Lala u shpreh se hetimet për “5D”, nuk kanë përfunduar dhe se ka edhe një fraksion të katërt të kësaj dosje.

“SPAK ka dërguar tani fraksionin e dytë të dosjes “5D”, ku kryesore është Deborah Keci, institucion në varësi të Bashkisë së Tiranës.

Nga ana tjetër, Eglantina Zere rezulton se ka favorizuar kompaninë “5D” që zotërohej nga Redi Molla dhe Mariglen Qato duke dhënë tender, kur dokumentat janë bërë nga punonjës të “5D”.

E gjithë administrate e Erion Veliajt është në probleme me ligjin sot që flasim. Fraksioni i katërt po vijohet, është në hetim. Afera “5D” ka edhe një fraksion të ri.

Janë disa vepra penale që kanë afate të limituara, nëse kalon afati parashkruhet. Janë procedura të tjera pa emra të personave nën hetim, sepse kur shënohet emri afati nuk është më shumë se 6 muaj. Po të shohësh të gjithë çështjet kur shënohet emri, ka afate të limituara.

Ka procedura tenderuese që po vijon hetimi. Nëse rezultojnë të dhëna për Veliajn si Kryetar Bashkie që ka kryer shkelje, mund të bashkohet me çështjen kryesore”, tha Lala.

The post Klodiana Lala zbardh detaje për aferën “5D”: Ka edhe një fraksion të ri në hetim… appeared first on Albeu.com.

Gjithashtu, Noka theksoi se të emëruarit e rinj, janë të afërm të drejtorëve të arrestuar.

Ndër të tjera, Noka theksoi; “Shqipëria vidhet dhe është në dorë të plaçkitësve. Relativizimi i vjedhjes është e tmerrshme. Veliaj tha se 2-3 pushtetarë kanë vjedhur nga qindra funksionarë e kjo nuk qenka problem sipas tyre”.

“Veliaj e shantazhoi Edi Ramën. Ai i tha Ramës se sa ke përgjegjësi ti për ish zv kryeministrin, aq kam unë për vartësit në bashki. Veliaj duhet të kishte dhënë dorëheqjen. “5D” është korrupsion i pashembullt. Kishim dëgjuar vjedhje 20 përqind, por të tillë vjedhje nuk kishim dëgjuar, 100 përqind vjedhje është rast unik dhe askush nuk mban përgjegjësi. Parlamenti duhet të ziente. Këtu është bërë e udhës, vjedhja kap vjedhjen, skandali kap skandalin, ministrat thonë bëhen edhe filma me këto vjedhje. Shqipëria vidhet dhe është në dorë të plaçkitësve.

Relativizimi i vjedhjes është e tmerrshme. Veliaj tha se 2-3 pushtetarë kanë vjedhur nga qindra funksionarë e kjo nuk qenka problem sipas tyre. Por, emisionet investigative po zbulojnë se vjedhja është kapilare. Drejtorët e rinj iu diktuan Veliajt nga burgu. Drejtorët që zëvendësuan ata të “5D”, janë emëruar me telefonatë nga burgu. A e kuptoni në çfarë Republike jetojmë. Edhe Kumbaro është kumbare e krimit dhe korrupsionit. Të arrestuarit kanë aplikacion, ku kanë komunikuar. Veliaj është peng. SKAP nuk guxon të hetojë. Jeni organizatë kriminale e asgjë më shumë”, u shpreh Noka.

The post Noka bën deklaratën e fortë: Drejtorët që zëvendësuan autorët e aferës “5D”, u emëruan me telefonatë nga burgu appeared first on Albeu.com.