New York Red Bulls vijon të kalojë një moment të vështirë në MLS, kampionatin amerikan të futbollit. Në pesë ndeshjet e fundit të zhvilluara në kampionat, skuadra ka regjistruar vetëm një fitore, ndërsa katër takime i ka humbur.

Humbja e fundit erdhi përballë Nashville SC, që triumfoi me rezultatin 0 – 1. Pavarësisht se nuk arriti të shënonte dhe as të evitonte disfatën e ekipit të tij, mesfushori shqiptar Adri Mehmeti dhuroi një paraqitje spektakolare. Sipas “Flashscore”, ai ishte lojtari më i mirë në fushë, duke u vlerësuar me notën 8.1.

Ndërkohë, një deklaratë e fundit e Mehmetit ka rritur shpresat e tifozëve kuqezi. Futbollisti ka lënë të hapur mundësinë për t’iu bashkuar Kombëtares shqiptare.

The post VIDEO/ Adri Mehmeti shkëlqen ndaj Nashville SC, mesfushori lë të hapur mundësinë e Shqipërisë appeared first on Albeu.com.