adriatik lllalla Archives - Albeu.com

I dënuar me dy vite burg, Adriatik Llalla vazhdon të jetë nën hetim nga SPAK

E B — Tue, 15 Feb 2022 08:45:05 +0000

Pas dënimit me 2 vite burg në dy Shkallët e Gjyqësorit, Adriatik Llalla, ish kryeprokurori i Përgjithshëm, vazhdon të jetë nën hetim për akuzën e “Fshehjes së pasurisë” nga ana e SPAK.

Kjo e fundit disa ditë më parë ka dorëzuar një kërkesë në Gjykatë për pushimin e këtyre hetimeve.

Burimet nuk bëjnë me dije objektin e hetimit, pra nëse kemi të bëjmë me të njëjtat rrethana, por konfirmojnë se kërkesa për pushimin e tyre është bërë me argumentin se është gjykuar njëherë për të njëjtën vepër penale.

The post I dënuar me dy vite burg, Adriatik Llalla vazhdon të jetë nën hetim nga SPAK appeared first on Albeu.com.

SPAK e konfirmon: Adriatik Llalla është arrestuar në Itali, pritet ekstradimi

admin — Tue, 14 Dec 2021 09:40:26 +0000

Prokuroria e Posaçme kundër Korrupsionit dhe Krimit të Organizuar, SPAK ka reaguar me nje njoftim zyrtar për arrestimin në Itali të ish Kryeprokurorit Adriatik Llalla.

Sipas SPAK, Llalla është arrestuar në datën 10.12.2021 nga autoritetet policore italiane dhe më datë 14 dhjetor, SPAK ka dorëzuar tek Ministria e Drejtësisë dokumentacionin e nevojshëm për ekstradimin e Adriatik Lallës nga Italia në Shqipëri.

“Më datë 13.12.2021 Prokuroria e Posaçme kundër Korrupsionit dhe Krimit të Organizuar, mori njoftim nga Zyra Qendrore Kombëtare Interpol Tirana, se në datë 10.12.2021, autoritetet policore italiane kanë arrestuar me qëllim ekstradimi në vendin tonë shtetasin Adriatik Llalla.

Sot në datë 14. 12. 2021 Prokuroria e Posaçme i ka përcjellë Ministrisë së Drejtësisë dokumentacionin e nevojshëm për ekstradimin e shtetasit Adriatik Lalla nga Italia në Shqipëri”, thuhet në njoftimin e SPAK. /albeu.com/

The post SPAK e konfirmon: Adriatik Llalla është arrestuar në Itali, pritet ekstradimi appeared first on Albeu.com.

Është arratisur? Shpallet në kërkim ndërkombëtar Adriatik Llalla

admin — Fri, 08 Oct 2021 13:45:19 +0000

SPAK ka shpallur në kërkim ndërkombëtar ish-kryeprokurorin Adriatik Llalla.

Burimet bëjnë me dije se SPAK ka dërguar emrin e Llallës në Interpol, pas dënimit të tij me vendim të formës së prerë, me dy vite burg.

Mësohet se 24 orë pas nisjes së procedurave, SPAK ka dorëzuar dokumentacionin në Interpol dhe është bërë zyrtarisht shpallja në kërkim ndërkombëtar për Llallën.

Llalla ishte shpallur në kërkim kombëtar fillimisht pasi Policia e Shtetit shkoi në banesën e ish-kryeprokurorit por nuk e gjeti aty.

Nga vetë Llalla nuk ka pasur asnjë reagim gjatë gjithë kohës që ndodhet në arrati. Ish-kryeprokurori Adriatik Llalla është dënuar me vendim të formës së prerë nga Gjykata e Posaçme e Apelit me dy vite burg për akuzën e fshehjes së pasurisë. /albeu.com/

The post Është arratisur? Shpallet në kërkim ndërkombëtar Adriatik Llalla appeared first on Albeu.com.