Berisha vlerëson demokratët shqiptarë për rezistencën e tyre dhe thekson se beteja për zgjedhje të lira është një luftë për lirinë, dinjitetin dhe të ardhmen e Shqipërisë.

Sipas liderit demokrat, Sali Berisha, qeveria aktuale dhe drejtësia janë të kapura nga krimi, dhe Partia Demokratike është e vendosur të luftojë për një qeveri teknike, duke ftuar të gjithë shqiptarët të ngrihen në një betejë vendimtare për të rikthyer votën e lirë

Berisha ka drejtuar thirrje për mobilizim masiv në datën 7 tetor, duke e quajtur këtë ditë si një betejë vendimtare për Shqipërinë dhe shqiptarët. Ai thekson se kjo është “beteja e jetës sonë” dhe i kushton rëndësi rivendosjes së ligjit dhe Kushtetutës, duke denoncuar kapjen e shtetit nga krimi dhe korrupsioni. Kryetari i PD, Sali Berisha e paraqet 7 tetorin si ditën e drejtësisë, triumfit dhe fitores, dhe fton të gjithë shqiptarët, brenda dhe jashtë vendit, të bashkohen në këtë betejë për të përmbysur “narkoshtetin” dhe për të mbrojtur lirinë dhe fatin e kombit.

Lideri historik i PD, Sali Berisha gjatë tubimit qytetar ka drejtuar thirrje për mosbindje civile masive më 7 tetor, duke paralajmëruar se Tirana do të pushtohet nga qytetarët kundër qeverisë, të cilën ai e quan “vrima e miut e hajdutëve”. Berisha e përshkruan këtë ditë si një moment për triumf, guxim, revoltë dhe fitore të shqiptarëve. Berisha thekson se qytetarët kërkojnë aksion dhe janë të gatshëm për sakrifica, duke ftuar të gjithë të dalin në rrugë dhe sheshe për t’u bashkuar në këtë betejë kundër qeverisë dhe mafies.

Kryedemokrati e përfundon fjalimin me një thirrje për fitoren e Tiranës dhe Shqipërisë.

Berisha:  Mirëmbrëma dhe përshëndetjet më të përzemërta, mirënjohjen më të pakufishme ju misionarëve të pamposhtur të kauzës së drejtë të dinjitetit, të lirisë, të shpresës dhe besimit të shqiptarëve. Një përshëndetje të përzemërt oratorëve të parlamentit të lirë të qytetarëve, që përcjellin çdo natë në zemrat dhe mendjet e qytetarëve shqiptarë të vërtetat e këtij regjimi që sundon me krimin, drogën dhe vjedhjen e shqiptarëve.

Të dashur miq, tre vite, një betejë epike e demokratëve shqiptarë për të qëndruar si opozitë e vërtetë e kombit dhe vendit të tyre. Në tre vite, mafia e egër shqiptare, mafia ndërkombëtare, bëri gjithçka që Shqipëria, mobokracia e Edi Ramës të mos kishte një opozitë. Qeveria e Edi Ramës kalonte nga krimi monstruoz në krimin tjetër monstruoz ndaj opozitës, ndaj shqiptarëve. Qeveria e Edi Ramës kalonte nga një vjedhje monstruoze në një vjedhje tjetër.

Drejtësia e mercenarëve të Skapit të partisë vazhdonte ditë e natë pazarët me vrasësit, trafikantët, duke u zhytur çdo ditë e më shumë në krim dhe kriminalitet. Duke u shndërruar gjithnjë e më shumë në një peng të Edi Ramës, në një instrument të verbër kundër opozitës. Por çdo ditë e më shumë, para shqiptarëve bëhej e qartë se beteja për votën e lirë, është betejë e jetës së tyre.

Se me Edi Ramën, me organizatën e tij kriminale qeveri, me organizatën e tij kriminale Skapi i partisë, Shqipëria zgjedhje nuk ka dhe nuk mund të ketë. Por beteja për zgjedhjet është betejë për lirinë, është betejë për dinjitetin, është betejë për të ardhmen, është betejë për kombin dhe Shqipërinë.

Një vend pa zgjedhje, një komb pa zgjedhje, shkon drejt shfarosjes, hyn në agoni, në vdekje klinike. Një komb pa zgjedhje, nuk ka dritë në tunel. Një komb pa zgjedhje nuk shijon lirinë, por vetëm shtypjen, mashtrimin, vjedhjen dhe krimin mbi të.

Ndaj dhe PD, e vendosur, e betuar për të bërë çdo sakrificë, për të paguar çdo çmim për t’u rikthyer shqiptarëve votën e lirë, dinjitetin që meritojnë, për t’u rikthyer shqiptarëve besimin tek Shqipëria, ka hedhur kushtrimin: të gjithë në këmbë, o sot o kurrë, në betejë për qeveri teknike. Në betejë për të paralizuar narkoregjimin e këtij armiku të egër të shqiptarëve.

Në betejë për të rivendosur në Shqipëri ligjin, Kushtetutën e shqiptarëve, jo të Xhaçkave, jo të Ramës, jo të hajdutëve, jo të Dumanëve, jo të Gjokëve, të kësaj kategorie kriminale, por Kushtetutën si shtyllë kryesore e rendit demokratik, ligjin dhe drejtësinë të barabartë për shqiptarët.

Beteja më 7 tetor është beteja e jetës sonë. 7 tetori është dita e shqiptarëve. 7 tetori është dita e të rinjve shqiptarë. 7 tetori është dita e burrave dhe grave të Shqipërisë, dita e pensionistëve shqiptarë, dita e drejtësisë, dita e triumfit, dita e fitores. Ndaj dhe ftoj edhe njëherë çdo qytetar shqiptar, ftoj të gjithë shqiptarët në emigracion dhe kudo që janë të nisim së bashku betejën vendimtare për fatin e Shqipërisë.

Vendimtare për lirinë e shqiptarëve.Për përmbysjen e narkoshtetit të Edi Ramës, këtij armiku të egër të kombit shqiptar. Këtij armiku të egër të qenies së shqiptarëve. 7 tetor në ora 6, Tirana e tëra derdhet në rrugët dhe sheshet e saj. Më 7 tetor, Tirana është e qytetarëve, vrima e miut të qeveritarëve, vrima e miut të mafies, vrima e miut e hajdutëve.

Ndaj dhe le të shndërrojmë ne 7 tetorin në ditën e triumfit, të guximit, të trimërisë, të revoltës, të mosbindjes civile, të fitores së shqiptarëve. Të dashur miq, çdo shqiptar, çdo shqiptare, ka vetëm një kërkesë ndaj nesh, ka vetëm një dëshirë ndaj nesh, ka vetëm një shpresë ndaj nesh, të na shohë në sulm, të gatshëm për sakrifica, të vendosur për fitore.

Ndaj dhe me 7 tetor, me të gjitha mjetet e mosbindjes civile, në Tiranë, në rrugë, në sheshet e saj. Rroftë Tirana, rroftë Shqipëria.

The post Berisha: Beteja më 7 tetor është beteja e jetës sonë! 7 tetori do jetë dita e drejtësisë, dita e triumfit, dita e fitores appeared first on Albeu.com.

Sipas mediave të huaja, në videon gati tre minutëshe, Goldberg-Polin, të cilit i mungon një nga duart, identifikohet dhe i kërkon qeverisë izraelite t’i kthejë në shtëpi.

Videoja nuk ka ndonjë datë, por Goldberg-Polin thotë se ai është mbajtur rob për “gati 200 ditë”, duke treguar se është filmuar së fundmi.

The Goldberg-Polin family has given permission for the video of their son Hersh, who has been held captive by Hamas for 201 days, to be published and used after it was released by the terror organization Hamas today.

For more than 200 days, 133 hostages have been held captive by… pic.twitter.com/1pD4RcxEe0

— Bring Them Home Now (@bringhomenow) April 24, 2024

Goldberg-Polin u rrëmbye në mëngjesin e 7 tetorit.

Pamjet nga sulmi i Hamasit kanë treguar se krahu i Goldberg-Polin “u hodh” nga bërryli poshtë, ndërsa pjesëtarët e Hamasit hodhën granata në një strehë ku ai dhe të tjerët që u përpoqën të shpëtonin.

Hersh Goldberg-Polin, një peng izraelit, fotografuar para se të rrëmbehej nga Hamasi më 7 tetor.

Në video, ai duket se thotë se kryeministri izraelit “nuk po bën mjaftueshëm, e fajëson atë që nuk i ka nxjerrë robërit”, ka thënë një gazetar i Al Jazeera, përcjell Telegrafi.

Sipas pamjeve, Goldberg-Polin tha se ai është “nëntokë” për rreth 200 ditë.

Hamasi ka lëshuar më parë video të ngjashme të pengjeve që po mban, në atë që Izraeli thotë se është një “luftë e mjerueshme psikologjike” – pamje të cilat shumica e mediave izraelite nuk i transmetojnë.

The post I gjallë, por pa njërën dorë: Hamasi publikon një video të izraelito-amerikanit të marrë peng gjatë sulmeve të 7 tetorit appeared first on Albeu.com.

Agjencia e Kombeve të Bashkuara për palestinezët (UNRWA) njoftoi të premten se e ka nisur një hetim ndaj disa punonjësve të vet të dyshuar për përfshirje në sulmet e Hamasit në Izrael më 7 tetor, dhe tha se i ka prishur marrëdhëniet me ta.

“Autoritetet izraelite i kanë dhënë UNRWA-s informata rreth përfshirjes së dyshuar të disa punonjësve të UNRWA-s në sulmet e tmerrshme në Izrael më 7 tetor”, tha Philippe Lazzarini, shefi i kësaj agjencie.

Ai shtoi se për ta mbrojtur aftësinë e agjencisë për të dhënë ndihma humanitare, “kam vendosur t’ua shkëpus menjëherë kontratat këtyre anëtarëve të stafit dhe ta nis një hetim, në mënyrë që ta zbulojmë të vërtetën pa humbur kohë”.

UNRWA, e themeluar më 1949 pas luftës së parë arabo-izraelite, ofron shërbime, përfshirë shkollim, kujdes mjekësor dhe ndihma humanitare për palestinezët në Gazë, Bregun Perëndimor, Jordani, Siri dhe Liban.

UNRWA ka dhënë ndihma dhe i ka përdorur ndërtesat e veta për t’i strehuar njerëzit që ikin nga bombardimet dhe nga ofensiva tokësore e nisur nga Izraeli në Gazë pas sulmeve të 7 tetorit, gjatë të cilave Izraeli thotë se u vranë 1.200 njerëz dhe u rrëmbyen 253 të tjerë.

“Këto akuza tronditëse vijnë kur mbi dy milionë njerëz në Gazë varen nga ndihmat jetike të cilat agjencia është duke i dhënë prej se nisi lufta”, tha Lazzarini.

Lufta e Izraelit e ka shkatërruar shumicën e Gazës dhe i ka vrarë më shumë se 25.000 palestinezë.

UNRWA – e cila përfitoi donacione më së shumti nga Shtetet e Bashkuara, Gjermania, Bashkimi Evropian dhe Suedia në vitin 2022 – ka thënë vazhdimisht se është duke i humbur aftësitë për të ofruar ndihmë humanitare për njerëzit në Gazë.

The post OKB nis hetim ndaj disa punëtorëve që dyshohet se kishin gisht në sulmet në Izrael appeared first on Albeu.com.

Pritet të vendoset për kërkesën për pezullimin e rritjes së çmimit të energjisë

Njoftimi:

MBLEDHJA Nr. 44,

Datë 07.10.2022, ora 14:00 e Bordit të ERE-s

Në zbatim të (i) nenit 13 dhe 16, të Ligjit Nr. 43/2015, “Për Sektorin e Energjisë Elektrike”; i ndryshuar, ligjit Nr.8480, date 27.5.1 999 për “Funksionimin e organeve kolegjiale te administratës shtetërore dhe enteve publike, (ii) të Rregullores së Brendshme të Organizimit dhe Funksionimit të Entit Rregullator të Energjisë (ERE), miratuar me vendimin e bordit të ERE nr. 199, datë 27.11.2020 dhe (iii), të Rregullores për Organizimin, Funksionimin dhe Procedurat e ERE-s, miratuar me vendimin e bordit të ERE nr. 96, datë 17.06.2016, njoftojmë se ditën e Premte datë 07.10.2022, ora 14:00, do të zhvillohet mbledhja nr. 44 e Bordit të ERE-s, sipas këtij rendi dite:

1. Për një ndryshim në vendimin nr. 242, datë 23.09.2022, të bordit të ERE-s, “Mbi
miratimin e çmimit të shitjes së energjisë elektrike prej 42 lekë/kWh për konsumin
mbi 800 kWh/muaj për klientët familjarë për periudhën 1 Tetor – 31 Dhjetor 2022”

Palët e interesit për pjesëmarrje në mbledhjen e bordit të ERE-s, në ambientet e ERE-s ose
nëpërmjet platformave të teknologjisë së komunikimit elektronik (online), duhet të
dërgojnë me shkrim kërkesën për pjesëmarrje, në postën elektronike në adresën
erealb@ere.gov.al, si dhe mënyrën e pjesëmarrjes dhe çështjen të cilën janë të interesuar të
ndjekin. /albeu.com

The post Çmimi i energjisë, ERE njofton datën e mbledhjes së Bordit appeared first on Albeu.com.