Bojan Stojanovski, deputet i partisë në pushtet, tha sot se të dhënat dëshmojnë se Maqedonia po shndërrohet në një destinacion gjithnjë e më tërheqës për turizmin dhe transportin.

Në një postim në rrjetet sociale, Stojanovski iu referua statistikave, sipas të cilave aeroportet e Shkupit dhe Ohrit regjistruan korrikun më të suksesshëm deri tani, duke arritur rekorde historike në trafikun ajror të Maqedonisë.

Sipas ACI Europe, trafiku i udhëtarëve u shtua me 27,9%, rezultat që e rendit vendin në pozitën e parë mes shteteve që nuk janë anëtare të BE+.

Me një rritje prej 28,6%, Aeroporti Ndërkombëtar i Shkupit është përfshirë ndër aeroportet e mesme me ritmin më të lartë të rritjes në Evropë.

Ndërkohë, Aeroporti “Shën Apostulli Pal” në Ohër shënoi korrikun më të suksesshëm në historinë e tij. Gjatë këtij muaji, numri i udhëtarëve në aeroportin e Ohrit u rrit me 41,21% në krahasim me të njëjtën periudhë të vitit të kaluar.

Stojanovski shkroi në Facebook se këto të dhëna tregojnë se investimet në linja të reja ajrore, përmirësimi i aeroporteve dhe përkrahja e turizmit japin rezultate konkrete për ekonominë maqedonase.

The post Stojanovski: Maqedonia po fiton terren si destinacion turistik, trafiku ajror i udhëtarëve u rrit me 27,9% appeared first on Albeu.com.

Shkaqet e incidentit me avionin e “Rajaner” që po fluturonte nga Selaniku drejt Memingenit dhe që ndodhi dje në mëngjes mbi Maqedoni, ende janë objekt hetimi, bëri të ditur Marjan Prposki, kryetar i Komitetit për Hetimin e Aksidenteve Ajrore dhe Incidenteve të Rënda.

Sipas tij, komunikimi me Bordin Kombëtar të Sigurisë së Transportit (NTSB) po vazhdon pa ndërprerje, ndërsa publiku do të njoftohet në kohën e duhur për çdo zhvillim apo të dhënë shtesë lidhur me këtë rast.

Avioni i “Rajaner”, i nisur nga Selaniku për në Memingen, u rikthye në Selanik menjëherë pas ngritjes dje, pasi gjatë fluturimit pranë një pasagjeri u shkëput një dritare, njoftoi kompania për incidentin, ku një prej udhëtarëve pësoi lëndime të lehta.

“Rajaner” sqaroi se ulja në Selanik u krye pa asnjë problem dhe se pasagjerët u kthyen më pas në terminal.

Në komunikatën e djeshme të kompanisë, të publikuar nga mediat greke, thuhej: “Një udhëtar kërkoi dhe mori ndihmë mjekësore pas uljes në Selanik. Për të minimizuar vonesën, u sigurua një aeroplan zëvendësues për të transportuar udhëtarët në Memingen, i cili u nis nga Selaniku këtë mëngjes në orën 9:35 sipas kohës lokale”.

Mediat e Selanikut, duke iu referuar rrëfimeve të udhëtarëve, raportuan dje se menjëherë pas ngritjes, ndoshta kur avioni po kalonte mbi Shkup, u dëgjua një zhurmë e fuqishme dhe më pas u thye një dritare. Sipas këtyre dëshmive, pasagjeri që ndodhej në ulësen pranë saj, për shkak të dekompresionit të menjëhershëm, rrezikoi të përfundonte jashtë avionit, por u mbajt dhe u shpëtua nga bashkëudhëtarët.

Po sipas dëshmive, në mesin e pasagjerëve pati panik, ndërsa piloti ruajti qetësinë, i qetësoi udhëtarët dhe e ktheu avionin në aeroportin e Selanikut. Disa media raportuan se dritarja mund të ishte dëmtuar nga një problem me motorin, pasi një pjesë e shkëputur e kishte goditur atë, por kjo nuk u përmend fare në komunikatën e kompanisë ajrore.

Mediat në Selanik raportuan gjithashtu se i lënduari ishte një turist rreth të 60-ave dhe se me gjasë bëhet fjalë për një shtetas serb.

The post Prposki: Vijon hetimi për ngjarjen me avionin në hapësirën ajrore të Maqedonisë së Veriut appeared first on Albeu.com.

Gjatë gjashtë muajve të parë të këtij viti, Aeroporti Ndërkombëtar i Shkupit dhe Aeroporti “Shën Apostull Pali” Ohër kanë përpunuar gjithsej 1.955.648 udhëtarë, duke regjistruar një rritje prej 28 për qind në krahasim me të njëjtën periudhë të vitit të kaluar. Në të njëjtën kohë, janë kryer 13.167 fluturime, ose 7,6 për qind më shumë.

Vetëm gjatë muajit qershor, dy aeroportet së bashku kanë pasur 374.714 udhëtarë, që përfaqëson 15,6 për qind më shumë krahasuar me të njëjtën periudhë të vitit të kaluar.

Sipas të dhënave statistikore gjashtëmujore të TAV Maqedoni, destinacioni më i frekuentuar nga Aeroporti Ndërkombëtar i Shkupit është Stambolli, duke përfshirë të dy aeroportet IGA dhe Sabiha Gokçen, me 14,2 për qind pjesëmarrje në treg. Pas tij renditen Mynih Memingen me 4,5 për qind, Basel Miluz me 4,4 për qind, Dortmund me 4,1 për qind, Cyrih me 4 për qind dhe Frankfurti me 3,9 për qind.

Pesë shtetet me numrin më të madh të fluturimeve direkte nga Shkupi janë Gjermania me 28,5 për qind të pjesës së tregut në trafikun e përgjithshëm të udhëtarëve, Turqia me 18 për qind, Zvicra me 9,3 për qind, Italia me 8,2 për qind dhe Suedia me 5,8 për qind.

Nëse analizohen veçmas Aeroporti Ndërkombëtar i Shkupit dhe Aeroporti “Shën Apostull Pali”, aeroporti i Shkupit ka shënuar rritje vjetore prej 28,6 për qind, ndërsa përmes tij në gjashtë muajt e parë të këtij viti janë transportuar 1.833.010 udhëtarë. Gjatë së njëjtës periudhë, në këtë aeroport janë realizuar 12.260 fluturime, që paraqet rritje prej 6,5 për qind ndaj të njëjtës periudhë të vitit të kaluar. Nga ana tjetër, aeroporti i Ohrit ka regjistruar rritje prej 18,2 për qind, me 122.638 udhëtarë të transportuar nga janari deri në qershor. Në këtë interval janë realizuar 907 fluturime, që është 26 për qind më shumë.

“Rritja prej 28 për qind e numrit të udhëtarëve në gjashtë muajt e parë të vitit 2026 është një rezultat i shkëlqyer dhe konfirmim i qartë se aeroportet e Maqedonisë janë në rrugën e zhvillimit të fortë dhe të qëndrueshëm. Në industrinë e aviacionit, rritja dyshifrore e trafikut ajror të udhëtarëve është një tregues i një strategjie të suksesshme, rritjes së besimit të udhëtarëve dhe atraktivitetit si destinacion për kompanitë ajrore. Fakti që Aeroporti Ndërkombëtar i Shkupit dhe Aeroporti i “Shën Apostull Pali” Ohër së bashku shërbyen pothuajse dy milionë udhëtarë vetëm në gjashtë muaj, ndërkohë që regjistruan edhe një rritje prej 7,6 për qind të numrit të fluturimeve, është rezultat i angazhimit tonë për zhvillimin e lidhjes ajrore, përmirësimin e vazhdueshëm të shërbimeve dhe bashkëpunimin e suksesshëm me partnerët tanë. Mbetemi të përqendruar në krijimin e mundësive të reja për rritje, zgjerimin e rrjetit të destinacioneve dhe ofrimin e një përvoje cilësore për udhëtarët, në mënyrë që aeroportet e Maqedonisë të vazhdojnë të tejkalojnë pritjet në periudhën e ardhshme”, thuhet në deklaratën me shkrim të Nexhat Kurt, drejtorit të përgjithshëm të TAV Maqedoni.

The post Gati dy milionë pasagjerë u shërbyen në gjashtëmujorin e parë nga aeroportet e Maqedonisë appeared first on Albeu.com.

Në Aeroportin e Shkupit kanë hyrë në funksion skanerët e rinj të sigurisë, përkatësisht dy tomografi kompjuterike me vlerë rreth 1 milion euro. Drejtori i përgjithshëm i TAV-it, Nexhat Kurt, tha se falë këtij investimi aeroporti është i vetmi në Ballkan që disponon pajisje të tilla, duke rritur ndjeshëm sigurinë e udhëtarëve dhe duke e bërë më të shpejtë kontrollin e bagazheve.

Sipas Kurtit, gjatë kontrollit pasagjerët nuk do të kenë më nevojë të nxjerrin nga çantat laptopët, tabletët dhe telefonat celularë. Ai theksoi se synimi është të ulet stresi i udhëtarëve, të forcohet ndjesia e sigurisë dhe e gjithë procedura të zhvillohet më shpejt dhe pa ngarkesë.

Zëvendësministrja e Transportit, Kaltrina Zekolli-Shaqiri, deklaroi se ky investim prej afërsisht 1 milion eurosh e shndërron Aeroportin e Shkupit në lider rajonal. Ajo nënvizoi se Qeveria ka bashkëpunim të shkëlqyeshëm me TAV-in dhe se, deri tani, nga ky bashkëpunim ka pasur rreth 50 milionë euro donacione, ndërsa 97 projekte janë në fazën e realizimit në të gjithë vendin.

Ajo bëri të ditur gjithashtu se bashkëpunimi me TAV ka mundësuar investime prej 50 milionë eurosh në një numër të madh projektesh, duke veçuar si të rëndësishëm modernizimin, rindërtimin dhe zgjerimin e pandërprerë të aeroportit të Ohrit.

The post Aeroporti i Shkupit vendos skanerë modernë sigurie, pajisjet elektronike nuk do të nxirren më nga çantat appeared first on Albeu.com.

Sipas informacioneve në faqen e Aeroportit Ndërkombëtar, fluturimet nga Bremeni dhe Dortmundi janë anuluar, ndërsa fluturimi nga Stambolli është shtyrë. Në Aeroportin e Shkupit ka aterruar vetëm një avion nga Vjena. Nisja për në Stamboll u vonua për rreth katër orë, ndërsa nisja e fluturimit për në Londër rreth 50 minuta.

Në sferën e komunikacionit rrugor, Lidhja Auto Moto e Maqedonisë njoftoi mëngjesin e sotëm se ka ulje të dukshmërisë në disa rrugë në vend. Në akset rrugore Tetovë – Grupçin dhe Koçan – Vinicë – Kamenicë e Maqedonisë ka dukshmëri të reduktuar deri në 40 m, ndërsa në rrugët Manastir – Prilep, Shkup – Kumanuvë, Shkup – Veles, Veles – Katllanovë, dhe Koçan-Shtip, dukshmëri është reduktuar nga 50 m deri në 100 m.

The post Mjegulla vështirëson trafikun ajror, anulohen disa fluturime në Aeroportin e Shkupit appeared first on Albeu.com.

“Jam nga Shtipi, jetoj në Amerikë. Doja të udhëtoja për Çikago përmes Vienës, por fluturimi u vonua në mëngjes dhe pasi bëra check-in më thanë fillimisht që është anuluar fluturimi, pastaj zbrita në sportel dhe pritëm afër 4 orë poshtë. U desh të kthehemi se na thanë se nuk ka vend, madje deri më 7 gusht”, u shpreh një qytetar.

“Jo nuk na duket në rregull se tani në fund e hapën një rend, po na bie shumë të presim na vonojnë edhe aeroplanin, na vjen keq që presim kështu gjithë. Shumë keq, njerëzit të hipin mbi kokë, disa të parakalojnë disa të shtynë edhe pse je me bebe nuk ju intereson, vërtetë keq”, tha një Qytetar.

“Nuk është ne rregull hiç! Shumë ndryshe, vonojnë pa nevojë te kontrollimi i biletave, atje e ke në telefon dhe ecën këtu nuk ka rend askund”, u shprej një Qytetar.

Sipas udhëtarëve, procedurat e deklarimit on-line të destinacioneve iu marrin më tepër kohë gjatë check-in’it për në shtetet e Evropës, SHBA-së dhe Australisë.

Nga “Tav Maqedoni” thonë se gjatë muajit korrik janë anuluar 37 fluturime në 2 aeroportet e vendit, në Shkup e Ohër. Sipas kompanisë shkaqet e anulimeve kryesisht kanë qenë operative ose për shkak të motit.

“Edhe përkundër faktit që ndodh që kompanitë ajrore të anulojnë fluturimet në dy aeroportet e vendit, nuk mund të themi se kjo është për shkak të një arsye të përgjithshme. Si operator ne marrim informacionet nga kompanitë ajrore, në mënyrë që ata vendosin për vonesat ose anulimet e fluturimeve, ndërsa të njëjtat ndodhin ose për shkaqe operative ose për shkak të kushteve të motit. Ajo që është më e rëndësishme është se dy aeroportet e vendit nuk kanë probleme me kapacitet të cilat mund të shkaktonin vonesa ose anulime. Ne nuk kemi pranuar ankesa nga udhëtarët sa i përket vonesave të fluturimeve. Zakonisht udhëtarët ankesat e tilla i drejtojnë te kompanitë ajrore ku kanë blerë biletat”, “TAV Maqedoni”.

Në periudhën nga 1 korriku deri më 25 korrik në Aeroportin Ndërkombëtar të Shkupit janë realizuar gjithsej 1,572 fluturime. Në Aeroportin e Ohrit, në të njëjtën periudhë kohore janë realizuar gjithsej 100 fluturime. Në Aeroportin e Shkupit gjatë korrikut kanë arritur mbi 120 mijë udhëtarë, ndërsa mbi 85 mijë janë larguar. Në Aeroportin e Ohrit kanë aderuar mbi 18 mijë pasagjerë, ndërsa janë larguar mbi 9.500 pasagjerë./Alsat.mk

The post Aeroporti i Shkupit “vërshohet” nga udhëtarët appeared first on Albeu.com.

Ai u arrestua për larje parash, për çfarë është dënuar me 10 vjet burg.

“Sektori për bashkëpunim policor ndërkombëtar në koordinim me Prokurorinë Publike ndërmerr masa dhe aktivitete për procedurë të mëtutjeshme”, qëndron më tej në njoftim.

The post Kërkohej nga Interpoli i Gjermanisë, turku arrestohet në aeroportin e Shkupit appeared first on Albeu.com.