Kompania ajrore Wizz Air ka ndërmarrë një hap të rëndësishëm duke krijuar bazën e saj në Aeroportin Ndërkombëtar të Prishtinës “Adem Jashari”, një veprim që është mirëpritur nga kryeministri në detyrë, Albin Kurti, i cili e sheh këtë si një sinjal të qartë të rritjes së profilit të vendit në sytë e investitorëve të huaj.

Duke komentuar mbi këtë zhvillim, Kurti theksoi se prania e një operatori të tillë ajror konfirmon që Kosova po konsiderohet gjithnjë e më tepër si një destinacion i sigurt dhe tërheqës për bizneset ndërkombëtare. Për qeverinë, shtimi i rrugëve ajrore nuk është thjesht çështje komforti, por një prioritet strategjik me ndikim të drejtpërdrejtë në përparimin ekonomik, forcimin e infrastrukturës dhe afrimin e mërgatës me atdheun, raporton “Bota sot”.

Në njoftimin e tij të plotë, kreu i ekzekutivit në detyrë e cilësoi lajm të mirë vendosjen e bazës së Wizz Air, së bashku me avionin e ri Airbus A321neo që ofron 239 vende. Sipas tij, këto lloj investimesh forcojnë ekonominë, krijojnë ura të reja lidhëse, lehtësojnë lëvizjen e qytetarëve dhe i afrojnë kosovarët me Evropën, duke e bërë më të lehtë qarkullimin e njerëzve dhe mallrave.

The post Wizz Air zgjeron operacionet në Kosovë me bazë të re dhe avion modern, Kurti: Dëshmi e besueshmërisë sonë appeared first on Albeu.com.

Kompania ajrore Wizz Air do ta hapë nga nëntori i këtij viti bazën e saj operative në Aeroportin Ndërkombëtar të Prishtinës “Adem Jashari”, duke e bërë Kosovën një nga qendrat e saj të operimit në rajon. Me vendosjen e një avioni Airbus A321neo, investimi pritet të rrisë lidhjet ajrore të vendit, të zgjerojë mundësitë e udhëtimit dhe të kontribuojë në zhvillimin ekonomik përmes krijimit të vendeve të reja të punës dhe shtimit të kapaciteteve të fluturimeve.

Në ceremoninë e organizuar me këtë rast, kryeministri në detyrë, Albin Kurti, e cilësoi vendimin e Wizz Air si dëshmi të besimit të investitorëve ndërkombëtarë ndaj Kosovës.

Në kontekstin rajonal viteve të fundit, Kurti tha se aeroporti i Prishtinës është rritur me dinamikë të lartë.

Numri i udhëtarëve ka shënuar 4.6 milionë udhëtarë.

Kurti: Kosova po shihet gjithnjë e më shumë si vend i besueshëm për investime

“Vendimi Wizz Air për ta vendosur bazën e saj në aeroportin ndërkombëtar të Prishtinës është dëshmi se Kosova po shihet gjithnjë e më shumë si vend i besueshëm për investime me perspektivë të qartë zhvillimi si dhe me potencial të madh për t’u integruar edhe më shumë në rrjetet evropiane të transportit të tregtisë dhe të lëvizjes së lirë të njerëzve. Kjo bazë e re dhe avioni i ri me kapacitet prej 239 ulësesh, janë investim i rëndësishëm dhe tregues që vendi ynë po bëhet gjithnjë e më tërheqës edhe për industrinë ndërkombëtare të aviacionit.. Çdo linjë e re ajrore krijon mundësi e ura për lidhje të reja kulturore njerëzore, profesionale e turistike, ekonomike e tregtare. Në kontekstin rajonal viteve të fundit, aeroporti i Prishtinës është rritur me dinamikë të lartë. Numri i udhëtarëve ka shënuar vazhdimisht rekorde të reja. 4.6 milionë, po i afrohemi ngadalë po sigurt edhe shifrës prej 5 milionë pasagjerë në aeroportin ndërkombëtar të Prishtinës. E tash ne jemi të interesuar që numri i udhëtarëve i cili po rritet, gjithashtu të ketë edhe bileta sa më të lira, në mënyrë që qarkullimi të jetë sa më i përballueshëm”, tha Kurti.

Përfaqësuesi i Wizz Air, Andras Szabo, tha se kompania operon në Kosovë që nga viti 2017 dhe se hapja e bazës në Prishtinë shënon një fazë të re të pranisë së saj në vend.

Ai bëri të ditur se investimi kap vlerën e rreth 100 milionë dollarëve dhe do të shoqërohet me krijimin e 40 vendeve të reja të punës.

Szabo: Wizz Air është tashmë një nga linjat ajrore më të mëdha në Evropë

“Wizz Air është tashmë një nga linjat ajrore më të mëdha në Evropë.. Ne operojmë fluturime drejt Prishtinës që nga viti 2017, pra prej nëntë vitesh. Linja jonë e parë ishte drejt Budapestit në Hungari. Që atëherë kemi zgjeruar ndjeshëm rrjetin tonë. Edhe sot, në Prishtinë operojmë gjashtë linja. Fluturojmë drejt Londrës, Gjermanisë, Bratislavës, ndërsa fluturimet për në Milano dhe Romë po fillojnë gjithashtu. Jemi krenarë që tashmë ofrojmë 600 mijë ulëse për tregun e Kosovës. Po ashtu kemi një performancë shumë të mirë sa i përket respektimit të orareve të fluturimeve dhe besueshmërisë operative. Lajmi është se Wizz Air do të hapë një bazë të re në Prishtinë, duke filluar nga nëntori i vitit 2026. Ne do të vendosim këtu një avion Airbus A321neo, gjë që do të krijojë 40 vende të reja pune për qytetarët e Kosovës. Jemi të lumtur që nuk do të jemi më vetëm një kompani që fluturon drejt aeroportit dhe largohet, por do të jemi të pranishëm këtu, do të kemi avionin të bazuar në Prishtinë, do të punësojmë staf lokal dhe do të ofrojmë një rrjet shumë më të pasur fluturimesh përmes këtij investimi. Ky është një investim me vlerë rreth 100 milionë dollarë, që përfshin sjelljen në Kosovë të një avioni Airbus A321neo”, tha ai.

Ndërkaq, drejtori i Aeroportit Ndërkombëtar të Prishtinës, Gokhan Acikgoz, tha se baza e re e Wizz Air përfaqëson një moment historik për aeroportin dhe për vendin, duke theksuar se investimi do të ndikojë në rritjen e kapaciteteve, përmirësimin e lidhjeve ajrore dhe zhvillimin ekonomik.

Acikgoz: Jemi krenarë të shënojmë themelimin e bazës së re të Wizz Air në Aeroportin “Adem Jashari”

“Ky është një moment i rëndësishëm, një arritje që ka rëndësi jo vetëm për aeroportin tonë, por edhe për Republikën e Kosovës dhe për të ardhmen e lidhjes së vendit tonë me Evropën dhe botën. Jemi krenarë të shënojmë themelimin e bazës së re të Wizz Air në Aeroportin Ndërkombëtar të Prishtinës “Adem Jashari”, i mbështetur nga vendosja e një avioni krejtësisht të ri Airbus A321neo. Kjo është shumë më tepër sesa ardhja e një avioni të ri. Është një shprehje e qartë e besimit

në Kosovë, në qytetarët tanë, në tregun tonë dhe në mundësitë që na presin në të ardhmen. Hapja e një baze të një kompanie ajrore përfaqëson një angazhim afatgjatë. Ajo sjell rritje të kapaciteteve, përmirësim të lidhjeve ajrore, mundësi të reja për pasagjerët tanë dhe potencial për të kontribuar në mënyrë domethënëse në zhvillimin e turizmit, tregtisë, investimeve dhe ekonomisë”, tha ai.

Wizz Air do të shtojë edhe tre linja të reja drejt Bruksel Charleroi-t tri herë në javë, Karlsruhe/Baden-Baden kayër herë në javë, gjithashtu drejt Zvicrës me tarifa shumë të përballueshme çdo ditë për në Bazel, dhe Dortmund-Prishtinë nga fundi i vitit.

The post Wizz Air vendos bazën e re operacionale në Aeroportin “Adem Jashari” të Prishtinës appeared first on Albeu.com.

Siç tregoi vet artistja në një video të publikuar në Instagram, ajo i ishte afruar sigurimit duke i folur në gjuhën e saj amtare (pasi kishte menduar se sigurimi ishte shqiptar), dhe me të dëgjuar atë të flasë në shqip, ai e ka kërcënuar dhe më pas ka dashur ta largojë nga fluturimi.

Lidhur me këtë ngjarje, Telegrafi ka kontaktuar kompaninë gjermane të fluturimeve, ‘Lufthansa’ me të cilën Bebe Rexha po fluturonte atë ditë, për të kërkuar sqarime. Përfaqësuesit e kompanisë kanë deklaruar:

“Ne kontaktuam drejtpërdrejt Bebe Rexhën të shtunën për të kuptuar situatën dhe jemi duke kryer një hetim të brendshëm mbi çështjen. Si një linjë ajrore ndërkombëtare, ne lidhim njerëzit dhe vendet në mbarë globin. Mysafirët dhe punonjësit tanë vijnë nga e gjithë bota. Diversiteti dhe mundësitë e barabarta janë vlera thelbësore për kompaninë dhe kulturën tonë korporative. Ne nuk tolerojmë asnjë lloj sjelljeje diskriminuese”.

‘Lufthansa’ ka sqaruar se këngëtarja ka hipur në fluturim normalisht dhe në kohë, duke arritur të kthehet në shtëpi.

“Ekziston gjithmonë një kontroll paraprak sigurie për të gjithë pasagjerët që nisen për në ShBA dhe Kanada në Aeroportin e Mynihut, të kryer nga një kompani sigurie para se pasagjerët të mund të hyjnë në zonën e portës. Bebe Rexha duket se u mërzit me njërin nga këta punonjës të sigurisë”, thuhet në përgjigjen e ‘Lufthansa’ për Telegrafin.

Bebe Rexha në videon e publikuar në InstaStory të shtunën, shihej duke qarë dhe duke treguar momentet e tensionuara në aeroport. Ajo ka akuzuar kompaninë për një akt diskriminimi dhe urrejtjeje ndaj saj për shkak të identitetit të saj shqiptar.

The post Skandali i kërcënimit të Bebe Rexhës në Aeroport, kompania: Po hetojmë çështjen appeared first on Albeu.com.

Sipas mediave të huaja, rreth orës 7:30 të mëngjesit, personeli i zjarrfikësve të Çikagos iu përgjigj një telefonate për një grua të gjetur pa ndjenja. Sipas zyrtarëve të zjarrfikësve, 57-vjeçarja nga Karolina e Veriut raportohet se ishte ngatërruar në sistemin e shiritit transportues, i cili përdoret për lëvizjen e bagazheve dhe u shpall e vdekur në vendngjarje.

Autoritetet e Çikagos thanë se zona e trajtimit të bagazheve nuk është e aksesueshme për publikun.

Hetimi për vdekjen e 57-vjeçares është në vijim, ndërsa nga hetimet përkatëse u konstatua se ajo nuk ishte punonjëse e aeroportit.

The post TRAGJIKE/ Ngeci në makinerinë e kontrollit të bagazheve, humb jetën 57-vjeçarja në aeroport appeared first on Albeu.com.

Ndalesa e parë ishte në aeroportin Adolfo Suarez Madrid–Barajas ku kapiteni i ekipit Alvaro Morata dhe presidenti i federatës spanjolle të futbollit Pedro Rocha u fotografuan te dera e avionit duke ngritur trofeun.

E gjithë skuadra më pas pozoi për një foto pranë avionit, ku nuk mund të mungonte dhe kupa. Pas largimit nga aeroporti, ekipi shkoi për të takuar kryeministrin e Spanjës, dhe më pas festa vijoi me një paradë publike në qendër të Madrid.

Spanja ishte kampione e denjë pasi fitoi të shtatë ndeshjet e saj në Euro 2024, duke përfshirë një fitore 2-1 ndaj Gjermanisë pritëse në kohën shtesë. “La Roja” u bë skuadra e parë që fitoi katër kampionate evropiane.

The post FOTO/ Fitore historike, Spanja dërgon trofeun në shtëpi, festa nis që në aeroport appeared first on Albeu.com.

Piloti arriti ta ndalojë menjëherë mjetin fluturues dhe makinat e emergjencës pushtuan pistën për të asistuar pasagjerët, të cilët dolën të gjithë pa lëndime.

Një zëdhënës i aeroportit, tregon se një hetim ka nisur për incidentin, teksa të gjithë pasagjerët u nisën disa orë më vonë për në destinacionin e tyre me një avion tjetër.

The post Panik në aeroport, avionit i shpërthen goma gjatë ngritjes (VIDEO) appeared first on Albeu.com.

Pas shqyrtimit të skenës së tmerrshme, mbikëqyrësi i aviacionit të vendit konfirmoi se një hetim ishte nisur për këtë ngjarje. Nga ana tjetër, zyrtarë të Drejtorisë së Përgjithshme të Aviacionit Civil deklaruan se kanë pezulluar kontrolluesin e trafikut ajror i cili ishte në detyrë në atë moment.

“Nëse ka siguri të arsyeshme përmes vëzhgimit vizual, minimumi i ndarjes së trafikut mund të zvogëlohet. Në këtë incident, u duk se avioni që nisej kishte arritur tashmë shpejtësinë B2 dhe ishte me hundë lart ndërsa avioni që mbërriti po prekte në pistën 27. çështja është nën hetim” thuhej në deklaratë.

Very scary safety breach at Mumbai Airport yesterday. IndiGo flight lands a short distance behind an AirIndia flight on its take-off roll. Inquiry ordered. The ATC staff have been de-rostered. IndiGo says it was cleared to land. (Via @nikhil_lakhwani) pic.twitter.com/MSmBvasRVp

— Shiv Aroor (@ShivAroor) June 9, 2024

The post VIDEO/ Momenti i frikshëm në aeroportin e Mumbait në Indi, dy avionë rrezikojnë përplasjen me njëri-tjetrin appeared first on Albeu.com.

Kryeministri Rama tha se ky aeroport do t’i shërbejë të gjithë zonës së jugut, ndërsa në korrik hapet edhe segmenti Thumanë-Kashar.

“Në korrik në gusht në vijim s’do kalojnë më andej nga kaloni vazhdimisht. Do kenë të hapur segmentin Thumanë-Kashar me standarde të tjera si pjesë e korridorit blu. Në maj hapim garën për aeroportin e Gjirokastrës, që do i shpërbejë të gjithë zonës së jugut”, tha Rama.

The post Rama: Në maj hapet gara për ndërtimin e aeroportit të Gjirokastrës appeared first on Albeu.com.

Lajmin e bëri të ditur sot kryeministri Edi Rama, i cili u shpreh krenar për këtë arritje të vendit.

“Lart e më lart. Shqipëria kryeson përsëri në shkurt 2024, me rritjen më mbresëlënëse të numrit të vizitorëve në tabelën e klasifikimit ndërkombëtar të ACI për aeroportet e Europës. Vendi ynë i bukur mikpret botën që vjen çdo muaj e më shumë drejt nesh”, u shpreh Kryeministri, ndërsa ndau në rrjetet sociale statistikat e publikuara nga ACI (Airports Council Intenational).

Kryeministri theksoi se “kjo do të thotë më shumë ekonomi, më shumë punë, më shumë prodhim vendas, më shumë tregti, më shumë konsum, më shumë të ardhura për vendin e për familjet e përfshira në zinxhirin e gjatë të vlerës së industrisë së turizmit”

Sipas këtyre statistikave, Shqipëria shënoi një rritje me 227.9% të trafikut të pasagjerëve në shkurt 2024, krahasuar me vitin 2019.

Tregu shqiptar i fluturimeve ka pësuar rritjen më të madhe në vitin 2023, duke prekur rekord prej 7.26 milionë pasagjerësh.

The post Shqipëria kryeson trafikun ajror, rritje e numrit të vizitorëve në shkurt appeared first on Albeu.com.

Gjatë një intervistë të dhënë për emisionin “Glamour Zone”, Ermali ka treguar se si Amarda së bashku me fëmijët e tyre janë ndaluar në aeroport ku dhe i kanë mbajtur për gati tre orë pasi djali i tyre, Joeli, kishte me vete një armë lodër.

Pjesë nga biseda:

Cili ka qenë momenti më i vështirë që ke kaluar me djalin tënd, Joelin, gjatë xhirimeve të filmit “2 Gisht Mjalt”?

Ermal Mamaqi: Gjatë xhirimeve nuk kemi pasur, por mund të them një pas xhirimeve. Në film kemi përdorur një pistoletë lodër, që duket si e vërtetë. Joeli më kërkoi ta merrte me vete kur po kthehej në Shqipëri, dhe e lejova. Në aeroport ia gjejnë, dhe kanë ndaluar Amin së bashku me dy fëmijët.

I kanë mbajtur 3 orë duke i pyetur dhe duke u sqaruar. Si përfundim, i lanë të lirë, por morëm 1200 franga gjobë, sepse nuk lejohet që në aeroport të kesh asgjë që ngjan me armë, edhe nëse ato janë lodra.

The post “Kishte pistoletë….” Ami dhe fëmijët ndalohen nga policia në aeroport appeared first on Albeu.com.