I vëllai i Ademit, Shkëlqim Rusi, ka folur sërish në lidhje me vdekjen e tij. Ai kërkon t’i bëhet autopsia pasi ka bindjen se është vrarë nga gardianët. Sipas Shkëlqim Rusit atij i kishte mbetur dhe pak kohë nga përfundimi i dënimit dhe nuk kishte arsye të ndërmerrte një veprim të tillë.

Rusi ka thënë se vetëm kur të zbulohet shkaku i vdekjes së vëllait do të mund të flejë i qetë.

“Në prokurori ka vajtur kallëzimi penal që bëra, dhe do shkoj të pyes për te marrë fletën nëse do pranojnë kallëzimin. Dua me çdo kusht që ti bëhet autopsia, që të di shkakun e vdekjes e të fle rehat. I kam marrë të gjitha letrat, vetëm atë të prokurorisë pres. Përgjigje deri më tani kam ato që kanë nxjerrë grekët, por unë s’besoj asnjë gjë, këtu do dalë e vërteta.

Morën fillimisht nënën, pastaj më morën mua e më thanë që e kemi çuar në spital, për kontroll rutinë, natën nuk ka kontroll rutinë. Ka pirë klorinë më tha drejtori i burgut, tha u bë mirë, kur po e kthenim fatkeqësisht vari veten, në makinë të policisë, me gardianë brenda. Ata nuk të lenë as me lidhëse këpucësh, as me rrip, asgjë të ketë i burgosuri, plus ka qenë i prangosur dhe me 2-3 shoqërues.

Do kërkoj drejtësi deri në fund, sikur edhe kjo të jetë e vërtetë që të ketë varur veten, është neglizhencë e tyre. Pas vëllait tim mund ta kenë radhën të tjerët, shteti tonë duhet të ngrejë strukturë në ambasadat tona që të mbrojë të gjithë të burgosurit. Shpresën vetëm te autopsia e kam”, ka thënë ai./albeu.com

The post Mbërrin trupi i pajetë i Adem Rusit, i vëllai: T’i bëhet autopsia, vetëm kështu do mund të fle i qetë appeared first on Albeu.com.

Vëllai i tij, Shkëlqim Rusi, thotë se Ademi  nuk është vetëvarur, por është vrarë nga gardianët e burgut, dhe shton se ai kishte dhe disa mua për të përfunduar dënimin dhe se nuk kishte pse të vriste veten.

Ai gjithashtu tregoi një bisedë që kishte pasur me vëllain 3 orë para ngjarjes dhe tregon se më pas ka marrë telefonatën nga drejtori i burgut se ai është dërguar në spital për një vizitë mjekësore rutinë

“Unë kisha folur 3 orë para ngjarjes me vëllain tim në mënyrë private, më pas më morën në telefon dhe më thanë se  e kemi dërguar në spital  për vizitë mjekësore rutinë, më ka thënë drejtori i burgut. Pastaj më thanë që kish pirë klorinë dhe pas kthimit nga spitali vari veten me lidhësen e këpucëve. Kjo për mua është e pa pranueshme është vrasje. Vëllai kishte edhe 2-3 muaj burg që të mbaronte dënimin.

Ai ka folur me të gjithë njerëzit dhe askush nuk e beson që është vetëvrasje, atë e kanë  vrarë gardianët ata që e kanë shoqëruar”, shprehet ai.

Rusi kërkon që autopsia për të përcaktuar shkaqet e vdekjues të bëhet në Shqipëri.

“Ngjarja ka ndodhur në makinën e policisë, sepse ata thanë që ishte vetëvarur në kangjellën e furgonit, kjo është e papranueshme, nuk lejohet shoqërimi i të burgosurit me rrip apo lidhëse për më tepër je me pranga dhe i shoqëruar. Ne kërkojmë që të bëhet autopsia këtu në Shqipëri, pasi presim të vijë këto ditë.

Të bëhet autopsia pasi shteti jonë vetëm fle gjumë, janë vrarë shumë shqiptarë atje, pas vëllait tim mund ta ketë radhën dikush tjetër dhe nuk është zbardhur asgjë. Kemi shkuar në prokurorinë tonë dhe më kanë thënë që nuk kemi akses për hetime. Askush nuk e merr përsipër. Ne duam të bëhet autopsia dhe të dalë e vërteta. Vëllai nuk ka pasur asnjë problem me shëndetin mendor. Të varesh në furgon të policisë i shoqëruar nga gardianët nuk e beson asnjë fëmijë. Kërkojmë të zbardhet e vërteta”, thotë ai./albeu.com

The post Shqiptari u vetëvar në fugonin e policisë greke, i vëllai: E vranë gardianët, t’i bëhet autopsia në Shqipëri appeared first on Albeu.com.