Balla tha se është një operacion i vështirë, ku era favorizon flakët.

“Në kushtet e kësaj ere kemi një përhapje të flakëve. Po punohet në mënyrë të pandërprerë. Janë 5 vatra zjarri aktive. jam shumë i shqetësuar për vatrat në Kurorën mbi qytet, gjithashtu kemi situatë në Ramën e Hedhun, apo edhe në Shëngjin”, tha Balla.

Ai u shpreh se nga vlerësimi paraprak nuk kemi të bëjmë me një zjarrvënie të qëllimshme. Sipas tij, të gjithë strukturat janë në krye të detyrës.

Balla tha se nuk ka asnjë hotel të përfshirë nga zjarri, flakët mund të jenë afruar, por nuk kemi asnjë banesë të përfshirë nga flakët.

“Jemi në komunikime të vazhdueshme me vendet e BE-së për të siguruar ndihmën nga ajri. Dy avionë janë në veprim, gjithashtu Ministria e Mbrojtjes është në kontakt me KFOR, për të siguruar një tjetër ndërhyrje nga ajri”, tha Balla.

The post Zjarret në Lezhë, Balla: Janë 5 vatra aktive, problem mbetet kurora me pisha appeared first on Albeu.com.

Ata akuzohen se kanë marrë ryshfet për një punësim në burgje, në vitin 2021. Hetimi ndaj tyre ka filluar në vitin 2021 për veprën penale “Ushtrimi i ndikimit të paligjshëm te personat që ushtrojnë funksione publike”, e kryer në bashkëpunim dhe të martën më 6 qershor 2023, Gjykata e Posaçme e Shkallës së Parë, ka pranuar kërkesën e SPAK për caktimin e masës së sigurisë “arrest në burg” ndaj tyre që është ekzekutuar po të martën nga policia gjyqësore.

Sipas SPAK, ka dyshime se Agron Balla dhe Klodian Gjeci, duke bashkëpunuar me njëri-tjetrin kanë kërkuar dhe kanë marrë para nga një qytetar duke i premtuar atij punësim në strukturat në varësi të Drejtorisë së Përgjithshme të Burgjeve.

Ka dyshime se Balla e Gjeci kanë ndërhyrë tek persona të tjerë, punonjës në këtë drejtori për të bërë punësimin e qytetarit.
Prokuroria e Posaçme ka dyshime se dy punonjësit e arrestuar kanë marrë para edhe tek persona të tjerë, rastet e të cilave vijojnë të jenën nën hetim./albeu.com/

The post Merrnin para për një vend pune ne burgje, Klodian Gjeci dhe Agron Balla lihen në qeli appeared first on Albeu.com.