Duke u ndalur te protesta përpara Kryeministrisë, nga e cila u tërhoq pas rreth 108 ditësh qëndrese, Lapaj theksoi se vendimet e tij kanë qenë të bazuara mbi bindje dhe parime.

Lapaj kritikoi sistemin aktual politik, duke theksuar se nuk lejon një garë të ndershme.

“Unë në dorë e kisha para 11 majit që ta vendosja veten të parin në listë dhe sot do isha deputet. Mund të kem shumë gabime, por sa kohë nuk janë faje, por për shkak se ke një bindje, ideal. Ideali im është gara dhe në atë sallë doja të shkoja me garë dhe për këtë mora riskun. Dhe për këtë nuk më bën dot njeri me për garën jam i gatshëm të bëj sakrifica. Por sot të gjithë janë dëshmitarë i këtij sistemi që nuk të lë të garosh. Nëse kjo ishte sakrifica unë jam krenar. Nuk bëra akrobaci për të shkuar në pushtet, por për të përmirësuar jetën tonë politike. Gabimet paguhen, por e gjitha kjo është morale në fund të fundit”, tha Lapaj.

Kreu i Shqipëria Bëhet komentoi edhe emërimin e drejtorit të ri të Policisë, duke thënë se nuk e njeh personalisht, por i uron sukses në detyrë.

Sipas Lapajt, sfidat për drejtuesin e ri do të jenë të mëdha dhe mënyra se si do të trajtohet publikisht do të tregojë shumë për punën e tij.

“Personalisht nuk e njoh drejtorin e ri të policisë, ka drejtues që i kam njohur dhe personalisht. Unë nuk bëj pjesë tek ata njerëz që e bëjnë zi cdo gjë. Ne duhet ta provojmë. Unë uroj që ai të shkëlqejë në punën e tij sepse mua më gëzon suksesi i policisë së shtetit tim dhe shtetit në tërësi. Nuk dua që të dështojnë sektorë të shtetit tim me idenë se mund të përfitoj politikisht. Madje dua që ky shtet të shkëlqejë që të mos merrem politikisht dhe të merrem me pasionet e mia.

Nëse ai e ka shumë seriozisht atë që tha, do ta ketë shumë të vështirë. Nëse do ta sulmojnë nga cdo anë, do të jeni të bindur se është njeriu që po bën gjënë e duhur. Nëse do të dëgjoni që nuk po sulmohet të jeni të bindur se nuk po bën gjënë e duhur”, theksoi Lapaj.

The post Liroi sheshin pas 108 ditësh, Adriatik Lapaj: Nëse ishte sakrificë, jam krenar! Nuk bëra akrobaci për pushtet, kam ideal garën appeared first on Albeu.com.

“Për mua këto 14 vepra penale janë dekorata për aktivizimin tim publik. I vetmi rrezik që përbëj unë dhe ata si unë është rreziku ndaj të keqes dhe hajdutërisë së këtyre. Ne nuk jemi aty për të bërë grusht shteti, jemi aty për të imponuar një dorëheqje politike. Në 100 ditë ne nuk kemi thyer një lule aty, nuk kemi thyer një xham, nuk kemi bezdisur një qytetar.”- tha Lapaj.

Adriatik Lapaj ka kritikuar qeverinë për presion ndaj qytetarëve dhe aktivistëve, duke përmendur se çdo reagim politik shoqërohet me ndjekje penale apo kërcënime. Lapaj tha se është fakt që i janë ofruar tre poste në qeveri dhe se nuk ka pranuar, por e quajti jo etike të tregonte emra publikisht.

“Kam pasur një propozim nga ana e mazhorancës për të marrë tre poste. Ata nuk e kanë mohuar… kanë tre muaj që s’e mohojnë dhe ky është fakt. Të dërguarit e Edi Ramës. Nuk është etike në politikë që të them emra. Unë e kam sfiduar publikisht kryeministrin… të dalë dhe ta mohojë këtë gjë. Në këto nivele ka një etikë… ai që vjen si lajmës ruhet.”- deklaroi ai.

Lapaj ka theksuar se protesta synon një qeveri tranzitore dhe zgjedhje të lira, jo marrjen e pushtetit me forcë.

The post “M’u ofruan tre pozicione nga qeveria nuk pranova!” Adriatik Lapaj flet për protestën 100-ditore dhe akuzat penale appeared first on Albeu.com.

Adriatik Lapaj: Një nga kushtet që vendosëm ne, të mos i qasim kryetarët. Me Ramën duhet përballje. Ai është hileqar, e kam kuptuar kur ndodhi telenovela e verës që ky e stisi, pasi mori 83 mandate dhe pasi dërgoi njerëz të më bindte të bëhesha me të dhe pasi unë refuzova në emër të ekipit që të mos pranoja joshje. Përgjigjia ka qenë herën e parë për 1 minutë. Ka qenë në 2 raste tentativa. Pastaj ky e çoi në një nivel, mori një personazh e keqpërdori, kishte 6 muaj që nuk shkonte në parlament dhe shkoi të votonte një ligj dhe bëri atë që bëri.

The post “Më dërgoi njerëz 2 herë për të më bindur të bëhesha me të”, Adriatik Lapaj: Rama është hileqar, me të duhet përballje appeared first on Albeu.com.

Lapaj tha se nëse të githë janë bashkë të tjerët e kanë të pamundur t’i thyejnë. Kreu i Shqipëria Bëhet iu bëri thirrje të gjithë studentëve, emigrantëve, fermerëve dhe të gjithë personave të cilët janë përballur me korrupsionin të marrin pjesë në protestë.

“Në datën 17 janar në orën 18:00, ditën e shtunë masivisht duhet të bashkohemi përballë zyrës së Edi Ramës dhe qeverisë më të korruptuar të Europës. Sepse ata, kur jemi veç e veç na thyejnë. Nëse ti je një student që nuk e gjen të drejtën dhe emigron, duhet të bashkohesh. Nëse ti je një person që ke probleme me shëndetin dhe nuk e merr trajtimin e duhur, duhet të bashkohesh. Nëse ti je një fermer që përmbytesh dhe nuk ke marrë dëmshpërblim, duhet të bashkohesh.

Nëse je ish pronar që nuk e ke marrë të drejtën e pronës, duhet të bashkohesh. Nëse ti je një familje e re që nuk mund të blesh një apartament prej çmimeve të shtrenjta, duhet të bashkohesh Nëse ke hapur një biznes të ri dhe tatimorët nuk të lënë rehat, duhet të bashkohesh. Nëse je një qytetar që përballesh me mungesën e cilësisë së ushqimeve në këtë vend, duhet të bashkohesh. Nëse ti je përballur me korrupsionin, duhet të bashkohesh, sepse nëse ne bëhemi të githë bashkë ata e kanë të pamundur të na thyejnë” tha Lapaj në një video sociale.

The post Adriatik Lapaj njofton protestën e rradhës: Nëse ne bëhemi të githë bashkë ata e kanë të pamundur të na thyejnë appeared first on Albeu.com.

Në rrjetet e tij sociale, Lapaj ka postuar një foto ku shihihet me mbështetësit e tij duke konsumuar darkën e fundvitit pikërisht poshtë zyrës së kreut të qeverisë.

“Në dt. 4 Janar, ora 12.00 (me shi, pa shi) ju pres në shesh masivisht!”, shkruan më tej kreu i “Shqipëria Bëhet”.

Postimi i plotë:

Gëzuar njerëz të mirë!
Deri në 12 me të shtëpisë, pas 12-ës ju pres në shesh. Në dt. 4 Janar, ora 12.00 (me shi, pa shi) ju pres në shesh masivisht!

The post Adriatik Lapaj shtron darkën e Vitit të Ri poshtë zyrës së Ramës: Në orën 12:00 ju pres në shesh appeared first on Albeu.com.

Ai theksoi se kryeministri Rama duhet të dorëhiqet sepse tashmë i ka ardhur fundi.

“Sot kemi nisur organizimin për protestën e datës 4 janar. Në orën 12:00 i madh e i vogël, nga cdo shtresë sociale, nga çdo cep i vendit, nga fermerët që janë përmbytur e nuk kanë marrë dëmshpërblimet, duhet të bashkohen masivisht për të kërkuar dorëheqjen dhe largimin e klikës në pushtet.

Vendi ka filluar të ngjallet nga vdekja klinike. Sa protesta kanë ndodhur në këto 3 javë nga grupime të ndryshme, nuk ka pasur në 3 vitet e fundit. Këta e kishin kapur dhe marrë peng debatin publik. Qytetarët që po reagojnë po imponojnë një agjendë të re.

Kishte muaj që dëshmohej se zv/kryeministrja ishte kapur në flagrancë duke vjedhur para e qytetarëve, por vetëm heshtje…Janë munduar edhe ta relativizojnë duke thënë këta të korruptuar janë, ‘por ja na ikën këta kush do vijë?”.

Do na vijnë njerëz të pakorruptuar, sepse nuk i kanë rrënjët që kanë këta dhe tjetra të gjithë e kanë kuptuar se edhe nëse vjedh vjen një ditë që nuk shpëtim…”, tha ai.

VIDEO

The post “Çadra 2” te Kryeministria, Adriatik Lapaj thirrje për t’ju bashkuar protestës: Të dalim në shesh appeared first on Albeu.com.

Fotoja është realizuar përpara kryeministrisë, ku Adriatik Lapaj prej disa javësh qëndron aty për të protestuar.

Aktori Zhusti, thotë se fotoja është realizuar vetëm për qëllime personale dhe me marrëveshjen që të mos bëhej publike, por pasi pa që imazhi u bë publik, ai akuzon Adriatik Lapajn se e përdori si “shashkë progandistike” për mitingje politike, e për të krijuar përshtypjen se aktori mbështet lëvizjen Shqipëria Bëhet.

Me anë të një postimi në Facebook, Zhusti thotë se postimi i ka sjellë “shumë armiqësi, qejfmbetje dhe komente negative”.

“Pranova të beje foto vetëm për albumin tënd privat meqë “ kishe shumë simpati si aktor” dhe më premtove që nuk do ta postosh, madje i thashë dhe bashëluftëtarit tënd, artistit të kaq e ka filmave dhe kandidatit për deputet të “Shqipëria bëhet”, djalit të mikut tim të çmuar, Gent Kames, që të mos e postosh”, shkruan aktori.

Ndërkohë Adriatik Lapaj nuk bëri ndonjë koment për rastin, por ai fshiu nga rrjetet sociale foton me Viktor Zhustin.

Reagimi i Viktor Zhustit:

Eh,mor LAPA…

Nuk di a të kam sjellë ndonjë të mirë me dëshirën që të bëje një foto private, kur isha duke kaluar për në shtëpi mbas shfaqjes, por mua, veç dëm e shqetësim më ke sjellë.

Pranova të beje foto vetëm për albumin tënd privat meqë “ kishe shumë simpati si aktor” dhe më premtove që nuk do ta postosh, madje i thashë dhe bashëluftëtarit tënd, artistit të kaq e ka filmave dhe kandidatit për deputet të “Shqipëria bëhet”, djalit të mikut tim të çmuar, Gent Kames, që të mos e postosh

(po vendos dhe mesazhin për të dhe premtimin e tij) por juve, duket e kishit të nevojshme, një shashkë propagandistike për 22 dhjetorin…

Duke e shoqëruar foton me komentin “erdhi na takoi dhe na dha energji pozitive”… më bën përkrahës e simpatizant të partisë e lëvizjes tënde, “Shqipëria bëhet”, gjë që as më ka shkuar ndonjëherë ndërmend, pasi, sipas meje, Shqipëria, vërtet do bëhet, emancipohet, modernizohet, europianizohet, por, VETËM me ata, kundër të cilëve ju, po luftoni me çdo mjet e mënyrë.

Me postimin tënd më ke sjellë mjaft armiqësi, qejfmbetje dhe komente negative, për të cilat nuk kisha nevojë.

Po, nuk është hera e parë që dal i zhgënjyer nga miqësitë e rrugës…

The post Sherri mes Adriatik Lapajt dhe Viktor Zhustit/ Aktori: Më ke sjellë mjaft armiqësi, qejfmbetje… appeared first on Albeu.com.

Binaj tha se nëse të gjithë grupet e shoqërisë që kanë dalë të protestojnë do të bëhen bashkë, reagimi i shoqërisë do të jetë edhe më i madh dhe qeveria do të struket.

Pjesë nga fjala e Binajt:

Protestat kundër qeverisë janë detyra bazë të çdo qytetari që nuk pranon të nëpërkëmbet, nuk pranon të vidhet dhe të nënçmohet. Kur qytetarët heshtin, qeveria trimërohet dhe abuzon e i shkel qytetarët e saj me këmbën e pushtetit. Kur qytetarët ngrenë zërin, çohen në këmbë, protestojnë së bashku, qeverite tërhiqen dhe struken.

Sot është dita që të gjithë ne, të gjithë qytetaret, pa dallime partiake, t’i fusim frikën qeverisë dhe ta ndalim në këtë rrugë të mbrapshtë ku e ka futur Shqipërinë. Ne duhet të ngrëmë zërin, të çohemi në këmbë dhe të bëhemi bashkë. Është shumë mirë që njerëzit po çohen por nuk është gjë e mirë që po çohen të ndarë në grupe të ndryshme. Unë do të bëhem pjesë e të gjitha protestave.

Sot jam këtu tek protesta e Adriatikut dhe e mbështetësve të protestës së tij, nesër do t’i bashkohem protestës së Partise Mundesia. Ditën e shtunë do ti bashkohem protestës sës levizjes Shqipëria Bëhet , dhe ditën e hënë do të marr pjesë në protestën e organizuar nga Partisë Demokratike. Shpresoj që shumë shpejt do bëhemi të gjithë sërisht së bashku, pa dallime politike, të gjithë si qytetarë!

The post “Do të jem në çdo protestë”, Florian Binaj takon Lapajn: Nëse ngrihemi të gjithë bashkë, qeveria do të struket appeared first on Albeu.com.

Lapaj shkruan:“Edi Rama jep dorëheqjen! Koha jote ka mbaruar”.

Prej datës 8 dhjetor Lapaj dhe aktivistë të Shqipëria Bëhet, qëndrojnë në mënyrë demonstrative përpara Kryeministrisë, ku shpesh ka pasur edhe përplasje me policinë.

Sipas Lapajt, protesta po zhvillohet për mbrojtjen e Kushtetutës dhe drejtësisë nga “kërcënimet” që po i bën Kryeministri Edi Rama.

The post Kërkohet dorëheqja e Ramës, Adriatik Lapaj lajmëron protestë masive më 20 dhjetor appeared first on Albeu.com.

Ditën e sotme, policia njofton se ka referuar materialet në Prokurori për Lapajn, pasi dyshohet se ka bërë grumbullime dhe ka zaptuar hapësirën publike përpara godinës së Kryeministrisë, duke penguar qarkullimin e lirë të lëvizjes.

“Specialistët për Hetimin e Krimeve të Komisariatit të Policisë Nr. 1 referuan materialet në Prokurori për shtetasit: A. L., pasi dyshohet se ka bërë grumbullime dhe ka zaptuar hapësirën publike përpara godinës së Kryeministrisë, duke penguar qarkullimin e lirë të lëvizjes”, sqaron policia.

Kujtojmë që mbrëmjen e kaluar, Adriatik Lapaj dhe disa protestues të tjerë kanë vendosur çadra në shesh, ndërsa policia u ka kërkuar që t’i heqin dhe të largohen nga zona.

Kërkesa e policisë shkaktoi tensione mes të pranishmëve. Disa prej qytetarëve janë dëgjuar të thërrasin “shtet që vret”, duke akuzuar autoritetet për presion dhe dhunë ndaj protestës.

Adriatik Lapaj dhe mbështetësit e tij kanë deklaruar se protesta do të vazhdojë.

The post Proteston prej dy ditësh para Kryeministrisë, policia procedon Adriatik Lapajn appeared first on Albeu.com.