I veshur me flamurin e Ukrainës, 9-vjeçari nga Lezha tha se zgjodhi këtë poezi për t’u solidarizuar me ngjarjet e fundit që po ndodhin ditët e fundit në Ukrainë. “E kam mësuar vetë, nuk është se kam nevojë për ta lexuar shumë. Dy herë maksimumi, fle gjumë dhe kur zgjohem e kam mësuar.”, tha ai. Vogëlushi po spikat dhe në kinematografi.  Ka luajtur në dy filma bashkë me figura të njohura në ekranit shqiptar.

“E dij se n’tokë ka dimna e prandverë,
e dij se mbi tokë ka pëllumba e skifterë;
e dij se mbi tokë ka ujq dhe dele,
ka pasanikë e kamb-zdathun me zhele,
por kët s’e kuptoj:
pse n’tokë sundon dhuna,
forca shtasore
jo mendja, jo puna;
se ma dashunisë s’i lanë kurrkund vend
a thue se njerzit janë t’gjithë të pamend!

S’pat bota njerz t’mendshëm?
pat, po si s’pat!…
Por o kjenë të plakun
o t’vorfen pa fat.

Prandaj un e due at andrrën e mirë:
që njerzit dikur, me hir o pa hir,
do rrxojnë e përmbysin kultin e dhunës,
instinktet shtasore t’mënisë e furtunës,
dhe n’vendin e tyne do t’vehet
Mirsia,
Mendja njerzore,
Zemra e Dashunija!”, ishin vargjet që interpretoi 9-vjeçari./abcnews.al

The post I veshur me ngjyrat e flamurit ukrainas, 9-vjeçari nga Lezha reciton poezinë drithëruese kundër luftës appeared first on Albeu.com.