Avioni Airbus A330-200, i nisur nga Toronto, u ul në TIA në orën 13:30, ku u prit në një ceremoni të veçantë nga Ministri i Energjisë dhe Transportit, z.Enea Karakaçi, si dhe nga drejtues të lartë të Kastrati Group dhe TIA-s. Në orën 16:00 u nis fluturimi i parë nga Tirana drejt Torontos, duke hapur rrugën për forcimin e bashkëpunimit ekonomik dhe kulturor mes Shqipërisë dhe Kanadasë.

Air Transat, e vlerësuar si “Kompania më e mirë ajrore për udhëtime turistike në botë” nga Skytrax World Airline Awards, është partneri më i ri i TIA-s dhe do të operojë një fluturim në javë, çdo të premte, deri më 8 tetor 2026.

Avioni i kësaj linje është i dedikuar për fluturime të gjata dhe garanton një udhëtim të rehatshëm, me shërbim sipas standardeve më të larta. Nisja e këtij bashkëpunimi përfaqëson një hap të rëndësishëm në zgjerimin e hartës së destinacioneve direkte të TIA-s dhe në përmirësimin e lidhjeve ajrore mes Shqipërisë dhe Amerikës së Veriut.

Vendosja e fluturimeve direkte mes Shqipërisë dhe Kanadasë ka një ndikim që shkon përtej kufijve të Shqipërisë; ajo do të shërbejë si portë lidhëse me Amerikën e Veriut për të gjithë Ballkanin Perëndimor.

Falë investimit të vazhdueshëm të Kastrati Group, Aeroporti Ndërkombëtar i Tiranës është transformuar në aeroportin më të frekuentuar të rajonit dhe tashmë përmbush standardet e aviacionit modern për fluturime ndërkontinentale.

Piervittorio Farabbi, Drejtor Operacional i Aeroportit Ndërkombëtar të Tiranës “Nënë Tereza”, e cilësoi vendosjen e linjës direkte të Air Transat mes Torontos dhe Tiranës si një moment përcaktues për lidhjet ajrore të Shqipërisë, – Ky fluturim i parë ndërkontinental nga TIA hap një portë strategjike drejt Atlantikut të Veriut, duke e afruar Shqipërinë me një nga komunitetet e saj më të rëndësishme të diasporës dhe duke krijuar mundësi të reja për turizmin, tregtinë dhe investimet. Kjo linjë e re pasqyron rritjen e interesit ndërkombëtar për Shqipërinë dhe besimin që partnerët tanë globalë kanë ndaj tregut shqiptar. Jemi krenarë për partneritetin me Air Transat në këtë linjë historike dhe presim me optimizëm suksesin e saj,” – tha z. Farabbi.

“Si e vetmja kompani ajrore që ofron një fluturim pa ndalesë mes Amerikës së Veriut dhe Tiranës, jemi jashtëzakonisht krenarë që sjellim shërbimin tonë në këtë linjë unike,” – deklaroi z.Howard Liebman, zv. President per Marrëdhëniet Qeveritare në Air Transat. Shqipëria po shndërrohet me shpejtësi në një nga destinacionet më tërheqëse të Evropës, duke kombinuar çmime konkurruese me bukurinë natyrore, trashëgiminë e pasur kulturore dhe përvojat autentike. Kjo linjë forcon praninë tonë në një treg me potencial të lartë dhe pasqyron strategjinë tonë për zhvillimin e linjave me vlerë të shtuar që përmirësojnë lidhjet dhe forcojnë rrjetin tonë transatlantik,” – u shpreh z. Liebman.

Kryeministri i Shqipërisë, z. Edi Rama u shpreh se të dhënat e aeroportit të Tiranës janë të jashtëzakonshme, – Aeroporti i Tiranës prej disa vitesh mban vendin e parë në Europë për rritjen e numrit të pasagjerëve dhe mjafton shifra e ndryshuar e shtatë a nëntë viteve, nga 2016-a në 2025-ën, për të kuptuar se çfarë rritjeje marramendëse ka ndodhur me aeroportin e Tiranës.

Në 2016-n, kur filloi një fazë e re në punën e përbashkët për transformimin e mëtejshëm të aeroportit dhe modernizimin e aviacionit tonë civil, kishte vetëm 22 mijë fluturime në vit për 2.2 milionë pasagjerë. Më pak se 10 vite më vonë, numri i pasagjerëve arriti në 13.7 milionë dhe numri i fluturimeve në 82 mijë, një shifër që ne parashohim të kalojë 100 mijët në fund të kësaj dekade dhe në fillim të dekadës tjetër.

Ashtu si, nga ana tjetër, nuk është vetëm rritja e numrit të pasagjerëve, por është edhe përmirësimi i cilësisë së shërbimit. Aeroporti i Tiranës është një ndër aeroportet e para në Evropë që ka hedhur hapin e kalimit të dixhitalizuar të check-in-it dhe të check-out-it. Ndërkohë, së shpejti, po këtu, ne do të hapim një kapitull të ri të transformimit dixhital të aeroportit dhe të modernizimit të mëtejshëm të tij: kapitullin e portave dixhitale, të cilat do të jenë porta ku do të hyhet pa asnjë lloj kontrolli, nëse je shqiptar dhe nëse ke një pasaportë biometrike shqiptare, – tha z. Rama.

“Më 30 maj, në Aeroportin Ndërkombëtar “Nënë Tereza”, u regjistrua dita me numrin më të lartë të pasagjerëve në histori, me 51,420 pasagjerë në vetëm një ditë, – deklaroi Blendi Gonxhja, Ministër i Turizmit, Kulturës dhe Sportit. Ky rekord pasqyron rritjen e kërkesës për Shqipërinë, zgjerimin e lidhjeve me tregjet ndërkombëtare dhe efektivitetin e politikave tona për promovimin e vendit si një destinacion konkurrues gjatë gjithë vitit. Linjat ajrore direkte nga tregjet e mëdha të largëta si Amerika e Veriut janë strategjike, sepse sjellin udhëtarë që kanë qendrim të gjatë, afrojnë diasporën tonë dhe gjenerojnë turizëm cilësor” tha z. Gonxhe.

“Nisja e fluturimit të parë pa ndalesë mes Torontos dhe Tiranës përfaqëson një moment historik në marrëdhëniet mes Shqipërisë dhe Kanadasë, – u shpreh Enea Karakaçi, Ministër i Energjisë dhe Transportit i Republikës së Shqipërisë. Kjo lidhje e re do t’i afrojë edhe më shumë qytetarët tanë, do të forcojë lidhjet me diasporën shqiptare në Kanada dhe do të krijojë mundësi të reja për turizmin, biznesin, investimet dhe shkëmbimet kulturore. Shqipëria është kthyer në një nga destinacionet turistike me rritjen më të shpejtë në Evropë dhe përmirësimi i lidhjeve ajrore është thelbësor për të mbështetur këtë zhvillim. Mirëpresim vendimin e Air Transat për të investuar në këtë linjë dhe presim të zgjerojmë më tej bashkëpunimin dhe lidhjet ajrore mes dy vendeve.”

Ambasadorja e Kanadasë në Shqipëri, znj. Elissa Golberg, u shpreh:”Ky është një moment historik, sepse nuk shënon vetëm fluturimin e parë direkt mes Kanadasë dhe Shqipërisë, por, siç u përmend edhe më herët, është gjithashtu fluturimi i vetëm që lidh drejtpërdrejt Amerikën e Veriut me Tiranën. Është një kënaqësi e jashtëzakonshme të mirëpresim këtë linjë të re ajrore mes Torontos dhe Tiranës. Jemi të lumtur që Kanadaja është në qendër të këtij hapi të rëndësishëm për Shqipërinë. Kjo linjë e re ajrore është një arritje që meriton të festohet. Dëshiroj të falënderoj përzemërsisht Air Transat dhe Aeroportin Ndërkombëtar të Tiranës për ndërtimin e kësaj ure të re mes Kanadasë dhe Shqipërisë.” 

Rreth Air Transat

E themeluar në Montreal në vitin 1987, Air Transat është një nga linjat kryesore ajrore të udhëtimeve në Kanada dhe është shpallur në vitin 2025 “Kompania më e mirë ajrore për udhëtime turistike në botë” nga pasagjerët në Skytrax World Airline Awards. Kompania ofron fluturime drejt destinacioneve ndërkombëtare, kryesisht në Evropë, Karaibe, Amerikën e Jugut dhe Afrikën e Veriut. Air Transat njihet për cilësinë e lartë të shërbimit ndaj klientit dhe operon me një flotë avionësh ndër më efikaset për sa i përket konsumit të karburantit në kategorinë e tyre. Me seli në Montreal dhe qendra kryesore operimi në aeroportet Montréal–Trudeau (YUL) dhe Toronto Pearson (YYZ), kompania numëron rreth 5,000 punonjës, të bashkuar nga misioni për të afruar njerëzit me njëri-tjetrin. Air Transat është një njësi biznesi e Transat A.T. Inc. (TSX: TRZ).

Rreth Aeroportit Ndërkombëtar të Tiranës

Aeroporti Ndërkombëtar i Tiranës vijon të regjistrojë rritje të qëndrueshme, duke zgjeruar rrjetin e destinacioneve dhe partneritetet me linjat ajrore, si edhe duke investuar në infrastrukturë, teknologji dhe përmirësimin e përvojës së pasagjerëve. Si porta kryesore ajrore e Shqipërisë, TIA luan një rol kyç në lidhjen e vendit me Evropën dhe destinacione të tjera ndërkombëtare.

The post Aeroporti Ndërkombëtar i Tiranës nis fluturimet direkte mes Tiranës dhe Torontos, Kanada appeared first on Albeu.com.

Saliasi është marrë i pandehur pas hetimeve të Prokurorisë së Tiranës dhe AMP-së për shpërdorim detyre.

Ndërkohë, drejtori i Drejtorisë së Shërbimeve Mbështetëse në AMP, Gëzim Sala, është rikthyer në detyrë pasi Apeli i hoqi masën e pezillimit nga detyra rreth 1 muaj më parë.

Sala është marrë i pandehur për shpërdorim detyre, pavarësisht se Apeli e ka rikthyer në detyrë.

The post Punësoi Muçi Shaljanin në kundërshtim me ligjin, merret i pandehur ish-drejtori i komanduar i AMP, Artion Saliasi appeared first on Albeu.com.

Ndërsa shumë qytetarë shqiptarë dhe të huaj hyjnë në Shqipëri, pasditen e sotme udhëtarët janë përballur me një problematike në sistemin e identifikimit automatik.

Prej disa minutash, siç mëson AlbEu.com, sistemi nuk punon, ka dalë jashtë funksioni, duke shkaktuar kështu radhë të gjata pritjeje në aeroport.

Identifikimi, i cili kryehet zakonisht në mënyrë të automatizuar dhe shpejt, tashmë po kryhet nga policët në mënyrë mekanike.

Nuk dihet ende se çfarë e ka shkaktuar rënien e sistemit.

The post FOTO LAJM/ Radhë të gjata në Rinas, bllokohet sistemi i identifikimit automatik appeared first on Albeu.com.

‘Tirana International Airport‘ Sh.p.k, kompania koncesionare që menaxhon aeroportin ndërkombëtar të Tiranës, rriti të ardhurat e veta në nivelin rekord prej 8.3 miliardë lekësh ndërsa realizoi fitime neto prej 3.1 miliardë lekësh gjatë vitit 2022, bëhet e ditur nga të dhënat financiare të kompanisë të depozituara në Qendrën Kombëtare të Biznesit.

Sipas të dhënave, kompania rriti të ardhurat me 48% duke përfituar nga shtimi i volumit të fluturimeve ndërsa fitimet u rritën me 87%. Sipas vendimit të aksionerit të vetëm, Shefqet Kastrati, 27 milionë euro nga fitimet neto të vitit 2022 kalojnë si divident për pronarin ndërsa 2.4 milionë i lihen kompanisë.

Të dhënat historike financiare të kompanisë tregojnë se shqiptarët kanë paguar mes viteve 2009 dhe 2022 mbi 600 milionë euro për menaxhimin e aeroportit ndërsa aksionerët e ndryshëm të kompanisë kanë fituar gjatë kësaj periudhe gati 190 milionë euro.

Shefqet Kastrati është pronari i shumë kompanive me aktivitete në fusha të ndryshme, nga tregtia e karburantit te turizmi apo ndërtimi. Përveç koncesionit të aeroportit të Rinasit ai kontrollon dhe kontratëm e koncesioneve të të autostradës Rrëshen-Kalimash, si dhë është i lidhur me kompaninë që ka marrë në koncesion aeroportin e Kukësit.

Çmime të larta, shërbim i mbingarkuar

Qeveria socialiste e ish-kryeministrit Fatos Nano nënshkroi kontratën e parë koncesionare të aeroportit me një konsorcium të përbërë nga dy kompani gjermane dhe Fondi Shqiptaro-Amerikan i Ndërmarrjeve. Kompania u shit disa herë dhe aksionerët e saj dolën vazhdimisht me fitime të stërmëdha, pasi investuan një kapital themeltar minimal prej më pak se 10 milionë eurosh, ndërsa paguan me kredi dhe me të ardhurat investimet për ndërtimin e një terminali të ri.

Të ardhurat dhe fitimet e kompanisë u rritën në mënyrë progresive ndërsa shqiptarët fituan të drejtën për të lëvizur pa viza në zonën Shengen dhe numri i turistëve të huaj u rrit gradualisht. Në vitin 2010, të ardhurat e kompanisë ishin 4.1 miliardë lekë ndërsa fitimet ishin 1.2 miliardë. Në vitinn 2015, të ardhurat u rritën në 4.9 miliardë ndërsa fitimet arritën në 1.6 miliardë.

Kompania nuk pësoi vit me humbje as në vitin 2020, vit kur për pjesën më të madhe të kohës, fluturimet ajrore u pezulluan për shkak të pandemisë së koronavirusit të ri. Sipas të dhënave financiare, aeroporti i Rinasit pati 3.2 miliardë lekë të ardhura dhe 529 milionë lekë fitime.

Në të njëjtën kohë, një kompani kineze që e kishte blerë aeroportin më parë, vendosi ta shesë atë të kompania Kastrati për 70 milionë euro. Blerja shkaktoi çudi për shkak se kontrata koncesionare mbaronte në vitin 2027, sipas një shtese kontrate të bërë nga qeveria “Rama”.

Por menjëherë pas blerjes, qeveria “Rama” propozoi në Kuvendin e Shqipërisë zgjatjen e kontratës së koncesionit në 35 vjet, zgjatje kjo që u bë pa garë dhe në dëm të interesave të qytetarëve, të cilët janë teorikisht pronarë fundorë të aeroportit.

Ndërsa numri i udhëtarëve u rrit, kompania koncesionare duket se ka bërë investime të pamjaftueshme për të përballuar fluksin shtesë ndërsa pak ditë më parë, njoftoi udhëtarët se duhej të paraqiteshin tre orë para fluturimit, nga dy orë që është standardi normal kudo nëpër botë.

Koncesioni aktual skadon në vitin 2039. Sipas normës aktuale të fitimeve, shtesa e kontratës së miratuar nga maxhoranca socialiste do t’i kushtojë shqiptarëve edhe minimalisht 500 milionë euro të tjera.

The post BIRN: Koncesioni i Rinasit; terminal i mbingarkuar, çmime të kripura dhe fitime marramendëse appeared first on Albeu.com.

“Referuar monitorimit në tregun e shërbimit taksi për udhëtarë nga dhe drejt Aeroportit Ndërkombëtar të Tiranës nga ana e Komisionit të Konkurrencës u vlerësua se, mund të jemi para shkeljes së nenit 9 të ligjit të Konkurrencës” deklaroi AK në një njoftim zyrtar.

Neni 9 i ligjit të konkurrencës thotë se refuzimi i ofrimit të shërbimit nga një ndërmarrje me pozitë dominuese përbën abuzim dhe shkelje të ligjit.

“Për këto arsye, Komisioni i Konkurrencës me vendimin nr. 984, datë 11.05.2023 vendosi hapjen e procedurës së hetimit paraprak ndaj ndërmarrjes Tirana International Airport SHPK në tregun e shërbimit taksi për udhëtarë nga dhe drejt Aeroportit Ndërkombëtar të Tiranës,” deklaroi Autoriteti.

Sipas indicieve paraprake, Autoriteti dyshon se kompania koncesionare e Rinasit e kufizon konkurrencën e shërbimit të taksive në aeroport duke mos lejuar asnjë operator tjetër përveç kompanisë Auto Holiday Albania. Vendimi për të hapur hetimin paraprak është marrë pas ankesave të mbërritura pranë Autoritetit të Konkurrencës nga disa kompani që ofrojnë shërbimin taksi.

Shoqëria Tirana International Airport, që ka me koncesion Aeroportin e Rinasit zotërohet nga Kastrati Aviation Holding, pjesë e grupit Kastrati. Në dhjetor të vitit 2020, ky grup e bleu koncesionin e Aeroportit nga shoqëria Real Fortress Private Limited e regjistruar në Singapor.

Pas blerjes nga Kastrati, qeveria e zgjati me 13 vjet të tjera koncesionin e aeroportit pa garë duke u justifikuar se kompania e re do të kryejë 100 milionë euro investime për modernizimin e aeroportit dhe do të ulë tarifat për qytetarët./Albeu.com/

The post “Shkelje e ligjit”, Konkurrenca vë nën hetim Aeroportin e Rinasit për taksitë appeared first on Albeu.com.

E reja nuk ka deklaruar se nga i ka marrë këto të ardhura ndërkohë policia ia ka sekuestruar ndërsa shtetasja me iniciale E.S Lindur në Kosovë është në komisariat ku dhe po gjykohet për veprën penale “Mosdeklarimi në kufi i të hollave dhe i sendeve me vlerë”.

Njoftim policie

Evidentohet dhe goditet një rast i mosdeklarimit të të hollave.

Sekuestrohen 15 000 paund, procedohet penalisht 26-vjeçarja që nuk i deklaroi.

Shërbimet e Policisë Kufitare Rinas, në vijim të kontrolleve të shtuara për evidentimin dhe goditjen e paligjshmërive, kanë kaluar për kontroll të detajuar bagazhet e shtetases E. S., që kishte udhëtuar nga Anglia në drejtim të Shqipërisë.

Gjatë kontrollit të valixhes së kësaj shtetaseje janë gjetur 15 000 paund, të cilat ajo nuk i kishte deklaruar, sipas përcaktimeve ligjore.

Në vijim të veprimeve u sekuestrua shuma e parave dhe u referuan materialet në prokurori, në ngarkim të shtetases E. S., 26 vjeçe, lindur në Kosovë dhe banuese në Austri, për veprën penale “Mosdeklarimi në kufi i të hollave dhe i sendeve me vlerë”./albeu.com

The post Erdhi nga Anglia me 15 mijë paund, ndalohet 26-vjeçarja në Rinas appeared first on Albeu.com.

“UPDATE

TIA njofton se fluturimet nga aeroportet Italiane dhe drejt tyre do të vazhdojnë normalisht duke filluar nga ora 15:00 e ditës së sotme. Ju lutemi pasagjerëve që kanë fluturim sot drejt destinacioneve të Italisë të komunikojnë paraprakisht me kompanitë ajrore respektive për të verifikuar statusin e fluturimit të tyre para se të nisen për në aeroport.”

Më herët pak pas mesdite, përmes një njoftimi në faqen e vet në facebook, TIA bënte me dije se udhëtimet drejt Italisë dhe anasjelltas ishin anuluar për këtë të premte për shkak të një greve që po organizohej në Itali nga punonjësit e transportit ajror.

The post Aeroporti i Rinasit jep njoftimin e ri: Rikthehen fluturimet me Italinë appeared first on Albeu.com.

TIA përmes një postimi në rrjetet sociale bën me dije se sipas një njoftimi nga autoritetet italiane, duke filluar nga dita e nesërme, datë 22 prill deri më datë 30 prill, pasagjerët që do të udhëtojnë drejt Italisë do të duhet të paraqesin tamponin negativ të Covid-19, të 48 orëve të fundit, ose testin antigen.

Ndër të tjera bëhet me dije se rezultati i testeve kërkohet të jetë në gjuhen angleze ose italiane, ndërsa njoftohet se karantinimi i detyruar vazhdon, edhe nëse testi është negativ.

Njoftimi i plotë:

Në vëmendje të pasagjerëve që udhëtojnë për në Itali

 Sipas njoftimit të autoriteteve shtetërore Italiane, nga nesër 22 Prill 2021 deri më 30 Prill, pasagjerët që udhëtojnë për në Itali, duhet të paraqesin tamponin negativ të COVID të 48 orëve të fundit ose testin antigen.

 Kërkohet me rigorozitet që rezultati i testit të jetë në italisht apo anglisht nga subjektet mjekësore të çertifikuara për këtë test.

 Karantinimi i detyruar vazhdon, edhe nëse testi është negativ.

Për më tej vizitoni ju lutem

https://ambtirana.esteri.it/…/avviso-importante-regole…

 Ju lutemi pasagjerëve të kontaktojnë kompanitë ajrore përpara çdo udhëtimi dhe shtetet pritëse për rregullat e karantinës dhe të respektojnë protokollet e higjenës. Maskat janë të detyrueshme.

 Lejohen të udhëtojnë vetëm rezidentët në Bashkimin Europian, nënshtetasit EU dhe qytetarët që plotësojnë kushtet e udhëtimit, të përcaktuara nga vendet pritëse.

⠀⠀

Ju faleminderit për bashkëpunimin.

⠀⠀

Tirana International Airport.

The post Udhëtoni drejt Italisë? Njoftim i rëndësishëm nga Aeroporti i Rinasit appeared first on Albeu.com.

Përmes një statusi në Twitter, Rama thotë se Ilir Meta është nxitës i kësaj goditjeje të çmendur e s’ka shqiptar që s’e kupton pse.

“Humoret vulgare të Ilir Metës ndërkohë që një grup i nxitur prej tij dhe Saliut, kanë kryer aktin e rëndë të bllokimit të aktivitetit të aeroportit “Nënë Tereza”, thjesht rikonfirmojnë se Ilir Meta është nxitës i kësaj goditjeje të çmendur e s’ka shqiptar që s’e kupton pse! Po s’do ia dalin jo!”, shkruan Rama.

Më herët, Presidenti Ilir Meta tha se prononcimin e tij për situatën e krijuar pas ndërprerjes së punës në Rinas do e japë nga Vlora.

The post Vijojnë replikat për aeroportin, Rama-Metës: Nxitës i kësaj goditjeje të çmendur appeared first on Albeu.com.

Nëpërmjet një postimi në llogarinë e tij në “Facebook” Breisha ka mohuar të gjitha akuzat, teksa ka kërkuar që të ndalojë censusra dhe terrori i punonjësve të AlbControlit që janë në grevë.

“Stop censures dhe terrorit psikologjik ndaj punonjesve ne greve.

Hedh poshte me neveri akuzat banale te Kreut te Meduzes dhe Ndrikull Grykesi Ballukut, me te cilat kerkonje te mbulojne vjedhjet dhe shperdorimet e medha me financat e Albkontrollit.”- shkruan Berisha.

Ndër të tjera Berisha i ka kërkuar Agjencisë Europiane të Aviacionit Civil të hetojë lidhur me ngjarjen dhe të gjejë shkaqet që i kanë detyruar punonjësit të futen në grevë.

“I bej thirrje Agjensise Europiane te Aviacionit Civil ne te cilen Albkontroll eshte i anetaresuar, te nise me perparesi inspektimin e kesaj ndermarrje per te gjetur shkaqet qe detyruan punonjesit e saj te shpallin greve.”- përfundon Berisha.

The post Berisha i përgjigjet akuzave të Ramës për aeroportin: Duan të mbulojnë vjedhjet me financat e AlbControl appeared first on Albeu.com.