Kryeministri në detyrë, Albin Kurti, ka nisur një takim me përfaqësues të komuniteteve në periferi të Prishtinës, ku në fokus është edhe kandidatura e Bekim Sejdiut për president.

Në këtë takim marrin pjesë Emilija Rexhepi, Fikrim Damka dhe Nenad Rashiq, ndërsa Elbert Krasniqi ka bërë të ditur se nuk do të jetë i pranishëm.

Bisedimet zhvillohen në kuadër të përpjekjeve të Lëvizjes Vetëvendosje dhe Lidhjes Demokratike të Kosovës për të siguruar përkrahje për kandidatin e tyre të përbashkët për president, Bekim Sejdiun.

Një prej çështjeve që pritet të trajtohet është qëndrimi i përfaqësuesve të komuniteteve dhe mundësia që ata ta votojnë këtë kandidaturë.

Takimi i Kurtit me komunitetet zhvillohet pas takimit me Abdixhikun, në një periudhë kur partitë politike në Kosovë po kërkojnë votat e nevojshme për zgjedhjen e presidentit dhe zgjidhjen e krizës institucionale.

The post Pas bisedës me Abdixhikun, Kurti negocion me përfaqësuesit e komuniteteve appeared first on Albeu.com.