“Për këtë u përgjigjëm të premten, ekipi i juristëve të Ambasadës amerikane i shqyrton, unë personalisht nuk i kam parë, kështu që nuk mund t’i komentoj dhe siç thamë në kumtesën e Departamentit të Shtetit është e nevojshme që të ndiqen procedurat në sistemin juridik të vendit”, tha ambasadorja sot në fillimin e punës për ndërtimin e Korridorit 8.

Shërbimi për shtyp i Departamentit të Shtetit tha më parë për Zërin e Amerikës në gjuhën maqedonase se korrupsioni ka potencial të minojë ambiciet strategjike të Maqedonisë së Veriut, duke iu përgjigjur pyetjes nëse ndryshimet e reja në Kodin Penal, të cilat ulin dënimet për keqpërdorim kriminal dhe shoqërim kriminal do të komplikojnë përpjekjet e SHBA-së për të ndihmuar në luftën kundër korrupsionit në vend.

“E inkurajojmë Maqedoninë e Veriut që të përmbushë premtimet e saj për të luftuar korrupsionin. Liderët e Maqedonisë së Veriut duhet të tregojnë rezultate të fuqishme, kundër korrupsionit duke forcuar pavarësinë institucionale dhe duke parandaluar ndërhyrjet politike, veçanërisht në gjyqësor, i cili është thelbësor për përmbushjen e qëllimeve të anëtarësimit në BE dhe ndërtimin e besimit të qytetarëve në qeveri”, thekson Departamenti i Shtetit.

Kuvendi me flamur evropian dhe në procedurë të shpejtë i kaloi javën e kaluar ndryshimet në Kodin Penal, të cilat parashohin dënime më të ulëta për personat dhe funksionarët zyrtarë të cilët do ta keqpërdorin pozitën e tyre, ndërsa presidenti Stevo Pendarovski e nënshkroi Dekretin për shpalljen e Ligjit për ndryshime dhe plotësime të Kodit Penal.

The post Aggeler: Ekipi i juristëve të Ambasadës po i shqyrton ndryshimet në Kodin Penal të Maqedonisë së Veriut appeared first on Albeu.com.

“Sfidë ka qenë edhe më parë. Ka problem sistematik që nga pavarësia para 31 viteve dhe për këtë arsye nuk mund të akuzojmë vetëm Qeverinë apo ndonjë institucion tjetër”, u shpreh Aggeler, përcjell Telegrafi Maqedoni.

Sipas saj, përgjegjësia është mbi gjyqësinë dhe çdo qeveri dhe se korrupsioni nuk ndodh vetvetiu.

“Nuk mund të jem vetëm unë e korruptuar. Është prodhim i individëve, i qytetarëve dhe personave zyrtar. Shpresoj të kemi ndryshime”, u shpreh Aggeler.

Ajo shtoi se procesi euro integrues i adreson pikërisht këto çështje dhe kjo do të ndihmojë vendin në këtë aspekt.

The post Aggeler: Korrupsioni mbetet sfida më e madhe në Maqedoninë e Veriut appeared first on Albeu.com.