Mes 150 qytetarëve afganë që kanë mbërritur në vendin tonë mëngjesin e kësaj të hëne janë edhe këta dy vëllezër shtatëvjeçar të cilët nuk kanë humbur kohë dhe kanë, nisur lojën me top në ambientet e jashtme të qytetit student. Abajdullah dhe Rohli ndjehen të çliruar nga frika shkaktuar prej kaosit në Afganistan. Megjithëse jemi të panjohur për ta, nuk kanë nderoje dhe i bashkohemi për pak momente lojës së tyre.

Ata janë fëmijët më të vegjël të familjes Sedeeqi. Prindërit ndjekin me sy çdo lëvizje të tyre, ndërsa vëllai më i madh Khwaja Esmatullah Sedeeqi për Top Channel na tregon për orët e para si emigrantë në Shqipëri.

Khwaja Esmatullah Sedeeqi- Ndjehem mirë në ditën time të parë këtu. Kemi dalë bashkë me familjen të shikojnë vendin përreth godinës ku jemi strehuar. Pas graduimit në shkollë nisa të punoj për një kompani e sigurisë SIPE për tre vite por kohët e fundit u mbyll. Ne planifikojmë të qëndrojmë pak këtu dhe sapo të marrim vizat do të shkojmë në SHBA.
Khabeer Ahmad Karimi ka zgjedhur pjesën afër shatërvanit për të shëtitur e fëmijët të cilët kjo hapësirë e madhe plot gjelbërim, i bën akoma edhe më të lirë.

Khabeer Ahmad Karimi- Njerëzit këtu dhe kushtet janë shumë të mira. Lam pas shumë dhunë, violencë e sulme. Tani jemi të sigurt. Kjo na gëzon. Kam punuar për qeverinë afgane në ministrinë e agrikulturës sektori prokurimeve. Në të njëjtën kohë po bëja edhe masterin në universitetin e Kabulit. Situata na detyrojë të lëmë gjithçka. Ne do të qëndrojmë këtu për një javë ndoshta dy e më pas do të nisemi për në SHBA.

Afganët në nevojë të mbërritur këto katër ditët e fundit në vendin, tonë janë kryesisht ish zyrtarë të qeverisë së shkuar afgane dhe shoqëria civile të nxjerrë nga Kabuli falë përpjekjeve të disa fondacioneve.

Vijimi strehimit të të tjerë afganëve në vendin tonë do të varet nga situata në aeroportin Hamit Karzai të Kabulit në një kohë kur kanë mbetur më pak se 24 orë nga përfundimi afatit të vendosur nga talibanët për SHBA në tërheqjen e atyre që punuan për ta. /tch

The post Shqipëria strehon 607 afganë: Më në fund të sigurt, do qëndrojmë pak e do ikim për SHBA! appeared first on Albeu.com.

Dhe në pse në orë të pazakonta, vetë kryeministra Rama, bashkë me ambasadoren Yuri Kim dhe ministren Xhaçka dolën në Rinas për t’i pritur.

Të ardhurit anë transportuar me masa të rrepta sigurie nga Aeroporti i Rinasit, drejt Tiranës, në rezidencat e Qytetit Studenti ku do të qëndrojnë përkohësisht.

Nga pamjet e shkrepura paraditen e sotme atje, ata shihen në oborrine  godinës ku qëndrojnë bashkë me fëmijët e tyre.

Burimet bëjnë me dije se i gjithë perimetri afër banesave të tyre është rrethuar nga Policia e Shtetit duke siguruar dhe shmangu cdo incident të mundshëm. /albeu.com/

The post Dalin pamjet! Policia blindon zonën, 154 afganët strehohen në godinat e studentëve (FOTO LAJM) appeared first on Albeu.com.

Kjo ka ndodhur sërish për shkak të trazirave në Kabul dhe tensionit që është në aeroport pasi të gjithë kërkojnë të largohen nga vendi. Nëse avioni do të niset në orët në vijim dhe pas 6-7 orësh fluturim mund të mbërrijë në Tiranë rreth orëve të mbrëmjes. Pro, nuk është e sigurtë që kjo gjë do të ndodhë.

“Kontigjenti i parë pritej të mbërrinte rreth orës 17:00 në pjesën ushtarake, por kjo nuk ka për të ndodhur, pasi avioni ushtarak që do t’i sjellë vijon të jetë në aeroportin Hamid Karzai të Kabulit. Ky avion nuk është nisur ende. Nëse ky avion do të niset brenda pak orësh mund të mbërrijë rreth orës 22:00 të mbrëmjes së sotme në Rinas. Janë ngritur 4 çadra që cilësohen si një qendër tranazhi ku afganët do të kontrollohen nga mjekët. Në këto çadra ata do të fotografohen dhe do tu merren shenjat e gishtave pasi shumë prej tyre nuk kanë dokumente identifikuese,”- tha Veliu.

Fillimisht u raportua se afganët do të mbërrinin në Tiranë një natë më parë, por ardhja e tyre u shty për sot, për të njëjtën arsye. Ndërkohë në Rinas janë ngritur 4 çadra që cilësohen si një qendër tranazhi ku afganët do të kontrollohen nga mjekët nëse kanë probleme shëndetësore. Ata do të fotografohen dhe do t’u merren shenjat e gishtave, pasi shumë prej tyre nuk kanë dokumente identifikuese. /tch

The post Çfarë po ndodh në Kabul? Shtyhet sërish ardhja e afganëve në Shqipëri appeared first on Albeu.com.

Pikërisht nesër pritet që në Tiranë të zbresin afganët e parë nga grupi që pritet të strehohet në Shqipëri, pas pushtimit të Afganistanit nga talebanët.

Ende nuk dihet numri i afganëve që pritet të mbërrijnë nesër në Rinas, por mësohet se ata do të akomodohen në tre godina në Qytetin Studenti, vende të cilat janë bërë gati dhe janë zbrazuar nga studentët shqiptarë

Të paktën 2 mijë afganë do strehohen përkohësisht mes Shqipërisë, Kosovës  Maqedonisë së Veriut. /albeu.com/

The post Konviktet gati, nesër mbërrin avioni i parë me afganë në Rinas appeared first on Albeu.com.

Burimet bëjnë me dije se Shqipëria pret gjithsej deri në 2 mijë afganë ndërkohë po punohet për strehimet e ardhjes së parë.

Të ardhurit mësohet se do të strehohen mes Tiranës edhe Durrësit, në hotele si dhe në konviktet e nxënësve.

Në Tiranë, aktualisht është duke u kontrolluar kapaciteti i konvikteve të universiteteve dhe shkollave të mesme.

Një pjesë e madhe e afganëve do të qëndrojnë përkohësisht në godinat e qytetit studenti, ose në konviktet e tjera në kryeqytet.

Ndërkohë që, në aeroportin e Kabulit avionët janë duke u mbushur me afganë që po largohen me shpejtësi pasi talebanët morën kontrollin e Afganistanit.

Rikujtojmë se jo çdo person do të lejohet të strehohet në Shqipëri, por sipas marrëveshjes është specifikuar që do të pranohen vetëm ata që kanë qenë bashkëpunëtorë të aleancës NATO-SHBA, ose gra aktiviste dhe intelektualë.  /albeu.com/

The post DETAJET/ Priten 2 mijë afganë në Shqipëri! Zbulohet saktësisht vendi ku do të strehohen në Tiranë (FOTO LAJM) appeared first on Albeu.com.

Administrata e Presidentit Joe Biden ka zhvilluar bisedime sekrete me më shumë vende sesa ato që ishin bërë publike në një përpjekje të dëshpëruar për të siguruar marrëveshje për strehimin e përkohshëm të afganëve që kanë punuar për qeverinë amerikane, sipas një njoftimi të katër zyrtarëve amerikanë për Reuters.

Diskutimet e pa raportuara më parë janë Kosova dhe Shqipëria. Administrata e Biden ka diskutuar me këto dy vende, duke arritur marrëveshje për të strehuar afganët nga hakmarrja talebane, derisa të përfundojë procesi i miratimit të vizave të tyre amerikane.

Me talibanët që kanë marrë pothuajse në kontroll të gjithë Afganistanin, Shtetet e Bashkuara njoftuan të enjten se do të dërgojnë 1.000 zyrtarë në Katar për të përshpejtuar procesin e vizave speciale të emigrimit.

Afganët, të cilat kanë punuar si përkthyes për qeverinë amerikane apo kanë bërë punë të tjera kanë të drejtë të aplikojnë për programin SIV. Deri më tani, rreth 1.200 afganë janë evakuuar në Shtetet e Bashkuara dhe ky numër pritet të rritet në 3.500 gjatë javëve të ardhshme nën “Operacionin e Aleatëve Refugjatë”.

Shumë prej tyre janë strehuar në bazën ushtarake amerikane në Virxhinia, derisa të përfundojnë plotësimin e dokumenteve për qëndrim, raporton abcnews.al

Nga frika se përparimet e talebanëve po rrisin kërcënimin për aplikantët e SIV që janë ende në pritje, Uashingtoni po kërkon vendet e treta që t’i presin ato derisa të mbarojnë dokumentet e tyre dhe ata të mund të udhëtojnë në Shtetet e Bashkuara.

“Kjo situatë është shumë shqetësuese pasi nuk ka ndonjë plan konkret për evakuimin e aleatëve të cilët janë të rrezikuar,” tha Krish O’Mara Vignarajah, presidente e organizatës së Shërbimit Ligjor të Imigrimit dhe Refugjatëve.

“Është befasuese pse administratës i është dashur kaq shumë kohë për të nënshkruar marrëveshje të tilla,” tha ajo.

Ndërsa ende nuk ka asnjë marrëveshje me vendet e treta, një zëdhënës i Departamentit të Shtetit tha, “Ne po vlerësojmë të gjitha opsionet që kemi në dispozicion.”

Shumica e vendeve hezitojnë

Dy zyrtarë amerikanë, duke folur në kushte anonimiteti, thanë se vendet ishin në mëdyshje për të marrë afganët për shkak të shqetësimeve në lidhje me cilësinë e verifikimit të sigurisë dhe kontrollit shëndetësor për COVID-19 para se të lejoheshin të fluturonin. Vendet e tjera me të vilat po negocion SHBA janë edhe Kazakistani, Taxhikistani dhe Uzbekistani.

Shumica janë të shqetësuar se cilët janë këta njerëz. A mund të siguroheni që këta njerëz do të marrin vizat për në Shtetet e Bashkuara?

Kush do të kujdeset dhe do të ushqejë këta njerëz?

Çfarë ndodh nëse këta njerëz largohen nga vendet ku ata po qëndrojnë momentalisht? ” tha një zyrtar i lartë i Departamentit të Shtetit.

Një marrëveshje për strehimin e rreth 8,000 afganëve në Katar ka përfunduar përpara disa javësh, sipas një njoftimi të një zyrtari amerikan, por ende nuk është bërë publike. Zyrtarët paralajmërojnë se ritmi i çdo marrëveshjeje të mundshme mund të pengohet nga situata në Afganistan që po ndryshon me shpejtësi.

Përfaqësuesi amerikan Jason Crow, i cili ka udhëhequr përpjekjet e Kongresit për të shpejtuar proçesin e SIV, tha se administrata duhet të vendosë trupa amerikane në aeroportin e Kabulit për të ndihmuar në evakuimin e stafit të ambasadës, një mënyrë për të përshpejtuar proçesin e vizave.

Në të njëjtën kohë, Crow, një ish ushtar i cili shërbeu në Afganistan, tha se është e vështirë të evakuohen të gjithë aplikantët e SIV dhe familjet e tyre sepse ata nuk mund të shkojnë dot në Kabul. Ngurrimi i disa vendeve ka bërë që administrata ti bëjë thirrje vendeve të tjera të bashkëpunojnë sigurisht me ndihmën e Uashingtonit.

Shtetet e Bashkuara i kanë ofruar Kosovës koncesione ekonomike dhe politike për marrjen e disa mijëra afganëve, por ka shqetësim në Uashington për aftësinë e saj për të strehuar afganët, thanë burimet, raporton abcnews.al

Ministria e jashtme në Kosovë nuk iu përgjigj kërkesës për koment. Po ashtu ambasadat e Shqipërisë, Kazakistanit, Taxhikistanit dhe Uzbekistanit nuk iu përgjigjën menjëherë një kërkese për koment.

1,200 afganët e evakuuar janë vetëm një pjesë e 21,000 personave që kanë aplikuar për SIV dhe administrata e Biden po përpiqet ti mundësojë strehim të përkohshëm. Sipas të dhënave, numri i personave të evakuuar është 80,000, së bashku me anëtarët e familjes së tyre.

James Miervaldis, kryetar i një organizatë që ndihmon aplikantët e SIV të mbërrijnë në Shtetet e Bashkuara, tha se mundësia që shumica e aplikantëve të evakuohen është e pakët. Kjo është çështje po diskutohet ende nga ligjvënësit në Kongres, përfshirë aleatët e Biden.

“Ne duhet të mbajmë premtimet tona për mijëra afganë që rrezikuan jetën e tyre për të na ndihmuar. Është koha që Biden të lërë mënjëanë burokracinë dhe të ndihmojë afganët, “tha kongresistja Sara Jacobs. /abcnews.al

The post Reuters: Si po negociohet me Shqipërinë dhe Kosovën për të pranuar afganët appeared first on Albeu.com.