Përmes një video-mesazhi të postuar në rrjetet e saj sociale, Tabaku ka ngritur zërin për largimin masiv të të rinjve nga Shqipëria dhe për mungesën e mundësive që ata hasin në vend.

“ Rinia sot është si Shqipëria sot: më e varfër, më e dëshpëruar dhe në ikje. Një e treta e të rinjve janë të papunë, 40% e forcës aktive janë larguar, universitetet po zbrazen dhe shkollat po mbyllen. Sot, rinia nuk po shihet më si promotori i ndryshimit të shoqërisë dhe ekonomisë, ” tha Tabaku.

Deputetja theksoi se rinia shqiptare ka një potencial të jashtëzakonshëm dhe se të rinjtë tanë kanë treguar sukses në fusha të ndryshme si biznesi, shkenca dhe mjekësia – por, për fat të keq, këto arritje po realizohen jashtë kufijve të Shqipërisë.

“ Dëshira jonë është që ata të kenë mundësi të arrijnë këtu, në Shqipëri, të përfshihen në vendimmarrje, sipërmarrje dhe në të gjitha fushat e jetës. Të rinjtë duhet të jenë forca që ndryshon këtë vend, ashtu siç ndodhi më 8 dhjetor 1990, kur rinia ndryshoi një sistem të tërë me forcën dhe energjinë e tyre”, shtoi Tabaku.

Ajo bëri thirrje për një përfshirje më të madhe të rinisë në proceset vendimmarrëse dhe zhvillimore, duke e konsideruar rininë si një forcë të pashtershme për të ardhmen e Shqipërisë.

“Duhet të kujtojmë çdo ditë që të rinjtë janë forca integrale e këtij vendi. Duhet t’u japim mundësi për t’i përfshirë në çdo proces, që ata të bëjnë ndryshimin dhe ta çojnë Shqipërinë përpara”, përfundoi deputetja.

MESAZHI I PLOTË

Rinia sot është si Shqipëria sot: më e varfër, në ikje, e zbrazur nga potenciali i saj më i çmuar. Sot, një e treta e të rinjve janë pa punë, dhe 40% e forcës aktive, kryesisht e përbërë nga të rinj, janë larguar nga vendi. Universitetet janë gjithnjë e më të zbrazura, klasat mbyllen dhe një mungesë e theksuar e shpresës reflektohet në gjendjen e rinisë shqiptare.

Rinia shqiptare ka një potencial të jashtëzakonshëm. Të rinjtë tanë shkëlqejnë në fusha të ndryshme si biznesi, akademia, mjekësia apo shkenca. Por, për fat të keq, suksesin e arrijnë jashtë kufijve të vendit. Shqipëria nuk po arrin t’i mbajë, t’i integrojë dhe t’i përfshijë në proceset vendimmarrëse dhe zhvillimore.

Para 34 vitesh, më 8 dhjetor 1990, të rinjtë ndryshuan sistemin me forcën, energjinë dhe potencialin e tyre të jashtëzakonshëm. Partia Demokratike, forca e parë opozitare, u ndërtua mbi mbështetjen e rinisë dhe e sheh atë ende sot si motor të ndryshimit të vendit. Në këtë Ditë të Rinisë, le të kujtojmë potencialin e pamatë që ka rinia jonë.

Fakti që sot rinia është duke u larguar, duhet të na nxisë të ndryshojmë situatën jo vetëm për brezin aktual, por edhe për brezat që vijnë. Është detyra jonë të krijojmë kushte që të rinjtë të qëndrojnë dhe të kontribuojnë këtu. Shqipëria ka një rini të jashtëzakonshme, një thesar të paçmuar që mund të bëjë ndryshime të mëdha.

Të rinjtë tanë ia dalin kudo, por qëllimi është që ata të shkëlqejnë këtu, në vendin tonë. Ne duhet t’u japim hapësirë në vendimmarrje, në sipërmarrje dhe në çdo fushë tjetër, duke i trajtuar si partnerë të vërtetë dhe jo si dekor politik. Rinia nuk është vetëm e ardhmja, por edhe e tashmja e vendit.

Në politikë, në ekonomi, në arsim dhe administratë publike, përfshirja e rinisë do të sillte ndryshime rrënjësore. Ne duhet të krijojmë politika që i mbështesin të rinjtë, qoftë përmes fondeve për startup-e, përfshirjes në këshilla lokale e kombëtare, apo mbështetjes së ideve të tyre.

Unë kam një thirrje për të gjithë të rinjtë shqiptarë: bëni diferencën! Ashtu siç keni ndryshuar sistemin 34 vite më parë, mund ta ndryshoni edhe situatën aktuale. Ju jeni shtysa e çdo procesi, duke nisur nga ai politik e deri te integrimi europian. Besoj plotësisht se rinia shqiptare është ndër më të veçantat dhe më të mirat, jo vetëm në rajon, por në të gjithë botën.

Por është detyra jonë t’ju japim mundësinë që ju takon – një mundësi për të ndërtuar një Shqipëri të re, më të drejtë dhe më të zhvilluar. Nuk duhet t’ju kujtojmë vetëm në Ditën e Rinisë, por çdo ditë, sepse ju jeni forca integrale e këtij vendi.

The post 8 dhjetori/ Jorida Tabaku: Rinia shqiptare është thesar i paçmuar, por sot po detyrohet të largohet nga Shqipëria appeared first on Albeu.com.

Politika shqiptare ka kujtuar këtë ditë, përmes postimeve në rrjete sociale.

Presidenti Bajram Begaj shkruan se, 32 vite më parë 8 dhjetori ndau përfundimisht historinë e shtetit shqiptar dy epoka. Sipas presidentit, idealet e studentëve të dhjetorit 1990 duhet të na frymëzojnë gjithnjë për të punuar me përgjegjësi.

“8 dhjetori i 32 viteve më parë i studentëve të Tiranës, do të ndante përfundimisht në historinë e shtetit shqiptar dy epoka.

Ai dhjetor, do të ishte i fundmi dhjetor i pushtetit komunist, për të mbetur në histori edhe dhjetori i parë i lirisë në pluralizëm politik, për të mbetur përjetësisht edhe dhjetori që ndezi shpresën për demokracisë.

Ndaj, një popull që kishte përballuar aq e aq shumë sakrifica dhe pamundësi, mbushi sheshet e Tiranës dhe të gjithë Shqipërisë, përmes thirrjes studentore: “E duam Shqipërinë si gjithë Europa!”

Largpamësia dhe mençuria vizionare e studentëve shqiptarë të atij brezi, bëri bashkë menjëherë punëtorët dhe intelektualët, pedagogët dhe shkencëtarët, bëri me vete gjithë popullin shqiptar, i cili pa asnjë mëdyshje, por me bindje dhe vullnet patriotik përcaktoi edhe rrugën e të ardhmes së tij.

Është pikërisht kjo arsyeja se pse 8 dhjetorin e nderojmë dhe e festojmë si Ditën Kombëtare të Rinisë, duke shprehur në këtë mënyrë sa mirënjohjen ndaj studentëve dhe të rinjve të asaj kohe, edhe përgjegjësinë dhe detyrimin ndaj rinisë shqiptare në çdo kohë.

Mesazhi i kësaj dite është amanet, është mision, është detyrim dhe përgjegjësi.

Idealet e studentëve të dhjetorit 1990 duhet të na frymëzojnë gjithnjë për të punuar me përgjegjësi, me seriozitet dhe përkushtim, në mënyrë që të vazhdojmë pa ndalur rrugën tonë të integrimit euroatlantik.

8 dhjetori është ëndrra e një brezi shprehur në thirrjen “E duam Shqipërinë si gjithë Europa”, por mbetet edhe aspirata e një kombi për ta bërë Shqipërinë si gjithë Europa”, shkruan Begaj.

Më herët dhe kryeministri Edi Rama uroi  Ditën e Rinisë me vargjet e poetit të madh Migjeni për të përkujtuar 8 dhjetorin.

“Mirëmëngjes, dhe me vargjet e një kolosi të madh të letrave shqipe, në këtë të Ditë të Rinisë, ju uroj të gjithëve t’ia kaloni sa më mirë, ndërsa ti, “Rini, thueja kangës ma të bukur që di!

Thueja kangës sate që të vlon në gji.

Nxirre gëzimin tand’ të shpërthejë me vrull…

Mos e freno kangën! Le të marri udhë.

Thueja kangës, rini, pash syt e tu…

Të rroki, të puthi kanga, të nxisi me dashnu

me zjarrm tand, rini… Dhe të na mbysi dallga prej ndjenjash të shkumbzueme q’i turbullon kanga.

Rini, thueja kangës dhe qeshu si fëmi

Kumbi i zanit të përplaset për qiellë

dhe të kthejë prap te na – se hyjt ta kanë zili

e na të duem fort si të duem një diell.

Thueja kangës, Rini! Thueja kangës gëzimplote!

Qeshu, rini! Qeshu! Bota asht e jote”, shkruan Rama.

Edhe kreu i Partisë së Lirisë Ilir Meta ka reaguar përmes një postimi.

“Gëzuar 8 Dhjetorin, Ditën e Rinisë!

The post 8 Dhjetori, politika shqiptare uron “Ditën e Rinisë” appeared first on Albeu.com.

Me shprehjen “E duam Shqipërinë si gjithë Europa”, ata kërkuan ngritjen e sistemit të vlerave perëndimore dhe të shtetit të së drejtës, integrimin në Europë dhe garantimin e pluralizmit politik si bazë kryesore për një shoqëri të lirë e demokratike.

Akti i tyre i dha fund në mënyrë paqësore epokës të gjatë të vetë-izolimit dhe të sundimit ideologjik, duke i hapur kështu rrugën e ekonomisë së tregut dhe shoqërisë së hapur.

Dita Kombëtare e Rinisë, u caktua si e tillë nga Kuvendi i Shqipërisë më 8 dhjetor të vitit 2009, për të kujtuar lëvizjen e studentëve në dhjetorit e vitin 1990, e cila ishte pikënisja e rrëzimit të regjimit komunist./albeu.com

The post “E duam Shqipërinë si gjithë Europa”, 32 vjet nga Lëvizja Studentore që çoi në rrëzimin e diktaturës appeared first on Albeu.com.

“Në këtë 8 dhjetor betohem se PD është në këmbë e fortë, ka ditur dhe do dijë të qëndrojë në këmbë e fortë e bashkuar sepse ne kemi një misionin, lirinë demokracinë si gjithë Evropa e kemi marrë nga dhjetoristët dhe se dorëzojmë derisa ta bëjmë realitet”, tha Basha.

Basha gjithashtu ka kërkuar falje ndaj të gjithë shqiptarëve për atë pjesë të përgjegjësisë “që sipas tij i kanë mundësuar këtij regjimi ta kthejë Shqipërinë në shumë aspekte në dimensionin e vuajtjes aty ku ishte 31 vite më parë”.

“Pra të kërkojmë falje, dhe e kërkoj sot faljen si kryetari i PD, në emër të PD, për të gjitha ato përgjegjësitë tonat, gabimet tonat e pse jo dhe fajet tonat që i kanë mundësuar këtij regjimi ta kthejë Shqipërinë në shumë aspekte në dimensionin e vuajtjes, aty ku ishte 31 vite më parë”, shtoi ai./albeu.com

The post Basha – demokratëve: Betohem se PD-ja do të qëndrojë në këmbë dhe e bashkuar appeared first on Albeu.com.

Gjatë fjalës së tij, ai tha se 8 dhjetori është një ditë përrallore për nga madhështia dhe guximi i njerëzve për luftonin për liri dhe demokraci.

Ai shpreson që kjo datë të jetë frymëzim për të gjithë të rinjtë sot.

“Ju falënderoj që keni ardhur këtu dhe falënderoj zotin që ekziston një shpirt i një njeriu të tillë që të luftojë për të drejtën dhe të mirën e njeriut. Kjo ditë në memorien time ka qenë si një ditë përrallore për nga madhështia e guximit dhe e mirësisë madhështore të atyre njerëzve që luftuan për liri, demokraci dhe të mirën e kombit tonë.

Kjo përrallë që unë e kam dëgjuar aq shumë herë dhe është bërë aq e bukur kuptoj se ishte reale dhe këta njerëz që luftuan ishin mes nesh. Luftuan komunizmin me mirësinë dhe idealet e tyre.

Dua t’ju them që shpresoj që kjo ditë, babai im të jetë një frymëzim për të gjithë ne për ta kthyer Shqipërinë më të denjë dhe nuk e mendoja që do të vinte kjo ditë që do të mblidheshin njerëzit sërish kështu.

Mendoja se ishte diçka e së shkuarës. Por kur shikon që kombi jot, shteti jot është në krizë absolutisht që kjo ditë do të vinte dhe këta njerëz do të ngriheshin përsëri. E shfrytëzoj këtë rast për të thënë shpresoj që kjo ditë të jetë frymëzim për të gjithë dhe të shmangin të gjithë njerëzit që janë në dëmin e këtij vendi. Ju falënderoj të gjithëve” tha ai./albeu.com

The post Azem Hajdari: Shpresoj që 8 dhjetori të jetë frymëzim për të gjithë ne! appeared first on Albeu.com.

Gjatë fjalës së tij, Basha u shprehu mirënjohje atyre që janë në sallë dhe atyre që janë ndarë nga jeta, si Azem Hajdari.

Lideri demokrat, ndërsa tha se rinia e vitit 1990 dhe rinia e 2021 që janë shpirti i pamposhtur i Partisë Demokratike, shtoi se kulti i individit fatkeqësisht ekziston edhe sot.

“Ju falënderoj nga zemra. Dua të shpreh mirënjohjen time më të thellë për dhjetoristët që kemi në mesin tonë. Mirënjohje e përjetshme për veprën tuaj. Faleminderit! Dua të shpreh edhe si 16-vjeçari i Dhjetorit të 90-s edhe si qytetar, si prind, edhe kryetar i PD mirënjohjen më të thellë atyre që na janë bashkuar sot këtu. Disa shumë prej tyre shumë mos t’i kemi në këtë sallë. Disa mund të mos i kemi në të sallë. Disa janë ndarë përjetësisht si Azem Hajdari. Jam i lumtur që në këtë sallë ndodhen të ndërthurur në një shpirt të vetëm rinia e vitit 1990 dhe rinia e 2021 që janë shpirti i pamposhtur i Partisë Demokratike.

Kemi vite që përballemi me një tjetër regjim. Në ADN tuaj të rinj dhe të reja shqiptarë edhe ju që nuk jeni anëtarë të PD por jeni ngritur në protesta, ndodhet patjetër guximi i rinisë së vitit 1990. Duhet të përulemi përpara këtij guximi. Nga takimi 6 personave në një dhomë, nuk ishte në një vend normal komunist por në një nga regjimet më të egra që ka njohur planeti. Nuk ishte thjeshtë një perde e hekurt por një rrethim i çeliktë. E vërteta është se të mendoje ndryshe ishte kurajo e madhe, ta thoshe atë ishte një kurajë akoma më e madhe. Jemi këtu dhe dua të them se guximi e mposhti frikë. Solli lirinë politike dhe pluralizmin. Janë tre ngjarje por është një ngjarje.

Kryengritja, liria dhe lindja e PD janë tre në një. Rruga ishte e vështirë pikërisht prej natyrës së komunizmit shqiptar dhe terrorit që mbizotëronte. Kultit të individit që për fat të keq vazhdon si aspekte të mentalitetit komunist. Nuk është momenti për të thirrur emrin e kryetarit. Kulti i individit shkatërroi individualitetin. Të gjithë jemi të barabartë para ligjit dhe para Zotit. Ajo që ndodhi nuk ishte e lehtë për shkak të natyrës së diktaturës. Guximi ishte vetëm hapi i parë. Vlerë ka edhe zgjuarsia për të mos e kthyer përmbysjen e regjimit në banjo gjaku. Mentalitetin akoma nuk e kemi shkulur. Ne e dimë se ndryshe nga dëshirat tona dhe çdo vend tjetër komunist zgjedhjet e vitit 1991 komunizmi arriti t’i merrte”, tha Basha./albeu.com

The post 8 dhjetori, Basha: Kulti i individit vazhdon të na ndjekë appeared first on Albeu.com.

Gjatë komunikimit për mediat, Meta u pyet për situatën në PD e cila është partia që ka qenë themeli i pluralizmit, ndërsa sot është e përçarë.

Presidenti tha se nuk ndodhet aty për t’u marrë me çështje të tilla, e rëndësishme është që liria, demokracia të kthehen në shinat e duhura.

“Në fund fare liri-demokraci, jo më vonë por tani” e mbylli komunikimin e tij Meta.

“Jam këtu për të kujtuar lëvizjen studentore, në mënyrë të veçantë Azem Hajdarin, i cili pati një rol kyç në ato momente kritike të historisë së Shqipërisë. Është koha që të rikthejmë Shqipërinë në shinat e vërteta të lirisë dhe të të drejtave.

Nuk dua që këtë moment ta shfokusoj me çështje të tjera, unë jam në dispozicionin tuaj për çështjet që ju ngritët, përqendrohuni në pozicionin zyrtar që mbajti dje presidenca. Kam një përshëndetje për të gjithë studentët e tanishëm, ne presim shumë prej tyre, në udhëheqjen e proceseve demokratizuese në Shqipëri.

Nuk jam këtu për t’u marrë me çështje të tilla, e rëndësishme është që liria, demokracia të kthehen në shinat e duhura, në fund fare liri-demokraci, jo më vonë por tani”, tha Meta./albeu.com

The post Meta nga Qytet Studenti: Liri-demokraci, jo më vonë, por tani appeared first on Albeu.com.

Meta shkruan se tre dekada më parë, në Qytet Studentin u thirr për të marrë pjesë në në takimin kapitullues të regjimit dhe shkruan se sa herë të vihet në pikëpyetje demokracia, liria dhe pluralizmi politik, ndihet i thirrur si atëherë.

Postimi i Metës:

Kjo Ditë e bekuar e Rinisë më rikthen sot emocionet e paharruara, që përjetova tre dekada më parë, kur në Qytetin Studenti u thirra për të marrë pjesë, me Azem Hajdarin në krye, në takimin kapitullues të regjimit me studentët e Dhjetorit ’90, që solli pluralizmin politik.

Sa herë Liria, Demokracia dhe Pluralizmi Politik vihen në pikëpyetje, ndjehem i thirrur si atëherë./albeu.com

The post Meta nxjerr videon nga 8 dhjetori i 1990: Sa herë që demokracia të vihen në pikëpyetje, ndjehem i thirrur si atëherë appeared first on Albeu.com.

Këtë fjali shpesh ambasadorja Yuri Kim e ka përdorur kur i është referuar ish-kryeministrit Sali Berisha.

“SHBA është ende me studentët e Shqipërisë në kërkesën tuaj për të qenë “si pjesa tjetër e Europës”. Ne jemi krenarë që jemi Aleati juaj i NATO-s dhe mbështetja e Shqipërisë për në BE. Ne duam që Shqipëria të jetë më e drejtë, më të fortë, më të pasur. Le të vazhdojmë të punojmë së bashku për të ecur Shqipëria përpara dhe jo prapa, të zgjedhim të ardhmen mbi të shkuarën”, shkruan Kim.

?? is still with the students of Albania in your demand to be “like the rest of Europe.” We are proud to be your NATO Ally & support ?? in the EU. We want ?? to be more just, stronger, richer. Let’s keep working together to move ?? forward not backward, choose future over past. https://t.co/vagEu6l3BK pic.twitter.com/PHTDNGCPgb

— Ambassador Yuri Kim (@USAmbAlbania) December 8, 2021

The post Dita e Rinisë, Yuri Kim: Të zgjedhim të ardhmen mbi të shkuarën appeared first on Albeu.com.

Basha shkruan se 8 dhjetori ndau të shkuarën nga e ardhmja.

“8 Dhjetori 1990, është dita që ndau të shkuarën nga e ardhmja dhe ndryshoi përgjithmonë historinë e Shqipërisë??

31 vite më vonë, thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci, si dhe për të mbajtur gjallë forcën, guximin dhe idealet e Dhjetorit ‘90, përballë një tjetër diktature, që po varfëron dhe largon bijtë dhe bijat e shqiptarëve, atë të korrupsionit.

Gëzuar 8 Dhjetorin!”, shkruan Basha./albeu.com

The post 8 dhjetori, Basha: Ditë që ndau të shkuarën nga e ardhmja appeared first on Albeu.com.