Sipas kushteve të marrëveshjes, MGX do të zotërojë 15% të TikTok US dhe do të ketë një vend në bordin drejtues të kompanisë. Konsorciumi i përbërë nga Oracle, Silver Lake dhe MGX do të kontrollojë së bashku rreth 45% të aksioneve, ndërsa aksionarët amerikanë do të zotërojnë mbi 65% në total. ByteDance, kompania mëmë kineze, do të ruajë një pjesëmarrje prej 19.9%.

Trump e përshkroi marrëveshjen si një fitore për sigurinë kombëtare dhe kontrollin amerikan mbi një platformë me ndikim global. Ai përmendi ndër investitorët amerikanë emrat e Larry Ellison, Michael Dell dhe grupin Fox të Rupert Murdoch. “Kjo do të jetë një kompani krejtësisht amerikane, pa ndikim të huaj,” deklaroi Trump.

Zëvendëspresidenti JD Vance tha se marrëveshja vlerëson TikTok US me 14 miliardë dollarë dhe synon garantimin e privatësisë së përdoruesve. Reagimi nga pala kineze pritet, megjithëse Trump ka pohuar se ka marrë mbështetjen paraprake të presidentit Xi Jinping.

The post Familja mbretërore e Abu Dhabit bëhet aksionere kryesore në TikTok US pas marrëveshjes së ndërmjetësuar nga Trump appeared first on Albeu.com.

Për shkak të suksesit të serialit, Qendra Koreane e Kulturës në Abu Dabi e ktheu “Squid Game” në realitet, sigurisht pa vrasje.

Dy skuadra me 15 njerëz secila konkurruan në disa nga lojërat e sezonit të parë që përfshinin “red light, green light (dritë e kuqe, dritë jeshile), sfidën me sheqerin Dalgona, lojërat me letra, marbles dhe ddakji.

Postimi në faqen e internetit përmendi një çmim në para, por nuk ishte e qartë se sa u fitua, megjithatë, sigurisht që nuk ka qenë e njëjta shumë si në serial.

Gjatë lojës, të dy grupet e ekipeve veshën bluza me logon e shfaqjes. Stafi, nga ana tjetër, veshi kostume në ngjyrë të kuqe të cilat ngjasonin me ato të “Squid Game”.

Eventi në Abu Dabi nuk përfshinte asnjë dhunë apo gjakderdhje. Duke marrë parasysh suksesin e “Squid Game”, me gjasë nuk do të jetë hera e parë që luhet në jetën reale.

The post “Squid Game” edhe në jetën reale, disa njerëz në botë po luajnë lojrat e serialit më të famshëm (FOTO LAJM) appeared first on Albeu.com.