Sipas KLSH, dëmi ekonomik vlerësohet në rreth 87,6 mln lekë, 98% e të cilit është në fushën e shpenzimeve. Ndërkaq, vlera më e madhe i takon menaxhimit joefektiv të fondeve, me rreth 2.3 mld lekë. Rreth 66% e kësaj vlere është konstatuar në fushën e të ardhurave, ndërsa rreth 34% në fushën e shpenzimeve. Tenderët dhe zbatimi i punimeve zënë rreth 99% të menaxhimit jo efektiv në fushën e shpenzimeve.

Agjencia Shtetërore e Kadastrës, AKSHI, ministritë e Shtetit për Mbrojtjen e Sipërmarrjes dhe për Rininë dhe Fëmijët, ujësjellësit e Tiranës dhe Durrsit apo bashkitë e Belshit, Kamzës, Lezhës e Vaut të Dejës janë disa nga institucionet e audituar nga KLSH përgjatë periudhës 4-mujore.

Për të gjitha shkeljet e konstatuara ky dikaster ka dhënë 428 rekomandime, 280 prej të cilëve janë për masa organizative, ndërsa 83 të tjerë për masa disiplinore ndaj punonjësve që kanë kryer shkeljet. Paralelisht, janë dhënë edhe 5 propozime për ndryshime apo përmirësime ligjore./SCAN

The post “Avullojnë” 2.3 miliard lekë në 4 muaj, KLSH zbulon shkeljet flagrante me fondet publike appeared first on Albeu.com.

Bëhet fjalë për kontratën e rehabilitimit të rrugës së vjetër Fier-Vlorë, institucioni i drejtuar nga Evis Berberi ka shpallur fituese të tenderit kompaninë që u rendit e katerta në garë, duke dhënë një çmim plot 2 milion euro më shumë se oferta më e mirë.

Sipas dokumenteve zyrtare te siguruara nga News24, tenderi ka pasur një fond limit prej rreth 7 milion euro, ndërsa në garë kanë marrë pjesë 6 operatorë.

Oferta më e mirë 4,47 milionë euro, është dhënë nga bashkimi i operatorëve SHKELQIMI 07 dhe FLED, por ARRSH ka përzgjedhur ofertën që është renditur e katërta dhënë nga kompania Cobial me një vlerë prej 6,56 milion euro. Diferenca mes dy ofertave është më shumë se dy milion euro.

Dyshimet për paracaktimin e fituesit janë të mëdha, pasi mes dy ofertave ka edhe 2 oferta të tjera më të leverdishme se ajo e Cobial. Thënë ndryshe ARRSH i është dashur që të skualifikojë 3 oferta, për të shpallur fituese kompaninë e cila e rendit e pesta për çmimin e ofruar. 2 milion euro shpërdorim në 7 milion euro, është e barabartë me 28% të vlerës së tenderuar. Skandali thellohet edhe më shumë pasi, për ofertën e kompanisë PE – VLA – KU, e renditur si e treta më e mirë, arrsh nuk ka dhënë asnjë arsye skualifikimi apo pse nuk është shpallur fituese./BW

The post SKANDALI/ Tender 7 mln euro për riparimin e rrugës së vjetër Fier-Vlorë, qeveria shpall fituese ofertën 2 mln euro më të lartë appeared first on Albeu.com.