Shtypi ndërkombëtar shkruan se ata janë në nevojë urgjente për likuiditet, teksa bankat nuk kanë mjaftueshëm para ndërsa krerët e organizatës po hartojnë planet për rindërtimin e vendit pas largimit trupave të ushtrive perëndimore.

Ata u përpoqën të tërheqin kapital nga asetet e depozituara nga qeveritë afgane të këtyre 20 viteve në bankat perëndimore, që në total kapin vlerën e 10 miliardë Dollarëve.

Por këto shuma, talebanët nuk mund t’i përdorin pasi janë ngrirë me urdhër të qeverisë amerikane, nën argumentimin se talebanët janë një organizatë ekstremiste që ka marrë nën kontroll me dhunë një shtet. Për këtë aryse qeveria e re ende nuk është e besueshme se mund t’u rikthejë borxhet e deritanishme vendeve të huaja.

Burime të mediave ndërkombëtare thonë se Banka Qëndrore e Afganistanit, shumicën e aseteve në ar prej 7 miliardë Dollarësh e ka të depozituar në Bankën e Rezervës Federale në Nju Jork. 1.3 miliardë të tjera ruhen në Bankën Ndërkombëtare të Zvicrës. Të aksesueshme për momentin janë deri 0.2% e këtyre fondeve.

Të mërkurën, Banka Botërore vendosi tërheqjen nga Afganistani, ndërsa më herët edhe Fondi Monetar Ndërkombëtar që gjatë dy dekadave këshilloi autoritetet afgane në reduktimin e borxhit publik nga mbi 300% në 6.3% të Prodhimit të Brendshëm Bruto, pezulloi operacionet. Shpresat kryesore tashmë varen nga ndihmat kineze./albeu.com

The post Talebanët po përballen me vështirësi financiare, vetëm 0,2% e fondeve të aksesueshme appeared first on Albeu.com.

Klima jo e mirë politike dhe frika për të ardhmen po detyron gjithmonë e më shumë njërëz të braktisin vendin e tyre.

Kreu i një kompanie private amerikane, Blackëater, Erik Prince ka shkaktuar zemërim të gjerë publik.

Ai ka marrë edhe kritika nga Shtëpia e Bardhë, teksa përpiqet të kthejë në një operacion fitimprurës tmerrin e afganëve që përpiqen të largohen nga Afganistani.

Kompania e ish-marinsit “SEAL”, ofronte bileta avioni për jashtë Afganistanit në këmbim të shumës marramendëse 6,500 dollarë, madje duke thënë se çmimi mund të rrihej edhe më shumë nëse individët gjendeshin të bllokuar në shtëpitë e tyre dhe kishin nevojë për forcat speciale ushtarake për t’i shoqëruar.

“Oferta” vjen në një kohë kur administrata Biden po nxjerrin nga vendi afganët me viza në fluturimet e rrezikshme të evakuimeve./albeu.com

The post 6,500 dollarë për person, nxjerrja e afganëve nga vendi kthehet në biznes fitimprurës appeared first on Albeu.com.

Amerikanët investuan në total rreth 83 miliardë dollarë në industrinë e mbrojtjes afgane dhe në logjistikë.

Por pasi talebanët morën kontrollin, armatimi ka rënë në duart e tyre dhe një pjesë e madhe e parave të investuara ka shkuar dëm.

Në videon e mëposhtme duket qartë se se talebanët bëjnë manovra të çuditshme me një helikopter amerikan./albeu.com

Taliban testing a captured Afghan UH-60 pic.twitter.com/ft3gaBjoig

— OSINTtechnical (@Osinttechnical) August 25, 2021

The post Talebanët keqtrajtojnë helikopterin amerikan, manovra të çmendura sikur ta kishin lodër (VIDEO) appeared first on Albeu.com.

Ata i kanë përdorur përfitimet e tij për të realizuar projektin e tyre politik, për të organizuar njerëzit dhe ushtarët deri në arritjen e hapit të tyre final që ishte marrja e pushtetit në Afganistan.

Të këtij mendimi janë analistë të ndryshëm ndërkombëtarë, të cilët thonë se pavarësisht se në krye të axhendës kanë pasur luftën kundër kultivimit të kësaj bime, lëndë kryesore për prodhimin e heroinës, talebanët kanë bërë të kundërtën.

Ky grafik tregon se kultivimi i opiumit në Afganistan nuk u reduktua gjatë sundimit të tyre të parë, në vitet 1996 – 2001, teksa prej më shumë se 30 vitesh, ky vend është kultivuesi më i madh i kësaj bime në botë.

Rënie të ndjeshme ka pësuar vetëm kur amerikanët ndërhynë ushtarakisht për t’i rrëzuar ata nga pushteti 20 vite më parë.

Që nga ajo periudhë, kultivimi i opiumit ka pësuar rritje të konsiderueshme, duke kulmuar në 2017-ën me gati 9 mijë tonë të prodhuara për 1 vit, siç konstatohet në një raport të OKB-së.

Opiumi është kultivuar historikisht në zonat e kontrolluara prej talebanëve, teksa ata përfitojnë deri 400 milionë dollarë çdo vit./albeu.com

The post Çfarë pritet të ndodhë me opiumin pas rikthimit të talebanëve appeared first on Albeu.com.

Kaoi i krijuar në aeroportin ndërkombëtar të Kabulit, po pengon mijëra afganë të evakuohen nga vendi drejt shteteve ku do të strehohen, mes të cilave është edhe Shqipëria.

Në një intervistë ekskluzive për Top Channel me gazetarin Muhamed Veliu, një përkthyes afgan që ka ndihmuar komandot shqiptare atje, sjell një panoramë të shkurtër të ngjarjeve që janë duke ndodhur në Afganistan dhe apelon autoritetet shqiptare ta ndihmojnë të shpëtojë nga duart e regjimit taleban.

I dëshpëruar nga situata që ndodhet  ai apelon për ndihmën tek autoritetet shqiptare.

“Unë kam punuar për dy vite e gjysmë me djemtë shqiptarë. Njëri prej tyre ishte në rrolin e komandantit drejtues për mua. Unë u siguroja informacione që ata të ishin të sigurt. Ne ishim në Kabul,  por informacioni kishte të bënte për zona të ndryshme dhe vinte nga burime të ndryshme për të parandaluar sulmet ndaj ushtarakëve shqiptarë dhe të tjerëve anëtarë të NATO-S”.

Përkthyesi komandove shqiptare na tregon si është duke i përjetuar këto ditë nën pushtetin e Talebanëve.

“Është një situatë katastrofike. Talebanët janë kudo. Unë nuk mund të dal nga shtëpia për të blerë ushqime apo për të bërë diçka tjetër. Jam i bllokuar në shtëpi. Nuk kemi energji elektrike. Nuk kemi asgjë. Është kaos. Ne patëm disa ushqime në formë rezerve nga java e shkuar dhe atë jemi duke përdorur për momentin”.

Përmes Top Channel ai bën këtë apel për miqtë e tij ushtarakët shqiptarë dhe qeverinë e vendit tonë.

“Unë i kërkoj të më nxjerrin nga këtu. Ne i ndihmuam ata në kohë të vështira duke i shpëtuar jetën. Tani është koha të na shpëtojnë jetët tona. Nëse Talebanët do të më kapin ata nuk do të kursehen të më vrasin mua bashkë me familjen,  e gjitha kjo si pasojë e punës që kam bërë. Nuk kanë mëshirë për asnjë. Nëse më gjejnë mua, si një person që ka punuar për amerikanët dhe shqiptarët jeta ime merr fund. I apeloj shqiptarëve. Ju lutem më ndihmoni. Ju kam ndihmuar në kohë të vështira. Ne nuk e prisnim që Kabuli të binte në duart e Talebanëve kaq shpejt. Unë isha duke punuar dhe papritur dëgjova që Talebanët mbërritën në Kabul. Që prej atij momenti s’kam dalë nga shtëpia.  Jeta ime është në rrezik. Kam dy fëmijë. Bashkë me gruan jemi afër vdekjes.  Unë bashkë me gruan dhe dy fëmijët  tanë nuk e meritojmë të vritemi nga Talebanët. A besoni se do të jetë një gjë e mirë që ne të vdesim në duart e Talebanëve duke na prerë kokat? Ju lutem ju lutem na ndihmoni ti mbijetojmë kësaj situate”.

Zëdhënësi Talebanëve Zubiullah Mujahid dy ditë më parë premtoi amnisti për bashkëpunëtorët e amerikanëve  por përkthyesi afgan shpjegon për Top Channel pse kjo nuk është e vërtetë.

“Ekzaktësisht unë nuk besoj në këtë pasi ata së fundmi kanë vrarë dy përkthyes dhe po kërkojnë shtëpi më shtëpi të gjejnë se kush ka punuar me të huajt. Talebanët këto ditë kanë vrarë dy komando afganë, përfshi të tjerë që kanë punuar për qeverinë. Nuk e besoj atë çfarë talebanët thonë pasi nuk do ti qëndrojnë atyre gjërave që thonë. Do të hakmerren”./tch

The post Përkthyesi afgan i komandove shqiptare: Më ndihmoni! Jam afër vdekjes appeared first on Albeu.com.