Raketat dhe predhat ruse bien mbi qytete duke shkaktuar të ashtuquajturën “vdekje nga qielli” për qytetarët ukrainas.

Një 96-vjeçar, që i ka mbijetuar kampeve të përqëndrimit gjatë Luftës së Dytë Botërore, është vrarë gjatë një sulmi me bombë në qytetin ukrainas, Kharkiv, kanë raportuar mediat gjermane, transmeton the Guardian.

Boris Romantschenko, i mbijetuar i Holokaustit, ka vdekur të premten, pasi shtëpia e tij u godit nga një projektile, ka thënë mbesa e tij.

Ai ka qenë pjesë e disa kampeve të përqëndrimit, gjatë Luftë së Dytë Botërore, ndërsa fondacionet e krijuara në kujtim të atyre kampeve, kanë reaguar pas vrasjes së tij.

Romantschenko është njohur për fushatën që ai e ka bërë, për t’u mos harruar krimet e Nazistëve.

Kharkivi është qyteti i dytë më i madh në Ukrainë dhe ai ka qenë prej caqeve kryesore të bombardimeve, prej kur Rusia nisi pushtimin e Ukrainës, më 24 shkurt.

The post I mbijetoi Holokaustit por jo sulmeve ruse, 96 vjeçari ukrainas vdes brenda shtëpisë së bombarduar appeared first on Albeu.com.