Sipas ARRSH-së, me ndërtimin dhe shfrytëzimin e aeroportit të Kukësit, kjo rrugë rreth 3 km merr një rëndësi të madhe, duke lidhur jo vetëm qytetin e Kukësit me një rrugë të një standardi më të lartë, por duke e bërë aeroportin e Kukësit më lehtësisht të arritshëm për të gjithë përdoruesit e autostradës Milot-Morinë, pavarësisht që edhe nëse shkon në aeroport duhet të kthehesh pasi nuk ka asnjë fluturim, transmeton Albeu.com.

Fluturimet e para zyrtare nga Aeroporti i Kukësit “Zayed / Flatrat e Veriut” nisën më 15 Korrik 2021. Linjat e para ishin nga Kukësi drejt Zyrihyt në Zvicër dhe Stambollit, dhe anasjelltas. Ndërsa më vonë u shtuan dhe linja të tjera low cost.

Por, kompania e fluturimeve low cost “Wizz Air” ka mbyllur të gjitha fluturimet nga Aeroporti i Kukësit, qê nga data 14 Korrik 2023.

Fluturimet i ka anulluar edhe Air ALbania. Nëse futeni në faqen e Air Albania, Aeroporti i Kukësit tashmë “nuk ekziston”, transmeton Albeu.com.

I dhënë për një afat 35 vjeçar, Koncesioni për aeroportin e Kukësit ka shënuar në vitin 2022 një humbje 159 milionë lekë apo rreth 1.5 milionë euro( 1 euro=107 lekë).

Kjo humbje u rrit me 1.5 herë në raport me humbjen e shënuar në vitin 2021 sipas të dhënave nga bilanci të raportuara nga kompania në Qendrën Kombëtare të Biznesit. Të ardhurat nga aktiviteti dytësor i parë ishin 79 milionë lekë apo rreth 743 mijë euro. Këto të fundit janë rritur me 1.2 herë në raport me vitin paraardhës 2021.

Deri në dhjetor 2022 në aeroport raportoheshin 77 persona të punësuar, një staf me rritje në raport me fundin e vitit 2021 kur raportoheshin 69. Vlera e mbetur e koncesionit më 31 dhjetor 2022 është 1.73 miliardë lekë me rritje në raport me 2021 kur raportohej 1.51 miliardë lekë. /albeu.com.

The post Aeroporti i Kukësit që u hap me shumë bujë por që askush nuk “fluturon”, tani u lidh edhe me autostradën Milot-Morinë appeared first on Albeu.com.

Esmeralda Topi-Faktoje.al

‘Pozita e mirë gjeografike dhe rëndësia e zhvillimit të këtij Aeroporti ka tërhequr vëmendjen e linjave të mëdha Low Cost, ndër të cilat mund të përmendim Wizz Air, EasyJet, RyanAir, Voeling, Pegasus, etj.’, deklaronte ministrja e infrastrukturës Belinda Balluku në mars të 2019, pasi qeveria kishte miratuar vendimin për aeroportin e ri ndërkombëtar të Kukësit.

Dy vite më vonë, në 18 prill të 2021, kryeministri Edi Rama i hipi një avioni të linjës Air Albania në Rinas dhe pak minuta më vonë zbriti në Kukës për të inaguruar aeroportin ndërkombëtar të Kukësit. Avioni i “Air Albania” ishte nisur nga Londra, por ndaloi në Rinas, për të marrë në bordin e tij edhe kryeministrin Rama.

“Tani po e besoni, apo akoma? Kështu ndodh gjithmonë me ata që thonë, jo nuk bëhet dhe pastaj kur bëhet…”- shpotiste me pasagjerët kreu i qeverisë.

Prej hapjes e deri në janar të 2022, në Aeroportin e ZAYED operonte vetëm kompania Air Albania. Një muaj më vonë, aeroportit ndërkombëtar “Flatrat e Veriut” iu bashkua në pistë edhe avioni i parë i kompanisë WizzAir.

‘Dua ta falenderoj drejtorin e kompanisë për gatishmërinë për ta parë Kukësin si një mundësi, sepse në fillim ai ishte skeptik, por pastaj e gjithë analiza e bërë rezultoi në favor të aeroportit.’, shprehej Rama gjatë ceremonisë së rastit. Ndërsa drejtori ekzekutiv i kompanisë Wizz Air József Váradi njoftonte destinacionet e reja nga Kukësi.

‘Gjithçka do të nisë në maj, nga Kukësi do të lidhemi me Vjenën, Mynihun, Baden dhe me Bazelin. Uroj që ky të jetë vetëm fillimi.’

Pas një viti…

Një vit më vonë, analiza e kompanisë Wizz Air doli nw disfavor të aeroporitit. Kompania konfrimon për Faktoje se ka pezulluar operimin nga “Flatrat e Veriut”.

“Wizz Air konfirmon se pas një shqyrtimi dhe analize të kujdesshme, ne kemi vendosur të PEZULLOJMË operimet për/dhe nga Aeroporti Ndërkombëtar i Kukësit (KFZ) si rezultat i sfidave të paraqitura nga mjedisi i jashtëm, në veçanti terreni dhe moti, që ndikojnë në performancën operacionale të biznesit tonë dhe çojnë në ndërprerje të klientëve.”,konfirmon kompania për Faktoje, teksa thekson se pasagjerët e prekur nga ky vendim janë lajmëruar dhe do të rimbursohen ose në para ose me një fluturim alternativë.

Pavarësisht tërheqjes nga Kukësi, hungarezët e Wizz Air garantojnë:

“Wizz Air mbetet e përkushtuar ndaj rritjes afatgjatë në Shqipëri, duke krijuar qindra vende pune, ndërkohë që stimulon industrinë e turizmit dhe të hotelerisë. Wizz Air ka njoftuar së fundmi alokimin e një avioni të ri në Tiranë, duke e rritur bazën në 11 avionë, që përfaqëson një investim mbi 1.1 miliardë euro në Shqipëri.”, theksohet në reagimin për Faktoje.

Çfarë paralajmëruan ekspertët?

Dritan Goxhaj, ekspert i Aviacionit Civil thotë se tërheqja e Wizz Air nga Kukësi ishte e pritshme.

“Terreni nuk është i përshtatshëm për atë tip avioni, sepse ulja bëhet në mënyrë vizuale dhe jo me instrumenta. Duke e bërë vizuale ajo është e lidhur pashmangmërisht me kushtet meteorologjike. Nese ka re nuk mund ta besh uljen vizuale, sepse nuk sheh dot, pasi rregulloret e aviacionit pwr uljet vizuale nuk ta mundësojnë një ulje pa iu shmagur reve. Po tw provosh t’u shmangesh reve aty në atë lartësi rrezikon fluturimin total dhe probabiliteti i një aksidenti është shumë i madh.”, thotë Goxhaj duke shtuar se me rregullore nuk lejohet ulja vizuale për avionët e mëdhej të transportit me pasagjerë, me përjashtim të rasteve të emergjencës.

“Nëse do shpallësh rast emergjence atëherë hyjnë në punë protokolle të tjera. Nëse nuk e shpall, por vazhdon uljen, ke thyer rregulloret e aviacionit kombëtar dhe ndërkombëtar dhe ke rritur rrezikun e një aksidenti. Por një aksident në kushte të tilla ku ke shkelur çdo lloj rregulli do të thotë mbyllje e kompanisë. Pra, sipas meje, kompania ka qënë e detyruar të zgjedhë midis dy humbjeve. Dhe ka zgjedhur atë më të voglën.”, argumenton Goxhaj.

Me largimin e Wizz Air, Kukësit i mbetet vetëm Air Albania si kompani që operon duke ofruar vetëm linjën Kukës- Bazel.

Përfundim

Ndonëseministrja e Infrastrukturës pretendonte se pozita gjeografike e aeroportit të Kukësit ishte e mirë dhe zhvillimi i tij kishte tërhequr vëmendjen e linjave me kosto të ulët, koha tregoi të kundërtën. Hungarezëve të Wizz Air iu mjaftoi vetëm një vit operim në Kukës për të kuptuar se terreni dhe moti i vështirë nuk e favorizonte biznesin e tyre. /faktoje.al

The post ” I rrezikshëm dhe me kosto të larta”. Dështon Aeroporti i Kukësit, Wizz Air e braktis pas 1 viti operim appeared first on Albeu.com.

Rama shkruan se në këtë portë të re qiellore në vendin tonë nuk vijnë vetëm pasagjërë nga Shqipëria dhe Kosova, por edhe turistë nga Gjermania, Zvicra dhe Austria.

Postimi  i plotë i Ramës:

“MIRËMËNGJES ?

dhe nga Aeroporti Ndërkombëtar i Kukësit me pasagjerët jo vetëm nga Shqipëria e Kosova, por edhe turistë nga Gjermania, Zvicra dhe Austria, që shfrytëzojnë këtë portë të re të qiellit tonë për të kaluar pushimet në Shqipëri, ju uroj një fundjavë të mbarë?”, shkruan kryeministri./albeu.com

The post Rama e nis ditën me aeroportin e Kukësit: Portën e re të qiellit tonë po e shfrytëzojnë turistë nga Gjermania, Zvicra dhe Austria appeared first on Albeu.com.

Lajmin e ka bërë të ditur kryeministri Edi Rama përmes një postimi në Facebook.

Rama ka publikuar edhe pamjet e filmuara me dron nga mbikalimi. Kreu i qeverisë shprehet se tashmë është çdo gjë gati për flukset që, sipas tij, do të sjellë së shpejti “programi i fluturimeve të kontraktuara.”

Kujtojmë se të premten kompania ëizzAir ka ulur pas disa testimeve avionët e saj në aeroportin e Kukësit. Katër destinacionet e para do të jenë drejt Austrisë, Gjermanisë dhe Zvicrës, fillimisht nga dy herë në javë.

Kryeministri është shprehur se aeroporti i Kukësit do i shërbejë jo vetëm zonës përreth, por do e shtrijë ndikimin e tij edhe më gjerë.

“MIRËMËNGJES

dhe me mbikalimin e përfunduar të rrugës së aeroportit të Kukësit, gati për flukset që do të sjellë së shpejti programi i fluturimeve të kontraktuara tanimë, ju uroj një të diel të paqtë”, ka shkruar Rama./albeu.com/

The post Përfundon mbikalimi i rrugës së aeroportit të Kukësit, Rama: Gati për flukset e fluturimeve (VIDEO) appeared first on Albeu.com.

Qeveria shqiptare njoftoi se aeroporti do të vihej në funksion vetëm pak ditë para zgjedhjeve të përgjithshme të prillit 2021. Lajmi u bë i ditur në një tubim të Partisë Socialiste nga ministrja e Infrastrukturës Belinda Balluku.

Edhe kryeministri Edi Rama postoi në të njëjtën ditë një foto të godinës së aeroportit dhe u bëri thirrje shqiptarëve në Londër që të përgatiten për fluturimin e parë për t’i sjellë në shtëpi në Kukës.

Një telefonatë e kryer me shërbimin në këtë aeroport ka zbuluar se aeroporti jo vetëm që është i mbyllur, por do të hapet në verë.

“Aeroporti i Kukësit është i mbyllur, nuk ka fluturime”. Kur u pyetën se kur do të hapej, ata thanë: “Ndoshta në verë, ndoshta jo, nuk kam asnjë informacion për këtë”.

Por drejtori Progonati shprehet se fluturimet e programuara janë ndërprerë dhe se mund të rinisin në fund të shkurtit të ardhshëm. /albeu.com/

The post Çfarë ndodhi? Mbyllet aeroporti i Kukësit, drejtori: Hapet pas 1 viti! appeared first on Albeu.com.

Numri i fluturimeve në Aeroportin e Kukësit ka rënë ndjeshëm për shkak të mbylljes së sezonit veror, por drejtori Altin Progonati ka hedhur poshtë zërat se aeroporti i ri rrezikon mbylljen.

Aeroporti i Kukësit “’Flatrat e Veriut” ka pasur një sezon të suksesshëm veror me gjashtë fluturime në javë, por tashmë fluksi i udhëtarëve ka rënë dhe operon vetëm “Air Albania” me një fluturim në javë.

“Për momentin kemi vetëm një fluturim, tani që do të bëhet ditën e dielën dhe kthehemi ditët e enjte. Kemi një sërë kërkesash nga avionë sportivë të vegjël të cilët do të fillojnë të frekuentojnë aeroportin e Kukësit në ditët në vijim. Aeroporti nuk do të mbyllet, do të vazhdojë funksionimin sepse është bërë për të kryer fluturime”, tha Altin Progonati Drejtor i Aeroportit të Kukësit.

Ndërsa hedh poshtë zërat për një mbyllje të mundshme të aeroportit, Progni flet për bisedimet që po zhvillohen me disa kompani ajrore, raporton Shqiptarja.com.

“Jemi në tratativa me shumë kompani ajrore, mund t’ju them aktualisht presim Ëizzair që të vijë të bëjë një vizitë në aeroport që të shohë kushtet dhe ato që ofron aeroporti i Kukësit, pas kësaj qëllimi është që të fillojnë fluturimet në aeroportin e Kukësit. Janë edhe disa që sjellin ‘chartera’ biznesi apo sportiv, të cilët kanë shprehur jo vetëm interesin, por ne kemi filluar bashkëpunimet me to”, tha Progonati.

Sakaq, aeroporti i Kukësit i  ka marrë të gjitha masat për përballimin e stinës së dimrit.

“Është marrë solucioni për shkrirjen e akullit që përdoret në aviacion, procedura quhet D-Icing. Aeroportet funksionojnë njëlloj, si në Alaskë si në Afrikë, në temperatura të ndryshme, të gjitha masat janë. Nuk janë pengesë temperaturat,  për aeroportin e Kukësit që të funksionojë edhe gjatë dimrit”, u shpreh Altin Progonati Drejtor i Aeroportit të Kukësit.

Zayed-Flatrat e Veriut është aeroporti i dytë civil në vend që nisi fluturimet e para në prill të këtij viti./albeu.com

The post Një fluturim në javë, reagon drejtori i Aeroportit të Kukësit: Nuk ka mbyllje, po përgatitemi për dimër appeared first on Albeu.com.

Sipas kreut të qeverisë, 120 pasagjerë kanë mbërritur sot nga Zyrihu në Kukës, me një cilësi të lartë fluturimi shërbimi dhe çmime ekonomike.

Air Albania hap krahët edhe në “Flatrat e Veriut”????
Sot nisën fluturimet drejt Zyrihut dhe Stambollit nga aeroporti ndërkombëtar i Kukësit?

?Ndërkohë 120 pasagjerë mbërritën sot nga Zyrihu në Kukës.
Me cilësi të lartë shërbimi dhe çmime ekonomike, Air Albania ka synim që shumë shpejt të shtojë destinacione për shqiptarët, dhe jo vetëm të Shqipërisë, por edhe të Kosovës, Maqedonisë së Veriut dhe Malit të Zi????????
Suksese?

The post Aeroporti i Kukësit, Rama jep lajmin e mirë: Nisin fluturimet për në Zyrih e Stamboll appeared first on Albeu.com.

Ky është fluturimi i parë që u realizua në aeroportin “Zayed-Flatrat e Veriut”./albeu.com

The post Vjen nga Zvicra, ulet në aeroportin e Kukësit avioni i parë me pasagjerë (VIDEO) appeared first on Albeu.com.

Kryeministri Edi Rama përmes një postimi në Facebook shkruan se kjo është porta e dytë e qiellit të Shqipërisë për fluturimet komerciale.

Postimi i Ramës:

MIRËMËNGJES

dhe me aeroportin e ri ndërkombëtar “ZAYED-Flatrat e Veriut”, ku sot ulet nga Zyrihu në tokën e Kukësit avioni me udhëtarë i Helvetic Airlines dhe hapet porta e dytë e qiellit të Shqipërisë për fluturimet komerciale, ju uroj një të premte të mbarë./albeu.com

The post Sot nisin fluturimet në aeroportin e Kukësit, Rama: Hapët porta e dytë e qiellit të Shqipërisë appeared first on Albeu.com.

Nuk do të vonojnë shumë nisjet nga ky i fundit në destinacionet e lajmëruara edhe më herët. Flurimet e para nga Aeroporti i Kukësit në drejtim të atij të Zyrhiut, do të bëhet për herë të parë më datë 14 korrik.

Avioni i parë në aeroportin e Kukësit u ul në 18 prill, vetëm pak ditë para mbylljes së fushatës së zgjedhjeve të 25 prillit që i besuan mandatin e tretë qeverisë në fuqi.

Shumëkush e mban mend ditën kur avioni në të cilin udhëtonte Kryeministri Edi Rama me emigrantët që vinin nga Anglia, preku tokën e Kukësit. Fillimisht, avioni me emigrantë u ul në Aeroportin e Rinasit, e nga atje, u nis për në atë të Kukësit, pasi kjo e fundit, asokohe, nuk kishte përmbushur fluturimet e nevojshme për të përfituar certifikimin zyrtar.

Kjo periudhë kohore, nga 18 prilli deri në gjysmë të muajit korrik, shërbeu për lidhjen e marrëveshjeve me kompanitë për fluturimet ndërkombëtare. Ishte Kryeministri ai që dha lajmin e mirë përpara pak ditësh në rrjete sociale, duke iu mbyllur gojën në këtë mënyrë edhe skeptikëve, të cilët u treguan mosbesues për funksionimin e këtij aeroporti që në krye të herës.

“Se ç’ishin ca miq që thoshin Aeroporti Ndërkombëtar i Kukësit ishte sa për fushatë, po unë s’bëj asgjë sa për fushatë dhe çfarë bëj e them e çfarë them e bëj, kështu që bujrëm me Air Albanian në portën e hapur të qiellit të Kukësit”, shkruante Rama në një postim në rrjetë sociale, ku bashkë me lajmin e mirë bëri edhe një listë çmimesh për udhëtime, të cilat nuk përfshinin tjetër veçse taksat plus një euro, shkruan panorama.

Një gjë e tillë pritet t’i japë tjetër frymë e zhvillim zonës, por edhe një mundësi e mirë për kosovarët e shumtë që jetojnë e punojnë në Zvicër a gjetkë.

The post Mësoni datat dhe çmimet! Aeroporti i Kukësit pret fluturimet e para (FOTO LAJM) appeared first on Albeu.com.