Pas plot dy dekadash pa shijuar sukses në Ligën e Kampionëve, skuadra athinase e drejtuar nga Marko Nikolic i dha fund kësaj pritjeje të martën mbrëma. Verdhezinjtë mposhtën minimalisht 1-0 ekipin austriak të LASK-ut, duke regjistruar kështu fitoren e parë në kompeticion që nga viti 2004.

Një reagim prekës ka ardhur nga pjesëtari i Kombëtares shqiptare, i cili kontribuoi në këtë arritje si lojtar i AEK-ut. Mbrojtësi kuqezi shprehu gjithë entuziazmin e tij përballë këtij momenti të veçantë, duke e cilësuar si një ëndërr të bërë realitet që nga koha kur ishte fëmijë.

Në postimin e tij në rrjetet sociale, Pilo shkruan se pjesëmarrja dhe fitorja në Champions League përfaqëson pikërisht atë që kishte imagjinuar gjithmonë. Ai përshkruan emocionet e forta të mbrëmjes dhe shton se kjo ngjarje do të mbetet përgjithmonë e skalitur në kujtesën e tij si një natë e paharrueshme.

The post Realizoi ëndrrën e fëmijërisë në Champions, mbrojtësi kuqezi mes emocionesh pas fitores së AEK-ut që mbyll pritjen 20-vjeçare appeared first on Albeu.com.

Aston Villa dhe AEK Athens kanë siguruar nga tri pikë në paraqitjen e tyre të parë në Ligën e Kampionëve, pasi mposhtën përkatësisht Club Brugge dhe LASK-un.

Skuadra angleze triumfoi 3-2 në transfertën ndaj ekipit belg, në një përballje të luftuar deri në fund.

Villa e zhbllokoi takimin në minutën e 11-të, kur McGinn realizoi një gol spektakolar dhe i dha avantazhin skuadrës së tij.

Club Brugge reagoi shpejt dhe barazoi shifrat në minutën e 19-të. Vetlesen e dërgoi topin në rrjetë pas asistimit të Virgilit, duke përfituar nga një aksion i bukur i vendasve.

Gëzimi i belgëve zgjati vetëm tri minuta, pasi Emiliano Buendia riktheu epërsinë e Aston Villas. Ai shënoi nga afërsia pas pasimit të Gomes në minutën e 22-të.

Pak para përfundimit të pjesës së parë, Nicolas Jackson përfitoi nga një gabim amator i mbrojtjes së Brugge dhe e çoi rezultatin në 1-3 në minutën e 43-të.

Vendasit kërkuan të riktheheshin në lojë dhe arritën të shënonin edhe një herë, me Nicolo Tresoldin që realizoi nga pika e bardhë në minutën e 61-të. Ky ishte edhe goli i fundit i sfidës.

Fitore minimale mori ndërkohë AEK Athens, që mposhti 1-0 LASK-un e Austrisë.

Vendimin e takimit e dha Razvan Marin në minutën e 21-të, me një goditje të lirë të ekzekutuar në mënyrë perfekte, e cila e la të palëvizur portierin e skuadrës mysafire.

Me këto rezultate, Aston Villa dhe AEK Athens e mbyllin xhiron e parë të fazës së ligës me nga tri pikë.

The post Aston Villa dhe AEK Athens e nisin me fitore fazën e ligës në Ligën e Kampionëve appeared first on Albeu.com.

Pak para startit të përballjes AEK – LASK, e cila shënon hapjen e sezonit të ri në Champions League, faza e grupeve, janë bërë publike formacionet zyrtare të të dyja skuadrave.

Vëmendje të veçantë tërheq mungesa e Thomas Strakoshës. Portieri i Kombëtares shqiptare ishte në fushë në triumfin 5 – 0 të AEK-ut të Athinës ndaj Aris në Superligën e Greqisë, vetëm 3 ditë më parë, por trajneri serb Marko Nikolic nuk e ka përfshirë as në formacionin bazë dhe as në stolin e rezervave.

Ndërkohë, mbrojtësi i Kombëtares, Stavro Pilo, do ta nisë takimin si titullar.

The post Vendimi i papritur i Marko Nikoliç për Strakoshën, portieri shqiptar mbetet jashtë skuadrës ndaj LASK appeared first on Albeu.com.

Të gjitha përballjet e Ligës së Kampionëve që do të zhvillohen këtë javë do të hapen me një minutë heshtje, në nderim të viktimave dhe personave të prekur nga përmbytjet dhe rrëshqitjet shkatërrimtare të dheut në Nepal, ka bërë të ditur UEFA.

Organi qeverisës i futbollit evropian do të shfaqë gjithashtu një baner solidariteti në stadiume gjatë ndeshjeve, si shprehje mbështetjeje për viktimat dhe komunitetet e goditura nga kjo tragjedi.

Ky homazh përkon me nisjen e sezonit 2026/27 të Ligës së Kampionëve, i cili fillon të martën, më 8 shtator.

Në xhiron hapëse marrin pjesë 36 skuadra dhe do të luhen gjithsej 18 ndeshje gjatë kësaj jave, çka shënon startin e fazës së ligës.

Megjithëse vëmendja do të jetë te rikthimi i kompeticionit më prestigjioz evropian për klube, nisma e UEFA-s do të sigurojë që viktimat e përmbytjeve dhe rrëshqitjeve vdekjeprurëse të dheut në Nepal të kujtohen gjatë javës hapëse të Ligës së Kampionëve.

UEFA do t’i nderojë viktimat para secilës prej 18 ndeshjeve të kësaj jave. Para çdo sfide do të mbahet një minutë heshtje, ndërsa në stadiume do të shfaqet edhe një baner në shenjë solidariteti dhe mbështetjeje.

Në njoftimin e UEFA-s thuhet se para të gjitha ndeshjeve të Ligës së Kampionëve që do të zhvillohen këtë javë do të mbahet një minutë heshtje dhe do të shfaqet një baner solidariteti dhe mbështetjeje.

The post UEFA zbulon arsyen e një minute heshtjeje në çdo ndeshje të Ligës së Kampionëve appeared first on Albeu.com.

Fundi i pritjes ka ardhur. Sot, të martën, starton faza e ligës në Ligën e Kampionëve dhe që në mbrëmjen e parë kemi disa duele që garantojnë spektakël.

Sfida e parë e mbrëmjes zhvillohet në tokën belge, aty ku Club Brugge mirëpret Aston Villan. Të dyja ekipet synojnë një nisje pozitive dhe tre pikët në këtë takim mund të rezultojnë vendimtare në llogaritë e kësaj faze.

Ndërkohë në kryeqytetin grek, AEK-u mat forcat me LASK-un. Një përballje ku skuadra vendase shpreson të përfitojë nga mbështetja e tifozëve dhe ta fillojë rrugëtimin europian me një fitore.

Pa asnjë diskutim, ndeshja që rrëmben më shumë vëmendje është ajo mes Real Madridit dhe Interit. Dy gjigantë të futbollit europian ndeshen që në xhiron hapëse, duke e kthyer ‘Santiago Bernabeu’-në në epiqendër të kësaj supersfide.

Një tjetër përplasje e madhe do të luhet në Portugali. Porto përballet me Manchester Cityn në një takim ku vendasit synojnë të shfrytëzojnë elektrizimin e ‘Estadio do Dragao’, teksa City kërkon t’ia nisë aventurës me tri pikë të plota.

Në Gjermani, Borussia Dortmundi sfidon Villarrealin. Dy formacione me pretendime të larta në arenën europiane përplasen në një duel që premton emocione të forta në ‘Signal Iduna Park’.

Mbrëmja mbyllet me një tjetër ndeshje tërheqëse. Lille mirëpret Real Betisin në Francë, në një sfidë ku të dyja palët aspirojnë një start të suksesshëm në fazën e ligës.

Gjashtë përballje. Një natë e madhe futbolli. Dhe Liga e Kampionëve rikthehet aty ku e ka vendin, në qendër të skenës.

The post Nis faza e ligës në Champions, sonte vëmendja përqendrohet te supersfida në Madrid appeared first on Albeu.com.

Në Greqi raportohet se pronari i AEK-ut, ka vendosur për gjobën marramendëse 400 mijë euro, pas eliminimit surprizë.

Kjo gjobë nuk do të aplikohet, nëse AEK fiton tri ndeshjet e radhës me Panathinaikos, Asteras dhe Olimpiakos.

Mision që duket mjaft i vështirë, për shkak të emrave. Në rast se fitoret nuk vijnë, një pjesë e gjobës do shkojë për amatorët e AEK dhe pjesa tjetër për bamirësi.

Strakosha e pëson kështu pa pasur faj mund të thuhet. Kjo pasi ishte lënë pushim nga trajneri i AEK, kështu e pa ndeshjen me OFI Kretën nga stoli. Marios Iliopoulos njihet për premiot në rast fitoresh të rëndësishme, por po ashtu nga ana e tij nuk mungojnë as gjobat.

The post Strakosha e pëson pa patur faj, gjobë marramendëse nga pronari i AEK-ut në Greqi appeared first on Albeu.com.

Portieri shqiptar si gjithnjë tashmë tek verdhezinjtë e nisi titullar derbin ndaj bardhezinjve. Në klasiken e luajtur në qytetin e dytë më të madh të Greqisë, miqtë nga kryeqyteti dolën me 3 pikët falë pritjes së shqiptarit. Thom,as Strakosha në minutën e 5-të të shtesës priti në mënyrë heroike topin dy herë për t’i mohuar golin kundërshatrëve dhe për t’i dhënë fitoren klubit nga Athina.

Rezultati ishte 1-2 në favor të klubit të legjionarit, kur vendasit fituan një goditje standarde dhe portugezi me eksperiencë Vierinha e goditi atë për t’ia servirur Kenjioras, i cili me kokë nuk qe i aftë të mposhte djalin e Foto Strakoshës, legjendë e Kombëtares.

Kështu, në dy kohë portieri kuqezi mbajti portën të pastër nga ai rast flagrant, i cili në fund i dha pikët jetike në këtë superpërballje Aek-ut. Rëndësia e refleksit të gardianit kuqezi bëri jehonë në mediat greke, të cilat në një derbi tjetër, atë të Athinës ndaj Panathinaikos fajësuan Strakoshën për golin e pësuar.

The post VIDEO / Reflekse që vlejnë 3 pikët, Strakosha “heroi” i skuadrës nga Athina në derbin grek appeared first on Albeu.com.

Përmes materialit para hetimor dhe asaj që policët morën pjesë në aksionin për shtypjen e lëvizjes së huliganëve kroatë -për fat të keq pas dëmtimit të shkaktuar- si dhe dëshmitarët okularë nën betim, është zbardhur pjesa e fundit e ditës dramatike.

Hetimet e autoriteteve kanë çuar në pesë të dyshuar kryesorë. Ata janë një kroat, një shqiptar dhe tre grekë. Shqiptari dhe kroati pas arrestimit kishin me vete thika të palosshme me gjak dhe u ndanë menjëherë nga pjesa tjetër e të arrestuarve, si të dyshuar për vrasjen. Dy grekët janë tifozë të organizuar të një skuadre greke dhe me precedentë të rëndë kriminalë.

The post Vrasja e tifozit grek para ndeshjes së Champions League, mes të dyshuarve një shqiptar appeared first on Albeu.com.

Në mbledhjen për masat e sigurisë që ishte planifikuar të mbahej mëngjesin e së martës, pala AEK deklaroi se konsideron bashkë përgjegjës Dinamon e Zagrebit dhe Policinë greke për atë që ndodhi mbrëmë në Filadelfia e Re.

Dinamo e Zagrebit me një deklaratë dënoi ngjarjet tragjike të ndodhura në New Philadelphia, me protagonistë tifozë kroatë dhe vdekjen e një tifozi të ri të AEK-ut. Në të, skuadra kroate bën të qartë se si një organizatë sportive, janë gjithmonë të përkushtuar për të promovuar lojën e ndershme

Në vitin 2022, qeveria greke rriti dënimin maksimal për krimet e dhunës së tifozëve nga gjashtë muaj në pesë vjet pas një vdekjeje tjetër me thikë në një ndeshje futbolli.

Alkis Kampanos, 19 vjeç, u vra në shkurt të vitit 2022 gjatë një përleshjeje mes tifozëve të Aris Selanikut dhe PAOK-ut. Muajin e kaluar, shtatë të pandehur u shpallën fajtorë për vrasjen e tij dhe u dënuan me burgim të përjetshëm, dhe pesë të tjerë u dënuan me më shumë se 19 vjet për bashkëpunim.

Kjo ishte vdekja e tretë si pasojë e dhunës së tifozëve në një periudhë trevjeçare vetëm në Selanik.

The post Një i vrarë, përleshje dhe trazira në Greqi, UEFA merr masa, shtyhet ndeshja mes AEK-ut dhe Dinamos së Zagrebit appeared first on Albeu.com.

The post Përleshje të ashpra mes tifozëve në Athinë, ka të vdekur dhe të plagosur appeared first on Albeu.com.