Meksi u pyet nga gazetarja Klodiana Lala, nëse është kërcënuar nga biznesmeni Ergys Agasi, por ai e mohoi që kjo të ketë ndodhur.

Biseda në studio:

Klodiana Lala: Zoti Meksi, ju jeni pronar i TV ku po flasim dhe e dini nga natyra, nuk kursej askënd. Nuk do tju trajtoj si pronar i MCN por si çdo individ. Ju keni dhënë dëshmi të gjatë. Interesat e prokurorëve kanë qenë të detajuara. A keni patur pretendime personalisht për kërcënime të mundshme nga Ergys Agasi apo persona të lidhur me krimin e organizuar për t’ju kërkuar apo shantazhuar për tu tërhequr nga tenderat e AKSHI? A e keni ngritur ju këtë pretendim?

Endri Meksi: Kërcënime për jetën e kam thënë që jo. Kërcënime në sensin e familjes, nga Ergys Agasi jo. E kam akuzuar vetëm për AKSH-in dhe jo për kërcënime. Gys Agasi dhe unë kishim marrëdhënie në tentative për biznes dhe nuk u realizua. Nuk mund ti vë dot faj për kërcënime.

Klodiana Lala: Pse jeni kaq i interesuar tani për dosjen AKSH-i? Duket sikur e keni personale dhe jo betejë të një media që duhet të jetë e pavarur. Unë që e shoh nga jashtë dhe marr sikur ne nuk njihemi, përse e nisët sot këtë betejë? U kris biznesi mes jush?

Endri Meksi: Përfshirja ime ka qenë për arsye personale, por nga momenti i parë dhe tutje ka qenë totalisht. Pse jo? Ju supozoni jeni gazetar dhe unë meqenëse nuk jam gazetar të mos flas për dosje? Unë kam hezituar të flas edhe nga një ndjenjë kompleksi të krijuar edhe nga tipa si Gysi, në atë rrugë dështova, të provojmë këtë tjetrën.

Klodiana Lala: Ju keni aplikuar për tendera të AKSH-it. A mund të na thoni se çfarë ndodhi atje?

Endri Meksi: Nuk e njihja as 2% të asaj që njoh nga dosja. Njihja thashethemet, bisedat tona nëpër kafene, ishin të paprovuara, çështje inatesh, mllefesh. Kemi perceptime pazaresh por tjetër gjë është kur lexon mbi bazë dokumetnash. Si drejtues media, kam ceduar shumë herë kur nuk kam shkuar deri në fund kërkesave për informacion dhe po përpiqemi ta korrigjojmë tani. Unë po përpiqem të jem i saktë në çfarë them, edhe për të mos shkelur limitin mes biznesmenit të IT dhe të medias. Nuk më ka ftuar Top Channel, sepse po të më ftonin do të isha edhe te Inside Story.

Klodiana Lala: A e konsideroni Agasin, Epstein shqiptar, për sa kohë ka filmuar personazhe të caktuar në zyrën e tij?

Endri Meksi: Video seksuale e ke fjalën. Nuk di ta them nëse e ka bërë këtë gjë.

The post Denoncimet për AKSH-in, Endri Meksi: Tentova të bëj biznes me Agasin, por nuk u realizua! Nuk më ka kërcënuar appeared first on Albeu.com.

Ish-drejtoresha e ASKSHI-t u shpreh, se nuk i takon asaj të përcaktojë nëse Agasi ka apo jo përgjegjësi penale, duke theksuar se kjo është detyrë e akuzës dhe e procesit hetimor. Lidhur me rolin e saj në institucion, Karçanaj theksoi, se drejtimi i AKSHI-t ka qenë i orientuar drejt zbatimit të ligjit dhe respektimit të procedurave.

“Në funksione publike është e domosdoshme të kesh kontakte, sepse në të kundërt nuk bëhet puna. Por kontaktet nuk mund të shndërrohen në përgjegjësi penale. Mund të ketë faj, nuk më takon mua ta them këtë. I takon akuzës të hetojë duke analizuar provat dhe dokumentat dhe më pas të dalë në përfundime.

Ajo që mund të them për veten është se mënyra si e kam drejtuar institucionin ka qenë qartësisht e orientuar që të zbatohet ligji, të mos shkelet asnjë procedurë dhe gjithçka të jetë konform ligjit. Sa i takon prokurimeve, kam zgjedhur të mos merrem me të përditshmen. Madje kam deleguar rolin e titullarit të prokurimeve. Nuk i kam ndjekur prokurimet”, deklaroi ajo.

The post “I takon akuzës të hetojë duke analizuar provat”/ Karçanaj flet për raportin me Agasin: Kontaktet nuk mund të shndërrohen në përgjegjësi penale appeared first on Albeu.com.

Gazetarja Klodiana Lala, raportoi detaje nga aksioni i SPAK, në bashkëpunim me policinë, ku u zbarkua në nje resort ne Tirane pasi aty Agasi disponon disa vila të ndërtuara pa leje.

Aty sipas SPAK, po planifikohej që të ndërtoheshin të tjera resorte me eksponentë të krimit. Po ashtu, është bllokuar dhe tokë që disponohet nga Agasi, njeriu më i kërkuar dhe përfolur në drejtësinë shqiptare aktualisht.

Sipas Lalës, në dokumentacion pretendohet se kjo tokë që ndodhet në zonën e Farkës, është blerë me vlerën e 6 euro për metër, çmim qesharak, duke marrë parasysh vlerën reale në këtë zonë.

Agasi bashkë me Beqirin konsiderohen si krerë të grupit kriminal që bënte shantazhe dhe merrte peng biznesmenë, duke u tërhequr nga tenderat në AKSH.

SPAK ka sekuestruar dhe pretendon se janë produkt i krimit dhe një sërë verërash të shtrenjta te ky resort.

Forcat policore ndodhen pranë këtij resorti për të bërë vendimin për sekuestrimin e pasurive, ndërsa po vijon dhe ndërtimi për një vile që do të duhet të kontrollohet na institucionet përkatëse, ndërsa pretendohet se po ndërtohej pa leje.

Mes të tjerash, Lala raportoi se SPAK i ka sekuestruar prona dhe ish-drejtoreshës së AKSHI-t, Marlinda Karçanajt, 2 apartamente në Tiranë dhe një në Qerret.

“Kryeministri i vendit për të relativizuar veprimtarinë e këtij grupi në Tiranë, deklaroi se Karçanaj jetonte me qira, ndonëse në një pallat te Air Albania. Zonja Karçanaj disponon përmes palëve të treta disa pasuri. Shoferi i zonjës Karçanaj ka dhënë detaje se ku jetonte. Po ashtu SPAK pretendon se Karçanaj ka marrë 200 mijë euro ryshfet, të vendosura në shishe për të shmangur dyshimet për shkak të pozicionit që mbante në AKSH. Rezulton se ajo jetonte me qira të ulëta, por faktet kanë treguar se këtë pasuri ia kishte dhënë me qira të ulët në çështje nderi Agasit. Por mendohet se disponohet nga vetë Karçanaj. Ndërkohë Agasit i janë sekuestruar pasuri dhe llogari bankare. Kjo është goditja e dytë që bën SPAK, që dyshohet se drejtohet nga Agasi. Jo vetëm Geron Meçe, dyshohet se janë marrë peng dhe shtetas të tjerë. Dhe një shtetase shqiptaro-gjermane dyshohet se ka paguar 2.5 mln eurosh pasi ka qenë në presion dhe shantazh nga ky grup”, u shpreh Lala.

The post Aksioni i SPAK/ Sekuestrohen pasuri dhe llogari bankare të Ergys Agasit dhe Mirlinda Karçanajt, lëvizjet e ish-drejtoreshës së AKSHI-t, e cila jeton me qira appeared first on Albeu.com.

Ajo është rikthyer sonte, 4 mars, në studion e “Opinion”, për të folur pikërisht mbi aludimet që qarkullojnë për motivacionin e lirimit nga detyra të Prodës.

Duke e thënë me bindje se kryeministri Edi Rama e kishte vendosur që para protestës së 28 shkurtit për ta hequr nga ai post, paralajmëroi se drejtorët nëpër komisariatet në vend “do largohen një nga një”.

“Furtuna” mbi emrin e tij, nënvizoi se nisi që kur u diskutua një grup i strukturuar kriminal brenda AKSHI-t.

Sipas gazetares, Agasi (aktualisht i shpallur në kërkim) ka qenë ndërmjetës mes kreut të qeverisë dhe Prodës.

“Iu dha grada të pamerituara të gjithë rrethit të tij shoqëror, disa prej të cilëve u janë sekuestruar celularët. Së dyti, ka pasur lidhje okulte. Pas shpalljes në kërkim të Agasit, drejtorë të policisë i kanë prezantuar platformën Ylli Carës, ish-ortak i Prodës, biznesmen. Një personazh që është jo vetëm lidhje e ngushtë për Prodën, por ka pasur ndikim të drejtpërdrejtë për caktimin e emrave. Drejtori është ndikuar nga ai”, deklaroi Lala për Prodën.

Shtoi se ekziston një “hetim penal pa emër të regjistruar, por që është i ndarë nga dosja e AKSHI-t, për implikim të zyrtarëve policorë në rrëmbimin e Daniel Shimës”…

Sipas Lalës, Prokuroria e Posaçme AntiKorrupsion ia ka sekuestruar celularin Prodës, që kur ai punonte në drejtorinë e Policisë Elbasan.

“Në vitin 2024, në atë kohë u godit një prej organizatave më të rrezikshme kriminale, të drejtuar nga vëllezërit Çopja. Në atë kohë, pati dyshime të forta se ky operacion mund të ishte dekonspiruar. Ky lajm nuk u mësua në momentin e sekuestrimit, por kur Proda garoi për kreun e Policisë së Shtetit. Celulari i tij është këqyrur, ka një hetim të çelur, nuk ka ende një rezultat deri tani. Në atë kohë, drejtor ka qenë Rrumbullaku, që një ditë papritmas u largua”, shpjegoi ajo.

Sa i takon protestës së opozitës, u shpreh se trajektorja që u ndoq atë të shtunë ishte totalisht e paparashikueshme.

“PD-ja nuk dha detaje për mënyrën si do të lëvizte. Gjatë gjithë kohës hidheshin molotovë nëpër kosha plehrash. Në momentin kur gazetarët dhe protestuesit kanë qenë te ura e Drejtorisë, ka filluar të raportohet se mund të kishte një ndalesë te ish-vila e diktatorit. E kemi mësuar diku te 7-8 minuta para.”

Po sipas gazetares, Proda ka qenë për herë të fundit në zyrën e tij mbrëmjen e së dielës, 1 mars.

“Ka pasur një debat me tone të forta me kryeministrin, është komanduar menjëherë Bizhga”, tha Lala.

The post “Celulari i tij është këqyrur, ka një hetim të çelur”, Lala: “Furtuna” mbi Prodën nisi që kur u diskutua një grup i strukturuar kriminal brenda AKSHI-t appeared first on Albeu.com.