“Fatkeqësisht, trupi i pajetë i Narin, i cili u zhduk në fshatin Tavsadepe në rrethin Baglar të Dijarbakirit, u gjet nga ekipet tona të xhandarmërisë”, tha Ali Gerlikaya.

Trupi i Narin Guran, u gjet në një thes, i vendosur në një lumë një kilometër larg fshatit ku ajo jetonte me familjen e saj,

Në kuadër të hetimeve të kryera nga Prokuroria e Dijarbakirit, u arrestuan 21 persona, njoftoi ministri i drejtësisë Yilmaz Tundz.

Dy prindërit dhe vëllai më i madh i Narin janë në mesin e të arrestuarve, sipas rrjetit turk të lajmeve NTV.

“Lajmi i hidhur për Narin, i cili u vra brutalisht, na ka lënduar thellë të gjithëve”, ka reaguar presidenti turk Rexhep Tajip Erdogan në një postim në platformën X.

“Unë personalisht do të monitoroj procesin gjyqësor për të siguruar që ata që na vranë Narin të marrin dënimin më të ashpër që meritojnë”, shtoi ai.

Zhdukja e vajzës më 21 gusht dhe kërkimet që kanë mbetur pa rezultat, kanë shkaktuar ankth në Turqi.

Disa personazhe të njohur, iu bashkuan një fushate në rrjetet sociale të titulluar ‘Gjeni Narin’.

Xhaxhai i Narin, u arrestua javën e kaluar si i dyshuar për vrasje.

The post Tronditëse/ E zhdukur prej 19 ditësh, 8-vjeçarja gjendet e vdekur në një thes appeared first on Albeu.com.

Automjeti me katër persona, prindërit dhe dy vajzat, është përmbysur.

Vajza e vogël e çiftit, vetëm 8-vjeç, ka ndërruar jetë si pasojë e përplasjes, ndërkohë që vajza tjetër, edhe ajo e mitur (16-vjeç) është në spital ku po merr ndihmën mjekësore, për shkak të frakturave të marra.

Shkak për ndarjen nga jeta të vogëlushes, duket se mund të jetë edhe fakti që ajo nuk ishte lidhur me rrip sigurimi, apo të ishte vendosur në ulëse të posaçme për moshën e saj, por qëndronte në krahët e nënës.

Në spital ndodhet edhe nëna e vajzave, ndërsa babai ka shpëtuar me vetëm disa gërvishtje.

Mësohet se babai, i cili dhe drejtonte mjetin, nuk kishte patentë.

The post Drejtonte makinën pa patentë/ Babai humb kontrollin, ndërron jetë 8-vjeçarja, motra dhe nëna e viktimës dërgohen me urgjencë në spital appeared first on Albeu.com.

Sheila, nxënëse e klasës së dytë, jeton vetëm me gjyshen e saj, e cila tregon se mbesën e ka rritur vetë.

“Babin e ka në burg, e ëma e ka braktisur, unë e kam rritur e vetme, por tani jam e sëmurë nuk i shërbej dot. Jemi në kushte shumë të vështira ekonomike dhe e mitura gatuan edhe për mua”, thotë 74-vjeçarja.

Të ardhurat e vetme të Sheilës dhe gjyshes janë pensioni i të moshuarës me të cilin paguajnë qiranë e shtëpisë. Ato jetojnë në Tiranë në rrugën “Jordan Misja”. E moshuara thotë se kujdeset për mbesën që kur ka lindur, pasi e ëma e ka braktisur, por tani e ka të pamundur ta bëjë për shkak të gjendjes së saj shëndetësore.

Sheila edhe pse në këto kushte, kurrë nuk është ankuar për asgjë. Por gjyshes i dhimbset e vogla e saj që është rritur para kohe, ndaj iu drejtua edhe emisionit Fiks Fare për ndihmë.

Ndërkohë 8-vjeçarja tregon se mungon shpesh në shkollë për shkak të gjendjes shëndetësore të gjyshes. “Sot nuk shkova në shkollë se nëna ishte sëmurë, dhe kështu mungoj shpesh”, thotë 8 vjeçarja.

Sheila thotë se zgjohet në orën 5 të mëngjesit, pasi i jep ilaçet gjyshes, duhet të bëjë mëngjesin , të lajë, pastrojë, bëjë të gjitha punët e shtëpisë. “Zgjohem që në 5 të mëngjesit bëj punët pastaj shkoj në shkollë, edhe mungoj kur është gjyshja sëmurë”, tregon e mitura.

Ndërkohë për prindërit flet pak, ajo thotë se të atin në burg nuk e ka takuar se nuk ka kush ta çojë ta takojë, vetëm komunikon me të në telefon, ndërsa me të ëmën nuk flet fare.

Në prezencë të gazetarëve ajo gatuan mëngjesin e gjyshes. Në frigorifer ka vetëm një kokërr vezë dhe atë nuk mendon ta hajë vetë por ia gatuan nënës se më pas do të marrë ilaçet. Më pas do lajë rrobat. Kur gazetarët e pyesin se për çfarë ka nevojë ajo përgjigjet: Kam nevojë për lodra, rroba, mjete mësimore.

Edhe pse shkolla ka nisur Sheila akoma nuk ka mjete mësimore, pasi nuk ka me çfarë t’i blejë.

“Nuk kam blerë akoma mjetet, të gjitha shoqet e mija i kanë blerë”, i pohon ajo gazetarëve të Fiksit.

The post Nëna e ka braktisur, babai në burg! Historia prekëse e 8-vjeçares që kujdeset për gjyshen e sëmurë appeared first on Albeu.com.

Një zjarr është raportuar në fshatin Façesh, në Dajt, ku ka rënë zjarr në banesën e shtetasit B. B., dhe si pasojë është dëmtuar vajza e tij e mitur 8 vjeçe, e cila ndodhet në spital, jashtë rrezikut për jetën.

Njoftim policie

Më datë 29.07.2022, rreth orës 12:40, në fshatin Façesh, në Dajt, ka rënë zjarr në banesën e shtetasit B. B., dhe si pasojë është dëmtuar vajza e tij e mitur 8 vjeçe, e cila ndodhet në spital, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes./albeu.com

The post Zjarr në një banesë në Dajt, 8 vjeçarja dërgohet në spital appeared first on Albeu.com.