Shënonte data 8 korrik 2014 dhe bota e futbollit po përgatitej për një ndeshje të jashtëzakonshme në orën 22:00.

Në stadiumin Mineriao të Brazilit, do të luhej gjysmëfinalja e vlefshme për Kupën e Botës 2014 mes Brazilit dhe Gjermanisë.

Brazili ishte i zoti i shtëpisë pasi ky kompeticion luhej pikërisht në atë shtet dhe sigurisht, shihej si pretendente për ta fituar këtë trofe të jashtëzakonshëm.

Ndeshja filloi dhe në minutën e 11-të, Muller shkakton tronditjen e parë duke shënuar golin e avantazhit. Por, tre golatë tjerë erdhën njëri pas tjetrës, ku në minutën e 23-të Klose, 24-të Kroos dhe përsëri Kroos në të 26-tën.

Stadiumin e përqafoi qetësia, dëgjoheshin vetëm tifozët gjermanë. Mbështetësit vendas ishin me sytë e mbushur me lot dhe lojtarët në fushën e lojës të humbur.

Një goditje tjetër nga Khedira në minutën e 29-të vulos pjesën e parë. Nuk kishte ndodhur ndonjëherë në historinë e Brazilit, 5-0 pjesa e parë në favor të Gjermanisë.

Pjesa e dytë nuk pati aspak surpriza. Schurrle realizon një dopietë në minutën e 69-të dhe 79-të. Ankth, Inat, dëshpërim, lodhje psikologjike… në personat që kishin të veshur fanellën e verdhë, mbizotëronin të gjitha ato të përmendura më parë.

Oscar shënon golin e vetëm dhe të nderit në minutën e 90-të, për t’i vendosur flakën asaj ndeshje që duhej harruar njëherë e mirë nga mendja e popullit brazilian./ albeu.com

The post Si sot 8 vite më parë, Brazili përjetoi “tërmet” 7 ballë (VIDEO) appeared first on Albeu.com.

Në muajin tetor të vitit të shkuar, ajo u bë nënë për herë të dytë. Ajo solli në jetë një djalë, të cilin e pagëzoi me emrin Diell. Ajo dhe partneri i saj, Eduart Grishaj, kishin treguar prej kohësh se dëshironin t’i vendosnin një emër shqiptar, ndaj zgjodhën pikërisht emrin Diell.

Që pas ardhjes në jetë të Diellit, jeta e Arbanës ka ndryshuar plotësisht dhe tashmë dita e saj është plotësisht e zënë. Përveçse një mama me kohë thuajse tërësisht të plotë, Arbana merret edhe me emisionin e saj “Dua të të bëj të lumtur”.

Pavarësisht se kanë kaluar pak muaj qëkur moderatorja u bë nënë për herë të dytë, ajo duket në të njëjtën formë, për të mos thënë që duket edhe më e bukur në ditët e sotme.

Së fundmi, Arbana ndau një video me ndjekësit e saj në InstaStory teksa duket me fustanin që ka veshur para 8 viteve, krahas së cilës ka shkruar:

“Ia dolëm të mbërthejmë dhe fustanin e para 8 viteve”, teksa shfaqet në studiot e “Top Channel” veshur me një fustan të verdhë të shkurtër, i cili i rri mjaft bukur dhe elegante.

The post Pak muaj pas lindjes, Arbana vesh fustanin e 8 viteve më parë dhe habit rrjetin (VIDEO) appeared first on Albeu.com.