Llakaj përshkruan me realizëm atmosferën e natës në Urgjencë: turma njerëzish, dhoma të mbushura përtej kapaciteteve, mjekë dhe infermierë që vrapojnë për të shpëtuar jetë, dhe në mesin e gjithë kësaj, një “djalë i fortë”, që me arrogancë kërkonte trajtim për babanë e tij, duke fyer dhe kërcënuar stafin mjekësor.

“I forti: ‘Oreee merr vesh ti, me ke flet keshtu? Unë të martoj tetem!’
Doktori: ‘Dakord! Shërojmë babanë sot dhe nesër martoma tetën!’”.

Dialogu, megjithëse me nota ironie, shpalos një realitet të dhimbshëm në sistemin shëndetësor publik, ku mjekët përballen çdo ditë me mungesë kushtesh, presione, dhunë verbale dhe emocione të stërngarkuara nga familjarë të dëshpëruar.

E megjithatë, ata vazhdojnë të qëndrojnë në krye të detyrës me dinjitet dhe profesionalizëm.

Ajo që ka bërë më shumë përshtypje tek aktori është përgjigjja e mjekut, kur Llakaj e pyeti se si arrin të ruajë qetësinë në situata të tilla:

“Kur futem në punë, bëj ndërrim gjaku: fus gjak nordik dhe heq gjakun tim prej shqiptari… Se ndryshe do shërbenim me automatik”.

Ky koment ironik dhe plot sarkazëm është, në thelb, një akuza e heshtur ndaj shoqërisë shqiptare, që shpesh i nënvlerëson dhe i trajton me mosmirënjohje ata që janë në vijën e parë të jetës e vdekjes – mjekët dhe infermierët.

Agron Llakaj, përfundon postimin me një mesazh të qartë: këta profesionistë janë heronj, tanët, dhe duhet t’i respektojmë e t’i vlerësojmë si të tillë.

Ai fton opinionin publik të reflektojë jo vetëm për përpjekjet e lodhshme të stafit shëndetësor, por edhe për mënyrën si shoqëria jonë sillet me ata që sakrifikojnë më shumë.

Ky rrëfim prekës, vjen në një kohë kur Shqipëria përballet me largimin masiv të mjekëve dhe profesionistëve shëndetësorë, për shkak të pagave të ulëta, kushteve të vështira të punës dhe mungesës së mbështetjes institucionale.

Por, mes kësaj errësire, ka ende zëra si ai i Agron Llakajt që ndriçojnë një të vërtetë: dinjiteti dhe humanizmi nuk kanë emër tjetër përveçse “mjek shqiptar”.

Ngjarje te Urgjenca e QSUT ne mesnate

“Halli e deshi te shkoja per disa ore te mira ne urgjence..,ne holl dhe dhoma shume njerez, pesefishi i pacienteve…,te gjithe kerkojne ndihme, mjeke dhe infermiere qe nxitojne, vrapojne ne ndihme te te semureve, njerez qe bertasin ne kerkim te ndihmes…,nderkohe vjen nje djale nga keta te fortet qe shoqeronte te atin dhe kerkonte vemendje me insistim.

I forti-doktooor?!ooo,eeeej!
(vjen doktori)
doktori-urdhero perse bertet?!
i forti-plasi syte, po me vdes babai!
doktori-nuk vdes babai pa merak, ja te lirohet nje shtrat dhe do e shikojme vec mos bertit?!
I forti-ore merr vesh ti,me ke flet keshtu e?! Une te martoj tetem!
doktori-dakord!sherojme babane sot dhe neser martoma ‘tetem’!

(Pas rreth 1 ore i forti me babane u larguan nga urgjenca pasi moren dhe sherbimin)

Halli ndoshta na erreson syte dhe logjiken, por per mua Ata mjeke dhe infermiere jane heronj, te mite, te tute dhe tanet.

Kur e pyeta doktorin-Ku e gjen forcen e durimit per ate lloj komunikimi?!

Me tha -Kur futem ne pune bej nderrim gjaku, fus gjak nordik dhe heq gjakun tim prej shqiptari…,se ndryshe do sherbeni me automatik”, shkruan Llakaj.

The post Agron Llakaj shkon në urgjencë: I forti-doktooor ooo eeeej, zbulon çfarë i panë sytë appeared first on Albeu.com.

Në një intervistën, aktori rrëfeu ndër lot se nuk mund ta pranonte idenë e ndarjes nga jeta të Konstandinës dhe nuk pranoi as amanetin e saj.

“Unë jam i vetmi njeri që nuk mora amanet nga Konstandina, nuk pranova. Nuk e pranoja që ajo duhet të më linte,” u shpreh ai.

Agroni kujtoi momentin e fundit të udhëtimit në Turqi, kur kuptoi se gjendja shëndetësore e bashkëshortes ishte përkeqësuar ndjeshëm.

“U zhgënjyem shumë. Kur ikëm në Turqi herën e fundit, thikën e mora unë. Doktori më tërhoqi mënjanë dhe më tha se mbaroi. I thashë: ‘Ti sikur më the 5-6 vjet.’ Nuk dua ta diskutoj fare se sa kemi investuar për jetën e saj. Çdo gjë do ta shisnim për ta fituar jetën e Konstandinës,” tregoi aktori ndërsa rrëfeu se për një periudhë të gjatë e mbajti të fshehtë dhimbjen e tij, duke u përpjekur t’i transmetonte forcën Konstandinës për mos ia prerë shpresat për jetën.

“Ajo natë ishte e pagjumtë. Nuk guxoja ta ndaja me vajzën. Për dy javë nuk e di si rrotullohesha. Ua thashë fëmijëve dhe vazhduam të silleshim sikur s’kish ndodhur gjë deri në fund. Nuk mungoi e qeshura në shtëpinë tonë deri në momentin që shkoi në spital. Dilja në emision, qeshja me shpirt në ekran, që ajo të thoshte: ‘Ai qesh, unë jam mirë.’”

Ndër të tjera Agroni tregoi një moment prekës ku i kishte kërkuar vajzës së tij ta përcillnin Konstandinën nuse.

“I kërkova vajzës, Alkidës: ‘Zemra e babit, mami e meritonte të ikte si një nuse e bukur dhe dua t’i bësh grim profesional’. Ne kemi qëndruar aty të dy, duke qarë dhe duke e grimuar, dhe e përcollëm ashtu, të bukur, siç ishte gjithmonë.”

Pas humbjes së saj, Agroni nuk nguroi të pranonte se kaloi një periudhë të errët, ku shpesh mendonte se nuk kishte më arsye për të jetuar.

“Pas asaj, filloi gropa ime. Në shumë ditë e netë nuk kam dashur të jetoj. Doja t’i bashkohesha. Fëmijët më janë përgjëruar: ‘Babi, jemi ne’. Atyre u mungon në mënyrën e tyre, por mua më mungon aq shumë sa nuk i vë dot njësi vlerësimi mungesës.”

Aktori tregoi gjithashtu se për një vit të tërë nuk ka fjetur në krevatin bashkëshortor, por në sallon, përballë fotos së Konstandinës.

“Në sallon kishin vendosur një kornizë të saj. Kur flija, i thoja ‘natën e mirë’, dhe kur zgjohesha, ‘mirëmëngjes’. Kërkoj prezencën e saj çdo ditë. Ne nuk ishim çifti i përsosur, kemi pasur debatet tona, por dashuria jonë ishte aq e madhe sa asgjë nuk arriti të na ç’bashkonte. Ajo e ndjeu vetë momentin kur kishte lënë amanetet për vajzën, djalin dhe mbesën. Më tha: ‘Agron…’, dhe unë i thashë: ‘Mos vazhdo asnjë fjalë. Kam besim absolut se do ja dalim.’ Nuk ia pranova amanetin.” shtoi aktori në Podcast me Grida Dumen.

The post “Nuk pranova amanet prej saj, doja të vdisja!”- Humbi bashkëshorten një vit më parë, rrëfimi prekës i Agron Llakajt: E përcolla si nuse të bukur appeared first on Albeu.com.

Vajza e aktorit të njohur Agron Llakaj, Alkida, ka folur për herë të parë publikisht për këtë plagë të hapur në zemrën e familjes së saj, humbjen e nënës.

Në një rrëfim të ndjerë në emisionin Top Story, ajo ndau me publikun emocionet që i kanë shoqëruar që prej asaj dite të korrikut kur mësuan diagnozën fatale të mamasë.

Me zërin që dridhej, Alkida tregoi se si babai i saj nuk e ka ndalur asnjëherë dashurinë dhe përkushtimin, çdo ditë i çon lule në vendin ku prehet gruaja e jetës së tij.

“Sa vite ka im atë në skenë unë i kam në jetë, pothuajse 40 vjet është dalja ime e parë televizive, isha shumë e dyzuar, unë s’isha emocionalisht mjaftueshëm e fortë për të folur për babin sepse e kam kudo të asociuar kudo me mamin, qoftë edhe në telefonin tim unë i kam të dy të pandashëm, ashtu dua t’i mbaj gjithmonë pranë zemrës sime.

Janë 3 vite që për ne kanë qenë një sfidë, ka qenë mes korriku ku ne morëm një diagnozë fatale të mamit dhe deri sot që flasim janë 3 vite pikëllim, për ne është si të jesh brenda një humnere për shkak të humbjes sonë, kemi humbur boshtin e familjes.

Postimet e babit nuk janë të hiperbolizuara, shkon përtej kësaj, prej ditës që mami është larguar nga jeta, babi e viziton çdo ditë, në rastet kur është dashur të jetë jashtë Tiranës më ka thënë Alkida shko tek mami, sigurisht unë shkoj edhe pa ma lënë porosi. Kam njohur një dimension të jashtëzakonshëm, human të tij.’’

The post “Që nga humbja e nënës, çdo ditë është një pikëllim i madh”, e bija e Agron Llakajt: Postimet e babit nuk janë të hiperbolizuara, shkon çdo ditë tek varri me lule appeared first on Albeu.com.

Në një mesazh thellësisht emocionues, ai shkruan: “Konstandina ëngjëll, bekim në jetën tonë. Të kemi në shpirt e zemër. Je forca jonë. Ishe, je dhe do të jesh mes nesh ashtu siç ti rrezatoje, mirësi, dritë dhe dashuri”.

Llakaj ka treguar hapur dhimbjen e humbjes së bashkëshortes, por ka gjetur forcën për të vazhduar.

Pavarësisht humbjes së madhe, ai është rikthyer në skenë dhe vazhdon të kontribuoni në botën e argëtimit.

The post Nata e ndërrimit të viteve për herë të parë pa bashkëshorten, Agron Llakaj përlot me fjalët appeared first on Albeu.com.

The post Agron Llakaj kujton bashkëshorten e ndjerë në ditëlindjen e saj: Ti je dielli ynë appeared first on Albeu.com.

“6 muaj sot pa ty e imja Kostandinë, n’a ke lënë syrin me lotë, n’a thau shpirtin pritja.”

Ky mesazh i mbushur me ndjenja pasqyron dhimbjen e thellë që ai ndjen për mungesën e saj, duke prekur zemrat e ndjekësve të tij.

The post 6 muaj pa Kostandinën, emocionon Agron Llakaj: Na thau shpirtin pritja appeared first on Albeu.com.

Ai rrëfehu se kur Bes Kallaku ishte vetëm një adoleshent, kishte marrë pjesë në një shfaqje talentesh, 16-17 vjeç.
Për shkak të distancës që kishte për të udhëtuar nga Fushë-Kruja në Tiranë, Agroni rikujton se Bes Kallaku flinte mbi tavolinën e punës duke e konsideruar këtë një gjest tepër sfidues për të riun.
Për Agronin, është një kënaqësi të shohë zhvillimin dhe suksesin e Kallakut, duke e konsideruar atë si një nga humoristët më të talentuar të brezit të tij!

The post Agron Llakaj: Bes Kallaku flinte në tavolinën e punës! appeared first on Albeu.com.

Shoqja e tij e jetës, bashkëudhëtarja e cila pa dëshirën e saj i lëshoi dorën vetëm pak muaj më parë, ka lënë te Agroni dhe te fëmijët e saj një boshllëk që asnjëherë nuk do të mbushet. I ftuar së fundmi në emisionin “Vizioni i Pasdites”, aktori ka “shpërthyer” në lot duke treguar se sa shumë u mungon bashkëshortja e tij.

“Është një kohë kur nuk e kuptoj edhe vetë se ku jam. Si ndjenjë e kam, kërkoj të qesh brenda të qarës time, të mbys të qarën me të qeshur dhe sërish qaj. Kërkoj në një perde të errët një pikë dielli, për të ardhmen e fëmijëve të mi. E di që shpirti i asaj më ndjek nga lart”, u shpreh Llakaj, ndërsa shtoi se bashkëshortja e tij do të vijojë të jetë me të në çdo moment, edhe pse jo fizikisht.

Pjesë nga biseda:

Brikena Prifti: “Papare Najt” e nis në momentin më të vështirë. Ku e gjen forcën?

Agron Llakaj: Nuk e prisja këtë pyetje.

Brikena Prifti: Vlerësimet më të mëdha që njerëzit kanë patur për ty ka qenë raporti që ke patur për Kostandinën?

Agron Llakaj: Nuk flas dot, në këtë moment. (përlotet)

Brikena Prifti: Teos dhe Brus e presin gjyshin këtë periudhë? Ke ndarë para pak ditësh një foto që ishte dhe ditëlidnja, besoj se ata ty të kanë pikën më të fortë?

Agron Llakaj: Unë nuk do të doja ta cekja këtë temë, sepse e di që janë kohët më të vështira në jetën time. Më duhet të qesh, kur nga brenda qaj, dhe e kam shumë të vështirë por do të përdor më tepër më rrok pjesa e vuajtjes dhe e dhimbjes, edhe pse mundohem ta kaloj. Pardje isha në një ceremoni dhe më erdhi një nënë në moshë, më tha bëhu i fortë Agron, do na bësh për të qeshur, sepse është mision. Ti duhet të jesh më i fortë në këtë mision, pasi të gjithë kemi nga një shpirt, por ti ke dy, ke dhe shpirtin e Kostandinës. Më mungon tmerrësisht, pse më futët në këtë pyetje.

Brikena Prifti: Nuk dua të të pyes më shumë Goni, pasi unë e di që ti ke dhënë shumë. E përmenda pak më parë që ti gjatë kësaj kohe ke treguar lidhjen me nipërit dhe me mbesën që është bërë një zonjushë.

Agron Llakaj: Ata janë burim motivimi, shprese. Nuk e dija që Zoti do më rezervonte këtë lloj fati, se thonë që Zoti të sprovon për të treguar se sa i fortë është njeriu, unë nuk jam kaq i fortë, nuk futem te ajo seri e njerëzve. Dikur i thoja Kostandinës se është Agronizuar, tani kuptoj që jam Kostandinizuar. Unë duhet të marr dashurinë e atyre të vegjëlve por dhe të rriturve. Ime bijë pati ditëlindjen në 22 gusht, dhe nuk mund t’i thoja veçse unë nënë për ty nuk mund të bëhem kurrë. Është një kohë kur nuk e kuptoj edhe vetë se ku jam. Si ndjenjë e kam, kërkoj të qesh brenda të qarës time, të mbys të qarën me të qeshur dhe sërish qaj. Kërkoj në një perde të errët një pikë dielli, për të ardhmen e fëmijëve të mi. E di që shpirti i asaj më ndjek nga lart.

Brikena Prifti: Por është mision

Agron Llakaj: Është mision, por duke ditur që unë kam ndarë me të çdo moment, më mungon fjala e parë, kritika e parë e shokut tim.

Brikena Prifti: Goni të kërkoj ndjesë për pyetjen, por të vlerësoj shumë.

Agron Llakaj: Unë nuk mund të rri pa përmendur. Qendrimi afër i të gjithë njerëzve dhe miqve. Njeriu i mirë duket në ditët e vështira. Në momentin qe Genci më thirri për tu rikthyer në “Fake Off” e më pas për tu bërë pjesë e një misioni tjetër, u premtoj se do luftoj me dy shpirtrat. Unë jam ky që jam dhe do ta bëj atë që dua. Në gjithë misionin tim, do ta gdhend emrin e Kostandinës që është tek unë, e cila është bashkëshoqëruese në gjtihë veprimtarinë time.

The post Agron Llakaj “shpërthen” në lot në mes të emisionit, kujton bashkëshorten e ndjerë appeared first on Albeu.com.

Mirëpo, ai nuk ka zbuluar më shumë detaje, as emrin dhe as bashkëpuntorët që do ketë në këtë projekt. Ende nuk dihet nëse ky show do zhvillohet në ekranin e Vizion Plus, apo në ndonjë media tjetër.

Kujtojmë se pak muaj më parë Agron Llakaj pësoi një humbje të madhe, atë të bashkëshortes. Por mesa duket ai po vijon karrierën dhe pasionin për humorin, përmes emisioneve të tilla.

The post “Show humori të ri”/Agron Llakaj prezanton projektin e ri, largohet nga Vizion Plus? appeared first on Albeu.com.

Urimi i Agron Llakajt:

Bija ime Alkida! Sot ti ke ditelindjen dhe e kuptoj gjithcka ndjen, eshte e para ditelindje pa njeriun e shtrenjte, mamin dhe shoqen tende te ngushte, por jam dhe shume i sigurt qe nga Atje lart ku eshte sikur me thote-hapi shampanjen vajzes Agron! Nuk te la vetem…,Adea eshte rritur dhe e ke shoqen me te ngushte tani e tutje.
Bija ime! Une nuk ta zevendesoj dot mamin por sa te kem fryme e ze, do jem prane teje me gjithe forcen e dashurise time.
Shekullofsh shpirt ! Shendeti dhe suksesi yt jane dhe urimi i mamit nga Atje lart.
Buzeqeshi jetes zemer!
Babi si gjithmone te thote sikur kur ishe e vogel,-“te dua sa qielli e sa bota!”

https://www.instagram.com/p/C-8vBnrtpJu/?igsh=MWh1aThmMm1kOTVjMw==

The post Urimi prekës i Agron Llakajt për vajzën appeared first on Albeu.com.