Vera në Europë ka një tjetër ndjesi. Ajo është elegante, e qetë dhe festive – prandaj, nuk është fare e habitshme që plazhet e saj janë skenat e duhura për fotot e ëndrrave në Instagram.

Por, cili është plazhi më i fotografuar nga të gjithë? Thinking Traveller, kompani që ofron akses në vila ekskluzive dhe shtëpi luksoze në të gjithë globin, arriti të zbulonte se cili është plazhi i Europës me më shumë foto në Instagram.

“Plazhet europiane ofrojnë përvoja fantastike për pushuesit nga e gjithë bota. Që nga plazhet me rërë e deri tek ato shkëmbore, peizazhet e detit në Europë mund të duken të ndryshme nga njëra-tjetra, duke krijuar mundësi të shumta për të bërë fotografi magjepsëse, të denja për Instagram” – thotë The Thinking Traveler në një postim të fundit në blog.

Kompania pa nga afër të dhënat e hashtag-eve në Instagram për të gjetur destinacionet më të njohura dhe më piktoreske në të gjithë Europën, në një përpjekje për të ndihmuar turistët që të zgjedhin destinacionin e tyre të ardhshëm të pushimeve në plazh, i cili do të ishte i përsosur për të bërë foto.

Për të gjetur plazhet e Europës me më shumë foto në Instagram, ekipi shqyrtoi artikujt ekzistues mbi plazhet më të mira në Europë, të cilat i përdori për të krijuar listat bazë. Më pas, ai zbuloi plazhet më të postuara duke regjistruar numrin e postimeve në Instagram me hashtag-e të ndryshme që lidhen me plazhin.

Vendi i parë, sipas The Thinking Traveler, është plazhi Étretat në Normandi, Francë.

“Si një plazh i jashtëzakonshëm me guralecë të bardhë, Étretat është i njohur për tre harqet e tij dhe shkëmbinjtë e ngjitur me njër-tjetrin, të cilët ngrihen mbi ujërat në ngjyrë të gjelbër smeraldi si askund tjetër në planet,” tha kompania. Plazhi Étretat kishte 406,321 postime nën hashtagun #etretat.

Dikur një fshat për peshkim, kjo zonë u bë një strehë për artistët rreth fundit të shekullit të 19-të, kur ata u dyndën drejt këtij bregdeti falë bukurisë së tij të pamasë.

Ky plazh është aq i bukur sa vizitorët merrnin guraleca nga plazhi për të sjellë në shtëpitë e tyre një pjesë të vogël të kësaj parajse. Por, kjo bëri që miliona metra kub të këtyre guralecëve të zhdukeshin nga bregdeti. Kështu, tani është e paligjshme që të marrësh me vete qoftë edhe një guralec të vetëm nga plazhi.

Pjesa tjetër e 10 vendeve të para në listë përfshin Durdle Door Beach në Mbretërinë e Bashkuar me 265,276 postime në Instagram; Plazhin La Pelosa në Sardenjë, Itali, me 109,135 postime; Torre Lapillo në Pulia, Itali, me 95,083 postime; Plazhi Navagio (Plazhi i Mbytjes së Anijes) në Zakynthos, Greqi, me 80,824 postime; dhe Cala Luna në Sardenjë, Itali, me 75,012 postime.

Plazhet e tjera kryesore të gjetura në sondazhin e The Thinking Traveller përfshinin Salento, Punta Prosciutto të Italisë, Plazhin Playa de Muro në Mallorca, Spanjë dhe Porto Katsiki Beach në Lefkada, Greqi.

The post Ky është plazhi i Europës me më shumë foto në Instagram appeared first on Albeu.com.

“Ne kemi pezulluar të gjitha shpenzimet në operacionet tona në Afganistan dhe ne jemi duke monitoruar dhe vlerësuar nga afër situatën në përputhje me politikat dhe procedurat tona të brendshme,” tha për BBC një zëdhënës i Bankës Botërore.

Ky vendim vjen pas marrjes në kontroll të vendit nga talebanët. Më parë FMN ka bllokuar pagesat për Afganistanin kurse SHBA-ja ngriu asetet bankës qendrore të Afganistanit. Veprimi i fundit i Bankës Botërore është një goditje e madhe financiare për qeverinë e re të vendit.

The post Banka Botërore pezullon ndihmën për Afganistanin, pas marrjes së kontrollit nga talebanët appeared first on Albeu.com.

Presidenti francez tha se është urgjencë absolute që t’i vendosim në siguri bashkatdhetarët tanë, të cilët duhet të largohen të gjithë nga vendi, si dhe afganët që punuan për Francën”.

“Gati 800 njerëz janë tashmë në tokën franceze “, shtoi kreu i shtetit, duke specifikuar se “dy avionë ushtarakë dhe forcat tona speciale do të jenë në vend në orët e ardhshme  për të kryer evakuimet e fundit”.

Ai u shpreh se është nder për Francën që të mirëpresin personat e kërcënuar nga talebanët, ndërsa theksoi se Afganistani nuk mund të bëhet parajsë e terroristëve.

“Shumë anëtarë të shoqërisë civile afgane, mbrojtës të të drejtave të njeriut, artistë dhe gazetarë tani janë nën kërcënim. Ne do t’i mirëpresim ata sepse është një nder për Francën të jetë në anën e atyre që luftojnë për liri ,” tha Macron në një fjalim televiziv.

Ai shtoi më tek duke thënë se Franca do të bëjë gjithçka në fuqinë e saj për të siguruar se Shtetet e Bashkuara, Rusia dhe Evropa të përgjigjet me një qëllim të përbashkët.

“Afganistani nuk duhet të bëhet parajsa e terroristëve që ishte dikur. Është një sfidë për paqen dhe stabilitetin ndërkombëtar përballë një armiku të përbashkët. Ne do të bëjmë gjithçka që mundemi për të siguruar që Rusia, Shtetet e Bashkuara dhe Evropa të mund të punojnë së bashku në mënyrë efektive, sepse interesat tona janë të përbashkëta”, u shpreh Makron.

The post Do të strehojë rreth 1 mijë afganë, Macron: Afganistani nuk duhet të bëhet parajsa e terroristëve! appeared first on Albeu.com.