7 korrik Archives - Albeu.com

Parashikimi i motit 7 Korrik 2025, si do variojnë temperaturat gjatë ditës

V K — Mon, 07 Jul 2025 05:30:31 +0000

Këtë të hënë vendi ynë, do të mbetet nën ndikimin e motit të kthjellët dhe të nxehtë deri pas mesdite, kur priten kalime vranësirash nëpër territor.

Më të theksuara vranësirat do të jenë në zonat malore Lindore, megjithatë nuk priten reshje në territor.

Parashikohet që pasditja dhe nata të vijojnë nën dominimin e kthjellimeve, vranësirave dhe lagështirës së lartë në ajër.

Temperaturat e ajrit do të pësojnë sërish rritje në vlerat minimale, por ulen maksimumet duke luhatur vlerat ditore nga 15°C vlera minimale deri në 38°C maksimalja në rang territori.

Era do të fryjë mesatare deri e fortë; përgjatë gjithë ditës duke arritur shpejtësinë maksimale mbi 45 km/h nga drejtimi Jugor, kjo do të bëjë që në brigjet detare të krijohet dallgëzim 3 ballë.

The post Parashikimi i motit 7 Korrik 2025, si do variojnë temperaturat gjatë ditës appeared first on Albeu.com.

Shi dhe temperatura deri në 35 gradë, parashikimi i motit për sot

K Agaj — Fri, 07 Jul 2023 05:10:00 +0000

Edhe për ditën e premte vendi ynë do të ndikohet nga kushte atmosferike relativisht të qëndrueshme. Moti parashikohet i kthjellët në pjesën më të madhe të territorit përjashtuar zonën e verilindjes dhe pjesërisht veriperëndimit.

Në këto zona moti parashikohet me kthjellime por edhe vranësira deri të dendura shoqëruar me reshje shiu të herëpashershme. Reshjet do të jenë me intenistet kryesisht të ulët por hera-herës dhe itensitet deri mesatar në formën e rrebesheve dhe shtrëngatave shoqëruar me shkarkesa elektrike dhe breshër.

Era do të fryjë me drejtim verilindje-veriperëndim me shpejtësi mesatare 1–6m/s, ndërsa në bregdet dhe lugina era fiton shpejtësi 8-12m/s. Valëzim në dete do të jetë i forcës 1-2 ballë.

Temperaturat parashikohen:

në zonat malore 14 deri 29°C

në zonat e ulëta 16 deri 35°C

në zonat bregdetare 19 deri 32°C

The post Shi dhe temperatura deri në 35 gradë, parashikimi i motit për sot appeared first on Albeu.com.

“Ka ardhur koha të flisni”, horoskopi për ditën e premte 7 korrik 2023

K Agaj — Thu, 06 Jul 2023 22:09:17 +0000

DASHI

Kjo ditë fillon paksa ngadalë, por ndonjëherë përshtatet. Më mirë të mos kapeni nga ankthi as në jetën private, as në punë ku mund të ketë ndonjë shqetësim. Duhet të jeni të mirë në përballimin e tyre dhe të gjeni zgjidhjet e duhura kundër çdo vështirësie.

DEMI

Sipas horoskopit të Paolo Fox (e premte 7 korrik 2023), shikoni përreth nëse jeni beqar sepse mund të keni një takim interesant. Në punë vijnë disa ndryshime që mund t’ju destabilizojnë.

BINJAKËT

Jeni plot energji dhe dëshironi të ndani më shumë me partnerin tuaj. Në punë, profesionistët e lirë kanë një avantazh dhe mund të fillojnë bashkëpunime të reja.

GAFORRJA

Në dashuri ka ardhur koha të flisni qartë dhe të thoni atë që mendoni. Në punë po mundoheni të filloni nga e para por propozimet e reja duhen vlerësuar me kujdes.

LUANI

Sipas horoskopit të Paolo Fox (e premte 7 korrik 2023), dita po ecën me energji të mirë dhe dashuria është e favorizuar. Për sa i përket punës, marrëdhënia juaj me kolegët është forca juaj e vërtetë, vazhdoni ta kultivoni atë.

VIRGJËRESHA

Dëshira për të dashur rikthehet, një dëshirë që së fundi e kishit humbur për shkak të stresit të punës. Nga pikëpamja profesionale jeni të lodhur, por do të vijë një kënaqësi e madhe.

PESHORJA

Në dashuri do të ishte më mirë të mos bëni lëvizje të nxituara, fillimisht përpiquni të kuptoni se me kë keni të bëni. Në punë vjen mundësia për të nisur bashkëpunime të reja. Mund të jetë koha e duhur për të realizuar gjëra të mëdha dhe për të realizuar gjithçka që dëshironi. Do të shihni që gjithçka është rregulluar nëse ka probleme.

AKREPI

Sipas horoskopit të Paolo Fox (e premte 7 korrik 2023), nëse jeni beqar, hapuni dhe filloni të shikoni përreth sepse jeni të papërmbajtshëm këto ditë. Në punë, megjithatë, është më mirë të ruani një profil të ulët dhe të shmangni debatet me kolegët. Diplomacia duhet të jetë arma juaj më e mirë.

SHIGJETARI

Ka diçka që nuk shkon me dashurinë dhe duhet ta diskutoni me partnerin tuaj. Në punë dëshira për ndryshim është e madhe por gjithçka mbetet në pritje për momentin. Nga ana tjetër, jemi në verë dhe nuk është koha për ndryshim peizazhi, nëse ka, përfitoni nga kjo për të rimbushur bateritë tuaja.

BRICJAPI

Në dashuri do të dëshironit të kishit dikë më proaktiv pranë jush, por për momentin nuk është kështu. Jeni të lodhur nga rutina e zakonshme dhe do të dëshironit që partneri juaj të jetë më vigjilent dhe i gatshëm. Në punë ka të reja që do ju bëjnë të bëni një hop të madh në cilësi.

UJORI

Sipas horoskopit të Paolo Fox (e premte 7 korrik 2023), në dashuri ata që janë beqarë do të mund të shfrytëzojnë më shumë mundësi për të përjetuar emocione të bukura. Në punë negociatat duhet të mbyllen sa më shpejt të jetë e mundur. Mos prisni më.

PESHQIT

Nëse ka dikë që ju pëlqen, ecni përpara. Mos kini frikë. Në punë po kërkoni pak më shumë stabilitet por së shpejti do të vijnë së bashku me mundësi të reja. Do të jeni në gjendje të arrini gjëra të mëdha dhe të merrni kënaqësi të madhe. Me pak fjalë, përveshni mëngët.

The post “Ka ardhur koha të flisni”, horoskopi për ditën e premte 7 korrik 2023 appeared first on Albeu.com.

Seanca plenare e 7 korrikut, çfarë pritet të ndodhë ditën e sotme në Kuvend

E S — Thu, 07 Jul 2022 05:38:09 +0000

Ditën e sotme pritet të mbahet seanca plenare, ku fillimisht do të diskutohet projekt rezoluta për përkujtimin dhe nderimin e viktimave të gjenocidit në Srebrenicë, për të vijuar më pas me interpelancën mes Ballukut dhe Mziut.

Deputeti demokrat Xhexhal Mziu ka kërkuar të zhvillojë interpelancë me ministren e Infrastrukturës dhe Energjisë, Belinda Balluku.

Në Kuvend gjithashtu do të diskutohet edhe raporti i veprimtarisë vjetore të Këshillit të Lartë të Shtetit për vitin 2021 si dhe raporti i veprimtarisë së Komisionit të Prokurimit Publik për vitin 2021.

Rendi i ditës

Urdhër dhe rendi i ditës për seancën plenare, datë 7 korrik 2022, ora 10 00 (1)

The post Seanca plenare e 7 korrikut, çfarë pritet të ndodhë ditën e sotme në Kuvend appeared first on Albeu.com.

Parashikimi i motit për datën 7 korrik 2022

E S — Wed, 06 Jul 2022 20:45:55 +0000

Dita e enjte parashikohet me kthjellime dhe prej mesdite shtim gradual të vranësirave, fillimisht në pjesën perëndimore dhe në orët e mbrëmjes vranësirat do të shtrihen në të gjithë vendin.

Era parashikohet të jetë nga kuadrati i veriut me shpejtësi mesatare 1-6m/sek, e cila hera-herës fiton shpejtësi deri në 10m/sek.

Temperaturat parashikohen:

në zona malore 15 deri 34°C

në zona e ulëta 17 deri 37°C

në zona bregdetare 20 deri 34°C./albeu.com

The post Parashikimi i motit për datën 7 korrik 2022 appeared first on Albeu.com.

Protesta e 7 korrikut, Hajdari: Vapa nuk i pengon demokratët

E S — Sun, 03 Jul 2022 20:38:10 +0000

Anëtarja e Këshillit Kombëtar të PD, Rudina Hajdari, ka publikuar një foto ku tregon punën për organizimin e protestës kombëtare të 7 korrikut.

Në postimin e saj Hajdari shkruan se është detyra e opozitës që të punojë fort pa pushim për tu rikthyer shqiptarëve besimin dhe për t’u risjellë atyre shpresën e humbur.

“Vapa dhe periudha e pushimeve nuk i ndalin demokratët që të punojnë fort për organizimin e protestës së datës 7 korrik.

Shqipëria është në rrezik sepse po qeveriset nga një njeri i papërgjegjshëm i cili nuk ka lënë burim natyror, pasuri kombëtare e qindarkë nga buxheti pa zhvatur për interesin e tij dhe klientëve të tij.

Teksa një pakicë pasurohet, shqiptarët vuajnë apo emigrojnë drejt vendeve që u japin shpresë për të ardhmen.

Është detyrë e opozitës që të punojë fort e pa pushim për tu rikthyer shqiptarëve besimin se mund ta ndërtojnë të ardhmen këtu dhe për tu risjellë atyre shpresën e humbur.

E lumtur që sot pashë shumë energji pozitive dhe force te strukturat e njësisë nr.2 në Tiranë”, shruan Hajdari.

The post Protesta e 7 korrikut, Hajdari: Vapa nuk i pengon demokratët appeared first on Albeu.com.

“Bllokime e kërcënime”, deputeti i PD nxjerr mesazhin e mësueses: Na kanë urdhëruar të jemi në punë më 7 korrik

E S — Sun, 03 Jul 2022 12:43:52 +0000

Deputeti i Partisë Demokratike, Luçiano Boçi ka publikuar mesazhin e një mësuese, e cila thotë se i është kërkuar të paraqitet në punë më 7 korrik, dita e protestës së thirrur nga opozita.

Nëpërmjet një postimi në Facebook, Boçi shkrua se kryeministri Edi Rama e di shumë mirë se çfarë do të thotë protesta e 7 Korrikut dhe se i frikësohet .

Ndonëse zyrtarisht mësuesit janë me pushime, ata janë urdhëruar të paraqiten me forcë në shkollë, kundër çdo ligji e kodi dhe sidomos të jenë prezent në datën 7 Korrik, shkruan Boçi në Facebook.

Postimi i plotë:
“TMERRI QË VJEN NGA PROTESTA
Rama e di mire se ç’domethënë protesta e 7 Korrikut.
Tmerri e paniku ndaj saj është i prekshëm.
Për ta penguar atë ai nuk përdor thjesht ndryshimin gënjeshtar ditor të çmimit të karburantit.
Ai e di që joshja nuk mjafton.
Ndaj është sulur me hordhinë e tij me bllokime e kërcënime.
Këtë po bën me mësuesit.
Megjithëse zyrtarisht ata janë me pushime urdhërohen nga drejtuesit të paraqiten me forcë në shkollë, kundër çdo ligji e kodi dhe sidomos të jenë prezent në datën 7 Korrik”/albeu.com

The post “Bllokime e kërcënime”, deputeti i PD nxjerr mesazhin e mësueses: Na kanë urdhëruar të jemi në punë më 7 korrik appeared first on Albeu.com.

Protesta e 7 korrikut, PD publikon spotin zyrtar: Mos thuaj “ç’më duhet mua?!” (VIDEO)

E S — Sun, 03 Jul 2022 10:45:55 +0000

Partia Demokratike ka bërë publike spotin e protestës së 7 korrikut.

Me mesazhet kyçe ‘Shqipëria në rrezik’ dhe ‘mos thuaj: ç’më duhet mua?’’, spoti rithekson motivet e protestës dhe kërkon daljen nga apatia shoqërore.

Protesta do të zhvillohet të enjten më 7 korrik para Kryeministrisë.

Kryetari i Partisë Demokratike, Sali Berisha ka kërkuar bashkimin rreth kauzave kombetare si shpopullimi, çmimet e larta, ekonomia në rënie dhe shkombëtarizimi nëpërmjet Ballkani të Hapur./albeu.com

The post Protesta e 7 korrikut, PD publikon spotin zyrtar: Mos thuaj “ç’më duhet mua?!” (VIDEO) appeared first on Albeu.com.

Vjen momenti, Berisha thërret protestë më 7 korrik kundër rritjes së çmimeve

E S — Thu, 23 Jun 2022 06:20:41 +0000

E ka paralajmëruar disa herë në mbledhjet dhe konferencat e tij, se vendi është i etur për protesta, tanimë ish-kryeministri Sali Berisha tanimë ka vendosur datën për protestën e parë dhe ajo është 7 korriku.

Protesta do të organizohet kundër situatës së rritjeve të çmimeve, sidomos ato të karburanteve, por edhe të shportës.

Lideri historik i PD-së ka mbledhur në selinë blu kryetarët e degëve me të cilët ka diskutuar për situatën. Por gjatë diskutimit, Berisha është përballur me kërkesën në masë të kryetarëve të degëve për të dalë në protestë kundër krizës së çmimeve. Pas këtyre kërkesave, Berisha ka zgjedhur datën 7 korrik si optimale, në mënyrë që degët të përgatiten për të mobilizuar njerëzit të cilët duan të kundërshtojnë rritjen e çmimeve dhe sjelljen e qeverisë përballë faktorëve globalë, që kanë ndikuar krizën e çmimeve.

Ish-Kryeministri më herët ka denoncuar Bordet e Transparencës të ngritur nga qeveria për të caktuar çmimet e produkteve bazë dhe të karburanteve. “Rritje alarmante e çmimeve të ushqimeve dhe transportit. Në prill çmimet e ushqimeve dhe shërbimeve bazë u rriten nga 10-22 për qind në Shqipëri!

Bordet apo shushunjat e qeverisë kontribuojnë me veprimtarinë e tyre në rritjen e çmimeve dhe përgjigjen e saj. Më të ekspozuarat përballë rritjes së çmimeve janë shtresat e varfra, të cilat shpenzojnë më shumë se 50% të buxhetit të tyre në këto produkte dhe shërbime.

Qeveria në vend që të indeksojë dhe kompensojë çdo qindarkë për rritjen e çmimeve, ka vendosur bordet si mburojë të vetes dhe oligarkëve, të cilat, të blera nga oligarkët, vetëm përligjin rritjen e papërmbajtur të çmimeve”, është shprehur Berisha për bordet.

The post Vjen momenti, Berisha thërret protestë më 7 korrik kundër rritjes së çmimeve appeared first on Albeu.com.