Mbreti jordanez, zhvillon sot një vizitë zyrtare në Shqipëri, me ftesë të Presidentit të Republikës.

Është zbardhur takimi tête-à-tête mes Presidentit të Republikës, Bajram Begaj, dhe Mbretit të Jordanisë, Abdullah II, zhvilluar në kuadër të vizitës së tij zyrtare.

Në fokus të bisedimeve, ka qenë rritja e dialogut politik dhe thellimi i bashkëpunimit ekonomik dhe tregtar midis dy vendeve.

Në fjalën e tij, Presidenti Begaj, theksoi se është me rëndësi të rriten shkëmbimet tregtare dhe të promovohen investimet jordaneze në Shqipëri, duke vlerësuar potencialet e mëdha që ofron vendi ynë.

Gjithashtu, në takim u diskutua për çështje të politikës rajonale dhe ndërkombëtare.

Presidenti Begaj, vlerësoi mbështetjen e Jordanisë për Kosovën, si në procesin e njohjeve të reja ndërkombëtare, ashtu edhe në anëtarësimin e saj në organizata ndërkombëtare.

Një tjetër temë e rëndësishme, ishte forcimi i bashkëpunimit në fushën e sigurisë dhe mbrojtjes. Presidenti Begaj, konfirmoi mbështetjen e Shqipërisë për hapjen e një zyre ndërlidhëse të NATO-s në Jordani, duke theksuar se Jordania është një partner i rëndësishëm në krahun jugor të Aleancës Atlantike.

Presidenti i vendit vlerësoi gjithashtu, Iniciativën e Procesit të Aqaba-s, të promovuar nga Jordania, si një nismë e suksesshme në luftën globale kundër terrorizmit dhe ekstremizmit të dhunshëm.

Ai e cilësoi Jordaninë si një “kolonë të fortë stabiliteti” në Lindjen e Mesme, duke nënvizuar nevojën për forcimin e bashkëpunimit në sektorin e mbrojtjes dhe sigurisë.

Në lidhje me situatën në Lindjen e Mesme, Presidenti Begaj dhe Mbreti Abdullah II, ndanë të njëjtin qëndrim se zgjidhja me dy shtete është e vetmja rrugë e drejtë, për arritjen e paqes së qëndrueshme në rajon.

The post Zbardhet takimi i Presidentit Begaj me Mbretin Abdullah II: Shqipëri-Jordani, vullnet për thellimin e bashkëpunimit appeared first on Albeu.com.

Mbreti jordanez, zhvillon sot një vizitë zyrtare në Shqipëri, me ftesë të Presidentit të Republikës.

Presidenti Begaj, nisi takimin kokë më kokë me Mbretin Abdullah II bin Al-Hussein.

Liderëve të dy shteteve, iu bashkuan delegacionet përkatëse në një takim të veçantë.

The post Mbreti i Jordanisë mbërrin në Tiranë, takim kokë më kokë me Presidentin Begaj appeared first on Albeu.com.