“Çfarë dëshironi të bëni me mua si kryetar, dhe të ardhmen e kësaj partie? Çfarëdo vendimi që merrni unë do ta respektoj me qetësi”, u ka thënë ai delegatëve të partisë.

Abdixhiku e ka thirrur Kuvendin pas rezultatit të shënuar në zgjedhjet e parakohshme parlamentare të 28 dhjetorit.

Në këtë proces zgjedhor, LDK-ja fitoi 13.24 për qind të votave – rezultati i dytë më i keq qysh prej pasluftës.

“Rezultati që na solli këtu nuk erdhi nga një gabim i vetëm, dhe as nga një natë e vetme dhe as nga një vendim i vetëm. Ai erdhi ngadalë, si grumbullim, si peshë që rëndohet çdo ditë derisa një ditë e kupton se nuk mban më”, ka thënë Abdixhiku në nisje të punimeve të Kuvendit.

Disa figura partiake kanë kërkuar dorëheqjen e tij të parevokueshme.

Në mesin e tyre është Hykmete Bajrami, e cila ka dhënë dorëheqje të parevokueshme nga pozita e nënkryetares së partisë dhe e ka kërkuar të njëjtën edhe nga Abdixhiku.

“Unë kam zgjedhur të dalë para jush, jo sepse e kam të lehtë, por sepse e ndjej të domosdoshme, sepse kam besuar gjithmonë se njeriu nuk matet kur gjithçka shkon mirë, por kur duhet të flasë edhe atëherë kur fjala i dridhet”, ka thënë mes tjerash Abdixhiku gjatë fjalimit.

Ai ka thënë më herët gjatë së shtunës se Kuvendi është organi më i lartë i partisë dhe rrjedhimisht ai vendos për gjithçka.

“I siguroj të gjithë anëtarët LDK-së që nga ky debat do të dalim edhe më të unifikuar, edhe më të fortë, e më të gatshëm për të ardhmen më të mirë që na pret përpara. Me shumicë votash e përcaktojmë fatin tonë politik”.

Sipas agjendës së publikuar nga partia, pas fjalimit të Abdixhikut, Kuvendi do t’i zhvillojë diskutimet me dyer të mbyllura.

Anëtari i kësaj partie, Avdullah Hoti e ka shpallur ditë më parë kandidaturën për kryetar të partisë, ndonëse disa figura kanë thënë se të shtunën do të diskutohet vetëm për performancën e Abdixhikut dhe që çështja e kandidaturave për kryetarin e partisë, është proces i ndarë.

“Nuk jemi në fazë të kandidaturave të tjera. Jemi në fazë të vlerësimit të punës së kryetarit, me kërkesën e tij, do të shohim se çfarë i ofron ai Kuvendit. Nëse ofrohet dorëheqja, dorëheqja është akt vullnetar, individual, i pandikueshëm, drejtpërdrejt i zbatueshëm dhe i pakthyeshëm. Nëse kërkon votëbesim atëherë është çështje e votimit, e cila duhet të bëhet si votim bazuar në statutin e LDK-së, votim i fshehtë me kuti dhe ecim tutje. Secili rezultat do të jetë i respektueshëm nga ana jonë”, ka thënë Arben Gashi.

Lidhja Demokratike e Kosovës është një nga partitë më të vjetra në Kosovë, e themeluar në vitin 1989 nga Ibrahim Rugova. Ajo ka luajtur rol kyç në periudhën e rezistencës paqësore dhe në ndërtimin e institucioneve demokratike të vendit./REL

The post Lumir Abdixhiku i kërkon Kuvendit të LDK-së të shqyrtojë dorëheqjen e tij: Çfarëdo vendimi që merrni, unë do ta respektoj me qetësi appeared first on Albeu.com.

Mustafa tha për gazetarë se vendimi për mbajtjen e Kuvendit u mor gjatë një mbledhjeje të Kryesisë së partisë në Prishtinë.

LDK-ja, partia më e vjetër në Kosovë, është duke përjetuar një ndër periudhat më të vështira në historinë e vet, pasi zgjedhjet e parakohshme të 28 dhjetorit sollën rezultatin e dytë më të keq për të.

Disa anëtarë të partisë, përfshirë nënkryetaren, Hykmete Bajrami, kërkuan largimin e Abdixhiku, pasi LDK-ja doli e treta duke i fituar vetëm rreth 13 për qind të votave.

Mustafa tha se anëtarët e LDK-së zhvilluan “një diskutim gati 4 orësh, të hapur e demokratik, duke shtjerrë debatin në secilën pikë të mundshme dhe duke analizuar edhe rezultatin e zgjedhjeve të 28 dhjetorit”, informon Radio Evropa e Lirë.

Abdixhiku tha ditë më parë se e ka ofruar dorëheqjen dhe se do të largohej vetëm nëse Kuvendi i partisë voton për shkarkimin e tij.

Prandaj, Mustafa theksoi të hënën se Abdixhiku – i cili e mori drejtimin e partisë më 2021 – do ta kërkojë votëbesimin në Kuvendin e 31 janarit.

“Kjo është formë që e kërkon vetë kryetari i partisë Lumir Abdixhiku. Në këtë Kuvend do të kërkojë votë të votëbesimit. Pra, Kuvendi i cili ka 355 delegatë do të vendosë për këtë kërkesë nëse do të kenë akoma besim në kryetarin Lumir Abdixhiku. Pra, është kërkesë për votëbesim”, tha Mustafa.

I pyetur nëse do të ketë garë për kryetar të ri të partisë, nëse shkarkohet Abdixhiku, Mustafa tha se është herët të flitet për këtë.

“Duhet të ketë një proces tjetër për të ardhur deri të kandidaturat e tjera për të pasur një proces zgjedhor në LDK. Tani jemi të pjesa e votëbesimit. Do ta shohim rezultatin e votëbesimit së pari”, tha Mustafa.

The post Humbja në zgjedhje, LDK-ja thërret Kuvendin e partisë/ Abdixhiku pritet të kërkojë votëbesimin appeared first on Albeu.com.

Në letrën e dërguar Abdixhiku thotë se LDK vlerëson se vazhdimi i këtyre masave është i pajustifikuar dhe nuk pasqyron zhvillimet aktuale politike dhe institucionale në vend.

“Lidhja Demokratike e Kosovës (LDK) kërkon heqjen e menjëhershme të masave ndëshkuese të Bashkimit Evropian ndaj Republikës së Kosovës. LDK vlerëson se vazhdimi i këtyre masave është i pajustifikuar dhe nuk pasqyron zhvillimet aktuale politike dhe institucionale në vend”, thuhet në letër.

Ndër të tjera sipas njoftimit bëhet e ditur se masat e Bashkimit Evropian po prodhojnë pasoja të drejtpërdrejta për qytetarët e Kosovës dhe po dëmtojnë institucionet e shtetit.

“Pushteti lokal në Republikën e Kosovës në komunat veriore tashmë është transferuar dhe është plotësuar kriteri i vendosur nga BE-ja. Këto masa kanë dëmtuar drejtpërdrejt Kosovën dhe qytetarët e saj, e jo politikanët. Si pasojë, një numër i konsiderueshëm projektesh zhvillimore dhe investimesh të rëndësishme kanë mbetur të bllokuara dhe të parealizuara, duke penguar zhvillimin ekonomik dhe përmirësimin e shërbimeve publike”.

Sipas njoftimit bëhet e ditur se Lidhja Demokratike e Kosovës i bën thirrje Bashkimit Evropian që të marrë vendim për heqjen e plotë të masave ndëshkuese ndaj Republikës së Kosovës, në përputhje me parimet e drejtësisë, proporcionalitetit dhe partneritetit.

“Republika e Kosovës meriton trajtim të drejtë dhe mbështetje konkrete në rrugëtimin e saj evropian”, thuhet në njoftim.

The post Abdixhiku i dërgon letër Presidentes së Komisionit Evropian, kërkon heqjen e masave të BE-së ndaj Kosovës appeared first on Albeu.com.

“Unë kam pasur takime dhe kam synuar takime vetëm me Lidhjen Demokratike dhe me Nismën Socialdemokrate. Kam besuar që me udhëheqjen e re të LDK-së ne mund të bëjmë një koalicion. Kryetari i ri i LDK-së në vitin 2021 është uruar prej meje. Ai ka qenë ministër i imi dhe unë kam besuar që mund të bashkëpunojë. Në anën tjetër, partia tjetër që kam synuar të bëjë koalicon udhëhiqet nga z. Limaj. Ajo doli nga AAK-ja dhe me këto të dyja kam synuar. Nuk kam synuar me të tjerat”, tha sot kryetari i Vetëvendosjes në një konferencë për media në qeveri.

Ai konsideroi se sjellja e LDK-së pas zgjedhjeve të 9 shkurtit është e pakuptimtë.

“Unë nuk po e kuptoj saktësisht Lidhjen Demokratike të Kosovës, të ju them sinqerisht. Nuk duan qeveri të udhëhequr nga unë dhe Lëvizja Vetëvendosje, nuk duan të formojnë qeverinë e tyre me partitë e tjera opozitare, por insistojnë në disa zgjedhje të reja ku përsëri do ta përsërisin atë slloganin që ne dalim të parët. Po nuk dalin të parët. Është një çik e çuditshme për mua kjo sjellje. O bën koalicion si i treti më të parin, ose bëjë koalicion me të dytin kundër të parit. Diçka duhet të bësh”, tha ai.

“Njëherë e kisha përshtypjen që me të vërtetë ndoshta e kanë me mua personalisht. Thjesht, s’duan që Albin Kurti të jetë kryeministër, por kur po e shohim tash para balotazhit, ata janë kundër edhe kandidatëve lokal të LDK-së që po duan të bashkëpunojnë me Vetëvendosjen. Mirë, Albin Kurti nuk bën për kryeministër. Por pse nuk bën Sylejman Meholli për kryetar të Vushtrrisë. D.m.th tash po na del që nuk është problemi vetëm me mua, problemi është me komplet fituesin e zgjedhjeve që i ka marrë 400 mijë vota”, u shpreh Kurti.

The post Kurti sfidon Abdixhikun: Je i treti, ose me mua në koalicion, ose me PDK-në kundër meje appeared first on Albeu.com.

Kryetari i Lidhjes Demokratike të Kosovës (LDK), Lumir Abdixhiku, ka falënderuar edhe njëherë të gjithë kandidatët e kësaj partie për angazhimin dhe përkushtimin e treguar gjatë fushatës për zgjedhjet lokale të 12 tetorit.

Përmes një postimi në rrjetet sociale, Abdixhiku ka vlerësuar lart sjelljen dinjitoze të kandidatëve të LDK-së, duke i quajtur ata “zëri, fytyra dhe energjia e LDK-së në çdo qytet, lagje e fshat të Kosovës”.
“Keni qëndruar me dinjitet, me argument, me kulturë e me dashuri për vendin; siç i ka hije shtëpisë së demokracisë,” tha ai.

Abdixhiku ka përmendur edhe fitoren në raundin e parë të disa kandidatëve të LDK-së, përfshirë Imri Ahmetin, Ilir Feratin dhe Ruzhdi Shehun, duke i uruar për suksesin dhe duke e cilësuar këtë fitore si të përbashkët për të gjithë LDK-në.

“Nga sot e tutje jeni kryetarë të të gjithëve pa dallim. Silluni si të tillë,” theksoi ai.

Për kandidatët që kanë kaluar në balotazh, Abdixhiku shprehu besimin se gara do të vazhdojë me energji dhe përkushtim, ndërsa për ata që nuk arritën të fitonin, dha mesazhin e motivimit dhe qëndrueshmërisë

The post Abdixhiku: Mbi 180 mijë vota për Kuvende Komunale, LDK partia e parë në nivel vendi appeared first on Albeu.com.

Pas deklaratave të tij lidhur me Asociacionin, Kadriaj me ironi ka thënë se Kurti ka aftësi për humor dhe spektakël dhe se për këtë arsye duhet t’i bashkohet këtij Reality Show.

The post Deputetja fton Kurtin t’i bashkohet Big Brother: Ke aftësi të bësh spektakël dhe humor appeared first on Albeu.com.

Abdixhiku është shprehur se iniciativa për ndryshimin e ligjit është a paprecedent dhe e ngutshme.

Më tutje, ai është shprehur se këto veprime janë shantazh ndaj opozitës në Kosovë dhe për shkak se qeveria e Kurtit nuk po ia del të merret me problemet fundamentale në Kosovë, shkruan lajmi.net.

“Gjatë ditës së sotme partia në pushtet ka marrë në mënyrë të paprecedent, e të ngutshme dhe pa konsultime iniciativën për ndryshimin e Ligjit për Zgjedhjet në Kosovë. Ky ligj duhet të jetë pjesë e reformës së përgjithshme zgjedhore dhe reformat e tilla bëhen me përfshierje dhe nën drejtimin e opozitës. LVV dhe qeveria e LVV-së, me veprimet e sotme kanë përjashtuar opozitën nga një proces reformimi që do të duhej të ishte produkt i një bashkëpunimi të të gjitha partive parlamentar,e shoqërisë civile e më shumë. Veprimet e sotme janë veprime me qëllime të shantazhimit të opozitës së vendit nga një shumicë që posa e ka filluar mandatin që nuk është e zonja të përballet me problemet fundamentale me pandeminë e ekonominë dhe nuk është e zonja të qeverisë me vendin.”, tha Abdixhiku për lajmi.net.

Më tutje, Abdixhiku është shprehur se Kurti me deklaratat e tilla dhe iniciativat që po i ndërmerr po e rrezikon konstruktivitetin politik të Lidhjes Demokratike të Kosovës dhe gjithashtu sipas Abdixhikut Kurti po krijon destabilitet politik për të fshehur paaftësinë e tij të merret me probleme të mëdha.

“Sot Kurti u përpoq të shantazhojë opozitës duke thënë se nëse nuk votohet për zgjedhjen e presidentit atëherë vendi shkon në zgjedhje të parakohshme, me vendimet e pasdites, ai, partia e tij dhe qeveria që ai drejton e thelluan tentimin për të shantazhuar. Siç e dini, LDK është treguar konstruktive dhe kryesia ka vendosur që LDK-ja të marrë pjesë në seancën e zgjedhjes së presidentit të vendit. Shantazhi i sotëm lë të kuptohet se Kurti ose nuk dëshiron të zgjihë këtë çështje ose dëshiron të krijojë destabilitet politik për të fshehur paaftësinë të merret me problemet e mëdha. Veprimet e Kurtit dhe shumicës paralemntare rrezikojnë gatishmërinë për konstruktivitet të shprehur nga LDK-ja që nga dita e Kuvendit zgjedhor. Në emër të LDK-së si dhe duke pasur pëarasysh interesin e qytetarëve të Republikës së Kosovës i bëj thirrje kryeministrit Kurti dhe shumicës parlamentare të heqin dorë nga ky shantazh dhe logjika shantazhuese ndaj opozitës.”, tha Abdixhiku.

Në fund, Abdixhiku i ka bërë thirrje Kurtit të ndalet nga veprimet e tilla dhe të hap debatin për reformën zgjedhore.

“Këto veprime aspak të përgjegjshme të Kurtit lë të kuptohet se nuk ka asnjë interes të zgjidhet presidente Vjosa Osmani. Bëjmë thirrje të hapet debati për reformën zgjedhore ku do të diskutojnë të gjitha partitë politike.”, tha ai.

Abdixhiku në fund është shprehur se nëse Ligji për Zgjedhjet nuk tërhiqet atëherë vendi do të shkojë në zgjedhje.

The post Abdixhiku: Nëse nuk tërhiqet ndryshimi i Ligjit për Zgjedhjet, Kurti na çon në zgjedhje të reja (VIDEO) appeared first on Albeu.com.

Në një konferencë për media pas këtij takimi, Abdixhiku tregon se ka qenë një takim pozitiv dhe se janë dakorduar që të takohen sërish.

“Në këtë takim kemi diskutuar çështjet me takim për interes për postin e presidentit, ka qenë një takim pozitiv, kemi diskutuar rolin e presidentes dhe platfomës së saj dhe pozicionin e saj dhe karrshi akterëve të tjerë të saj dhe së shpejti do të kemi edhe një takim tjetër dhe do të kthehemi në parti për të konsultuar me strukturat e partisë”, ka thënë Abdixhiku.

Abdixhiku ka shtuar se “Mirëpo nga ajo që kemi parë se ka qenë një takim pozitiv për të mos bllokuar vendin mirëpo me to të kemi konsultime shtesë mirëpo takimi ka qenë konstruktiv”.

The post Përfundon takimi Abdixhiku-Osmani, pritet edhe një takim tjetër (VIDEO) appeared first on Albeu.com.

Abdixhiku thotë se Kurti nuk ka qenë asnjëherë i qartë rreth politikave ndërkohë që partia e tij ka qenë gjithmonë e qartë në qëndrimet politike.

Fillimisht ai ka folur për raportet e tij me Kurtin.

“Besoj që relacionet e mija me atëherë kryeministrin kanë qenë profesionale e jo eprsonale. Rrëzimi qeverisë ka qenë interes politik e jo personale. Kurtit duhet t’i lihet kohë për ta gjykuar. Kanë një shumicë të thënë dhe mund të marrin vendime. Duhet gjykuar mbi veprimet që i bënë e jo supozimet. Cdo sukses është i Kosovës e jo i tyre. Por do të jemi opozitë e fortë”, ka thënë ai në emisionin Pressing në T7.

Abdixhiku ka përmendur edhe pikat në të cilat nuk pajtohet me Kurtin.

“Megjithatë, politikat dhe bindjet tona e idetë tona janë më të mira se sa idetë e tij, të cilat në fakt as nuk janë të ideuara shumë. As të elaboruara shumë, por janë të thëna”, ka thënë ai.

“Nuk ka orientim. Unë nuk jam i interesuar të di cka ndodhë. çka ndodh kur vjen Elezi.  Cfarë ndodhë kur të hiqet qeni tapall në QKUK. Cfarë do të ndodhë me shkollat tona. Nuk pres që kjo të nisë me për 3 muaj. Nuk dua t’ia faturojë të gjitha gabimet 20 vjecare. Por dua ta bëjë të ditur se do të jemi aty si opozitë. Nuk mund të na ndalë askush  të flasim”/Express/

The post Abdixhiku kritikon Kurtin: Bindjet e idetë e tona janë më të mira se të tij appeared first on Albeu.com.