Gjatë viteve, Kupa e Botës ka sjellë episode të rëndësishme edhe për futbollistët me prejardhje shqiptare. Ndonëse kanë luajtur për përfaqësuese të ndryshme, disa prej tyre kanë qenë pjesë e skuadrave që kanë mbërritur në mesin e katër më të mirave në botë, madje edhe kanë zënë vend në podiumin e kompeticionit më të madh të futbollit.

Edhe pse Kosova dhe Shqipëria mungojnë në Kupën e Botës 2026, ndonëse të dyja ishin pranë kualifikimit në eventin e fundit, futbollistët me origjinë shqiptare nuk mungojnë në këtë turne.

Tashmë, Granit Xhaka dhe Ardon Jashari kanë mundësinë që me Zvicrën të vazhdojnë këtë traditë. Ata ndodhen në çerekfinale kundër Argjentinës dhe janë vetëm pak hapa larg një kapitulli tjetër të rëndësishëm për futbollistët shqiptarë në skenën më të madhe të futbollit botëror.

Xhaka, në rolin e kapitenit dhe liderit të padiskutueshëm të Zvicrës, mban barrën e përvojës dhe të përgjegjësisë në një skuadër që synon të tejkalojë arritjet e saj të deritanishme. Nga ana tjetër, Jashari mishëron gjeneratën e re, si një lojtar që kërkon të ndërtojë historinë e vet me fanellën helvetike.

Nëse Zvicra kalon çerekfinalen dhe siguron një vend në podium, atëherë Xhaka dhe Jashari do t’i shtohen listës së futbollistëve me prejardhje shqiptare që kanë lënë gjurmë në Kupën e Botës.

Ky rrugëtim e ka zanafillën te Ardian Kozniku në Francë, në vitin 1998. Ish-sulmuesi kosovar bënte pjesë te Kroacia në një Botëror historik për atë shtet, që po luante për herë të parë në Kupën e Botës si vend i pavarur.

Kroacia, e drejtuar nga emra të tillë si Davor Suker, Zvonimir Boban, Robert Prosinecki dhe Robert Jarni, e kaloi fazën e grupeve falë fitoreve ndaj Xhamajkës dhe Japonisë. Më pas eliminoi Rumaninë në 1/8 e finales, ndërsa në çerekfinale surprizoi Gjermaninë me shifrat e thella 3-0.

Në gjysmëfinale, kroatët u ndeshën me Francën nikoqire. Skuadra kaloi e para në avantazh me Sukerin, por vendasit e kthyen rezultatin falë dy golave të Lilian Thuram dhe prenë biletën për në finale. Kroacia u kundërpërgjigj në takimin për vendin e tretë, ku mposhti Holandën 2-1 dhe fitoi medaljen e bronztë.

Edhe pse Kozniku nuk mori minuta në atë Botëror, ai ishte pjesë e skuadrës që arriti një prej sukseseve më të mëdha në historinë e futbollit kroat.

Pas gjashtëmbëdhjetë vjetësh, Shkodran Mustafi preku kulmin e mundshëm në futboll. Mbrojtësi me prejardhje shqiptare ishte pjesë e Gjermanisë që në vitin 2014, në Brazil, u kurorëzua kampione e botës.

Skuadra e Joachim Löwit e hapi turneun me një fitore të thellë 4-0 ndaj Portugalisë, më pas barazoi me Ganën dhe fitoi ndaj SHBA-së për ta mbyllur grupin në vendin e parë. Në fazën me eliminim direkt, gjermanët kaluan me vështirësi Algjerinë vetëm pas vazhdimeve, më tej nxorën jashtë Francën në çerekfinale dhe më pas shkruan histori në gjysmëfinale.

Përballë Brazilit vendas, Gjermania regjistroi një nga fitoret më tronditëse në historinë e Kupës së Botës, duke triumfuar 7-1. Në finalen ndaj Argjentinës, ishte goli i Mario Götzes në vazhdime që i dha Gjermanisë titullin e katërt botëror.

Mustafi pati një rol aktiv në fazën e grupeve dhe luajti edhe në 1/8 e finales kundër Algjerisë, përpara se një lëndim ta nxirrte jashtë për pjesën e mbetur të turneut. Sidoqoftë, ai mbetet futbollisti i vetëm me prejardhje shqiptare që e ka fituar Kupën e Botës.

Në Botërorin e Rusisë më 2018, në podium arriti edhe Adnan Januzaj me Belgjikën. “Djajtë e Kuq” e nisën garën me fitore ndaj Panamasë dhe Tunizisë, ndërsa Januzaj u kthye në protagonist në ndeshjen e fundit të grupit përballë Anglisë.

Lojtari me origjinë shqiptare realizoi golin e vetëm të sfidës, duke i dhënë Belgjikës suksesin 1-0 dhe vendin e parë në grup. Ai realizim e veçoi Januzajn si një nga figurat karakteristike të rrugëtimit belg në atë Botëror.

Më pas, Belgjika eliminoi Japoninë në një ndeshje dramatike të 1/8 së finales, ku përmbysi humbjen 2-0 për të fituar 3-2. Në çerekfinale erdhi edhe fitorja e madhe 2-1 kundër Brazilit, rezultat që e çoi Belgjikën në gjysmëfinale për herë të parë që nga viti 1986.

Në gjysmëfinale, Belgjika u ndal nga Franca pas golit të Samuel Umtitit, por ekipi i Roberto Martinez reagoi në ndeshjen për vendin e tretë. Fitorja 2-0 ndaj Anglisë i solli Belgjikës medaljen e bronztë dhe arritjen më të mirë në historinë e saj në Kupën e Botës. Januzaj nuk luajti as në gjysmëfinale dhe as në ndeshjen për vendin e tretë, por mbeti pjesë e skuadrës që u ngjit në podium.

Historia që nisi me bronzin e Koznikut në vitin 1998, vijoi me titullin botëror të Mustafit në vitin 2014 dhe me medaljen e Januzajt në vitin 2018, tani mund të marrë një vazhdim të ri me Granit Xhakën dhe Ardon Jasharin.

The post Xhaka e Jashari synojnë të hyjnë në gjurmët e Mustafit, Koznikut dhe Januzajt appeared first on Albeu.com.

Ka qenë klubi spanjoll që ka njoftuar ardhjen e Adnan Januzaj, i cili ka nënshkruar deri më 30 qershor 2025.

Januzaj e filloi karrierën e tij profesionale në Manchester United, duke debutuar në vitin 2013. Më pas ai u huazua te Borussia Dortmund për sezonin 2015/16 dhe te Sunderland për sezonin 2016/17.

🆕 Adnan Januzaj, new player for UD Las Palmas.

🔸 https://t.co/d4OQYLXo7e

🤝🏽 Welcome, @adnanjanuzaj! 💛💙#PíoPío #UnityMakesLasPalmas pic.twitter.com/A4jqfdwi1N

— UDLP English (@UDLP_english) July 24, 2024

Në vitin 2017, Adnan Januzaj u transferua në La Liga, duke nënshkruar me Real Sociedad ku bëri gjithsej 132 paraqitje deri në vitin 2022.

Në sezonin 2022/23, lojtari nënshkroi me Sevilla FC, ku ka qenë deri më tani.

Përveç kësaj, Januzaj debutoi me kombëtaren belge në vitin 2014, duke përfaqësuar vendin e tij në Kupat e Botës 2014 dhe 2018, ku Belgjika fitoi medaljen e bronztë. /Telegrafi/

The post ZYRTARE / Adnan Januzaj, lojtar i ri i Las Palmas appeared first on Albeu.com.

Përkundër se pritej që sulmuesi kosovar të largohet nga klubi andaluzian shkaku i hapësirave të pakta, Januzaj do të mbetet te Sevilla së paku deri në verë.

28-vjeçari ka zhvilluar vetëm 10 ndeshje këtë edicion mes La Ligas dhe Copa del Rey ku në total ka të zhvilluara 307 minuta dhe klubi nuk llogarit në shërbimet e tij.

Drejtori sportiv i Sevillas, Víctor Orta ka shpërthyer ndaj sulmuesit kosovar duke thënë se ai ka refuzuar gjashtë oferta në janar, nga Turqia, Skocia dhe Franca, por të gjitha janë refuzuar nga Januzaj.

“Po Januzaj është një pyetje që duhet t’i bëhet lojtarit. Kemi marrë deri në gjashtë oferta nga klube të tjera në Skoci, Turqi dhe Francë dhe kemi pranuar dy nga ato oferta, por lojtari nuk ka qenë i gatshëm të largohet”.

“I thashë personalisht se ishte mirë për klubin që të largohet, por lojtari nuk ishte i gatshëm të largohej. Për të nuk është problem të ketë minuta për t’u zhvilluar si futbollist dhe ai pranon që ka një kontratë aktuale. Prej aty, debati u mbyll”.

“Ne i kemi thënë gjithmonë se cila ishte ideja e klubit, e cila ishte që një lojtar të zhvillohet duke luajtur dhe duke grumbulluar minuta. Nëse ai ka një ide tjetër, ai është ai”, deklaroi Victor Orta.

Megjithatë nuk ka vonuar shumë dhe ka ardhur edhe përgjigja nga Adnan Januzaj, i cili ka thënë se akuzat e drejtorit sportiv janë të pavenda.

“Nisur nga deklaratat e fundit të drejtorit sportiv të Sevilla FC, Víctor Orta, në të cilat më vë në dukje dhe më akuzon me një sërë komentesh absolutisht të pavenda, deklaroj se në asnjë rast nuk kam refuzuar të largohem nga Sevilla FC”.

Januzaj ka thënë se ka pasur oferta, por nuk është larguar shkaku se ato nuk kanë qenë destinacionet e duhura për të ndryshuar skuadër.

“Po, ka pasur disa oferta, por i kam refuzuar sepse nuk i kam konsideruar si destinacionet e duhura për arsye të ndryshme. Victor Orta nuk po thotë të vërtetën dhe ai e di shumë mirë se cilat kanë qenë mendimet e mia në çdo kohë. Asnjëherë, në 11-vitet e karrierës sime profesionale, nuk kam pasur ndonjë problem”.

“Gjatë gjithë këtyre viteve, dhe në ekipe të ndryshme, kam treguar aftësinë time dhe një respekt të thellë për çdo klub. Akuzat e Victor Orta më duken të papërshtatshme. Dua të tregoj se mund ta kthej situatën. Këtë sezon kam luajtur 300 minuta dhe shpresoj, me më shumë mundësi, të mund të ndihmoj skuadrën dhe shokët e mi”, u shpreh Januzaj. /Telegrafi/

The post Kishte refuzuar gjashtë oferta: Drejtori sportiv shpërthen ndaj Adnan Januzajt, por edhe kosovari ia kthen në mënyrë të njëjtë appeared first on Albeu.com.

E shifrat kanë ngjallur zemërimin dhe shqetësimin e tifozëve të Sevillas.

Edhe pse Adnan Januzaj mbërriti si transferim i lirë te Sevilla FC, ai është një nga nënshkrimet më të këqija në historinë e klubit spanjoll.

Futbollisti belg, qoftë për shkak të dëmtimeve të shumta të pësuar apo për shkak të mungesës së angazhimit, ka marrë pjesë vetëm në 16 ndeshje që kur ka luajtur për skuadrën e Seviljes.

Siç raportohet në programin sportiv La SER ‘Libre y Directo’, paga e Adnan Januzajt te Sevilla FC shkon në 2.7 milionë euro neto. Domethënë, i kushton klubit të Sevillas 5.4 milionë euro bruto në sezon që të ketë belgun në skuadër.

Rrjedhja e pagës së Adnan Januzajt ka ngjallur zemërimin dhe shqetësimin e tifozëve të Sevillas. Ky është një lojtar që nuk ka shënuar që kur ka ardhur te ky klub dhe po merr shumë para, duke dhuruar pak.

Tifozët e Sevillas duan që ai të largohet nga skuadra. /GazetaSinjaliSport/

The post Zbulohet paga e lartë e Adnan Januzajt te Sevilla që zemëroi tifozët appeared first on Albeu.com.

Për lojtarin belg me origjinë shqiptare janë të interesuara Ëest Ham dhe Everton.

Sipa AS, lista e të interesuarve për 27-vjeçarin po rritet./albeu.com

The post Adnan Januzaj futet në “radarët” e Everton appeared first on Albeu.com.

Sulmuesi i është propozuar Napolit, i cili po e studion transferimin e mundshëm të lojtarit belg, pavarësisht se prioritet janë Sinisterra dhe Traore./h.ll/albeu.com

The post Januzaj i propozohet ekipit pretendent në Itali appeared first on Albeu.com.

Belgu momentalisht luan për Real Sociedad ku po tregon një formë të mirë. Më parë ka luajtur për Manchester United, Dortmund dhe Sunderland por nuk ka arritur të japë maksimumin e tij.

Kontrata e Januzaj me klubin spanjoll skadon në verën e ardhshme dhe kështu dy klubet italiane kanë filluar interesimin e tyre për anësorin.
Një pjesë e madhe e klube evropiane janë interesuar për të por Napoli dhe Atalanta duket sa janë në kontakte të avancuara./h.ll/albeu.com

The post Adnan Januzaj në radarët e dy klubeve italiane appeared first on Albeu.com.