Policia e Kosovës bën me dije se Escobar shprehu ngushëllime për humbjen e rreshterit Bunjaku.

“Gjatë vizitës së Zëvendës Ndihmës Sekretarit (ZNS) Gabriel Escobar në Kosovë, ai kërkoi dhe ju dha kohë për tu takuar me të venë dhe djemtë e rreshterit të vrarë Afrim Bunjaku, të cilët shoqëroheshin nga Drejtori i Përgjithshëm i Policisë së Kosovës, Gazmend Hoxha. ZNS Escobar, në prani të Ambasadorit të SHBA-së Jeffrey Hovenier, dhe Atasheut të DOJ-ICITAP-it Kimberly Riffe, shprehu ngushëllimet e tij të sinqerta familjes për humbjen tragjike të babait/bashkëshortit të tyre. Ngjarja ishte shumë emocionuese dhe e përzemërt dhe personalitetet e larta i shprehën ngushëllimet e tyre familjes dhe Policisë së Kosovës” thuhet në njoftimin e policisë.

Po ashtu Drejtori i Policisë, Gazmend Hoxha, ka informuar Escobarin për sulmin e 24 shtatorit dhe situatën aktuale të sigurisë në veri.

“Në një takim të veçantë, DP Hoxha informoi ZNS Escobarin dhe atasheun Riffe për sulmin ndaj policisë në Banjskë më 24 shtator 2023, ku mbeti i vrarë rreshteri Bunjaku, dhe situatën aktuale të sigurisë në pjesën veriore të Kosovës. ZNS Escobar vlerësoi mundësinë për të komunikuar drejtpërdrejt më kreun e Policisë së Kosovës. DP Hoxha përcolli mirënjohjen e tij të thellë për Shtetet e Bashkuara dhe stafin e shumtë të ambasadës që ndihmojnë policinë dhe janë të përkushtuar për të vazhduar bashkëpunimin e tyre të shkëlqyer,” bëhet me dije më tej në njoftim./albeu.com 

The post U vra në sulmin e Banjskës, Escobar takon familjarët e policit Afrim Bunjaku appeared first on Albeu.com.

Së bashku me dhjetra tifozë nga Kosova janë nisur drejt kryeqytetit shqiptar edhe dy djemtë e heroit, Afrim Bunjakut, i cili humbi jetën mëngjesin e 24 shtatorit pas sulmit terrorist të serbëve në Banjskë.

Prezencën e dy djemve të heroit, Afrim Bunjaku e konfirmon një nga anëtarët e tifogrupit “Tifozat Kuq e Zi”. Gëzim Bajrami, tifozi nga Gjilani me anë të një postimi në profilin e tij në rrjetet sociale ka publikuar foton me miqtë e tij dhe djemtë e Bunjakut.

“U nisëm sot për festën e madhe të kombëtares tonë. Speciale është festa sonte, por dhe udhëtimi ynë është mbase më i veçanti për ne si TKZ.

Bashkë me ne sot, në festën e kombëtares tonë, janë edhe dy djemtë e heroit të Republikës, Afrim Bunjakut.

Sonte nga të gjitha trojet po bashkohemi në Tiranë. Idealet e heroit Afrim Bunjaku e shumë heronjëve të tjerë që nuk janë më në mesin tonë fizikisht, na bëjnë bashkë.

Përherë krenarë për ta. Përjetësisht me Shqipërinë tonë”, shkruan Gëzim Bajrami.

The post Në mbështetje të Kombëtares, djemtë e heroit Afrim Bunjaku nisen drejt Shqipërisë appeared first on Albeu.com.

Një muaj pas sulmeve terroriste në veri të Kosovës, ku mbeti i vrarë polici Afrim Bunjaku, nëpërmjet një fushate për mbledhjen e ndihmave financiare shqiptarët që shërbejnë në uniformat policisë amerikane të inkuadruar në Shoqatën Amerikane Shqiptare e Zbatimit të Ligjit në SHBA, nëpërmjet GoFundMe, kanë arritur të mbledhin 60 mijë dollarë, për familjen e dëshmorit të rënë në Banjskë – Zveçan, Kosovë.

Sot, në mjediset e Konsullatës së Republikës së Kosovës në Neë York, në praninë e Konsullit të Përgjithshëm – Ambasador Blerim Reka dhe stafit të tij,  u zhvillua ceremonia e dorëzimit të çekut 60 mijë dollarë.

Ky çek familjes së heroit Afrim Bunjaku, nga disa pjesëtarë të uniformave blu në Neë Jersey & Neë York, si dhe themeluesi i Shoqatës Amerikane Shqiptare e Zbatimit të Ligjit në SHBA, Elton Shametaj iu dorzua Drejtorit të Përgjithshëm i Policisë së Kosovës z.Gazmend Hoxha.

The post Policët shqiptarë në SHBA mbledhin 60 mijë dollarë për familjen e Afrim Bunjakut, heroit që u vra nga terroristët serb appeared first on Albeu.com.

Arbenita, vajza e efektivit të vrarë, thotë me lot në sy se lajmin për humbjen e të atit e mësoi nga tezja e saj.

Babain e cilësonte si krenarinë e saj dhe ende nuk është mësuar me faktin që ai nuk është më.

“Unë faktikisht kam qenë duke punuar siç do ditë. Babai im i ndjerë ka shkuar në orën 5.00 pasdite në punë dhe deri në orën 5 të mëngjesit.

Në momentin e parë tezja veç më tha babai është sëmurë, e kanë plagosur. I thashë nuk është e vërtetë. I thashë babai im është mirë. Dhe tezja ime po qante.

Dhe unë e kuptova që diçka nuk shkonte dhe për momentin kam bërtit. Kam menduar se jam në ëndërr. Fatkeqësisht babai yt ka ndërruar jetë”, rrëfen ajo.

Rreshteri i Policisë së Kosovës, Afrim Bunjaku, kishte një karrierë të gjatë prej më shumë se dy dekadash në shërbim të rendit dhe sigurisë.

Pasditen e datës 23 shtator, ai u nis në krye të detyrës, pa e ditur se ky do të ishte udhëtimi i tij i fundit, në rrobën e zyrtarit të policisë së Republikës së Kosovës.

“Babai im ka punuar 22 vite në polici në Republikën e Kosovës.  Ka qenë i përkushtuar. Nuk ka thënë kurrë po përtoj sot të shkoj në detyrë. Më duket ende si një ëndërr dhe shpeshherë zgjohem nga ëndrra dhe them o Zot se smundem me e pranue këtë gjë, që duhet të bëhem e fortë e babai e dha jetën për liri”, rrëfen e bija për emisionin “Në Shënjestër”.

Në familjen Bunjaku kjo është humbja e dytë më e madhe në këto 10 vite. Më herët kjo familje kishte humbur në një aksident një nga fëmijët e saj, por kurrë nuk do ta besonin se pas përfundimit të luftës, dëshmori i radhës i një agresioni të frymëzuar nga shovinizmi serb, do të ishte kryefamiljari dhe babai i tyre.

“Të flasësh për babain tim është shumë pak. Nuk mundesh ta përshkruash me pak fjalë.  Unë kam qenë krenare me babain tim. Gjithmonë unë i kam thënë, ishalla unë vdes para teje. Gjithmonë më thoshte, nuk ka më vështirë se me përjetu vdekjen e evlatit. Sepse babai im ka humbur një djalë para 10 vitesh në aksident. Aq shumë e kam dashur babain tim sa vështirë më e besuar një ditë se ai ka me vdekur”, thotë e bija./Albeu.com

The post Vrasja e policit në Kosovë, e bija flet mes lotësh: Ishte krenaria ime, ende s’e besoj që ka ikur! appeared first on Albeu.com.

Si pasojë e sulmeve në Banjskë është vrarë rreshteri i Policisë së Kosovës, Afrim Bunjaku.

Gjatë përleshjeve me policinë janë vrarë edhe tre sulmues.

Sipas Kurtit, çështja më e rëndësishme aktualisht është siguria e Kosovës dhe ndëshkimi për sulmuesit e Policisë së Kosovës.

“Ndëshkimi për sulmuesit nënkupton ndëshkimin e Serbisë, e cila e mbështeti financiarisht, ushtarakisht, logjistikisht, politikisht, publikisht, zyrtarisht, atë që ndodhi në Banjskë të Zveçanit, por në të njëjtën kohë edhe ekstradimi, dorëzimi i të gjithë atyre, të cilët janë duke u përndjekur, sepse ikën nga vendi i krimit dhe nga shteti ynë”, ka thënë Kurti teksa ka marrë pjesë në një tryezë të Institutit të Prishtinës për Studime Politike (PIPS) lidhur me arritjet e deritanishme dhe pritjet nga Procesi i Berlinit.

Ai e ka komentuar edhe një debat që pritet të zhvillojë Parlamenti Evropian të martën, lidhur me zhvillimet në veri të Kosovës.

“Unë besoj që diskutimet që do të zhvillohen në vijim, përfshirë edhe ato në forumet e Bashkimit Evropian, më i larti i tyre Parlamenti Evropian, për nga përfshirja qytetare demokratike, është siguria për Kosovën, ndëshkimet për sulmuesit, dhe në të njëjtën kohë, të mos provojmë të vazhdojmë me çfarëdo ideje të status quo-së, që mund ta ketë e nuk besoj që do të duhej ndokush”, ka thënë Kurti.

Përgjegjësinë për sulmet në Banjskë e ka marrë Millan Radoiçiq, ish-nënkryetar i Listës Serbe.

Vendndodhja e tij nuk dihet.

Presidenti i Serbisë, Aleksandër Vuçiç ka thënë se ai gjendet në “Serbinë qendrore” dhe autoritetet atje e kanë marrë në pyetje “në cilësinë e qytetarit”.

The post Sulmi në veri të Kosovës dhe vrasja e policit, Kurti: Të sanksionohet Serbia appeared first on Albeu.com.

Sveçla theksoi se janë mbledhur prova që dëshmojnë se Serbia u përpoq ta aneksojë veriun e Kosovës dhe se sulmuesit u përgatitën në bazat ushtarake të ushtrisë serbe brenda Serbisë.

“Serbia u mungua vazhdimisht të thotë se nuk ka të bëjë asgjë më këtë sulm, por faktet që do të publikohen dëshmojnë që përgatitjet, trajnimet dhe ushtrimet e këtij grupi u kryen në bazën e trajnimeve ushtarake afër Jagodinës si dhe në Kopaunik. Këto pamje u siguruan nga dronët e grupit terrorist të cilit i kemi konfiskuar”, tha Sveçla.

Ndërkohë Drejtori i Policisë Gazmend Hoxha, ka prezantuar pamjet në Banjskë, nga ku terroristët serb përgatitën sulmit.

Gjithashtu në videon e prezantuar nga Hoxha shihet edhe momenti i sulmit ku u vra polici Afrim Bunjaku.

“Vrasja e tij ka ndodhur me detonim të minës antikëmbësorike të detonuar nga afërsia me teledirigjues dhe me bateri elektrike që është përdorur nga grupi terrorist”, u shpreh ai. /AlbEu.com/

The post Dalin pamjet e vrasjes së Afrim Bunjakut, Drejtori i Policisë tregon momentin ku terroristët serb përgatitën sulmin në Banjskë (VIDEO) appeared first on Albeu.com.

“Bashkatdhetarët tanë kanë nderuar aktin heroik të rreshterit Bunjaku, i cili dha jetën në mbrojtje të rendit dhe ligjit, integritetit territorial dhe sovranitetit të Republikës së Kosovës”, thuhet në njoftimin e Ambasadës së Kosovës në SHBA.

I pranishëm në ceremoninë e nderimit për policin kosovar ka qenë edhe ambasadori William Walker.

Në Ambasadën e SHBA-së në Uashington kanë qëndruar edhe shefi i Shtabit të Përgjithshëm të Ushtrisë Shqiptare, Arben Kingji dhe ambasadori i Shqipërisë në SHBA Ervin Bushati.

“Për nder të heroit Afrim Bunjaku, shefi i Shtabit të Përgjithshëm të Ushtrisë Shqiptare, gjeneralmajor Arben Kingji dhe ambasadori i Shqipërisë në SHBA, Ervin Bushati, vizituan Ambasadën e Kosovës në Uashington, D.C”, thuhet në njoftimin e Ambasadës së Kosovës në SHBA./Express/

At the premises of the Embassy of the Republic of Kosovo in the USA, members of the community of our diaspora in Washington, D.C. gathered to honor Sergeant Afrim Bunjaku, Kosovo Police member killed in the line of duty by terrorists organized by Serbia.

Our compatriots have… pic.twitter.com/NwjBxJJeVD

— Embassy of Kosovo US (@KosovoinUS) September 30, 2023

The post Shqiptarët nderojnë Afrim Bunjakun në Uashington, i pranishëm edhe William Walker e kreu i ushtrisë shqiptare appeared first on Albeu.com.

Operacioni policor është duke vazhduar nga njësitet relevante të Policisë së Kosovës, me prezencën në vend ngjarje të Prokurorit (të PSRK-së).

Këto urdhër kontrolle, Policia ka thënë se janë duke u zbatuar në koordinim me EULEX dhe KFOR.

“Sot, me datën 29.09.2023 Policia e Kosovës është duke zbatuar urdhëresën e gjykatës kompetente për kontrolle, në pesë lokacione në tri komunat në veri të Kosovës. Këto operacione janë duke u zhvilluar lidhur me ngjarjet e fundit të ndodhura në fshatin Banjskë.

Operacioni policor është duke vazhduar nga njësitet relevante të Policisë së Kosovës, me prezencën në vend ngjarje të Prokurorit (të PSRK-së). Me këtë rast Policia e Kosovës njofton qytetarët se nuk kanë nevojë për ndonjë shqetësim. Këto urdhër kontrolle, janë duke u zbatuar në koordinim me EULEX dhe KFOR”, thuhet në njoftimin e Policisë.

The post Sulmi terrorist në Banjskë, Policia e Kosovës operacion në tri komunat në Veri në koordinim me EULEX dhe KFOR appeared first on Albeu.com.

Kryeministri Albin Kurti nisi mbledhjen e Qeverisë me nderimin e policit të rënë.

“Më lejoni që fillimisht t’ju ftoj për një minutë heshtje në nderim të rreshterit të Policisë së Kosovës, heroit të Republikës, Afrim Bunjaku, që më 24 shtator ra në krye të detyrës në mbrojte të rendit dhe ligjit, shtetit të së drejtës integritetit territorial dhe atdheut”, tha Kurti.

Gjithashtu qeveria ka ndarë 50 mijë euro për familjen e heroit Afrim Bunjaku, që ra në krye të detyrës.

Kryeministri Kurti tha se kjo shumë ndahet për t’i dalë në ndihmë familjes së rreshterit.

“Është obligim i yni që kemi përballë vetëmohimit të Afrimit që ne sadopak ta përmbushim me atë që kemi e mundemi. Do të aprovojmë vendimin për ndarjen për 50 mijë euro për t’i dalë në ndihmë familjes së Afrimit”.

Ministri i Financave Hekuran Murati tha se Qeveria çdo herë do të jetë pranë familjes

The post Mbledhja e qeverisë së Kosovës nis me një minutë heshtje, ndahen 50 mijë euro për familjen e policit Afrim Bunjaku appeared first on Albeu.com.

Vetë Bunjaku në një intervistë që ka dhënë para disa kohësh për mediat, bëri me dije se djali i tij në moshën 17-vjeçare, humbi jetën si pasojë e një aksidenti rrugor.

Asokohe ai tregoi dhe mënyrën se si mori vesh lajmin e trishtë.

“Data 10 shtator isha në punë kur mora vesh që djali im Fatlmumi 17-vjeç është aksidentuar. Më thanë që është gjallë dhe është nisur drejt spitalit. Kur arrita afër spitalit pashë që djalI im kishte ndërruar jetë”-kishte thënë Bunjaku.

Bunjaku humbi jetën si pasojë e plumbave të marrë nga sulmet terroriste në Veri të Kosovës. Si pasojë u plagosën dhe dy policë të tjerë ndërsa u vranë dhe dy sulmues.

The post U vra në Veri, Afrim Bunjakut i vdiq djali para 10 vitesh, çfarë deklaronte polici appeared first on Albeu.com.