Pra nga socialistët, Kapllanaj konsiderohet rivali punëmbarues me 67 milione euro tendera. Por jo vetëm tenderat pa garë e me plot hije korrupsioni, por tani do t’ju sjellim edhe shkeljet më të rënda nga Agron Kapllanaj, i cili siç bashkpunëtorët e tij socialist, ka mbi supe edhe skemën e tij “5D”. Milionat nga tenderat duket se nuk kanë qenë thjesht rastësi, pasi që në kohën kur ka qenë kryetar Bashkie, Agron Kapllanaj ka ngritur skemën e tij të “5D”, ku me firmë të tij i ka dhënë miliona euro tendera kompanisë së vjehrrit të vëllait. Siç do të rezultojë edhe nga dokumentet zyrtare, fondet e Bashkisë Mallakastër me firmë të Agron Kapllanajt shkonin sërish në xhepat e tij dhe të rrethit familjar.

Në korrik të vitit 2013 themelohet kompania “Grand Konstruksion M”, me ortak të vetëm Tetem Dajlanaj – vjehrri i Kastriot Kapllanajt. Kastriot Kapllanaj është vëllai i Agron Kapllanajt, ish-kryebashkiakut të Mallakastrës, personazhi kryesor i këtij investigimi. Që në fillesat e saj, kompania ka lidhje të dukshme me subjektin tjetër “Shkëlqimi 07”. Të dyja kompanitë ndajnë të njëjtën ekonomiste, zonjën Stoli Laze, një element që ngre pikëpyetje për menaxhimin financiar të aktiviteteve të tyre. Por lidhjet nuk mbarojnë këtu. Në bilancin e vitit 2013, del në pah një fakt që hedh dyshime të forta mbi ligjshmërinë e veprimtarisë së “Grand Konstruksion M”.

Dokumenti financiar ka si kokë zyrtare kompaninë “Shkëlqimi 07”, ndërkohë që firma dhe vula e vendosur në fund të bilancit i përkasin “Grand Konstruksion M”. Një parregullsi që sugjeron konfuzion të qëllimshëm ose konfirmim të bashkëveprimit të këtyre kompanieve, apo ndarje burimesh dhe financimesh. Bilanci për vitin 2013 tregon se kompania “Grand Konstruksion M” ka realizuar rreth 700 mijë dollarë amerikanë në të ardhura, të gjitha të ardhura nga shërbimi “Investime Publike”, pra vetëm nga institucione shtetërore. Në shkurt të vitit 2015, Tetem Dajlanaj largohet nga pozicioni i administratorit për arsye shëndetësore. Në vend të tij emërohet Petref Saliaj, i cili në vitin 2021 rezulton punonjës i kompanisë “Shkëlqimi 07”. Ky fakt tregon një tjetër rotacion brenda së njëjtit grupim individësh dhe interesash. Faturimet e kompanisë njohin një rritje të ndjeshme në vitin 2014, duke kapur vlerën e 1.6 milionë dollarëve amerikanë. Në vitin 2016, faturimi është 950 mijë dollarë. Por kulmi arrihet në vitin 2017, ku kompania shënon një ‘boom’ financiar me një faturim prej 3.1 milionë dollarësh amerikanë. Një tjetër hallkë e rëndësishme në këtë rrjet është shtetasi Flamur Zaimi. Ai punon njëkohësisht si Drejtor Finance pranë Ujësjellës Kanalizime Fier dhe si financier pranë kompanisë “Shkëlqimi 07”. Për më tepër, ai ka firmosur edhe bilancet e kompanisë “Grand Konstruksion M”. Konflikti i interesit bëhet edhe më i dukshëm kur mësojmë se dy fëmijët e Flamur Zaimit janë të punësuar pranë kompanisë “Grand Konstruksion M”.

Berisha në Astir: Ju që mbrojtët banesat tuaja, do keni infrastrukturën më moderne arsimore, shëndetësore, rrugore dhe të gjithanshme
Ky rrjet lidhjesh familjare, profesionale dhe institucionale përbën një shembull konkret të mënyrës se si përmes njerëzve të afërt dhe funksioneve të shumëfishta, krijohet një sistem i mbyllur që përfiton në mënyrë abuzive nga fondet publike, skemë që tashmë janë pagëzuar me emrat “5D” apo “5B. Vitet në vijim tregojnë një ecuri edhe më të qartë të përfitimeve të kompanisë “Grand Konstruksion M” nga fondet publike, duke thelluar dyshimet për favorizim të strukturuar dhe klientelizëm institucional. Në vitin 2017, kompania shënon një rritje të konsiderueshme në faturim, duke realizuar 307 milionë lekë. Ky trend vijon edhe në vitin 2018 me 314 milionë lekë, ndërsa në vitin 2019, ndonëse ka një rënie, faturimi mbetet i lartë – 217 milionë lekë. Viti 2020 shënon një rënie të ndjeshme në të ardhura – vetëm 85 milionë lekë – çka përkon me periudhën e pandemisë dhe kufizimeve ekonomike. Megjithatë, kompania rikuperon menjëherë në vitin 2021 me 203 milionë lekë, për të vazhduar me 323 milionë lekë në vitin 2022 dhe një tjetër boom financiar në vitin 2023 me 532 milionë lekë në faturim, vit ky që korespodnon me vit elektoral. Pra e thënë më thjeshtë, ndërsa Agron Kapllanaj sillej në politikë si opozitar, kompanitë e familjarëve të tij, rezultojnë të preferuarat e qeverisë.

Sipas të dhënave të siguruara nga Dega e Thesarit, në periudhën 2019–2025, kompania ka përfituar 900 milionë lekë ose 9 milionë euro vetëm nga institucionet buxhetore.

Në një klimë ku qindra biznese të ndershme përballen me vështirësi ekonomike, “Grand Konstruksion M” duket se ka qenë një nga përfituesit sistematikë të buxhetit të shtetit – një skemë e ndërtuar mbi lidhje politike-personale- e klienteliste. Kjo skemë kërkon një hetim të thelluar, për të kuptuar jo vetëm mënyrën e përfitimeve, por edhe dëmin që i është shkaktuar fondeve publike ndër vite.

Në vitin 2023, “Grand Konstruksion M” zgjeron veprimtarinë duke regjistruar një adresë të re dytësore në zonën minerare të Bashkisë Mallakastër, konkretisht në: Ballsh, Zona Minerare Nr.421/4, objekti “Përroi Thatë Vorba”, Njësia administrative Kutë, Qarku Fier. Sipas dokumentacionit zyrtar të paraqitur në Qendrën Kombëtare të Biznesit (QKB), kjo leje është dhënë nga Ministria e Infrastrukturës dhe Energjisë, e drejtuar nga Belinda Balluku, çka ngre sërish dyshime për favorizime politike dhe qasje të privilegjuar në sektorin minerar. Kujtojmë që Belinda balluku sot ka zbarkuar me të gjithë drejtorët e saj të akuzuar për afera të rënda, pikërisht në qarkun e Fierit, ku edhe Agron Kapllanaj ka bazën e aktivitetit të tij politik.

Nëse do ti hedhim një sy strukturës së kësaj kompanie, frocohet edhe më shumë dyshimi për lidhjet mes saj, Agron Kapllanajt, familjarëve të tij si dhe kompanisë tjetër të të vëllait “Shkëlqimi 07”. Në strukturën e brendshme të kompanisë, hasim një listë individësh që mbajnë funksione të shumëfishta – si në sektorin publik, ashtu edhe në kompani private të lidhura me tendera publikë, dhe më një të përbashkët mes tyre, lidhja familjare.

Shkëlqim Murati: i punësuar si inxhinier pranë Ujësjellësit Fier (UKF), por gjithashtu i angazhuar edhe në “Grand Konstruksion M”. Drita Hoxha: inxhiniere në “Grand”, por edhe pjesë e kompanisë HTM, që del në skema të tjera me fonde publike. Tonin Xhelaj: mjek pranë kompanisë “Grand”, administrator rajonal në Bashkinë Fier, dhe mjek pranë NG STRUCTURE – një kompani që ka marrë shumë tendera në Bashkinë Tepelenë dhe që bën pjesë në të ashtuquajturën skemë e kompanive “BIG”. Perikli Gogo: inxhinier që shfaqet në disa kompani – “Den Led”, “Murati” dhe “Grand”, duke përforcuar tezën e një rrjeti të përbashkët tekniko-administrativ. Ledjan Kapllanaj: djali i Shkëlqim Kapllanajt, shfaqet si konsulent për “Grand Konstruksion M” dhe “Shkëlqimi 07”. Ky konfigurim i personave të njëjtë që lëvizin brenda të njëjtit rrjet kompanish, institucione publike dhe procese tenderimi nuk është rastësi. Ai përbën një strukturë të qëndrueshme dhe të mirëkoordinuar për thithjen e fondeve publike nga të njëjtët personazhe.

Berisha: Kongresi i Partisë Popullore Europiane votoi rezolutën në të cilën i jepet mbështetja më e fuqishme PD-së
Në periudhën 2015-2019, gjatë kohës që Agron Kapllanaj udhëhoqi Bashkinë Mallakastër, një mori tenderash të dyshimtë u shpallën dhe u fituan nga kompani të lidhura me të, si dhe me familjarë të tij, duke formuar një skemë të thellë dhe të organizuar për përfitime të paligjshme nga fondet publike. Identike si në Bashkinë e Tiranës, me skemën “5D”, Kompania Grand Konstruksion M, e lidhur ngushtë me Kastriot Kapllanaj dhe Tetem Dajlanaj (vjerri i Agron Kapllanajt), fitoi një sërë tenderash nga Bashkia Mallakastër dhe Ujësjellës Kanalizime Mallakastër. Disa nga këto tendera janë:

• 2015 – Tender për rikonstruksion rrugësh, vlera 17.000.000 lekë

• 2016 – Blerje kamioncine, vlera 2.900.000 lekë

• 2016 – Blerje kamioni mbetjes, vlera 2.900.000 lekë

• 2017 – Blerje autoboot uji, vlera 2.500.000 lekë

• 2017 – Blerje pastrues rrugësh, vlera 1.200.000 lekë

• 2017 – Blerje traktori, vlera 1.666.000 lekë

• 2017 – Blerje kamioncine, vlera 1.800.000 lekë

• 2017 – Blerje fuoristradë, vlera 1.400.000 lekë

• 2017 – Blerje dy automjete, vlera 2.500.000 lekë

• 2017 – Tender për rikualifikim urban, vlera 77.800.000 lekë (në bashkëpunim me kompaninë 2T), firmosur nga Agron Kapllanaj

• 2018 – Tender për rikonstruksion rrugësh, vlera 52.000.000 lekë

• 2018 – Tender për ndërtimin e ujësjellësit në Mallakastër, vlera 83.000.000 lekë

• Nëntor 2018 – Tender për Ujësjellës Kanalizime Mallakastër, vlera 12.900.000 lekë

• 2019 – Tender për ndërtimin e 3 urave, vlera 4.500.000 lekë

Maj 2019 – Tender për blerje kamioni, vlera 19.000.000 lekë

Të gjitha këto tendera, që kapin vlerën 283 milionë lekë apo apo afro 3 milionë euro janë firmosur nga Agron Kapllanaj e vartësi e tij dhe janë përfituar nga kompanitë që lidhen drejtpërdrejt me Kapllanajt dhe Dajlanaj. Procedurat e tenderëve, shpallja e fituesve dhe mënyra e shpërndarjes së fondeve janë shumë të dyshimta dhe nuk ofrojnë një pasqyrë të qartë të konkurrencës së ndershme.

Në këtë skemë, tenderët e fituar nga Grand Konstruksion M dhe Shkëlqimi 07 janë një provë e qartë e përfshirjes së një grupi të organizuar që përdor pozitat publike për të pasuruar veten dhe të afërmit, duke shpërdoruar fonde të taksapaguesve dhe duke e minuar integritetin e institucioneve publike. Por nuk mbaron me kaq, kompanitë në fjalë, veç fondeve me firmë të Agron Kapllanajt, kanë përfituar në këto vite miliona euro fonde edhe nga bashki të tjera, përgjithësishtë të drejtuara nga socialistët. Dokumentet zyrtare dhe të dhënat e tenderimeve tregojnë se kompania Grand Konstruksion M, në bashkëpunim të ngushtë me Shkëlqimi 07 dhe disa subjekte të tjera si FLED, DESARET dhe BESTA, kanë përfituar afro 13 milionë euro tendera nga këto bashki.

Në Bashkinë Roskovec, Grand ka përfituar disa tendera të njëpasnjëshëm për rikonstruksion rrugësh:

• Mars 2019 – Rikonstruksion rruge, vlera 8.400.000 lekë

• Viti 2017 – Rikonstruksion rruge, vlera 12.900.000 lekë

• Viti 2018 – Rikonstruksion rrugësh, vlera 13.000.000 lekë

Po ashtu, kompania është paguar nga Ujësjellës Kanalizime Tepelenë në vitin 2016 për mirëmbajtjen e ujësjellësit të fshatit Bënçë, në një vlerë prej 21.000.000 lekësh, një tjetër institucion ku kanë ndikuar lidhjet politike dhe personale. Ndërkohë, një ndër tenderat më të mëdhenj është regjistruar në Bashkinë Kavajë, ku në vitin 2022 Grand ka qenë pjesë e një bashkëpunimi fitues për projektin “Rikualifikimi i banesave DS4”, me një vlerë marramendëse prej 529.000.000 lekësh.

Po në këtë bashki, në kuadër të Programit të Rindërtimit, kompania ka ndërtuar një stacion zjarrfikës në vitin 2021 me një fond prej 78.000.000 lekësh. Në Ujësjellës Kanalizime Sarandë, në vitin 2024, Grand në bashkëpunim me Shkëlqimi 07 fitoi një tender për ndërtimin e rrjetit shpërndarës në Delvinë, me një vlerë 117.500.000 lekë. Në Bashkinë Tiranë, Grand është pjesë e një tjetër konsorciumi të dyshimtë bashkë me Shkëlqimi 07 dhe FLED, që fitoi një tender për rindërtim në zonën e “5 Majit” në vitin 2020, me një fond total prej 321.000.000 lekësh. Në Bashkinë Fier, kompania ka marrë dy tendera të tjerë në vitin 2021:

• Rikonstruksion rrugësh – 11.000.000 lekë

• Rikonstruksion rrugës Seman – 8.000.000 lekë

Për më tepër, kompania ka përfituar edhe nga Fondi Shqiptar i Zhvillimit, ku në vitin 2020 fitoi një tender për rikonstruksionin e rrugës Çamëria, në vlerën e 179.000.000 lekësh, si dhe disa tendera të tjerë të ngjashëm që po analizohen aktualisht.

Pra jo vetëm “5D” e “5B” tëpushtetit, por “5K-të” duket se kanë funksionuar edhe në emër të opozitës. 67 milionë euro nga zyrtarët socialistë dhe 3 milionë euro u nxorën nga xhepi i fondeve publike dhe kaluan te xhepi personal. Tashmë i mbetet SPAK për të zbardhur këtë skemë korruptive, nëse rrahja e agjentëve të tyre nuk do të shërbejë si frika për të mos u afruar më në aksin Fier-Patos-Mallakastër./ Emisioni PLUG

The post Skema korruptive “5K” e ish-kryebashkiakut të Ballshit, Agron Kapllanaj appeared first on Albeu.com.

Burimet mediatike bëjnë me dije se njerëz të ish-kryetari i Bashkisë së Mallakastrës, Agron Kapllanaj janë përplasur me hetuesit e BKH-së dhe forcat operacionale.

Hetuesit e BKH-së shoqëroheshin nga forcat operacionale. Ndërkohë, lidhur me incidentin e sotme, raportohet se janë shoqëruar disa persona, identiteti i të cilëve nuk dihet ende.

Po ashtu, e paqartë është edhe arsyeja e përplasjes mes tyre, pasi BKH ka njoftuar se nuk mund të japë informacione të detajuara.

The post Incident në Fier/ Njerëzit e Agron Kapllanaj përplasen me hetuesit e BKH, shoqërohen disa persona appeared first on Albeu.com.

Kapllanaj shkruan në “Facebook”, se fotot e videot i janë dërguar gjatë natës nga një person, i cili i ka kërkuar të paguajë një shumë të caktuar parash, pasi në të kundërt do t’i shpërndante te miqtë e tij.

Ai deklaron se do ta referojë rastin pranë organeve ligjzbatuese dhe se imazhet janë të sajuara.

POSTIMI:
Pershendetje miq të mij! Gjate nates dikush me ka nisur nje foto apo video te modifikuar ku shfaqet imazhi im!
Personi qe me nisi keto foto me ka shantazhuar se nese nuk i paguaja nje shume te caktuar paresh do i shperndante keto foto te miqt e mi, dhe mesa duket e ka bere nje gje te tille sepse une refuzova te paguaj! Une kam te ruajtur te gjithe biseden me kercenime dhe shantazhimet e tij dhe sapo te kthehem ne Shqiperi ( sepse ndodhem jashte vendit per momentin) do t’i referoj te gjitha prane organeve ligjzbatuese per te bere dhe kallzim.

Ju garantoj se ato imazhe jane te sajuara dhe nuk ka asgje te vertet.

E mbyll me nje ndjes per secilin qe i kane ardhur ato imazhe me foton time! Ju uroj nje dite te mbare!

The post Shantazhohet ish-kryebashkiaku Agron Kapllanaj: Kam bisedat me kërcënime, më dërguan foto e video të… appeared first on Albeu.com.

Mendoni se do ti bashkoni demokratët për zgjedhjet lokale të 14 majit?

Agron Kapllanaj : Mendoj se demokratët janë të bashkuar dhe për më tepër rreth emrit Agron Kapllanaj. Pothuajse pjesa dërrmuese janë të bashkuar por dhe ata që kanë një mendim ndryshe për momentin me vazhdimin e kësaj rruge që kemi nisur do ti bashkohen kësaj kandidature.

Jeni përfolur nga ish kryeministri Berisha si një kandidat i Ramës si do ta komentonit këtë?

Agron Kapllanaj: Me thënë të drejtën pema që ka kokrra gjuhet thotë populli. Kështu që për sa kohë nuk i jam bashkuar nismës së zotit Berisha do të thotë se ai nuk e ka pritur mirë dhe dy rrugë ka me Sali Berishën o mik o armik. Qytetarët e Mallakastrës më njohin shumë mirë dhe e dinë që nuk bëj kompromise, nuk bëj pazare të pista në kurriz të qytetarëve shqiptarë e aq më tepër të qytetarëve.

The post Kandidati i parë i Alibeajt, Kapllanaj: Me Berishën mik, ose armik appeared first on Albeu.com.

“Agron Kapllani nuk premtoi në 2015 vende pune, por tha “I barabartë gjithkush”. Kjo është të jesh i moralshëm, i ndershëm në dhënien e shërbimit.

E dyta, me alternativë. Mund të jesh i ndershëm, mund të jesh i sinqertë, por duhet të kesh alternativë. Çfarë do bësh ti për qytetin, për bashkinë? Në rastin e Agron Kapllanit kjo është e tejkaluar sepse ka pasur nga 2015-2019 për ta parë si e trajton qeverisjen ndaj njerëzve pa bërë asnjëlloj dikriminimi, as për të majtë, as për të djathtë”, tha Alibeaj.

Alibeaj replikoi nga Mallakastra edhe me kryetarin e PD-së, Sali Berisha, i cili sot, gjatë një komunikimi me ndjekësit në Facebook, i quajti deputetët e tij bukëshkalë.

“Anatemohemi ne për pazar me Edi Ramën? Bukëshkalë? Pengje? Kush e votoi pro çështjen inceneratorëve dhe kush nuk e votoi? Një pjesë e ministrave sot janë në burg sepse atë çështje e ngritëm ne. Ca njerëz nuk erdhën as për ta votuar, madje edhe na shanë. Kush e votoi përfaqësuesin e maxhorancës “mamuthi i korrupsionit” te Banka e Shqipërisë? Fitoi “mamuthi i korrupsionit” me votat e këtyre që i bashkuan me maxhorancën. Çështjen e Portit të Durrësit e ngritëm ne. Njerëzit nuk kanë nevojë për zhurmën e kapjes së foltores çdo të enjte në mëngjes, por kanë nevojë të dinë sa është vjedhur, kush janë oligarkët që darkojnë me Edi Ramën”, u shpreh Alibeaj.

ish-kryetari i PD-së në Mallakastrës Agron Kapllanaj, është akuzuar nga partia e Berishës se ka marrë tendera me miliona euro nga qeveria “Rama”. Sali Berisha deklaroi pak kohë më parë, duke prezantuar dokumentet e prokurimeve publike, se Kapllanaj ka fituar rreth 100 tendera nga qeveria lokale dhe vendore.

The post Zgjedhjet lokale/ Berisha e akuzoi se fitoi tendera nga Rama, Alibeaj prezanton Agron Kapllanin në Mallakastër appeared first on Albeu.com.

“Vendimi për të kandiduar nuk është ambicie as ofiqe personale, por detyrim ndaj qytetarëve që më kanë besuar ndër vite dhe fatkeqësisht i braktisëm në vitin 2019”, tha ai.

Sipas Kapllanajt, emri i tij i bashkon demokratët, ndërsa shtoi se nuk ka bërë dallime ndaj qytetarëve të cilëve iu ka shërbyer.

“Demokratët do të dinë të zgjedhin. Unë e kam dëshmuar në ditë të vështira se ju kam shërbyer atyre. Ju kam shërbyer demokratëve dhe socialistëve pa dallime. E kur nuk kam bërë këto dallime, nuk mund të shoh dallime brenda familjes time politike”, tha Kapllanaj.

Ai dha një përgjigje të prere nëse ka negociuar apo do të negociojë me grupin e Sali Berishës, duke theksuar se do të jetë kandidat.

“Unë do të jem kandidat. Partia ime, siç e thashë dhe e kam thënë, janë qytetarët mallakastriot. Atyre u detyrohem dhe do jem aty për ta”, tha ai në Ora News. /

The post PD e ndarë në zgjedhjet lokale, konfirmohet kandidati i parë nga grupi Alibeajt appeared first on Albeu.com.

Sipas Kapllanajt rruga më e thjeshtë për të gjetur zgjidhjen në situatën ku ndodhet Partia Demokratike është që të hapet gara.

Kapllanaj: Krijojme nje komision te perbashket per te bashkuar demokratet. Nese foltorja nuk pranon, komisioni drejton PD deri ne zgjedhje. Vendimi i 9 shtatorit per Berishen nuk ndryshon.

Ne duhet te gjejme nje mekanizem per t’u bashkuar. Propozimet qe ne bejme me ju i diskutojme, por keni pare qe nga Ana tjeter te thote dikush keto qe po ju kerkojme ne ju? Jo nuk ka, se kane frike te flasin kundër Sali Berishes. Vendimi i 9 shtatorit per Sali Berishen nuk mund te ndryshoje.

Rruga më e thjeshtë për zgjidhjen është të hapim garë ne PD. Të lëmë datën e zgjedhjeve dhe të hyjmë në zgjedhje. A na bën mirë kjo? Mendoj se jo. A i bashkon demokratet jo, ndoshta do i demtoje me shume, do cahet me shume. Mund të ngremë një komision me 10 veta, dhe ne bëjmë një veprim për të bashkuar demokratët 5 anëtarë nga pd dhe I lëmë afat foltore të sjellë 5 vetat e vet. Natyrisht pa Berishen dhe Bashen. Nese nuk vijnë kjo strukturë të drejtojë pd për një periudhë kohe deri në procesin e ardhshem zgjedhor. /albeu.com

The post Mbledhja në selinë blu, Agron Kapllanaj: Zgjidhja është të hapim garën në PD appeared first on Albeu.com.

“Deklarata ka qene e nxituar, nuk do te jap dorëheqjen”, ka thënë ai.

The post “Nëse Berisha fiton Shkodrën, largohem nga politika”, Agron Kapllanaj nuk mban fjalën: U nxitova appeared first on Albeu.com.

Berisha shtoi se rafineritë po çohen për skrap ndërsa shtoi se sot Rama ka 10% më shumë pushtet se Ramiz Alia në vitin 1991.

“Nafta nga një faktor pasurimi, ngrohtësimi për ju, u shndërrua në faktor fatkeqësie. Të gjithë i keni parasysh shpërthimet në Patos, Marinzë. Shkatërrimet që sollën ato shpërthime. Pasojat më të mëdha i sollën në shëndetin e njerëzve. Cili qe qëndrimi? Qëndrimi ishte çnjerëzor. Jo vetëm që qeveria nuk qëndroi në anën tuaj, por bëri gjithçka ta mbyllte problemin pa dëmshpërblime. Bëri gjithçka të falsifikonte analizat që tregonin lëndë toksike të dëmshme dhe të rrezikshme për shëndetin e banorëve. Bëri gjithçka që të fshihte autorët e vërtetë vetëm pse ishin miq të kreut të Meduzës. Mediat treguan se pas kompanisë qëndronte George Soros. Qeveria injoroi çdo gjë. Së fundmi në veprim antiqytetar, hoqi rentën. Renta është detyrim ndërkombëtar që ta dini ju. Çfarë është kjo organizatë? Kjo i detyron kompanitë e mëdha të naftës që të jenë sociale, të kujdesen për komunitetin, të investojnë. Kjo i detyron qeveritë që anëtarësohen, që një pjesë të mirë të rentës të mos e marrin vetë por ta lënë për banorët. Nga heqja e rentës, të gjitha paratë shkuan në xhepat e miliarderëve. Kjo qeveri ndan me ta paratë, se ndryshe nuk mund ta hiqte kurrë rentën, sepse ajo është për qytetarët. Tani po shndërrojnë në skrap rafinerinë pasi vodhën qindra miliona euro. Pse unë po ndalem në këto probleme? Sepse dot ky përvjetor është kushtrim i madh për çdo demokrat që të bashkohemi në një mision të madh për të hedhur mënjanë diktaturën e drogës dhe krimit që është instaluar në Shqipëri. Sot Edi Rama ka 10% më shumë pushtet se Ramiz Alia në vitin 1991”, tha Berisha.

Berisha ka akuzuar dhe Agron Kapllanajn se ka përfituar 32 milionë euro fonde nga shteti shqiptar, në një kohë kur bashkitë qeverisen nga socialistë.

Duke iu referuar si “Pallat Kapllani”, Berisha e quan Kapllanin dhe Lulzim Bashën “gjakpirës” që pasurohen në kurriz të qytetarëve.

“Çfarë zgjedhjesh bën ai që i thotë demokratëve se në antikuvendin e tij marrin pjesë 5004 delegatë kur salla kishte gjithsej 1958 karrige. Mos harroni që ato janë vendime të paligjshme.  Edi Rama dhe Lulzim Brava janë në garë si e si të shtypin më shumë votën e lirë dhe liritë tuaja. Do ju bëj një pyetje, demokratëve të Patosit; Me cilin je ti, me atë që ju hedh gaz helmues, bomba shurdhuese, lëndë neuroparalizuese votuesve të tij që nuk ka ndodhur kurrë më parë, apo me demokratët e Patosit dhe krejt Shqipërisë që duan të qëndrojnë si demokratë të vërtetë dhe që duan të luftojnë kundër regjimit? Shtrojani pyetjen çdo demokrati, me cilin je ti me Lul Bravën e Parkut të 4 hajdutëve, që ka shitur selinë për të ndërtuar pallate me Ramën dhe Veliajn, me cilin je ti me Pallat Kapllanin që fiton gjatë qeverisjes socialiste dhjetëra milionë euro dhe vjen prish shtëpitë e njerëzve për të ndërtuar pallate me Lulzim Bashën. Këta janë gjakpirës more, janë hajdutër, asgjë më shumë. Ti them unë atij Pallat Kapllanit, si i fitove 32 milionë euro me bashkitë socialiste këtë periudhë? Sa pagove? Tani na hiqesh si demokrat. Ti je një turp që duhet të largohesh menjëherë nga PD. Sigurisht se mund të ketë marrë ndonjë pallat te Parku 4 hajdutëve”, tha ai./albeu.com

The post Berisha: Sot, Edi Rama ka 10% më shumë pushtet se Ramiz Alia në vitin 1991 appeared first on Albeu.com.

Nga takimi që Basha po zhvillon në Fier, gjatë fjalës së tij, ai tha se personat që po protestonin kundër Bashës i ka nxjerrë ish-kryeministri Sali Berisha.

Kapllanaj deklaroi se Berisha ka marrë në telefon një ditë më parë, ish-kryetarin e degës së PD-së, duke i kërkuar që të prishë takimin e Bashës.

Ai shtoi se Berisha ka qenë një ish-komunist i vjetër që sipas tij i ka shërbyer atij sistemi dhe nuk mund të jetë kurrësesi e ardhmja.

“Kë prej jush e ka dërguar Edi Rama, asnjë, do të thotë se këtu janë demokratët e vërtetë ata që duan Shqipërinë, PD të ardhmen e këtij vendi ata që duan që fëmijët e tyre ti rrisin këtu”.

Basha është pritur me një protestë nga disa mbështetës të Berishës përpara fillimit të takimit me demokratët. Kapllanaj tha se ata janë nxjerrë aty nga ish-kryeministri Berisha. Gjatë fjalës së tij në takimin në Fier, Kapllanaj deklaroi se Berisha ka marrë në telefon një ditë më parë, ish-kryetarin e degës së PD-së, duke i kërkuar që të prishë takimin e Bashës.

20 veta përtej që bënin thirrje për dhunë unë i mirëkuptoj, një pjesë e tyre ishin të detyruar për dhunë. Mbrëmë në 11 të natës Berisha ka marrë ish-kryetarin e PD dhe i ka thënë se dua ti nxjerrësh se s’bën nesër e të prishësh takimin e demokratëve. Një pjesë e tyre do të rikthehen se është dera e hapur dhe të kontribuojnë për PD.

Nëse sot janë kaq shumë këtu dhe nesër do të jenë më shumë, një pjesë janë në sallë këtu sepse nuk janë një pjesë e zhurmës e atyre që shajnë dhe fyejnë. Unë Berishës nuk ia fal 8 janarin, unë një pjesë i kam pasur miq tani s’janë më miqtë e mi, ata që tentuan të na vrasin brenda s’mund të jenë më demokratë. Nga ata unë jam ndarë përgjithmonë, ata janë shumë pak”, tha ai./albeu.com/

The post Trazirat para takimit të Bashës me demokratët, kryetari i degës në Fier: I nxiti komunisti Berisha appeared first on Albeu.com.