Burime nga Italia raportojnë se Milani ka gjetur tashmë gjuhën e përbashkët në parim për kushtet personale me Antonio Silvën, mbrojtësin qendror 22-vjeçar të Benficës. Njësoj si Gonçalo Ramos, edhe ai menaxhohet nga super-agjenti portugez Jorge Mendes.

Pas një periudhe njëmujore paqartësish që pas mbylljes së sezonit zhgënjyes 2025/26, kur klubi mbeti përkohësisht pa trajner, drejtor sportiv, drejtor teknik dhe drejtor ekzekutiv, merkatoja e Milanit ka marrë ritëm të fortë gjatë kësaj jave.

Kuqezinjtë kanë finalizuar një marrëveshje rekord në historinë e klubit për afrimin e sulmuesit portugez Gonçalo Ramos, një operacion që, sipas Fabrizio Romanos, mund të shkojë deri në 74 milionë euro, pa llogaritur bonuset.

Ndërkohë, janë shtuar zërat se Milani, që tani drejtohet nga trajneri portugez Ruben Amorim, mund të afrojë edhe lojtarë të tjerë që përfaqësohen nga Jorge Mendes.

Në listën e emrave të përmendur bëjnë pjesë Antonio Silva i Benficës, Marc Casado i Barcelonës dhe Francisco Trincao, anësori i Sporting Lisbonës.

Sipas gazetarit Nicolo Schira, Milani ka arritur një akord parimor me Antonio Silvën për aspektin personal të marrëveshjes. Mbrojtësi është i përgatitur të nënshkruajë një kontratë pesëvjeçare me kuqezinjtë, e cila do ta mbajë atë në klub deri në verën e vitit 2031.

Raportimet e së dielës bëjnë të ditur se kontaktet mes Milanit dhe Benficës po vazhdojnë, ndërsa klubi italian është gati të dorëzojë ofertën zyrtare.

Nga ana tjetër, sipas Gazzetta dello Sport, Benfica vlerëson kartonin e Antonio Silvës në rreth 20 milionë euro.

Për 22-vjeçarin ka interes edhe nga një klub i Arabisë Saudite, si dhe nga dy ekipe të Ligës Premier.//

The post Milani siguron akordin paraprak me Antonio Silvën pas lëvizjes për Gonçalo Ramos appeared first on Albeu.com.

Ndikimi i Mendesit te klubi kuqezi nuk është diçka e re. Më herët ai ka qenë i lidhur me lëvizje të rëndësishme si ato të Pervis Estupinan, Joao Felix, Andre Silva, si edhe me ardhjen e trajnerit Sergio Conceicao, mes të tjerave.

Pas heqjes së roleve të drejtorit teknik dhe drejtorit sportiv, Milani ka ndërtuar një model më të thjeshtë drejtimi. Në këtë skemë, trajneri Ruben Amorim ka marrë më shumë peshë në vendimmarrje, ndërsa një prej këshilltarëve kryesorë të klubit është pikërisht Jorge Mendes.

Sipas disa burimeve, përfshirë Sport në Spanjë dhe Sportitalia, Mendes po përpiqet ta bindë Barcelonën që të pranojë largimin e Marc Casados drejt “San Siros”.

Mesfushori spanjoll mbush 23 vjeç në shtator dhe është rritur në akademinë e Barcelonës, ndërsa në ekipin e parë u ngrit në vitin 2024.

Gjatë sezonit të kaluar, ai u aktivizua në 34 ndeshje me fanellën e Barcelonës dhe dha një asistim, edhe pse vetëm 15 herë e nisi si titullar.

Në të njëjtën kohë, po ngrihen dyshime edhe rreth shumës prej 70 milionë eurosh që Milani thuhet se ka pranuar të paguajë për Gonçalo Ramos.

Nëse kjo marrëveshje mbyllet me këtë shifër, atëherë do të shënojë transferimin më të shtrenjtë në historinë e klubit, duke lënë pas rekordin prej 49 milionë eurosh të paguar për Rafael Leao.

Mbete të shihet sa para nga kjo shifër do të shkojnë për Jorge Mendes si komisione dhe nëse një rol i tillë është i justifikueshëm, duke pasur parasysh se ai po merr gjithnjë e më shumë funksione të ngjashme me ato të një drejtori sportiv te Milani.

The post Jorge Mendes sërish në qendër: pas Ramosit, kërkon t’i hapë rrugë Milanit për yllin e Barcelonës appeared first on Albeu.com.

Ky operacion shihet si një tregues i fortë i synimeve të kuqezinjve, pasi konsiderohet jo vetëm transferimi rekord i Milanit, por edhe një nga lëvizjet më të bujshme të viteve të fundit në Serie A.

Po ashtu, kjo marrëveshje përbën transferimin më të madh në elitën italiane që nga viti 2019, kur Interi pagoi rreth 74 milionë euro për ta marrë Romelu Lukaku nga Manchester United.

Për të arritur te 25-vjeçari, Milani ka lënë pas rivalitetin e disa klubeve të mëdha europiane, ndërsa lidhja e pronarit Gerry Cardinale me presidentin e Paris Saint-Germain, Nasser Al-Khelaifi, ka pasur peshë vendimtare në finalizimin e marrëveshjes.

Ramos do të jetë afrimi i parë i epokës së Ruben Amorim te Milani. Trajneri e njeh mirë futbollistin dhe e kishte identifikuar atë si zgjedhjen kryesore për pozitën problematike të sulmuesit qendror te skuadra italiane.

Një element tjetër që ka ndikuar ndjeshëm në ritmin e bisedimeve ka qenë edhe dëshira e vetë lojtarit për të punuar me ish-trajnerin e Manchester United.

Futbollisti i ka përfunduar testet mjekësore ndërsa ndodhej me kombëtaren portugeze në Kupën e Botës në Florida, ku ekipi po përgatitet për ndeshjen e fundit të fazës së grupeve ndaj Kolumbisë në Miami, të shtunën.

Deri në këtë pikë të turneut, Ramos është paraqitur një herë, duke hyrë në minutat e fundit të barazimit të parë kundër Republikës Demokratike të Kongos më 17 qershor.

The post Milani mbyll marrëveshjen rekord për Gonçalo Ramos, transferimi më i madh në Serie A që prej vitit 2019 appeared first on Albeu.com.

Sipas Mirabellit, lëvizjet e para për këtë transferim nisën në Cardiff, gjatë finales së Ligës së Kampionëve mes Juventusit dhe Real Madridit, aty ku drejtuesit e Milanit zhvilluan një takim me Mendesin.

“E ndërtuam këtë ide dhe këtë projekt, dhe Cristiano e pa si diçka shumë interesante”, deklaroi Mirabelli për Goal.

Ai tregoi më tej se, gjatë bisedave që pati së bashku me Fassonen dhe Gattuson, Ronaldo ishte shprehur i gatshëm për t’iu bashkuar kuqezinjve. “Kur folëm, unë, Fassone dhe edhe Gattuso, ai na tha: ‘Do të vij te Milani. Nuk kam luajtur kurrë në Ligën e Evropës dhe dua të vij për ta fituar atë’”.

Ish-drejtori sportiv i Milanit theksoi se portugezi e shihte si sfidë personale triumfin në Ligën e Evropës dhe se mungesa e pjesëmarrjes në Ligën e Kampionëve nuk përbënte problem për të.

“Ai kishte një motivim shumë të madh. Fakti që nuk do të luante në Ligën e Kampionëve nuk e shqetësonte. Ai donte të fitonte Ligën e Evropës. Ishte shumë i motivuar”, shtoi ish-drejtori sportiv i Milanit.

Real Madridi kërkonte 100 milionë euro për kartonin e Ronaldos, megjithëse ekzistonte hapësirë për negociim të kësaj shifre. Mirabelli bëri të ditur gjithashtu se edhe termat personalë me futbollistin ishin rënë dakord.

“Kishim arritur të gjitha marrëveshjet, si me Real Madridin ashtu edhe me Jorge Mendes për lojtarin. Gjithçka ishte në rregull. Por më pas marrëveshja dështoi. Pronarët kinezë u tërhoqën”, zbuloi ai.

Në përfundim, Ronaldo iu bashkua Juventusit në verën e vitit 2018 për 100 milionë euro, në një transferim që ndikoi ndjeshëm futbollin italian gjatë tre sezoneve që pasuan.

The post Cristiano Ronaldo drejt Milanit në 2018, Mirabelli zbulon pse transferimi u rrëzua në fund appeared first on Albeu.com.

Pas një sezoni në të cilin Milani nuk arriti të sigurojë një vend në Ligën e Kampionëve, drejtuesit e klubit vendosën të largojnë si Taren, ashtu edhe Allegrin. Në këtë kontekst, ish-drejtori sportiv shqiptar ndau vlerësimin e tij për trajnerin italian dhe për periudhën e kaluar te klubi.

“Ai [Allegri] është i klasit të parë, vendimi i Napolit ishte i mençur, në përputhje me ambiciet që klubi ka dhe duhet të vazhdojë të ketë për sezonin e ardhshëm”, u shpreh fillimisht Tare.

Më tej, ai theksoi se situata të tilla janë normale në botën e futbollit dhe në natyrën e profesionit. Sipas tij, që prej vitit të kaluar Allegri ishte ndër emrat e mundshëm për Napolin, ndaj lidhja mes palëve kishte mbetur aktive.

“Unë dhe Max flasim shpesh, çdo dy ose tre ditë telefonojmë njëri-tjetrin: kemi bërë disa gabime, por Allegri është një trajner që ka bërë shumë mirë në historinë e futbollit italian dhe do të vazhdojë ta bëjë këtë”.

Tare shtoi gjithashtu se dëshira e tij është që Milani të arrijë stabilitet dhe të ndërtojë një plan serioz për të ardhmen.

I pyetur për Leaon, ai tha se nuk është i sigurt nëse është e drejtë apo jo që lojtari të kërkojë përvoja të reja, por nënvizoi se kur lind një dëshirë e tillë, kjo tregon se raporti ka përfunduar dhe se cikli ka marrë fund. Sipas tij, cilësitë e futbollistit nuk vihen në diskutim, por ai duhet të gjejë më shumë vazhdimësi në ndeshje, pasi është një lojtar që mund t’i vendosë ato i vetëm. Tare shtoi se këtë vit kjo nuk ndodhi, edhe për shkak të problemeve fizike që kishte lojtari.

Ndërkaq, pak ditë më parë Milani zyrtarizoi trajnerin e ri: portugezi Ruben Amorim do të marrë vendin e Max Allegrit në stolin e kuqezinjve. Megjithatë, gjendja brenda klubit mbetet ende e papërfunduar dhe në fazë përcaktimi.

The post Igli Tare flet për kohën te Milani: “Kemi gabuar”, komenton edhe Allegrin dhe të ardhmen e klubit appeared first on Albeu.com.

Ish-sulmuesi i Real Madridit dhe Kroacisë sugjeroi se bashkëkombësi i tij mund të rikthehet në “Santiago Bernabeu” pasi të përfundojë Kupa e Botës 2026.

Në një intervistë për “Radio Marca”, Suker u pyet drejtpërdrejt nëse Modric do të vijojë të luajë për Milanin apo nëse do të kthehet sërish në Madrid.

“Tani do të më pyesni nëse do të vazhdojë te Milani apo do të kthehet në Madrid. Unë mendoj se diçka do të ndodhë me Real Madridin”.

“Me siguri do të kthehet, por nuk e di se si. Le të presim fundin e Kupës së Botës dhe të shohim se çfarë do të ndodhë”, deklaroi Suker.

Verën e kaluar, Modric firmosi me Milanin një kontratë njëvjeçare, ku ishte parashikuar edhe një opsion për zgjatjen e saj me një tjetër sezon.

“Rossonerët” mbeten të prirur të përdorin klauzolën e rinovimit, por kjo do të ndodhë vetëm nëse vetë lojtari kroat zgjedh të vazhdojë qëndrimin në “San Siro”.

Gjithsesi, raportimet e fundit tregojnë se 40-vjeçari po e vlerëson seriozisht mundësinë për t’i dhënë fund karrierës në mbyllje të sezonit, sidomos pas dështimit të Milanit për të siguruar një vend në Ligën e Kampionëve dhe pas largimit të Massimiliano Allegrit nga detyra e trajnerit.

Suker u pyet edhe nëse një rikthim i mundshëm i Modricit te Real Madridi mund të lidhej me një post drejtues apo me një rol në stafin e Jose Mourinhos.

Megjithatë, legjenda kroate nuk pranoi të zbulonte më shumë rreth kësaj mundësie.

“Nuk mund të them më shumë, nuk mund të them më shumë. Le të mbetet diçka pezull, nuk mund të tregoj gjithçka”, u shpreh ai.

Gjatë sezonit 2025/26, Modric regjistroi 37 paraqitje me fanellën e Milanit, duke shënuar dy gola dhe duke dhënë tri asistime.

The post Davor Suker hedh dritë mbi të ardhmen e Modricit: pas Kupës së Botës 2026 mund të rikthehet te Real Madridi appeared first on Albeu.com.

Pas aventurës në Angli, ai do të nisë tani një kapitull të ri në Serie A me kuqezinjtë, të cilët sezonin e kaluar e mbyllën kampionatin në vendin e pestë.

“Ka ambicie që të shoqërojnë gjatë gjithë karrierës dhe drejtimi i Milanit ka qenë gjithmonë njëra prej tyre”.

“E di saktësisht se çfarë përfaqëson ky klub: histori, prestigj dhe një tifozëri të jashtëzakonshme në mbarë botën”.

“Është një sfidë që e pranoj me krenari dhe entuziazëm, duke qenë plotësisht i vetëdijshëm për atë që përfaqësojnë këto ngjyra”.

“Mezi pres të filloj dhe të përjetoj çdo ditë pasionin që e karakterizon Milanin”, ka deklaruar Amorim.

Rruga e tij në trajning nisi në Portugali, ku ai drejtoi fillimisht Casa Pia, më pas Braga dhe Sporting Lisbonën, përpara se të merrte drejtimin e Manchester United.

Gjithsesi, qëndrimi i tij 14-mujor në ‘Old Trafford’ mori fund në mes të sezonit të kaluar. Në atë moment, Michael Carrick u vendos si trajner i përkohshëm dhe më vonë u konfirmua përfundimisht në këtë rol.

Në një zhvillim të ardhshëm, Milani do të luajë ndaj Manchester United më 15 gusht në një miqësore parasezonale që do të zhvillohet në Poloni.

The post Zyrtare: Milani i beson pankinën Ruben Amorimit appeared first on Albeu.com.

Jashari është i lindur në qytetin Cham të Zvicrës, kurse prindërit e tij janë nga Kumanova e Maqedonisë së Veriut, transmeton Albeu.com.

Në një intervistë me “La Gazzetta dello Sport”, Trajneri i Luzernit, Mario Frick, i cili stërviti Jasharin në Luzern, e lavdëroi shumë mesfushorin, por vuri në dukje një të metë që ai mendon se 23-vjeçari mund ta përmirësojë.

Jashari, i cili iu bashkua Club Brugget nga Luzerni verën e kaluar, është gati të përfundojë një transferim prej 38 milionë eurosh në AC Milan, pasi refuzoi të luante për Bruggen për të detyruar transferimin, raporton “Goal”, transmeton Klankosova.tv.

Transferimi i Jasharit në Milan shënon fundin e një periudhe të tensionuar në Club Brugge, vetëm një vit pasi iu bashkua skuadrës belge. Pavarësisht interesit nga Chelsea, Interi dhe Neom, 23-vjeçari e kishte zemrën të vendosur te AC Milan. Ardon Jashari u la jashtë fitores së klubit në Superkupë kundër Union SG, me kapitenin e skuadrës që tha se nuk donte të luante për skuadrën belge dhe u la jashtë për ndeshjen e tyre të parë në ligë.

Fillimisht, Milani paraqiti një ofertë prej 32 milionë eurosh plus 6 milionë euro në bonuse, por Brugge e refuzoi ofertën. Edhe pse ngurroi të shkonte më shumë se ç’duhej, Milani përfundimisht u kthye me një ofertë të përmirësuar që më në fund e çoi marrëveshjen në fund.

Edhe gazetari i njohur belg, Sacha Tavolieri, ekspert i merkatos dhe i futbollit belg, ka dhënë një vlerësim shumë pozitiv për Jasharin:

“Jashari është një mesfushor shumë i fortë. Mund ta zëvendësojë direkt Reijndersin në mesin e fushës. Madje është më i kompletuar se Reijnders kur ky i fundit mbërriti te Milani nga AZ. Ka një aftësi të madhe në parashikimin dhe ndërprerjen e aksioneve, menaxhon mirë topin dhe e kupton saktë kur duhet të shtyjë përpara, duke u kthyer pothuajse në një numër 10 kur skuadra sulmon.”

Tavolieri shton gjithashtu se Jashari është gati menjëherë për formacionin titullar, pasi është i përgatitur psikologjikisht dhe teknikisht, dhe lexon lojën më shpejt se shumica e lojtarëve në pozicionin e tij.

The post Kush është Ardon Jashari? appeared first on Albeu.com.

Nga sezoni 2024/25, Liga e Kampionëve do të adoptojë një format të ri për fazën e ligës (e njohur më parë si faza e grupeve), ku do të përfshihen 36 klube. Ky ndryshim do të lejojë katër skuadra të tjera të marrin pjesë në kompeticionin më prestigjioz të klubeve evropiane.

Sipas sistemit të ri, çdo ekip do të luajë tetë ndeshje kundër tetë kundërshtarëve të ndryshëm, në vend të gjashtë ndeshjeve kundër tre skuadrave sipas formatit të vjetër. Kjo qasje e re do t’u garantojë tifozëve ndeshje më konkurruese dhe të balancuara gjatë gjithë fazës së kampionatit.

Ekipet do të ndahen në katër vazo, të përcaktuara në bazë të koeficientit të klubit në fillim të sezonit (me përjashtim të kampionëve në fuqi të UEFA Champions League, të cilët do të jenë gjithmonë në vazon 1). Çdo skuadër do të hidhet në short për t’u përballur me dy kundërshtarë për çdo grup, duke luajtur një ndeshje në shtëpi dhe një jashtë.

UEFA Europa League do të miratojë gjithashtu një sistem të ngjashëm, ndërsa në Ligën e Konferencave UEFA çdo skuadër do të përballet me gjashtë kundërshtarë, nga një në secilën nga gjashtë vazot. Gjatë fazës së kampionatit, skuadrat nuk do të mund të luajnë me kundërshtarë nga i njëjti vend dhe do të barazohen me maksimum dy klube nga i njëjti shtet.

The post Championsi i ri! Dinamo e Kievit i bën një nder Milanit, kuqezinjtë në vazon e dytë appeared first on Albeu.com.

Kjo ishte pjesë e komunikatës nëpërmjet së cilës Milani ka shkarkuar nga posti i trajnerit, Stefano Piolin.

Të shtunën Pioli do të jetë për herë të fundit në stolin e Milanit në ndeshjen përballë Salernitanës.

Ndërsa në Australi në miqësoren e programuar mes Milanit dhe Romës, në pankinën kuqezi do të ulet Daniele Bonera.

The post Zyrtare, Milani shkarkon Piolin appeared first on Albeu.com.