e bisedimeve për anëtarësim në BE.

“Zgjedhjet e ardhshme parlamentare është e pritshme që të jenë të rregullta dhe të mbahen në vitin 2024, a deri atëherë Qeveria të tregojë rezultate ekonomike, shërbime të shpejta dhe cilësore ndaj qytetarëve dhe menaxhim të suksesshëm me pandeminë dhe krizën energjetike”, thuhet në kumtesë.

Takimi vjen pas dorëheqjes së Zoran Zaevit nga pozita e kryetarit të LSDM-së dhe marrjes zyrtare të postit nga kryetari i ri i LSDM-së, Kovaçevski. Sipas paralajmërimeve, Zaev pritet të japë dorëheqje edhe nga pozita e kryeministrit, javën e ardhshme.

Pas kësaj pritet që të bëhet rikonstruimi i Qeverisë, duke e përfshirë edhe Alternativën, e cila u fut në koalicion qeveritar.

The post Mbaroi pa deklarata takimi Ahmeti-Zaev-Kovaçevski appeared first on Albeu.com.

Ahmeti ndër të tjera shtoi se nuk e kanë shqetësimin opozitë apo pozitë, por e rëndësishme është stabiliteti i vendit.“Mbledhjen e mabjmë për analizë të situatës. Ne në prioritet në këtë situatë vendosim interesat e shtetit, proceset e rëndësishme në vend, siç është fillimi apo marrja e datës për negociata me BE-në, zgjidhja e problemit me Bullgarinë, funksionimi i shtetit në kuadër të normalitetit. Dhe fare nuk e kemi shqetësimin opozitë apo pozitë. Të gjithë e dinë se BDI-ja është parti me kredibilitet të lartë, është parti racionale dhe mbi të gjitha vendos në prioritet interesat shtetërore. Kontributi i këtij takimi do të jetë se si të ruhet në kuadër të normaliteit i tërë zhvillimi dhe të gjitha partitë të jenë kontribuuese në stabilitet të vendit dhe politikae”, u shpreh kreu i BDI-së, Ali Ahmeti.

The post Ahmeti: Prioritet kemi interesat shtetërore (VIDEO) appeared first on Albeu.com.