Në një postim në “X”, Tahiri ka shkruar se Adnani po bëhet shqiptari i parë nga Kosova, i zgjedhur në Parlamentin Evropian.

“Adnani është nga Mitrovica dhe ka emigruar në Suedi në vitet e 90-ta, ku kishte një angazhim të madh si qytetar aktiv.

Ai ishte deputet në Suedi dhe gjithashtu anëtar i Asamblesë Parlamentare të Këshillit të Evropës”, ka shkruar Tahiri.

Postimi:

Urime Adnan!
Rrezultatet preliminare dhe raportimet e mediave suedeze po tregojnë se, z. Adnan Dibrani, është shqiptari i parë nga Kosova që ka fituar mandatin e eurodeputetit dhe nga sot, në 5 vitet e ardhshme do të jetë eurodeput në Parlamentin e Evropës.
Adnani, ka lindur në Mitrovicë, si i ri emigroi në Suedi, atje kishte një angazhim të madh si qytetar aktiv. Përndryshe, Adnani për tri mandate ishte deputet në Parlamentin e Suedisë dhe poashtu ishte përfaqësues në Asamblenë Parlamentare të Këshillit të Evropës ku e ndihmoi shumë 🇽🇰.

The post Adnan Dibrani deputeti i parë shqiptar nga Kosova në Parlamentin Evropian appeared first on Albeu.com.

Presidenti Begaj përgëzoi përfaqësuesit suedezo-shqiptarë për arritjet e tyre politike, si dhe për kontributin në forcimin e marrëdhënieve mes dy vendeve, duke vecuar kontesktin e ri pas anëtarimit të Suedisë në NATO.

Presidenti evidentoi rolin dhe kontributin e vlerësuar të Suedisë, si në kuadër të integrimt të vendit tonë në BE ashtu edhe për ndihmën dhe asistencë suedeze për zhvillim. Ndërkohë marrëdhëniet shumë të mirë politike duhet të përkthehen në një bashkepunim të shtuar ekonomik dhe ritjen e investimeve suedeze në Shqipëri.

Gjatë bashkëbisedimit vëllazëror me dy politikanët e rinj shqiptarë që kontribuojnë në një vend mik si Suedia, u nënvizua mesazhi mbi rëndësinë e angazhimit të gjeneratës së re të politikanëve, me vision të qartë mbarëkombëtar dhe vlera euro-atlantike. Presidenti theksoi se arritjet e tyre në politikë bëjnë krenarë dhe janë shembuj frymëzimi për diasporën mbarëshqiptare.

The post Presidenti Begaj pret dy deputetët e parlamentit suedez me origjinë shqiptare: Shembuj frymëzimi për diasporën appeared first on Albeu.com.

Ai rrëfeu se ishte rastësisht në atë moment në rrugë, kur foshnja ishte mbi ujë, ndërsa gjyshja e tij ishte mbytur.

Dibrani ka treguar momentet dramatike kur nxori nga uji i lumit Moraça foshnjën.

“Po e mbante sipër uji. Nuk e di çfarë kam bërë, nuk e di si, por fëmija ka shpëtuar, kur doli uji nga atëherë hapi sytë. Shkova shpejt për tek ambulanca, ne na u duk koha e një jete, janë minuta, kur e kam parë atë gruan, një minutë kemi parë çfarë po bëhej, ka bebe apo kukull. Kur ka nisur të jepte zë, doja vetëm t’i jepja oksigjen, në atë moment nuk kam menduar asgjë. Kam folur me qeverinë në Mal të Zi, me kreun e parlamentit, ende nuk kam komunikuar me prindërit, më kanë treguar se si është puna. Është djalë, ka dy muaj, deri tani po shpresojnë që mos të ketë marrë lëndime”, tha Dibrani për “Shqipëria Live”.

Dibrani ishte në Podgoricë si pjesë e misionit vëzhgues të Asamblesë Parlamentare të Këshillit të Evropës ditën e zgjedhjeve presidenciale në Mal të Zi.

Adnan Dibrani që është nga Mitrovica dhe ka migruar në Suedi në vitin 1992. Ai është deputet i Parlamentit të Suedisë nga radhët e Socialdemokratëve./Albeu.com/

The post U shpall hero pasi shpëtoi foshnjën që po mbytej, flet deputeti shqiptar në Suedi: Doja vetëm t’i jepja oksigjen appeared first on Albeu.com.