Për menaxhimin e situatës janë angazhuar 65 forca operacionale dhe 2 automjete zjarrfikëse. Në dispozicion të operacioneve janë vënë gjithashtu 20 efektivë të Forcave të Armatosura dhe një helikopter.

Në malin e Dajtit, në Tiranë, ndërhyrja po vijon në zonën mbi tunelet e Qafë Mollës. Në terren veprojnë forca zjarrfikëse, efektivë të ADZM-së dhe 20 pjesëtarë të Forcave të Armatosura, të mbështetur nga një helikopter.

Vatra mbetet aktive, por nuk paraqet rrezik për zonat e banuara.

Në Ballenjë të Dibrës, flakët vijojnë në një terren të vështirë shkëmbor. Operacioni po kryhet nga 5 forca të ADZM Dibër, ndërsa banesat e zonës nuk janë të rrezikuara.

Vatra e Qafës së Helmësit në Bulqizë, vijon të jetë aktive dhe po mbahet nën vëzhgim nga 4 efektivë të MZSH Bulqizë. Edhe në këtë rast nuk raportohet rrezik për banesat.

Në malin e Dardhës, në Librazhd, zjarri është riaktivizuar në një sipërfaqe pyjore prej rreth 7–8 hektarësh. Efektivë të MZSH Librazhd ndodhen në terren për përballimin e situatës, ndërsa banesat nuk kërcënohen.

Ndërhyrja vijon edhe në Valikardhë të Bulqizës, ku janë angazhuar një automjet zjarrfikës dhe 6 efektivë. Forcat po punojnë për izolimin e vatrës, përhapja e së cilës favorizohet nga era dhe temperaturat e larta.

Sipas Ministrisë së Mbrojtjes, situata në këtë fazë konsiderohet e menaxhueshme. Përpjekjet e strukturave janë përqendruar te izolimi i vatrave aktive dhe frenimi i përhapjes së tyre.

Ndërkohë, në zonat e Gjegjanit, Gojanit, Prozhmit dhe Tërbunit në Pukë nuk ka më vatra aktive. Këto territore vijojnë të monitorohen.

Agjencia Kombëtare e Mbrojtjes Civile, po e ndjek situatën në mënyrë të vazhdueshme në të gjithë vendin, në bashkëpunim me prefekturat, bashkitë dhe strukturat e tjera të Mbrojtjes Civile.

Mbrojtja e jetës së qytetarëve, banesave dhe pasurisë së tyre mbetet prioritet. Kapacitetet operacionale janë ende në gatishmëri për të ndërhyrë në çdo zonë ku mund të jetë e nevojshme.

The post Situata nga zjarret në vend, pesë vatra vijojnë të jenë aktive në Dajt dhe Bulqizë appeared first on Albeu.com.

Në një njoftim për shtyp, institucioni u bën thirrje bashkive, prefekteve dhe ekipeve operative të terrenit që të mbajnë gati burimet njerëzore dhe pajisjet, si dhe të ndërhyjnë pa vonesë sapo shfaqet ndonjë flakë.

Po ashtu, AKMC apelon tek popullata që të zbatojnë rregullat parandaluese dhe të shmangin ndezjen e zjarrit në natyrë apo hedhjen e bishtave të cigares në tokë.

“Të dhënat më të fundit nga Mekanizmi i Mbrojtjes Civile i BE-së tregojnë se në rajon do të mbizotërojnë kushte atmosferike me temperatura të larta, të cilat e rrisin në mënyrë drastike mundësinë e zjarreve. Për Greqinë dhe Turqinë parashikohet një shkallë jashtëzakonisht e lartë rreziku, ndërsa edhe disa zona të Evropës mbeten në gjendje kritike.

Meqenëse temperaturat po rriten në të gjithë rajonin, pritet që edhe Shqipëria të ndeshet me një kërcënim të shtuar për fillimin dhe zgjerimin e vatrave zjarri. Në këto rrethana, Agjencia Kombëtare e Mbrojtjes Civile u kërkon njësive vendore, prefekturave dhe forcave të angazhuara të jenë në alarm me të gjitha kapacitetet, të veprojnë menjëherë përballë çdo vatre dhe, nëse mjetet lokale kapërcehen, të thërrasin pa humbur kohë ndihmë sipas procedurave të sistemit të mbrojtjes civile.

Njëkohësisht, AKMC i fton të gjithë qytetarët të shfaqin kujdesin më të madh dhe t’u përmbahen masave parandaluese si më poshtë:

• Evitoni ndezjen e zjarreve në hapësira të hapura.

• Mos lini bishta cigaresh në pyje, kullota ose pranë vegjetacionit të thatë.

• Shmangni djegien e mbeturinave, bimësisë apo materialeve të tjera gjatë këtyre ditëve me temperatura të larta.

• Nëse vëreni një fillesë zjarri, lajmëroni menjëherë ekipet e urgjencës, sepse sinjalizimi i shpejtë është thelbësor për të ndalur përhapjen e flakëve.

Parandalimi është një detyrim i përbashkët. Vetëm me kujdesin dhe bashkërendimin e të gjithëve mund të mbrojmë jetët, pronat dhe mjedisin”, përfundon komunikata.

The post Paralajmërim nga Mbrojtja Civile: Vala e të nxehtit shton rrezikun për zjarre, apel për vigjilencë maksimale appeared first on Albeu.com.

Bëhet me dije se ditën e nesërme, priten reshje të shtuara shiu që mund të shoqërohen edhe me shtrëngata, si dhe ngrica.

Agjencia Kombëtare e Mbrojtjes Civile, ka bërë apel për strukturat vendore dhe qendrore të jenë në gatishmëri për çdo situatë dhe të marrin masa për menaxhimin e reshjeve.

Njoftimi:

Bazuar në raportimet nga #IGJEO dhe #SHMU, nesër, e diel, 12 janar, priten reshje intensive, kryesisht në qarqet Vlorë, Gjirokastër, Dibër, Durrës, Tiranë dhe Korçë, si dhe reshje dëbore në zonat malore mbi 300 m.

Reshjet mund të shoqërohen me shtrëngata dhe ulje temperaturash, duke krijuar mundësi për ngrica dhe vështirësi në transport.

Agjencia Kombëtare e Mbrojtjes Civile, u kërkon strukturave vendore dhe qendrore të jenë në gatishmëri për çdo situatë dhe të marrin masa për menaxhimin e reshjeve.

Qytetarëve u rekomandohet të tregojnë kujdes të shtuar në lëvizje dhe të ndjekin njoftimet zyrtare.

The post Çmendet moti/ Priten reshje shiu, dëborë dhe ngrica, Agjencia Kombëtare e Mbrojtjes Civile apel Bashkive: Merrni masa… appeared first on Albeu.com.

Në një postim në rrjetet sociale, Agjencia Kombëtare e Mbrojtjes Civile, ka dhënë detaje në lidhje me operacionin, ndërkohë që u ka shprehur ngushëllimet familjarëve për tragjedinë.

Postimi i plotë:
“Sot pas tre ditësh ka përfunduar operacioni i kërkimit të qytetarëve të mbytur në lumin Buna.
Nën drejtimin e Agjencisë Kombëtare të Mbrojtjes Civile, u angazhuan 96 forca operacionale dhe 13 automjete nga strukturat vendore dhe qendrore, përfshirë Forcat e Armatosura, Forcat Renea, Njësia e Sigurisë Publike, DVP Shkodër dhe DRKM, si dhe banorë të Administratës Dajç. njësi.

Drejtori i Qendrës Rajonale të Mbrojtjes për Veriun, z. Besnik Hysaj, ndoqi me kujdes operacionin në terren duke koordinuar strukturat referuar ligjit 45/2019 “Për Mbrojtjen Civile”.
Në këtë moment të dhimbshëm, i shprehim ngushëllimet tona më të thella familjes dhe të afërmve”.

The post Gjetja e katër trupave të Alma Arrazit dhe tre fëmijëve në lumin Buna/ Agjencia Kombëtare e Mbrojtjes Civile jep detaje nga operacioni appeared first on Albeu.com.