Në nisje të një konference dyditore në Berlin më 18 nëntor, që ka në qendër forcimin e mbrojtjes të Evropës, Gerhartu tha se “sfida jonë kryesore është frenimi, dhe frenimi sot duhet të jetë kundër të gjitha llojeve të shtypjes”.

Ai theksoi se, për t’iu kundërvënë një numri në rritje sulmesh hibride, Gjermania ka nevojë për reforma të shpejta në prokurimin ushtarak, zbatim të shpejtë të ligjit të ri për shërbimin ushtarak dhe forcimin e gatishmërisë mbrojtëse në mbarë shoqërinë.

“Për të transformuar investimet në frenim, institucionet duhet të ndryshojnë, proceset duhet të përshtaten, dhe më e rëndësishmja, e gjithë shoqëria jonë duhet të angazhohet”, tha ai.

Gerhartz shprehu keqardhjen për debatin që ka zgjatur muaj me radhë mbi atë nëse dhe si të futet shërbimi ushtarak në Gjermani, i cili në aspektin politik u zgjidh vetëm javën e kaluar.

Ai tha se Rusia gjithashtu e kupton se procesi gjerman i prokurimit nganjëherë zgjat me vite të tëra dhe se industria ka vështirësi që të rrisë prodhimin e armëve.

“Kjo tregon se Gjermania si tërësi ende nuk e ka arritur pjekurinë strategjike që kërkon kjo kohë”, argumentoi Gerhartz, i cili komandon selinë operacionale të NATO-s në Brunsum të Hoandës, të quajtur Komanda e Përbashkët e Forcave Aleate.

Duhet po ashtu të ketë një diskutim mbi mënyrën se si mund të funksionojë frenimi në të ardhmen në të ashtuquajturën “zonë gri” të sulmeve hibride, të cilat mund të mos arrijnë deri tek obligimi për të mbrojtur një aleat të NATO-s sipas Nenit 5 të NATO-s. Gerhartz u shpreh se “duhet të rishikojmë qasjen tonë ndaj frenimit”.

Politikanë, zyrtarë ushtarakë dhe ekspertë të mbrojtjes po mblidhen në kryeqytetin gjerman për konferencën, e cila do të përfshijë më shumë se 140 folës në fjalime kryesore dhe panele diskutimi.

Pjesëmarrësit synojnë të shqyrtojnë mënyrat e përgjigjes ndaj një sërë kërcënimesh që përballen NATO-ja dhe Bashkimi Evropian, duke përfshirë masa për rritjen e prodhimit të armëve dhe adoptimin e teknologjive të reja.

Ministri gjerman i Mbrojtjes, Boris Pistorius, dhe ministri suedez i Mbrojtjes, Pal Jonson, gjithashtu morën pjesë në këtë konferencë dyditore.

Gjatë deklarimit të tij, Pistorius bëri thirrje që aleatët evropianë të Gjermanisë të zgjerojnë shpejt gatishmërinë mbrojtëse në kontinent.

Ai gjithashtu iu referua kërcënimit në rritje nga Rusia. Pistorius nënshkroi një marrëveshje me Jonson për rritjen e bashkëpunimit ushtarak me këtë shtet anëtar të NATO-s.

Pistorius vuri në pah se Moska tashmë po kryen sulme hibride në shkallë të gjerë, duke përdorur sulme kibernetike, spiunazh, sabotim dhe dezinformim.

Ai shtoi se Deti Baltik, tradicionalisht i parë si lidhje mes vendeve evropiane, po kthehet gjithnjë e më shumë në një zonë tensioni, duke shërbyer si poligon testimi i presidentit rus, Vladimir Putin, për kapacitetin e Evropës për të frenuar dhe për t’iu përgjigjur.

Ai përmendi kabllot nënujore të dëmtuara, shkeljet e hapësirës ajrore dhe fluturimet me dronë./REL

The post Shqetësimet për agresionin rus/ Gjenerali i NATO-s: Gjermania të forcojë urgjentisht mbrojtjen kundër kërcënimeve hibride appeared first on Albeu.com.

Sipas tij, kjo për faktin që rajoni në këtë rast Ballkani Perëndimor, historikisht ka qenë i lënduar në situata të caktuara.

Për këtë kryeministri Xhaferi, ka theksuar se është e rëndësishme që vendet e rajonit të kenë qëndrimet e tyre, duke kundërshtuar agresionet që destabilizojnë rajonin.

“Nuk është çështje që mund ta them unë, ta konstatoj se sa është e rrezikuar, ajo është çështje e ndërlidhur. Parimi i enëve të ndërlidhura vlen edhe këtu, për faktin që nëse në rajon një vend nuk mbështeten sanksionet kundrejt Federatës ruse dhe nuk deklarohet kundër agresionit rus në Ukrainën. Nuk ka qëndrim të caktuar kundrejt raporteve në lindje të mesme, nuk do mend që rajoni jonë edhe historikisht është rajon fragjil, do të thotë i lënduar në situata të caktuara”, ka thënë ai.

Xhaferi, ka kërkuar që vendet duhet të jenë të vëmendshëm dhe të angazhuara në rregullimin e raporteve për t’i tejkaluar situata të cilat mund ta sjellin në rrezik rajonin.

Gjithashtu, ai ka theksuar se çdo vend duhet që t’i jape përparësi dialogut e diskutimeve.

“Nga kjo buron që ne të gjithë duhet të jemi të vëmendshëm, të kujdesshëm dhe të angazhuar në rregullimin e raporteve tona dhe në tejkalimin e situatave të mundshme që të japim përparësi dialogut, mirëbesimit, diskutimit përparësi gjithnjë do të thotë bisedimeve para çdo elementi tjetër. Por gjithsesi çdo linjë duhet bërë përpjekjet e veta dhe vlerësimet e veta për atë se si është se çka është situata”, është shprehur ai.

The post Talat Xhaferi: Mbështetja e agresionit rus nga vendet e rajonit, e sjell Ballkanin në situata jo të favorshme appeared first on Albeu.com.

Ndërsa theksoi se më 28 shkurt organizohet Samiti Ukrainë-Ballkani Perëndimor.

“Shqipëria qëndron përkah Ukrainës dhe do të vazhdojë ta mbështesi me të gjitha focat dhe menyrat Ukrainën dhe popullin e saj në rezistencën së tyre heroike ndaj luftës së ashpër dhe të padrejtë të Rusisë”, shprehet ai.

The post Dy vite nga agresioni rus në Ukrainë, Ministri Hasani: Krenar për rolin e Shqipërisë appeared first on Albeu.com.

Një vit pas fillimit të agresionit rus ndaj Ukrainës, Moska vazhdon sulmet shkatërruese ndaj Kievit ndërsa përballet me një rezistencë të ashpër nga ushtria dhe populli ukrainas. Siç njofton nga Kievi korrespondentja e Zërit të Amerikës Myroslava Gongadze, aleatët perëndimorë vazhdojnë të jenë të bashkuar në mbështetjen për Ukrainën ndërsa populli ukrainas zotohet të çlirojë vendin nga agresori rus.

The post Ukraina përballë agresionit rus, synon anëtarësimin në NATO dhe BE appeared first on Albeu.com.

Lideri francez tha për mediet se është i lumtur që ndodhet ën Shqipëri dhe se kanë projekt konkrete për të diskutuar.

“Lufta në Ukrainë është çështje sigurie për të gjithë rajonin. Ne jemi duke punuar që nga marsi, por jam shumë i lumtur që sot jam në Shqipëri. Falenderoj Ramën për këtë samit në një moment shumë të rëndësishëm për ne. Kemi projekte konkrete për të diskutuar. Është e rëndësishme që të kemi soliadaritet mes BE-së dhe Ballkanit Perëndimor për energjinë dhe integrimin e kësaj pjese në BE. Do të kemi mundësi edhe së bashku me kancelarin të përgatisim konkluzionet për energjinë.

Jemi një vendi madh, kemi çështjen e energjisë për shkak të luftës, megjithatë secili bën punën e vet. Skenari i frikës nuk është për mua”, ka thënë ai.

Edhe kancelari gjerman ka mbërritur, por nuk është prononcuar për mediat.

The post “Kemi projekte konkrete për të diskutuar”, Macron në Tiranë: Skenari i frikës për energjinë nuk është për mua appeared first on Albeu.com.

Sipas gazetës, Belgjika llogarit deri në 50 miliardë euro në asete të ngrira ruse, e ndjekur nga Luksemburgu me 5.5 miliardë euro. Së bashku me Italinë, Gjermaninë, Irlandën, Austrinë dhe Francën, vendet përbëjnë rreth 90% të të gjitha aseteve të ngrira ruse në Evropë.

Në të njëjtën kohë, shuma totale e rezervave kombëtare të Rusisë të ngrira në BE mbetet ende e panjohur por dokumenti i brendshëm e vlerësoi atë në rreth 33.8 miliardë euro.

Vendet perëndimore dhe aleatët e tyre kanë zhvilluar një fushatë gjithëpërfshirëse sanksionesh kundër Rusisë për shkak të operacionit të saj ushtarak në Ukrainë. Masat përfshinin ngrirjen e rezervave valutore të huaja të Rusisë dhe ndalimin e pagesave ndërkombëtare nga bankat ruse. Në mes të marsit, ministri rus i financave Anton Siluanov vlerësoi se rreth gjysma e rezervave të arit dhe valutës së huaj të Rusisë, me vlerë mbi 300 miliardë dollarë, ishin ngrirë.

The post BE ngrin asetet ruse me vlerë rreth 68 miliardë euro, pjesa më e madhe në Belgjikë appeared first on Albeu.com.

Xhaçka theksoi se lufta e tanishme në Ukrainë i ka rrënjët në pushtimin e Krimesë në vitin 2014, pasi sipas saj në atë kohë bota nuk reagoi ashtu siç duhej.

“Shqipëria ka mbështetur në maksimum Ukrainën dhe rezistencën e saj heroike, duke qenë një nga vendet e para që dërgoi municione, duke kontribuar në Konferencën e Donatorëve, duke miratuar ligjin e nevojshëm kornizë që na lejon të mirëpresim në vendin tonë ukrainasit që ikin nga lufta, duke u rreshtuar plotësisht me të gjitha sanksionet e BE-së dhe duke bërë maksimumin në Këshillin e Sigurimit, si bashkëpenëmbajtës me SHBA, për të mbështetur Ukrainën në mënyrë diplomatike dhe për të izoluar Rusinë”, tha ajo.

Sipas saj, çdo vend që beson në të drejtën ndërkombëtare duhet të mbështesë Ukrainën, në mënyrë që veprime të tilla të paligjshme të mos përsëriten nga vende të tjera.

“Duke mos e bërë këtë tani, do të rrezikonte të gjithë rendin e bazuar në rregulla ndërkombëtare, të gjithë arkitekturën e sigurisë në të cilën ne të gjithë mbështetemi për paqen dhe stabilitetin në botë dhe do të inkurajonte çdo vend dhe lider autoritar në botë, që të nisë të njëjtin kurs veprimi”, u shpreh ajo.

“Platforma e Krimesë”, është një mekanizëm ndërkombëtar i krijuar posaçërisht nga Presidenti i Ukrainës Volodimir Zelenski, në vitin 2021, përpara fillimit të agresionit rus në Ukrainë, për të tërhequr vëmendjen ndërkombëtare ndaj problemit të Krimesë, në mënyrë që ta kthejë gadishullin në përbërje të Ukrainës.

The post “Platforma e Krimesë”, Xhaçka në samit: Të mbështesim Ukrainën që agresionet e paligjshme të mos përsëriten më appeared first on Albeu.com.

Megjithatë, ende nuk janë konfirmuar burimet qeveritare që Maqedonia e Veriut i ka dërguar Ukrainës edhe katër aeroplanë, Su-25 dhe helikopterë luftarakë, Mi-24.

Ministrja maqedonase e Mbrojtjes, Sllanjanka Petrovska, ka thënë të hënën se Qeveria ka miratuar tri vendime për ndihmë ushtarake ndaj Ukrainës, porse vendimet janë të klasifikuara, andaj edhe nuk mund të publikohen.

Ajo është deklaruar vetëm për tanket, të cilat janë parë duke u transportuar në Ukrainë.

Autoritetet maqedonase i kanë blerë këto tanke pikërisht në Ukrainë më 2001, gjatë konfliktit të armatosur me Ushtrinë Çlirimtare Kombëtare (UÇK).

Me kalimin e kohës disa prej këtyre pajisjeve nuk janë përdorur për shkak të nevojës për servisim.

“Deri tani kemi miratuar tri vendime për donacione ushtarake dhe për momentin këto vendime janë të klasifikuara për shkaqe sigurie. Ajo që dukej ishte transporti i tankeve. Tani nuk do të bëjmë të ditur se për çfarë sasie apo për sa tanke bëhet fjalë, por është e qartë se pjesë e donacioneve janë edhe tanket. Ato tashmë nuk janë pjesë e ushtrisë sonë, nuk janë të nevojshme. Dhe më duhet të them se të gjitha vendimet janë marrë në konsultim me shtabin e përgjithshëm të ushtrisë, pasi ai është përgjegjës për sigurinë e shtetit. Me këtë i hedhim poshtë të gjitha spekulimet se me këto donacione kemi dobësuar gatishmërinë luftarake të ushtrisë tonë”, ka deklaruar ministrja Petrovska.

Zyrtarët ukrainas, në disa raste, kanë falënderuar Maqedoninë e Veriut për donacionet.

Mykhailo Podolyak, këshilltari i presidentit ukrainas, Volodymyr Zelensky, në një postim në rrjetet sociale në gjuhën ukrainase, kishte falënderuar vendimin e Shkupit për tanket dhe fluturaket e dhuruara, pa specifikuar nëse ishin avionë apo helikopterë.

Vendimi i Qeverisë maqedonase është kritikuar nga Moska si “gabim i madh” në mbështetje të “aktiviteteve kriminale të regjimit në Kiev”.

Por, ministrja e Mbrojtjes e Maqedonisë së Veriut, Sllavjanka Petrovska ka thënë se bëhet fjalë për “vendime të pavarura të një shteti sovran, në ndihmë të një shteti tjetër sovran të pushtuar”.

“Janë vendime të një shteti sovran dhe të pavarur. Pa marrë parasysh se jemi anëtare e NATO-s, dhe pjesë e sistemit kolektiv të mbrojtjes, Qeveria ka vlerësuar se kur sulmohet një shtet tjetër i pavarur, sovran dhe demokratik, siç është rasti me Ukrainën, duhet t’i ndihmohet duke u nisur nga parimet e pavarësisë. Të motivuar nga këto parime, morëm edhe vendimin për të ndihmuar këtë vend me pajisje ushtarake. Ukraina është shteti që ishte sulmuar dhe që po mbrohet nga agresioni”, ka deklaruar Petrovska.

Që në ditët e para të agresionit rus, Maqedonia e Veriut i ka dhënë mbështetje Qeverisë në Kiev, duke respektuar sovranitetin dhe integritetin territorial të Ukrainës, ndërsa ka mbështetur të gjitha vendimet për sanksione ndaj Rusisë.

Ndërkohë, Rusia e ka vendosur Maqedoninë e Veriut në “grupin e shteteve jomiqësore”.

Zyrtarët maqedonas në disa raste kanë akuzuar Moskën për ndërhyrje në punët e brendshme dhe për veprimtari spiunazhi, andaj në dy vjetët e fundit ka dëbuar 11 diplomatë rusë.

Presidenti rus, Vladimir Putin, ka urdhëruar pushtimin e Ukrainës më 24 shkurt.

Ai e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra./REL

The post Maqedonia e Veriut zotohet se do të vazhdojë ndihmën ushtarake ndaj Ukrainës appeared first on Albeu.com.

Zyrtarë të lartë të qeverisë thanë në një konferencë shtypi se shpresonin se dërgesa e parë e grurit sipas marrëveshjes do të ishte nga porti i Chornomorsk këtë javë dhe se dërgesat mund të kryheshin nga të gjitha portet e përfshira në marrëveshje brenda dy javësh.

Ministri i Infrastrukturës Oleksandr Kubrakov tha se nuk kishte kufizime se sa grurë mund të eksportohej sipas marrëveshjes së arritur të premten, e cila gjithashtu lejon eksportin dhe importin e plehrave, shkruan Al Jazeera.

“Ne besojmë se gjatë 24 orëve të ardhshme do të jemi gati të punojmë për të rifilluar eksportet nga portet tona. Ne po flasim për portin e Chornomorsk, ai do të jetë i pari, pastaj do të jetë Odesa, pastaj porti i Pivdeny”, tha Yuriy Vasyukov, zëvendësministri i infrastrukturës i Ukrainës

The post Eksportet e grurit ukrainas mund të rifillojnë këtë javë appeared first on Albeu.com.

Në përfundim të konferencës dyditore në Lugano të Zvicrës, liderët e afër 40 shteteve nënshkruan Deklaratën e Luganos, e cila paraqet një sërë parimesh për rindërtimin e Ukrainës.

Nënshkruesit e deklaratës, përfshirë Shtetet e Bashkuara, Britaninë, Francën dhe Japoninë, dënuan fuqishëm agresionin ushtarak të Rusisë kundër Ukrainës dhe i bën thirrje Moskës që të tërheqë trupat e saj pa vonesa.

Presidenti i Zvicrës, Iganzio Cassic, i cili me Ukrainën bashkëkryesoi konferencën, tha se deklarata e nënshkruar është “hapi i parë kyç në rrugën e gjatë të rimëkëmbjes së Ukrainës”.

“Puna jonë na përgatit për kohën pasi të përfundojë lufta edhe pse lufta ende po vazhdon”, tha ai në ceremoninë mbyllëse të konferencës.

“Kjo duhet t’u japë njerëzve në Ukrainë shpresë dhe siguri se ata nuk janë vetëm”, shtoi ai.

Nënshkruesit mirëpritën zotimet për të ofruar ndihmë politike, financiare dhe teknike dhe lansuan Parimet e Luganos për të udhëhequr përpjekjet e rindërtimit, që sipas Kievit do të kushtojnë deri në 750 miliardë dollarë.

Kryeministri i Ukrainës, Denys Shmyhal, tha më 5 korrik se deklarata e nënshkruar “definitivisht është fillimi i procesit tonë të gjatë”.

“Ne duhet që çdo gjë që është shkatërruar ta bëjmë më mirë seç ka qenë më herët”, tha ai.

Në Parimet e Luganos thuhet se “procesi i rimëkëmbjes duhet të kontribuojë për përshpejtimin, thellimin dhe zgjerimin e përpjekjeve të Ukrainës për reforma dhe të jetë në përputhje me rrugën evropiane të Ukrainës”.

“Procesi i rimëkëmbjes duhet të jetë transparent dhe të ketë llogaridhënie”, thuhet në dokument.

Po ashtu thuhet se procesi i rimëkëmbjes duhet të jetë “gjithëpërfshirës, duke përfshirë barazinë gjinore” dhe në dokument bëhet thirrje që Ukraina të rindërtohet “në një mënyrë të qëndrueshme”./REL

The post Ukraina dhe aleatët miratojnë parimet për rindërtim appeared first on Albeu.com.