Duke qenë se pistat e tyre janë të shkurtra, kushtet e klimës janë të vështira, dhe terreni i papërshtatshëm, këto aeroporte kërkojnë një nivel të lartë aftësish nga pilotët. Nëse jeni të gatshëm t’i hidhni një sy fotogalerisë së mësipërme, me siguri do të ndryshonit aeroport nëse ndonjëherë do t’iu duhej të fluturonit në këto vende.

1 – Aeroporti Lukla në Nepal. Pilotët që ulen aty kanë një guxim dhe saktësi të lartë, për shkak të pistës së shkurtër dhe terrenit të vështirë.

2 – Courchevel në Francë. Një vendpushim skish në Alpet Franceze. Fusha ajrore ka një pistë shumë të shkurtër prej vetëm 537 metrash me një pjerrësi prej 18.6%. Pothuajse përherë ka borë dhe akull, por pista mbahet e pastër në çdo rast kur lajmërohet se do të vijë avion.

3 – Ky është një aeroport në ishullin holandez të Karaibeve Saba. Aeroporti është shumë i rrezikshëm sepse pista është vetëm 400 metra e gjatë dhe njihet si brezi ajror më i shkurtër komercial në botë.

4 – Ky është aeroporti kryesor në ishullin e Karaibeve të Saint Martin, i vendosur në anën holandeze të ishullit në vendin e Sint Maarten. Aeroporti konsiderohet i rrezikshëm për shkak të vendndodhjes së tij turistike në plazh.

5 – Aeroporti Paro në Butan, për shkak të pistës së shkurtër dhe kushteve të vështira të klimës.

The post Pesë aeroportet më të rrezikshme në botë appeared first on Albeu.com.

Lloji tjetër përdor rrezatimin jonizues me teknologji “back scatter”, i cili e ekspozon individin ndaj një sinjali shumë të dobët dhe jashtëzakonisht të ulët të rrezeve X. Skaneri lëshon një rrezatim aq të dobët, saqë rrezet X nuk depërtojnë në trup. Për secilën nga këto pajisje, nuk ekziston asnjë provë që të vërtetojë rrezikun që i kanoset fetusit. Rreziku për nënën, madje edhe në rastet e ekspozimeve të përsëritura, është jashtëzakonisht i papërfillshëm.

A ka problem nëse përdor DEET për të parandaluar pickimet nga mushkonjat? Në përgjithësi DEET-ja, elementi aktiv në preparatet e zakonshme për largimin e insekteve, është i parrezikshëm për aq kohë sa ju do të ndiqni udhëzimet e firmës prodhuese. Ky produkt ju ofron mbrojtje nga sëmundjet e transmetuara nga mushkonjat dhe këpushat, si virusi i Nilit Perëndimor dhe sëmundja “Lyme”.

Shmangia e këtyre sëmundjeve është më e rëndësishme sesa rreziqet që produkti mund të përcjellë përmes lëkurës në sistemin e qarkullimit të gjakut. Për të qenë sa më të sigurta, mundohuni të dilni sa më pak jashtë, veçanërisht gjatë tremujorit të parë dhe përdorni sa më pak produkte të tilla, pra, vetëm kur të jeni jashtë.

The post A janë të rrezikshme për gratë shtatzëna kontrollet me skaner nëpër aeroporte? appeared first on Albeu.com.

Arsyeja kryesore është numri i vogël i punëtorëve në aeroporte dhe numri i madh i pasagjerëve.

Më së shumti mungesë të personelit në aeroporte ka në shtetin zviceran dhe atë gjerman.

Gjermania njëjtë sikurse Zvicra po synon të sjellë punëtorë të huaj sa më shpejt që të jetë e mundur për të lehtësuar aeroportet e mbingarkuara nga mungesat e stafit gjatë sezonit të verës, sipas një deklarate të zëdhënësit të Ministrisë së Brendshme.

Punëtorët e përkohshëm, të cilëve do t’u ofrohet akomodim dhe një pagë standarde, do të duhet të kryejnë të njëjtat kontrolle sigurie dhe besueshmërie si pjesa tjetër e personelit, si p.sh. mbajtësit e bagazheve. Këto kontrolle në përgjithësi zgjasin rreth dy javë.

Udhëtarët në të gjithë Europën po përballen me radhë të gjata këtë verë, pasi kërkesa për udhëtime është rikthyer plotësisht pas izolimeve të COVID-19. Aeroportet dhe linjat ajrore po hasin probleme me mbajtjen e një numri të mjaftueshëm të punonjësve të për të përballuar krizën.

Sipas shoqatës së aeroportit ADV, rreth një në pesë vende pune në fushën e sigurisë, të check-in dhe në mirëmbajtjen e avionëve është vakant. /Express/

The post Vende vakante për punësim, Zvicra dhe Gjermania kërkojnë punëtorë për aeroportet appeared first on Albeu.com.

The post Këto janë aeroportet më të rrezikshme në botë appeared first on Albeu.com.