Me këto temperatura, është e udhës që çdo njeri të informohet për simptomat e morthit, një problem që prek shumë njerëz që ekspozohen ndaj temperaturave të ulëta.

Në këtë artikull të AgroWeb.org do të mësoni për identifikimin e simptomave që kërkojnë ndërhyrje të menjëhershme.

Skuqje dhe pezmatim i lëkurës

Morthi zakonisht prek gishtat e duarve, këmbës, hundën, veshët, faqet dhe mjekrën. Nëse një prej syresh skuqet ose pezmatohet, atëherë kjo është një fazë fillestare e morthit.

Në këtë fazë dëmi në lëkurë nuk është i përhershëm por shenjat tregojnë që duhet të ngroheni sa më parë.

Ndjesia e shpimit dhe pickimit

Në fazën e dytë, lëkura e ekspozuar ndaj të ftohtit mpihet. Ajo kruhet, djeg ose përçon ndjesinë e pickimit. Kini kujdes me ngjyrën dhe paraqitjen e lëkurës sepse mpirja vështirëson identifikimin e morthit.

Ashpërsim i lëkurës

Ekspozimi i tejzgjatur ndaj temperaturave e ashpërson lëkurën duke dëmtuar indet në thellësi të saj. Zona e dëmtuar mund të shkëlqejë e të duket si prej dylli.

Kërkoni menjëherë ndihmë tek mjeku sepse ekspozimi i mëtejshëm do të dëmtojë lëkurën pa asnjë shans rekuperimi.

Si të ngroheni në mënyrën e duhur

Zonat e prekura nga morthi duhen mbajtur në ujë të ngrohtë për 30 minuta ose të mbështillen me një napë të lagur në ujë të ngrohtë. Temperatura e ujit mund të mos dallohet si pasojë e mpirjes. Ndaj  kërkoni ndihmë tek dikush tjetër për të kuptuar nëse uji ka temperaturën e duhur.

Pas qëndrimit të duarve apo këmbëve në ujë të ngrohtë, ju do të keni ndjeshmëri në gjymtyrë si pasojë e qarkullimit të rregulluar të gjakut.

Si të parandaloni morthin

Vishuni ngrohtë dhe me rroba të trasha dhe mbrohuni nga koka tek këmbët. Dehidratimi rrit rrezikun e morthit ndaj pini ujë përpara se të dlni jashtë shtëpisë.

Ushqehuni mirë përpara se të dilni në të ftohtë dhe mos pini alkol. Nëse keni qëndruar jashtë në të ftohtë për shumë kohë, sigurohuni që ta mbani trupin në lëvizje. Lëvizni por mos e teproni sepse duhet të ruani energjitë për t’u përballur me të ftohtin.

The post Lëkura e ashpër nga i ftohti, kur është e rrezikshme dhe si ta trajtoni appeared first on Albeu.com.

Sipas tij vlerat minimale do të regjistrohen edhe në -5 gradë celsius në mëngjesin e ditës së diel në qytetet e zonave malore.

“Parashikohet të kemi rënie të ndjeshme të temperaturave të ajrit. Vlerat minimale do të regjistrohen edhe në -5 gradë celsius në mëngjesin e ditës së diel në qytetet e zonave malore. Ndërsa maksimumet gjatë fundjavës do të shkojnë deri në 13 gradë celsius në Ultësirën Perëndimore. Sa i përket kushteve të motit deri në orët e pasdites së shtunë do të kemi vranësira të shpeshta reshje të pakta dhe të izoluara. Në zonat malore do t’i kemi në formën e dëborës, mbi 900 m nga niveli i detit, ndërsa në Ultësirën Perëndimore, rrezikohen shumë pak nga pikat e shiut. Sa i përket ditës së diel do të kemi përmirësim të dukshëm të kushteve të motit. Sa i përket vendeve të rajonit, Kosova, Maqedonia e Veriut dhe Mali i Zi sot dhe nesër mbeten në mbizotërimin e vranësirave, në Kosovë dhe Maqedoninë e Veriut do të krijohet mundësia për reshje dëborë”, tha ndër të tjera ai.

The post Shqipëria “pushtohet” nga i ftohti Arktik në fundjavë, temperatura të acarta dhe dëborë appeared first on Albeu.com.

Në këtë mënyrë; për shkak të origjinës së masave ajrore kontinentale dhe të thata moti parashikohet i kthjellët në të gjithë territorin me vranësira të pakta deri mesatare kalimtare në relievet malore për të gjithë javën.

Po ashtu era do të fryjë me drejtim kryesor nga kuadrati i veriut për të gjithë javën me shpejtësi mesatare 1-8m/s ndërsa hera-herës përgjatë vijës bregdetare dhe zonat luginore e fortë dhe shpejtësi deri në 10-15m/s./Albeu.com/

The post Parashikimi i motit për datën 6 shkurt 2023 appeared first on Albeu.com.

Gjatë ditës së hënë dhe të martë parashikohet që temperaturat në vlerën minimale të arrijnë disa gradë nën zero.

Ndërkohë duke filluar nga dita e mërkurë dhe në vazhdim do të kemi një rritje të lehtë të tyre.

Mëngjesi dhe mbrëmja parashikohet që temperaturat të zbresin deri në -8 gradë celcius në zonat malore, dhe në -5 në zonat e ulta. /AlbEu.com/

The post Vishuni trashë, acari “pushton” Shqipërinë, ja cilat janë ditët më të ftohta të javës së ardhshme appeared first on Albeu.com.

The post Parashikimi i motit për datën 4 shkurt 2023 appeared first on Albeu.com.

Sa u përket temperaturave vlerat maksimale do të arrijnë në 11 gradë celcius, ndërsa ato minimale në -2 gradë celcius.

Ndërkohë që gjatë ditës së dielë do të mbizotërojë moti i kthjellët, por temperaturat do të jenë mjaft të ulëta.

Parashikohet që ditën e diel temperatuat në vlerën minimale të bien në -7 gradë celcius. /AlbEu.com/

The post Acar dhe ngrica, parashikimi i motit për fundjavën appeared first on Albeu.com.

Për ditën e Enjte pritet ndryshim i situatës meteorologjike për vendin tonë. Masat ajrore veriore por dhe të lagështa do të sjellin fillimisht mot me kthjellime e alternime vranësirash deri të dendura.

Duke filluar prej orëve të mesditës dhe kryesisht ato të pasdites dhe mbrëmjes vranësirat do të shoqërohen me reshje shiu të herëpashershme me intensitet të ulët deri mesatar në formën e shtrëngatave dhe stuhive afatshkurtra.

Sipas SHMU, në relievet malore mbi 700 metër në lindje reshje dëbore me intensitet mesatar ndërsa në relievet kodrinore në lartësitë 400-500 metër reshje të dobta dëbore.

Era do të fryjë me drejtim veriperëndim – jugperëndim me shpejtësi mesatare 1-7m/s, shoqëruar me një valëzim në dete të  forcës nga 1 deri në 2 ballë.

Temperaturat parashikohen:

në zona malore -2 deri 9°C

në zona e ulëta -1 deri 15°C

në zona bregdetare 3 deri 15°C. /albeu.com

The post Acar, shi dhe borë, moti sot dhe parashikimi për nesër appeared first on Albeu.com.

Sipas zyrtarit, Abdul Rahman Zahid, 88 persona të tjerë kanë vdekur brenda një jave, duke e çuar numrin e vdekjeve deri më tani në 166, bazuar në të dhënat zyrtare.

Death toll in Afghanistan cold snap rises to 166 https://t.co/QPj8q284TN

— ST Foreign Desk (@STForeignDesk) January 28, 2023

Termometri ka rënë deri në -33 gradë Celsius në disa pjesë të Afganistanit.
Në disa raste temperaturat ekstreme janë shopqëruar me reshje dëbore. Ndërkohë ndërprerjet e energjisë elektrike janë të shpeshta.

I ftohti ekstrem po godet një vend ku më shumë se gjysma e 38 milionë banorëve të tij janë në prag të urisë dhe gati 4 milionë fëmijë vuajnë nga kequshqyerja, shkruan albeu.com.

Organizata Botërore e Shëndetësisë njoftoi këtë javë se shtatëmbëdhjetë njerëz iu nënshtruan “infeksionit akut të frymëmarrjes” në një fshat në provincën Badakhshan (verilindore). “Kushtet meteorologjike penguan ardhjen e mjekëve në zonë” në kohë”, sqaroi OBSH.

Ndihma humanitare për Afganistanin ka rënë në mënyrë dramatike që kur talebanët morën pushtetin në gusht 2021, në mes të një tërheqjeje kaotike të ushtrisë amerikane pas 20 vitesh luftë.

Shpërndarja e ndihmave humanitare nga OJQ-të është vënë në pikëpyetje edhe pas vendimit të talebanëve më 24 dhjetor për të ndaluar gratë të punojnë për to.

Organizatat e mëdha joqeveritare kanë pezulluar aktivitetet e tyre në shenjë proteste ndaj këtij vendimi, i cili vlen për të gjitha fushat përveç njërës, asaj të shëndetësisë. Falë këtij përjashtimi, disa organizata mundën të rifillonin aktivitetet e tyre./albeu.com/

The post Temperaturat deri në -33 gradë, të paktën 166 viktima nga acari në Afganistan appeared first on Albeu.com.

Dëbora dhe ngrica

Sot (e hënë, dt.31) dhe nesër (e martë, dt.01) reshjet e dëborës pritet të përfshijnë verilindjen, lindjen dhe juglindjen e vendit. Reshjet e dëborës të pasuara me uljen e ndjeshme të temperaturave dhe ngricat mund të krijojnë probleme të ndryshme dhe vështirësi në transportin rrugor.

Reshjet

Sot pasdite (e hënë, dt.31) nuk priten reshje.

Nesër (e martë, dt.01) priten reshje mesatare deri lokalisht intensive në qarqet Elbasan dhe Fier,  ndërsa në qarqet e tjerë  priten reshje mesatare dhe të dobëta (siç tregohet në tabelë, respektivisht për secilin qark).

Në verilindje, lindje dhe juglindje të vendit reshjet pritet të jenë në formën e dëborës, të cilat zbresin deri në lartësinë 400m mbi nivelin e detit.

Temperaturat

Nesër (e martë, dt.01) temperaturat minimale dhe maksimale të ajrit pritet të arrijnë:

në bregdet: 5 / 11 °C

në vendet e ulëta: 4 / 9 °C

në vendet malore: -5 / 6 °C

Era

Sot pasdite (e hënë, dt.31) dhe nesër (e martë, dt.01) era pritet të fryjë mesatare deri e fortë.

Për më shumë lajme nga moti klikoni: https://albeu.com/moti/

The post Acari po vjen sërish! Qytetet që do të godasë furtuna e shiut, dëbora dhe ngrica appeared first on Albeu.com.

Vonë në mbrëmje, zonat lindore dhe juglindore të vendit do të përfshihen nga vranësirat.

Në pjesën e parë të ditës së nesërme vranësirat do të jenë të dukshme në territor. Vonë pasdite kemi ardhjen e reshjeve, fillimisht në Veri-Perëndim të vendit dhe më pas gjatë natës do të përfshihet i gjithë territori shqiptarë.

Këto reshje do të vijojnë edhe ditën e premte në të gjithë territorin. Bëhet fjalë për reshje shiu në zonat e ulëta dhe bregdetare, ndërsa dëborë në zonat malore.

Vonë në mbrëmje në ditën e premte dhe orët e para të ditës së shtunë, priten reshje dëbore edhe në zonat e ulëta dhe bregdetare. Kryesisht zona e Shkodrës dhe një pjesë e Lezhës.

Përsa i përket temperaturave, e premtja sjell një rënie të theksuar në mesditë me 4-5°C më pak. Kjo rënie e theksuar temperaturash vijon edhe mëngjesin dhe mesditën e së shtunës.

Të premten pasdite presim depërtimin e masave ajrore shumë të ftohta nga rrethi polar drejt territorit shqiptar. Një valë e acartë e cila do të zgjasë 3-4 ditë duke sjellë edhe temperatura -10°C, -12°C deri ditën e martë, raporton metrologia Tanja Porja./albeu.com

The post Përgatituni për mot të acartë, dita kur do të ulet “këmbëkryq” në vendin tonë appeared first on Albeu.com.