Pasuritë e sekuestruara janë në emër të shtetasve; Kristi Qirici alias Jetmir Hoxha dhe Adriatik Kalemi.

Policia e Vlorës, njofton se specialistët për Hetimin e Krimit Ekonomik dhe Financiar në DVP Vlorë, në vijim të punës për hetimin e pasurive që dyshohet se janë përfituar nga të ardhura të paligjshme, kanë evidentuar 2 raste, dhe pas regjistrimit të procedimeve penale, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, kanë nisur hetimet konkretisht:

Në ngarkim të shtetasit K. Q., alias J. H., 43-vjeç, banues në Sarandë, me precedentë kriminalë në fushën e narkotikëve, si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.

Lidhur me këtë rast, Gjykata e Shkallës së Parë e Juridiksionit të Përgjithshëm Sarandë, me vendimin e datës 07.09.2025, i lënë në fuqi dhe nga Gjykata e Apelit, me datë 24.10.2025, ka vendosur sekuestro preventive mbi pasuritë e këtij shtetasi, konkretisht:

Hotel 6-katësh, me 37 dhoma, sipërfaqe ndërtimi 248 m² për kat + garazh 440 m², në Sarandë.

Hotel 4-katësh, me 15 dhoma + lokal, sipërfaqe ndërtimi 160 m² + 80 m², në Sarandë.

Në ngarkim të shtetasit A. K., 53-vjeç, banues në Sarandë, me precedentë kriminalë në fushën e krimeve ndaj personit, trafiqeve dhe narkotikëve, si person i dyshuar për kryerjen e vepërs penale “Pastrimi i produkteve të veprës penale ose veprimtarisë kriminale”.

Lidhur me këtë rast, Gjykata e Shkallës së Parë e Juridiksionit të Përgjithshëm Sarandë, me vendimin e datës 31.07.2025, ka vendosur sekuestro preventive mbi pasuritë e këtij shtetasi, konkretisht:

Në Sarandë: Lokal shërbimi 103 m² dhe pasuri 123.1 m².

Në Tiranë: Apartament 78.4 m², parcelë ndërtimi 60.12 m², dyqan 103 m² dhe arë 800 m².

Në Rradhimë, Vlorë: Pasuri 36 m², pasuri 485 m² dhe pasuri 619 m².

Në Memaliaj, Tepelenë: Pasuri 386 m², truall 650 m² dhe një pasuri tjetër.

Pasuri të luajtshme: 1 mjet lundrues, 4 automjete dhe 12 llogari bankare.

Nën drejtimin e Prokurorisë Sarandë, vijon puna për identifikimin dhe sekuestrimin e aseteve të tjera që mund të jenë regjistruar në emër të personave të tjerë, nga këta shtetas ose familjarët e tyre.

The post Sekuestrohen 12 mln euro pasuri në Sarandë/ Dy hotele, lokale dhe apartamente, nisin hetimet ndaj 2 personave (EMRAT) appeared first on Albeu.com.

I ftuar në “Top Talk”, Hoxha tregon atentatet e njëpasnjëshme që i janë bërë Kalemit dhe se ky atentat ishte gjëja më e kollajtë për ta goditur atë.

“Ngjarja e Memaliajt është thjesht guri kilometrik i radhës i një serie ngjarjesh që ka më shumë se 20 vite që ndodh. E kam parë mediat që e fillon ngjarjen nga atentatit me minë të telekomanduar të Sadikajt para dy vitesh, por historia është shumë më e gjatë. Nuk nis nga kjo gjë, nuk është kaq e shkurtër.

Kemi të bëjmë me një histori ngjarjesh, po të kujtoj 18 muajt e fundit. Unë qëkur kam filluar të merrem me gazetari, kam dëgjuar për Adriatik Kalemin. Nuk ka nevojë të hyj në “Google”. Kemi të bëjmë me personazhe me histori shumë të gjatë. Janë bërë atentate pafund. E quaj, në një lloj metafore, e quaj ‘John Wick’. Është një njeri që sa më shumë atentate i bëjnë për ta vrarë, aq më shumë mbijeton. Në Paksos atë e goditën me 12 predha dhe shpëtoi. Ai ishte në Paksos me pushime, me familjen e vet, autorët i shkuan me skaf nga Italia. E çuan në spital në Janinë. Sa u bë më mirë, policia e arrestoi. Në burg, në momentin që do dilte, i shkon një i burgosur egjiptian, i cili do dilte nga burgu dhe ai, shkon dhe ja fut disa herë me thikë, prapë shpëton, mbijeton. Autoritetet greke e fusin në territorin e Shqipërisë, kur është futur në Shqipëri, ai ka grumbulluar njerëzit e vetë.

Patjetër që për familjen Kalemi kjo është një ngjarje shumë e rëndë. Janë goditur babai dhe xhaxhai. Dy njerëzit më të moshuar që ata kanë. Dhe janë goditur në kafe, në mes të qytetit. Dhe ngjarjen e bën më të rëndë fakti që vriten njerëz të pafajshëm. Ata kanë qenë pas xhamit. Këto lloj ngjarjeje, me këtë lloj fryme, zakonisht unë e shoh në Greqi vitet e fundit. Vazhdimisht e them që vrasësit shqiptarë që vijnë nga Greqia janë shumë të ashpër.

Adriatik Kalemi i ka shpëtuar disa atentateve. Kanë prodhuar me thika, me kallashnikovë, me automatik, me armë zjarri, nuk e kanë vrarë dot. Prandaj ka ndodhur kjo ngjarje. Pasoja e kësaj ngjarje ishte që s’e gjetën dot Adriatik Kalemin. Tentuan të vrisnin vëllain e tij, dështuan. Atëherë kanë gjetur më kollaj, ata që nuk fshiheshin. Dihej që në Memaliaj nuk hyn dot, sepse është familja Kalemi. Prandaj goditja është bërë në zemër të qytetit, pra në lokalin ku fisi Kalemi rrinte aty. Dhe u është bërë aty për të thënë: ‘Dhe këtu e keni të pamundur të qëndroni’. Prandaj kanë vrarë dhe njerëz të pafajshëm”, u shpreh Hoxha. /Top Channel

The post Artan Hoxha për vrasjen e trefishtë në Memaliaj: Sa më shumë atentate i bëjnë për ta vrarë, aq më shumë mbijeton appeared first on Albeu.com.