Në të gjithë vendin në vitin 2024 ishin 1127 shkolla të ciklit 9-vjecar, ose 104 shkolla më pak se në 2020.

Të dhënat e INSTAT sipas qarqeve tregojnë se, Kukësi mban rekordin në rang kombëtar më mbylljen e 22 % të shkollave 9-vjeçare në të gjithë qarkun, i ndjekur nga Gjirokastra dhe Korça -16 dhe -15% secila.

Tendenca është më e theksuar gjithashtu në qarqet Lezhës, Shkodrës dhe Elbasanit me tkurrje rreth 14%.

Në anën tjetër, Tirana mbetet zona më e qëndrueshme, ku numri i shkollave në ciklin 9-vjeçar është shtuar me tre nga 2020 në 2024, duke reflektuar rritjen demografike dhe përqendrimin e popullsisë në kryeqytet.

Edhe Vlora ka një përqindje të ulët, me 5.3% mbyllje, ndërsa Durrësi kishte të njëjtin numër shkollash në 2024 si në 2020.

Gjatë periudhës 2020–2024, numri nxënësve në arsimin 9-vjeçar ka rënë me 36.8 mijë nxënës ose -14.2%.

Fieri dhe Elbasani janë ndër qarqet më të prekura në numër, me më pak se 10 mijë nxënës së bashku.

Ndërkohë, Korça dhe Dibra raportojnë gjithashtu tkurrje të theksuar, me mbi 3 mijë nxënës më pak secila.

Edhe Kukësi, një nga qarqet me emigracionin më të lartë, ka tkurrje me mbi 1,400 nxënës dhe 12 shkolla në vetëm katër vite.

Ndërsa në përqindje tkurrjen më të madhe të nxënësve e kishim Dibra 28.6%, Berati me 25.7% dhe Fieri me 24%.

Nga rënia e numrit të nxënësve nuk përjashtohet edhe Tirana e cila në vitin 2024 kishte rreth 3 mijë nxënës më pak se në vitin 2020, më tkurrje 3.5%.

Në total rrjeti arsimor është tkurrur dhe nxënësit janë pakësuar, nga ana tjetër numri i mësuesve është rritur me mbi 2,100, ç`ka lidhet me riorganizimin e stafit dhe zhvendosjen e burimeve njerëzore drejt zonave urbane.

Teksa numri i shkollave dhe i nxënësve ka pësuar rënie të fortë në katër vitet e fundit, shpenzimet për arsimin po vijnë në rritje.

Por, shpenzimet më të larta për të njëjtin numër nxënësish nuk po përkthehen në cilësi, pasi testimet globale nga PISA për 15-vjeçarët shqiptarë kanë vërtetuar rënie të fortë të njohurive përgjatë 2028-2022./ Monitor

The post Në 4 vitet e fundit u mbyllën 104 shkolla 9-vjeçare, tkurren me 14% dhe nxënësit appeared first on Albeu.com.

Në një deklaratë për mediat nga selia blu, Sula paralajmëron se ky vit shkollor po nis me një thellim të braktisjes masive të arsimit, duke përmendur mbylljen e 295 shkollave 9-vjeçare gjatë periudhës 2013-2022, çka përbën 22% të institucioneve arsimore të detyruara në vend.

Sula theksoi se këto të dhëna zyrtare të INSTAT-it, përforcojnë një tablo të zymtë të gjendjes arsimore në vend, që sipas saj përkeqësohet edhe më shumë kur merret parasysh mbyllja e institucioneve të arsimit parashkollor dhe të mesëm të lartë. Ajo identifikoi një sërë faktorësh që, sipas saj, kanë kontribuar në këtë situatë, përfshirë emigrimin e lartë, pagat e ulëta të mësuesve, mungesën e infrastrukturës digjitale dhe financimin e pamjaftueshëm të sistemit arsimor.

Sula gjithashtu e vuri theksin te rënia e rezultateve të Shqipërisë në testin ndërkombëtar PISA 2022, ku nxënësit shqiptarë u renditën ndër më të dobëtët në botë për mendimin krijues. Ajo krahasoi financimin aktual të arsimit me periudhën para viteve 1990, duke kritikuar “Rilindjen” për financimin e pamjaftueshëm dhe përkeqësimin e cilësisë së arsimit.

Në përfundim, Sula premtoi se Partia Demokratike do të punojë për ta rikthyer arsimin në nivelin që i takon dhe për të përmirësuar statusin e mësuesve, duke e shpallur arsimin si prioritet kombëtar. “Është detyrim ligjor, mision profesional dhe human”, theksoi ajo, duke nënvizuar angazhimin e PD-së për të siguruar një arsim cilësor dhe të barabartë për të gjithë fëmijët shqiptarë.

The post Viti i ri shkollor, denoncimi i PD: U mbyllën 295 shkolla 9-vjeçare brenda 9 vitesh appeared first on Albeu.com.

Iraku nuk ka sistemin e kujdestarisë mashkullore që ekziston në vendet e tjera muslimane si Arabia Saudite, i cili kërkon që gratë të mos bëjnë asgjë të rëndësishme në jetën e tyre pa lejen e babait, vëllait ose burrit të tyre. Megjithatë, pasi sistemi politik dominohet nga grupet fetare shiite, presionet për të kufizuar të drejtat e grave janë të larta.
Nëse projektligji kalon, autoritetet fetare do të kenë fuqinë të vendosin të gjitha çështjet familjare, duke përfshirë martesën, divorcin dhe kujdestarinë e fëmijëve.

Megjithëse Iraku e ka ndaluar martesën nën moshën 18 vjeç që nga vitet 1950, kërkimet e Unicef-it zbuluan se 28% e vajzave në Irak ishin martuar para moshës 18 vjeç.

Sipas Raya Fike, koordinatore e një koalicioni grupesh dhe individësh që kundërshtojnë ligjin e ri, përfshirë deputetë, ajo thekson se nëse ai kalon, “do të jetë një fatkeqësi për gratë. Burri dhe familja ime janë kundër martesës së fëmijëve. Por imagjinoni: nëse vajza ime martohet dhe burri i vajzës sime dëshiron të martohet me mbesën time si fëmijë? Ligji i ri do t’i lejonte atij një gjë të tillë. Edhe mua nuk do të më lejohet të kundërshtoj. Ky ligj legalizon përdhunimin e fëmijëve”.

Siç theksoi Nadia Mahmoud, bashkëthemeluese e Aleancës së Grave Aman, politikanët ultra-konservatorë në Irak, pas protestave masive të të rinjve që u zhvilluan në vitin 2019, “panë se roli i grave kishte filluar të forcohej në shoqëri. Ata mendonin se organizatat feministe, organizatat për të drejtat e grave, si dhe shoqëria civile dhe lëvizjet aktiviste, ishin një kërcënim për pushtetin dhe autoritetin e tyre. Dhe ata filluan t’i kufizojnë dhe t’i shtypin.”

Një grup prej 25 deputetesh femra në parlamentin e Irakut u përpoqën të bllokonin votën e projektligjit, por thanë se ai u përball me kundërshtim të fortë.

The post Irak/ Reagime të forta për ligjin që do të lejojë martesën e vajzave 9 vjeçare appeared first on Albeu.com.

9-vjeçarja Lama Jamous, ndan historinë e saj me më shumë se 540 mijë ndjekës në rrjetin social “Instagram”.

Nga intervistimi i fëmijëve, te dokumentimi i kushteve të vështira të jetesës në strehimoret e shkollave, Lama është ndër zërat më të çmuar për popullsinë e Gazës.

Qëllimi i saj, është “të ndajë dhe t’i bëjë të qartë botës se fëmijët e Palestinës po torturohen.

“Nuk ka ushqim dhe ujë. Ata nuk kanë asgjë”,  thuhet në një video të CNN kushtuar asaj.

Në moshën 9-vjeçare, ajo ofron këndvështrimin e një fëmije për kushtet e tmerrshme rreth saj.

Lama, tregon zhvendosjen masive të palestinezëve nga shtëpitë e tyre, në përpjekje për të shmangur sulmet ajrore, si dhe kushtet e këqija të jetesës.

Në një vend të quajtur së fundmi “vendi më i rrezikshëm në botë për të qenë fëmijë” nga Kombet e Bashkuara, dhe ku gazetarët janë rregullisht në shënjestër nga IDF, puna e Lamës së vogël është tepër e guximshme dhe frymëzuese.

The post Njihuni me gazetaren 9-vjeçare në Gaza appeared first on Albeu.com.