Skuadra e Vllaznisë ka bërë të ditur pak çaste më parë afrimin e mesfushorit mbrojtës Adnard Mehmeti, duke e zyrtarizuar kështu lëvizjen që “Nessport.al” e kishte paralajmëruar ekskluzivisht prej ditësh. 25-vjeçari kishte vendosur t’i jepte fund bashkëpunimit me klubin e kryeqytetit për t’u vendosur te kuqeblutë e Shkodrës.

Edhe ardhja e trajnerit Florin Bratu në stolin e “Demave të Kuq” nuk mjaftoi që Mehmeti të ndryshonte mendje dhe të qëndronte në Tiranë. Shkodranët e shfrytëzuan këtë situatë për të sjellë përforcimin e dëshiruar në qendër të fushës.

Përmes një njoftimi zyrtar, klubi kuqeblu shprehu entuziazmin për marrëveshjen e arritur me Partizanin. “KF Vllaznia ka kënaqësinë të prezantojë Adnard Mehmetin, një lojtar cilësor me perspektivë, i cili vjen të forcojë ekipin për objektivat e sezonit 2026-2027”, thuhej në komunikatë.

Më tej, Vllaznia i uroi mesfushorit suksese me fanellën e re, duke theksuar shpresën për shumë fitore dhe momente të gëzueshme përkrah tifozëve. “Mirë se erdhe në familjen kuqeblu!”, përfundonte mesazhi i klubit.

The post Vllaznia i merr Partizanit mesfushorin e talentuar, Edi Martini përforcon “motorin” e skuadrës appeared first on Albeu.com.

E ardhmja e Adnard Mehmetit pritet të jetë larg Partizanit. Mesfushori nuk bën pjesë në planet e trajnerit të ri Florin Bratu, i cili e ka përjashtuar nga faza përgatitore, siç raportoi sot “Newsport.al”.

25-vjeçari me origjinë nga Vushtrria ka nisur të mendojë menjëherë për skuadrën e ardhshme. “Newsport.al” mëson se vetë futbollisti ka hapur bisedimet me Vllazninë për mundësinë e një transferimi.

Mbetet për t’u parë nëse palët do ta finalizojnë me sukses këtë operacion dhe nëse Mehmeti do të mbërrijë në Shkodër. Ndërkohë, largimi i tij nga të kuqtë konsiderohet pothuajse i sigurt.

The post Vllaznia vihet në lëvizje në merkato, hap bisedimet me mesfushorin që pritet të largohet nga Partizani appeared first on Albeu.com.

Nën drejtimin e Florin Bratut, Partizani po vijon me ritëm të lartë përgatitjet në Pogradec për sezonin e ri të “Abissnet Superiore”. Gjatë kësaj faze, tekniku rumun ka marrë vendime të prera për përbërjen e skuadrës.

Sipas informacioneve të “Newsport.al”, Adnard Mehmeti, Gjergji Kote dhe Besar Gudjufi janë larguar nga grumbullimi përgatitor i të kuqve. Asnjëri prej tyre nuk po stërvitet me ekipin, çka përbën një tregues të qartë se tre futbollistët nuk bëjnë pjesë në planet e “Demave”.

Qëndrimi i Bratut përputhet me vlerësimin e ish-trajnerit Oltijon Kërnaja. Edhe ky i fundit nuk i shihte tre lojtarët e përmendur si pjesë të skuadrës, ndërsa të njëjtën linjë po ndjek tashmë edhe trajneri i ri, Florin Bratu.

Mbetet për t’u parë se si do të zgjidhet e ardhmja e Mehmetit, Kotes dhe Gudjufit. Kote dhe Mehmeti aktivizohen në mesfushë, ndërsa Gudjufi luan në rolin e sulmuesit të krahut të djathtë.

The post Florin Bratu merr vendimin e prerë, përjashton 3 futbollistë nga faza përgatitore e Partizanit appeared first on Albeu.com.